Brihat Parashara Hora Shastra · Chapter 45

atha grahāvasthādhyāyaḥ

avasthāvaśataḥ proktaṃ grahāṇāṃ yat phalaṃ mune |
kā sā'vasthā muniśreṣṭha katidhā ceti kathyayām

avasthā vividhāḥ santi grahāṇāṃ divajasattama |
sārabhūtāśca yāstāsu bālādyāstā vadāmyaham

kramād bālaḥ kumāro'tha yuvā vṛddhastathā mṛtaḥ |
ṣaḍaṃśairasame kheṭaḥ same jñeyo viparyayāt

phalaṃ pādamitaṃ bāle phalārdhaṃ ca kumārake |
yūni pūrṇaṃ phalaṃ jñeyaṃ vṛddhe kiñcit mṛte ca kham

svabhoccayoḥ samasuhṛdbhayoḥ śatrubhanīcayoḥ |
jāgratsvapnasuṣuptyākhyā avasthā nāmadṛkphalāḥ

jāgare ca phalaṃ pūrṇaṃ svapne madhyaphalaṃ tathā |
suṣuptau tu phalaṃ śūnyaṃ vijñeyaṃ dvijasattama

dīptaḥ svasthaḥ pramuditaḥ śānto dīno'tha duḥkhitaḥ |
vikalaśca khalaḥ ko'pītyavasthā navadhā'parāḥ

svoccasthaḥ khecaro dīptaḥ svarkṣe svastho'dhimitrabhe |
mudito mitrabhe śāntaḥ samabhe dīna ucyate

śatrubhe duḥkhitaḥ prokto vikalaḥ pāpasaṃyutaḥ |
khalaḥ khalagṛhe jñeyaḥ kopī syādarkasaṃyutaḥ

yādṛśo janmakāle yaḥ kheṭo yadbhāvago bhavet |
tādṛśaṃ tasya bhāvasya phalamuhyaṃ dvijottama

lajjito garvitaścaiva kṣudhitastṛṣitastathā |
muditaḥ kṣobhitaścaiva grahabhāvāḥ prakīrtitāḥ

putragehagataḥ kheṭo rāhuketuyuto'thavā |
ravimandakujairyukto lajjito graha ucyate

tuṅgasthānagato vā'pi trikoṇe'pi bhavetpunaḥ |
garvitaḥ so'pi gadito nirviśaṃkaṃ dvijottama

śatrugehī śatruyukto ripudṛṣṭo bhavedyadi |
kṣudhitaḥ sa ca vijñeyaḥ śaniyukto yathā tathā

jalarāśau sthitaḥ kheṭaḥ śatruṇā cā'valokitaḥ |
śubhagrahā na paśyanti tṛṣitaḥ sa udāhṛtaḥ

mitragehī mitrayukto mitreṇa ca vilokitaḥ |
guruṇā sahito yaśca muditaḥ sa prakīrtitaḥ

raviṇā sahito yaśca pāpā paśyanti sarvathā |
kṣobhitaṃ taṃ vijānīyācchatruṇā yadi vīkṣitaḥ

yeṣu yeṣu ca bhāveṣu grahāstiṣṭhanti sarvathā |
kṣudhitaḥ kṣobhito vāpi tadbhāvaphalanāśanaḥ

evaṃ krameṇa boddhavyaṃ sarvabhāveṣu paṇḍitaiḥ |
balā'balavicāreṇa vaktavyaḥ phalanirṇayaḥ

anyonyaṃ ca mudā yuktaṃ phalaṃ miśraṃ vadetpunaḥ |
balahīne tadā hāniḥ sabale ca mahāphalam

karmasthāne sthito yasya lajjitastṛṣitastathā |
kṣudhitaḥ kṣobhito vāpi sa naro duḥkhabhājanam

sutasthāne bhavedyasya lajjito graha eva ca |
sutanāśo bhavettasya ekastiṣṭhati sarvadā

kṣobhitastṛṣitaścaiva saptame yasya vā bhavet |
mriyate tasya nārī ca satyamāhurdvijottama

navālayārāmasukhaṃ nṛpatvaṃ kalāpaṭutvaṃ vidadhāti puṃsām |
sadārthalābhaṃ vyavahāravṛddhiṃ phalaṃ viśeṣādiha garvitasya

bhavati muditayoge vāsaśālāviśālā |
vimalavasanabhūṣābhūmiyoṣāsu saukhyam |
svajanajanavilāso bhūmipāgāravāso |
ripunivahavināśo buddhividyāvikāśaḥ

diśati lajjitabhāvavaśādratiṃ vigatarāmamatiṃ vimatikṣayam |
sutagadāgamanaṃ gamanaṃ vṛthā kalikathābhiruciṃ na ruciṃ śubhe

saṃkṣobhitasyāpi phalaṃ viśeṣāddridrajātaṃ kumatiṃ ca kaṣṭam |
karoti vittakṣayamaṃdhribādhāṃ dhanāptibādhāmavanīśakopāt

kṣudhitakhagavaśādvai śokamohādipātaḥ |
parijanaparitāpādādhibhītyā kṛśatvam |
kalirapi ripulokairarthabādhā narāṇā |
makhilabbalanirodho buddhirodho viṣādāt

tṛṣitakhagabhave svādaṃganāsaṃgamadhye |
bhavati gadavikāro dṛṣṭakāryādhikāraḥ |
nijajanaparivādādarthahāniḥ kṛśatvaṃ |
khalakṛtaparitāpo mānahāniḥ sadaiva

śayanaṃ copaveśaṃ ca netrapāṇiprakāśanam |
gamanāgamanaṃ cā'tha sabhāyāṃ vasatiṃ tathā

āgamaṃ bhojanaṃ caiva nṛtyaṃ lipsāṃ ca kautukam |
nidrāṃ grahāṇāṃ ceṣṭāṃ ca kathayāmi tavāgritaḥ

yasminnṛkṣe bhavetkheṭastena taṃ paripūrayet |
punaraṃśena sampūrya svanakṣatraṃ niyojayet

yātadaṇḍaṃ tathā lagnamekīkṛtya sadā budhaḥ |
ravibhistu hared bhāgaṃ śeṣaṃ kārye niyojayet

nākṣatrikadaśārītyā punaḥ pūraṇamācaret |
nāmādyasvarasaṃkhyāḍhyaṃ hartavyaṃ ravibhistataḥ

ravau pañca tathā deyāścandre dadyāddvayaṃ tathā |
kuje dvayaṃ ca saṃyktaṃ budhe trītri niyojayet

gurau bāṇāḥ pradeyāśca trayaṃ dadyācca bhārgave |
śanau trayamatho deyaṃ rāhau dadyāccatuṣṭayam

tribhirbhaktaṃ ca śeṣāṃkaiḥ sā punastribidhā smṛtā |
daṣṭiśceṣṭā viceṣṭā ca tatphalaṃ tathayāmyaham

dṛṣṭau madhyaphalaṃ jñeyaṃ ceṣṭāyāṃ vipulaṃ phalam |
viceṣṭāyāṃ phalaṃ svalpamevaṃ dṛṣṭiphalaṃ viduḥ

śubhā'śubhaṃ grahāṇāṃ ca samīkṣyā'tha balā'balam |
tuṅgasthāne viśeṣeṇa balaṃ jñeyaṃ tathā budhaiḥ

mandāgnirogo bahudhā narāṇāṃ sthūlatvamanṅ ghrerapipittakopaḥ |
vraṇaṃ gude śūlamuraḥpradeśe yadoṣṇabhānuḥ śayanaṃ prayātaḥ

daridratābhāravihārāśālī vivādavidyābhirato naraḥ syāt |
kathoracittaḥ khalu naṣṭavittaḥ sūryo yadā cedupaveśanasthaḥ

naraḥ sadānandadharo vivekī paropakārī balavittayuktaḥ |
mahāmukhī rājakṛpābhimānī divādhinātho yadi netrapānau

udāracittaḥ paripūrṇavittaḥ sabhāsu vaktā bahupuṇyakarttā |
mahābalī sundarararūpaśālī prakāśane janmani padimanīśe

pravāsaśālī kila duḥkhamālī sadālasī dhīdhanavarjitaśca |
bhayāturaḥ kopaparo viśeṣāddivādhināthe gamane manuṣyaḥ

paradārarato janatārahito bahudhāgamane gamanābhiruciḥ |
khalatākuśalo malino divasādhipatau manujaḥ kumatiḥ kṛpaṇaḥ

sabhāgate hite naraḥ paropakāratatparaḥ |
sadārtharatnapūrito divākare guṇākaraḥ |
vasundharānavāṃbarālayānvito mahābalī |
vicitramitravatsalaḥ kṛpākalādharaḥ paraḥ

kṣobhito ripugaṇaiḥ sadā naraścañcalaḥ khalamatiḥ kṛśastathā |
dharmakarmarahito madoddhataścāgame dinapatau tadā tadā

sadāṅgasandhivedanāparāṅganādhanakṣayo |
balakṣayaḥ pade pade yadā yadā hi bhojane |
asatyatā śirovyathā tathā vṛthānnabhojanaṃ |
ravāvasattathāratiḥ kumārgagāminī mati

vijñalokaiḥ sdā maṇḍitaḥ paṇḍitaḥ kāvyavidyānavadyapralāpānvitaḥ |
rājapūjyo dharāmaṇḍale sarvadā nṛtyalipsāgate padminīnāyake

sarvadānandadhartā jano jñānavān yajñakartā dharādhīśasadmasthitaḥ |
padmabandhāvarāterbhayaṃ svānanaḥ kāvyavidyāpralāpī mudā kautuke

nidrābharāraktanibhe bhavetāṃ nidrāgate locanapadmayugme |
ravau videśe vasatirjanasya kalatrahāniḥ kātidhārthanāśaḥ

jānuḥkāle kṣapānāthe śayanaṃ cedupāgate |
mānī śītapradhānaśca kāmī vittavināśakaḥ

rogārdito mandamatirviśeṣādvittena hīno manujaḥ kaṭhoraḥ |
akāryakārī paravittahārī kṣapākare cedupaveśanasthe

netrapāṇau kṣapānāthe mahārogī naro bhavet |
analpajalpako dhūrtaḥ kukarmanirataḥ sadā

yadā rākānāthe gatavati vikāśaṃ ca janane |
vikāśaḥ saṃsāre vimalaguṇarāśeravanipāt |
navāśāmālā syātkarituragalakṣmyā parivṛtā |
vibhūṣā yoṣābhiḥ sukhamanudinaṃ tīrthagamanam

sitetare pāparato niśākare viśeṣataḥ krūrakaro naro bhavet |
sadākṣirogaiḥ paripīḍyamāno valakṣapakṣe gamane bhayāturaḥ

vidhāvāgamage mānī pādarogī naro bhavet |
guptapāparato dīno matitoṣavivarjitaḥ

sakalajanavadānyo rājarājendramānyo |
ratipatisamākāntiḥ śāntikṛtkāminīnām |
sapadi sadasi yāte cārubimbe śaśaṃke |
bhavati paramarītiprītivijño guṇajñaḥ

vidhāvāgamake matyoṃ vāvālo dharmapūritaḥ |
kṛṣṇapakṣe dvibhāryaḥ syādrogī duṣṭataro haṭhī

bhojane januṣi pūrṇacandramā mānayānajanatāsukhaṃ nṛṇām |
ātanoti vanitāsutāsukhaṃ sarvameva na sitetare śubham

nṛtyalipsāgate candre sabale balavānnaraḥ |
gītajño hi rasajñaśca kṛṣṇe pāpakaro bhavet

kautakabhavanaṃ gatavati candre bhavati nṛpatvaṃ vā dhanapatvam |
kāmakalāsu sadā kuśalatvaṃ vāravadhūratitamaṇapaṭutvam

nidrāgate janmani mānavānāṃ kalādhare jīvayute mahattvam |
hīne'ṅganāsañcitavittanāśaḥ śivālaye rauti vicitramuccaiḥ

śayane vasudhāputre vraṇayukto jano bhavet |
bahunā kaṇḍunā yukto dadruṇā ca viśeṣataḥ

balī sadā pāparato naraḥ syādasatyavādī nitarāṃ pragalbhaḥ |
dhanena pūrṇo nijadharmahīno dharāsutaścedupaveśanasthaḥ

yadā bhūmisuto lagne netrapāṇimupāgataḥ |
daridratā tadā puṃsāmanyabhe nagareśatā

prakāśo guṇasyāpi vāsaḥ prakāśe dharādhīśabhratuḥ sadā mānavṛddhiḥ |
sute bhūsute putrakāntāviyogo bhavedrāhuṇā dāruṇo vā nipātaḥ

gamane gamanaṃ kurute'nudinaṃ vraṇajālabhayaṃ vanitākalahaḥ |
bahudadrukakaṇḍubhayaṃ bahudhā vasudhātanayo vasuhānikaraḥ

āgamane guṇaśālī maṇimālīvā karālakaravālī |
gajahantā ripuhantā parijanasantāpahārako bhaume

tuṅge yuddhakalākalāpakuśalo dharmadhvajo vittapaḥ |
koṇe bhūmisute sabhāmupagate vidyāvihīnaḥ pumān |
ante'patyakalatramitrarahitaḥ proktetarasthānage |
'vaśyaṃ rājasabhābudho bahudhanī mānī ca dānī janaḥ

āgame bhavati bhūmije jano dharmakarmarahito gadāturaḥ |
karṇamūlaguruśūlarogavāneva kātaramatiḥ kusaṅgamī

bhojane miṣṭabhojī ca janane sabale kuje |
nīcakarmakaro nityaṃ manujo mānavarjitaḥ

nṛtyalipsāgate bhūsute janmināmindirārāśirāyāti bhūmīpateḥ |
svarnaratnapravālaiḥ sadā maṇḍitā vāsaśālā narāṇāṃ bhavetsarvadā

kautukī bhavti kautuke kuje mitraputraparipūrito janaḥ |
uccage nṛpatigehamaṇḍitaḥ pūjito guṇavarairguṇākaraiḥ

nidrāvasthāṃ gate bhaume krodhī dhīdhanavarjitaḥ |
dhūrto dharmaparibhraṣṭo manuṣyo gadapīḍitaḥ

kṣudhāturo bhavedaṃge khañjo guñjānibhekṣaṇaḥ |
anyabhe lampaṭo dhūrto manujaḥ śayane budhe

śaśāṃkaputre januraṇgagehe yadopaveśe guṇarāśipūrṇaḥ |
pāpekṣite pāpayute daridro hite śubhe vittasukhī manuṣyaḥ

vidyāvivekarahito hitatoṣahīno manī |
janobhavati candrasute'kṣi pāṇau |
putrālaye sutakalatrasukhena hīnaḥ kanyā |
prajā nṛpatigehabudho varārthaḥ

dātā dayāluḥ khalu puṇyakartā vikāśane candrasute manuṣyaḥ |
anekavidyārṇavapāraṅgatā vivekapūrṇaḥ khalavargahantā

gamanāgamane bhavato gamane bahudhā vasudhādhipaterbhavane |
bhavanaṃ ca vicitramalaṃ ramayā vidi nuśca januḥsamaye nitarām

sapadi vidi janānāmuccage janmakāle |
sadasi dhanasamṛddhiḥ sarvadā puṇyavṛddhiḥ |
dhanapatisamatā vā bhūpatā maṃtritā vā |
hariharapadabhaktiḥ sāttvikī muktilabdhiḥ

āgame januṣi janmināṃ yadā candraje bhavati hīnasevayā |
arthasiddhirapi putrayugmatā bālikā bhavati mānadāyikā

bhojane candraje janmakāle yadā janminānarthahāniḥ sadā vādataḥ |
rājabhītyā kṛśatvaṃcalatvaṃ materaṅgasaṅgo na jāyā na jāyāsukham

nṛtyalipsāgate candraje mānavo mānayānapravālavrajaiḥ saṃyutaḥ |
mitraputrapratāpaiḥ sabhāpaṇḍitaḥ pāpabhe vāravāmārato lampaṭaḥ

kautuke candraje janmakāle nṛṇāmaṃgabhe gītavidyā'navadyā bhavet |
saptame naidhane vāravadhvā ratiḥ puṇyabhe puṇyayuktā matiḥ sadgatiḥ

nidrāśrite candrasute na nidrāsukhaṃ sadā vyādhisamādhiyogaḥ |
sahotthavaikalyamanalpatāpo nijena vādo dhanamānanāśaḥ

vacasāmadhipe tu januḥsamaye śayane balavānapi hīnaravaḥ |
atigauratanuḥ khaludīrghahanuḥ sutarāmaribhītiyuto manujaḥ

upaveśaṃ gatavati yadi jīve vācālo bahugarvaparītaḥ |
kṣoṇīpatiripujanapatirtaptaḥ padajaṃghāsyakaravraṇayuktaḥ

netrapāṇiṃ gate devarājārcite rogayukto viyukto varārthaśriyā |
gītanṛtyapriyaḥ kāmukaḥ sarvadā gauravarṇo vivarṇodbhavaprītiyuk

guṇānāmānandaṃ vimalasukhakandaṃ vitanute |
sadā tejaḥpuñjaṃ vrajapatinikuñjaṃ pratigamam |
prakāśaṃ ceducce drutamupagato vāsavaguru |
rgurutvaṃ lokānāṃ dhanapatisamatvaṃ tanubhṛtām

sāhasī bhavati mānavaḥ sadā mitravargasukhapūrito mudā |
paṇḍito vividhavittamaṇḍito devavidyadi gurau gamaṃ gate

āgamane janatā varajāyā yasya januḥsamaye harimāyā |
muñcati nālamihālayamaddhā devagurau paritaḥ paribaddhā

suragurusamavaktā śubhramuktāphalāḍhyaḥ |
sadasi sapadi pūrṇo vittamāṇikyamānaiḥ |
gajaturagarathāḍhyo devatādhīśapūjyo |
januṣi vividhavidyāgarvito mānavaḥ syāt

nānāvāhanamānayānapaṭalīsaukhyaṃ gurāvāgame |
bhṛtyāpatyakalatramitrajasukhaṃ vidyā'navadyā bhavet |
kṣoṇīpālasamānatānavarataṃ cā'tīva hṛdyā matiḥ |
kāvyānandaratiḥ sadā hinagatiḥ sarvatra mānonnatiḥ

bhojane bhavati devatāgurau yasya tasya satataṃ subhojanam |
naiva muñcati ramālayaṃ tadā vājivāraṇarathaiśca maṇḍitam

nṛtyalipsāgate rājamānī dhanī devatādhīśavandyaḥ sadā dharmavit |
tantravijño budhairmaṇḍitaḥ paṃḍitaḥ śabdavidyānavidyo hi sadyo janaḥ

kutūhalī sakautuke māhādhanī janaḥ sadā |
nijānvaye ca bhāskaraḥ kṛpākalādharaḥ sukhī |
nilimparājapūjite sutena bhūnayena vā |
yuto mahābalī dharādhipendrasadmapaṇḍitaḥ

gurau nidrāgate yasya mūrkhatā sarvakarmaṇi |
daridratāparikrantaṃ bhavaneṃ puṇyavarjitam

jano balīyānapidantarogī bhṛgau mahāroṣasamanvitaḥ syāt |
dhanena hīnaḥ śayanaṃ prayāte vārāṃganāsaṃgamalampaṭaśca

yadi bhaveduśanā upaveśane navamaṇivrajakāñcanabhūṣaṇaiḥ |
sukhamajasramarikṣaya ādarādavanipādapi mānasamunnatiḥ

netrapāṇiṃgate lagnagehe kavau saptame mānabhe yasya tasya dhruvam |
netrapāte nipāto dhanānāmalaṃ cānyabhe vāsaśālā viśālā bhavet

svālaye tuṃgabhe mitrabhe bhārgave tuṃgamātaṃgalīlākalāpī janaḥ |
bhūpatestulya eva prakāśaṃ gate kāvyavidyākalākaitukī gītavit

gamane janane śukre tasya mātā na jīvati |
ādhiyogo viyogaśca janānāmaribhītitaḥ

āgamanaṃ bhṛguputre gatavati vitteśvaro manujaḥ |
satterthabhramaśālī nityotsāhī karāṃghrirogī ca

anāyāsenālaṃ sapadi mahasā yāti sahasā |
pragalbhatvaṃrājñaḥ sadasi guṇavijñaḥ kila kavau |
sabhāyāmāyāte ripunivahahantā dhanapateḥ |
samatvaṃ vā dātā balaturagagantā naravaraḥ

āgame bhārgave māgamo janmināmartharāśerarāteratīva kṣatiḥ |
putrapāto nipāto janānāmapivyādhibhītiḥ priyābhogahānirbhavet

kṣudhāturo vyādhinipīḍitaḥ syādanekadhārātibhayardditaśca |
kavau yadā bhojanage yuvatyā mahādhanī paṇḍitamaṇḍitaśca

kāvyavidyānavadyā ca hṛdyā matiḥ sarvadā nṛtyalipsāgate bhārgave |
śaṃkhavīṇāmṛdaṃgādigānadhvanivrātanaipuṇyametasya vittonnatiḥ

kautukabhavanaṃ gatavati śukre śakreśatvaṃ sadasi mahattvam |
hṛdyā vidyā bhaviti ca puṃsaḥ padamā nivasati sadamārataḥ

parasevārato nityaṃ nidrāmupagate kavau |
paranindāparo vīro vācālo bhramate mahīm

kṣutpipāsāparikrānto viśrāntaḥ śayane śanau |
vayasi prathame rogī tato bhāgyavatāṃ varaḥ

bhānaoḥ sute cedupaveśanasthe karālakārātijanānutaptāḥ |
apāyuśālī khalu dadrumālī narobhimānī nṛpadaṇḍayuktaḥ

nayanapāṇigate ravinandane paramayā ramayā ramayāyutaḥ |
nṛpatito hitato mahitoṣakṛdbahukalākalito vimaloktikṛt

nānāguṇaprāmadhanādhiśālī sadā naro buddhivinodamālī |
prakāśane bhānusute subhānuḥ kṛpānutakto harapādabhaktaḥ

mahādhanī nandanananditaḥ syādapāyakārī ripubhūmihārī |
game śanau paṇḍitarājābhāvaṃ dharāpaterāyātane prayāti

āgamane gardabhapadayuktaḥ putrakalatrasukhena vimuktaḥ |
bhānusute bhramate bhuvi nityaṃ dīnamanā vijanāśrayabhāvam

ratnāvalīkāñcanamauktikānāṃ vrātena nityaṃ vrajati pramodam |
sabhāgate bhānusute nitāntaṃ nayena pūrṇo manujo mahaujāḥ

āgame gadasamāgamo nṛṇāmabjabandhutanaye yadā tadā |
mandameva gamanaṃ dharāpateryācanāvirahitā matiḥ sadā

saṃgate januṣi bhānunandane bhojanaṃ bhavati bhojanaṃ rasaiḥ |
saṃyutaṃ nayanamandatā tatā mohatāpaparitāpitā matiḥ

nṛtyalipsāgate mande dharmātmā vittapūritaḥ |
rājapūjyo naro dhīro mahāvīro raṇāṅgaṇe

bhavati kautakabhāvamupāgate ravisute vasudhāvasupūritaḥ |
atisukhī sumukhīsukhapūritaḥ kavitayāmalayā kalayānaraḥ

nidrāgate vāsaranāthaputre dhanī sadā cāruguṇairupetaḥ |
parākramī caṇḍavipakṣahantā suvārakāntāratirītivijñaḥ

yadāgamo janmani yasya rāhau kleśādhikatvaṃ śayanaṃ prayāte |
vṛṣe'tha yugme'pi ca kanyakāyāmaje samājo dhanadhānyarāśeḥ

upaveśanamiha gatavati rāhau dadrugadena janaḥ paritaptaḥ |
rājasamājayuto bahumānī vittasukhena sadā rahitaḥ syāt

netrapāṇāvagau netre bhavato rogapīḍite |
duṣṭavyālāricaurāṇāṃ bhayaṃ tasya dhanakṣayaḥ

prakāśane śubhāsane sthitiḥ kṛtiḥ śubhā nṛṇāṃ |
dhanonnatirguṇonnatiḥ sadā vidāmagāviha |
dharādhipādhikāritā yaśolatā tatā bhave |
nnavīnanīradākṛtirvideśato mahonnatiḥ

gamane ca yadā rāhau bahusantānavānnaraḥ |
paṇḍito dhanavān dātā rājapūjyo naro bhavet

rāhāvāgamane krodhī sadā dhīdhanavarjitaḥ |
kuṭilaḥ kṛpaṇaḥ kāmī naro bhavati sarvathā

sabhāgato yadā rāhuḥ paṇḍitaḥ kṛpaṇo naraḥ |
nānāguṇaparikrānto vitta saukhyasamanvitaḥ

cedagāvāgamaṃ yasya yāte tadā vyākulatvaṃ sadārātibhītyā bhayam |
mahadbandhuvādo janānāṃ nipāto bhavedvittahāniḥ śaṭhatvaṃ kṛśatvaṃ

bhojane bhojanenālaṃ vikalo manujo bhavet |
mandabuddhiḥ kriyābhīruḥ strīputrasukhavarjitaḥ

nṛtyalipsāgate rāhau mahāvyādhivivarddhanam |
netrarogī riporbhītirdhanadharmakṣayo nṛṇām

kautuke ca yadā rāhau sthānahīno naro bhavet |
paradārarato nityaṃ paravittāpahārakaḥ

nidrāvasthāṃ gate rāhau guṇagrāmayuto naraḥ |
kāntāsantānavān dhīro garvito bahuvittavān

meṣe vṛṣe'tha vā yugme kanyayāṃ śayanaṃ gate |
ketau dhanasamṛddhiḥ syādanyabhe rogavardhanam

upaveśaṃ gatau ketau dadrurogavivarddhanam |
arivātanṛpavyālacairaśaṃkā samantataḥ

netrapāṇiṃ gate ketau netrarogaḥ prajāyate |
duṣṭasarpādibhītiśca ripurājakulādapi

ketau prakāśane saṃjñe dhanavān dhārmikaḥ sadā |
nityaṃ pravāsī cotsāhī sāttviko rājasevakaḥ

gamecchāyāṃ bhavetketurbahuputro mahādhanaḥ |
paṇḍito guṇavān dātā jāyate ca narottamaḥ

āgamane ca yadā keturnānārogo dhanakṣayaḥ |
dantaghātī mahārogī piśunaḥ paranindakaḥ

sabhāvasthāṃ gate ketau vācālo bahugarvitaḥ |
kṛpaṇo lampaṭaścaiva dhūrtaviddyāviśāradaḥ

yadāgame bhavetketuḥ ketuḥ syātpāpakarmaṇām |
bandhuvādarato duṣṭo ripuroganipīḍitaḥ

bhojane tu jano nityaṃ kṣudhayā paripīḍitaḥ |
daridro rogasaṃtaptaḥ ketau bhrāmati medinīm

nṛtyalipsāṅgate ketau vyādhinā vikalo bhavet |
budbudākṣo durāgharṣo dhūrto'narthakaro naraḥ

kautukī kautuke ketau naṭavāmāratipriyaḥ |
sthānabhraṣṭo durācārī daridro bhramate mahīm

nidrāvasthāṃ gate ketau dhanadhānyasukhaṃ mahat |
nānāguṇavinodena kālo gacchati janminām

śayane dvija bhāveṣu yatra tiṣṭhanti sadgrahāḥ |
nityaṃ tasya śubhajñānaṃ nirviśaṃkaṃ vadet budhaḥ

bhojane yeṣu bhāveṣu pāpāstiṣṭhanti sarvathā |
tadā sarvavināśe'pi nā'tra kāryā vicāraṇā

nidrāyāṃ ca yadā pāpo jāyāsthāne śubhaṃ vadet |
yadi pāpagrahairdṛṣṭo na śubhaṃ ca kadācana

sutasthāne sthitaḥ pāpo nidrāyāṃ śayane'pi vā |
tadā śubhaṃ vadettasya nā'tra kāryā vicāraṇā

mṛtyusthānasthitaḥ pāpo nidrāyāṃ śayane'pi vā |
tadā tasyā'pamṛtyuḥ syādrājataḥ paratastathā

śubhagrahairyadā yuktaḥ śubhairvā yadi vīkṣitaḥ |
tadā tu maraṇaṃ tasya gaṅgādau ca viśeṣataḥ

karmasthāne yadā pāpaḥ śayane bhojane'pi vā |
tadā karmavipākaḥ syānnānāduḥkhapradāyakaḥ

daśamastho niśānāthaḥ kautuke ca prakāśane |
tadaiva rājayogaḥ syānnirviśakaṃ dvijottama

balā'balavicāreṇa jñātavyañca śubhā'śubham |
evaṃ krameṇa boddhavyaṃ sarvābhāveṣu buddhiman