Brihat Parashara Hora Shastra · Chapter 40

atha rājasambandhayogādhyāyaḥ

rājyanāthe janurlagnādamātyeśayutekṣite/
amātyakārakeṇāpi pradhānatvaṃ nṛpālaye

lābheśavīkṣite lābhe pāpadṛgyogavarjite/
rājyabhāve tadā vipra pradhānatvaṃ nṛpālaye

amātyakārakeṇāpi kārakendreṇa saṃyute/
tīvrabuddhiyuto bālo rājamantrī bhaved‌ dhruvam‌

amātyakārake vipra sabale śubhasaṃyute/
svakṣetresvoccage vāpi rājamantrī bhaved‌ dhruvam‌

amātyakārake lagne pañcame navame'pi vā/
rājamantrī bhaved‌ bālo vikhyāto nā'trasaṃśayaḥ

ātmakārakataḥ kendre koṇe vā'mātyakārake/
tadā rājakṛpāyukto jāto rājāśritaḥ sukhī

kārakācca tathārūḍhāt‌ lagnācca dvijasattama/
tṛtīye ṣaṣṭhabhe pāpaiḥ senādhīśaḥ prajāyate

kārake kendre koṇeṣu svatuṅge vā svabhe sthite/
bhāgyapena yute dṛṣṭe rājamantrī bhaved‌ dhruvam‌

kārake janmarāśīśe lagnage śubhasaṃyute/
mantritve mukhyayogo'yaṃ vārdhakenā'tra saṃśayaḥ

kārake śubhasaṃyukte pañcame saptame'pi vā/
daśame navame vā'pi dhanaṃ rājāśrayād‌ bhavet‌

bhāgyabhāvapade lagne kārake navame'pi vā/
rājasambandhayogo'yaṃ nirviśaṃkaṃ dvijottama

lābheśe lābhabhāvasthe pāpadṛṣṭivivarjite/
kārake śubhasaṃyukte lābhastasya nṛpālayāt‌

lagneśe rājyabhāvasthe rājyeśe lagnasaṃsthite/
prabalo rājasambandhayogo'yaṃ parikīrtitaḥ

kārakāt‌ turyaṃbhāvasthau sitendū dvijasattama/
yasya janmani jāto'yaṃ rājacihnena saṃyutaḥ

lagneśe kārake vā'pi pañcameśena saṃyute/
kendre koṇe sthite tasmin‌ rājamitraṃ bhavennaraḥ