Brihat Parashara Hora Shastra · Chapter 39

atha rājayogādhyāyaḥ

athā'taḥ sampravakṣyāmi rāyayogān‌ dvijottama/
yeṣāṃ vijñānamātreṇa rājapūjyo jano bhavet‌

ye yogāḥ śambhunā proktāḥ purā śailasutāgrataḥ/
teṣāṃ sāramahaṃ vakṣye tavāgre dvijanandana

cintayet‌ kārakāṃśe vā janurlagne'tha vā dvija/
rājayogakarau dvau dvau sphuṭau kheṭau prayatnataḥ

ātmakārakaputrābhyāṃ yogamekaṃ prakalpayet‌/
tanupañcamanāthābhyāṃ tathaiva dvijasattama

lagnaputreśayorātmaputrakārakayordvayoḥ/
sambandhāt‌ pūrṇamardhaṃ vā pādaṃ vīryānusārataḥ

lagneśe pañcame bhāve pañcameśe ca lagne/
putrātmakārakau vipra lagne ca pañcame sthita

svocce svaṃśe svabhe vā'pi śubhagrahanirīkṣito/
mahārājākhyayogo'tra jātaḥ khyātaḥ sukhānvitaḥ

bhāgyeśaḥ kārako lagne pañcame saptame'pi vā/
rājayogapradātārau śubhakheṭayutekṣitau

lagneśāt‌ kārakāccāpi dhane turye ca pañcame/
śubhakheṭayute bhāve jāto rājā bhaved‌ dhruvam‌

tṛtīye ṣaṣṭhabhe tābhyāṃ pāpagrahayutekṣite/
jāto rājā bhavedevaṃ miśre miśraphalaṃ vadet‌

svāṃśe vā pañcame śukre jīvenduyutavīkṣite/
lagne lagnapade vā'pi rājavargo bhavennaraḥ

janmāṅge kālahorāṅge kālaṅge yena kenacit‌/
ekagraheṇa sandṛṣṭe tritaye rājabhāg‌ janaḥ

lagnaṣaḍ‌vargake caivamekakheṭayutekṣite/
rājayogo bhavatyeva nirviśaṃka dvijottama

pūrṇadṛṣṭe pūrnayogamardhadṛṣṭe'rdhameva ca/
pādadṛṣṭe pādayogamiti jñeyaṃ kramāt‌ phalam‌

lagnatraye svabhoccasthe kheṭe rājā bhaved‌ dhruvam‌/
yadvā lagne dṛkāṇeṃ'śe svoccakheṭayute dvija

pade śubha sacaṃdre ca dhane devagurau tathā/
svoccasthakheṭasandṛṣṭe rājayogo na saṃśayaḥ

śubhe lagne śubhe tvarthe tṛtīye pāpakhecare/
caturthe ca śubhe prāpte rājā vā tatsamo'pi vā

svoccastho hariṇāṃko vā jīvo vā śukra eva vā/
budho vā dhanabhāvasthaḥ śriyaṃ diśati dehinaḥ

ṣaṣṭhe'ṣṭame tṛtīye vā svasvanīcagatā grahāḥ/
lagnaṃ paśyet‌ svabhoccastho lagnapo rājyayogadaḥ

ṣaṣṭhā'ṣṭamavyayādhīśā nīcasthā ripubhe'sthagāḥ/
svoccasvabhagalagneśo lagnaṃ paśyaṃśca rājyadaḥ

svoccasvabhastharājyeśo lagnaṃ paśyaṃśca rājyadaḥ/
śubhāḥ kendrasthitā vā'pi rājyadaḥ nā'tra saṃśayaḥ

śubharāśau śubhāṃśe ca kārako dhanavān‌ bhavet‌/
tadaṃśakendreṣu śubhe nūnaṃ rājā prajāyate

lagnārūḍhaṃ dārapadaṃ mithaḥ kendra sthitaṃ yadi/
trilābhe vā trikoṇe vā tadā rājā na saṃśayaḥ

bhāvahorāghaṭīsaṃjñalagnāni ca prapaśyati/
svoccagrho rājayogo lagnadvayamathāpi vā

rāśerdreṣkāṇatoṃ'śācca rāśeraṃśādathāpi vā/
yadvā rāśidṛkāṇābhyāṃ lagnadraṣṭā tu yogadaḥ

pade svoccakhagākrānte candrākrānte viśeṣataḥ/
krānte ca guruśukrābhyāṃ kenāpyuccagraheṇa vā

duṣṭārgalagrahābhāve rājayogo na saṃśayaḥ/
śubhārūḍhe tatra candre dhane devagurau tathā

duḥsthāneśo'pi nīcastho yadi lagnaṃ prapaśyati/
tadā'pi rājayogaḥ syāditi jñeyaṃ dvijottama

caturthadaśamārthāyapatidṛṣṭe vilagnabhe/
padāllābhe tu śukreṇa dṛṣṭe'pyārūḍhabhe śubhe

rājā vā tatsamo vāpi jātako jāyate dhruvam‌/
ṣa/ṣṭhāṣṭamagate nīce lagnaṃ paśyati vā tathā

tṛtīyalābhage nīce lagnaṃ paśyati vā tathā/
lagnāṃśakendreṣu śubhe nigrahānugrahakṣamaḥ

athā'haṃ sampravakṣyāmi rājayogādikaṃ param‌/
grahāṇāṃ sthānabhedena dṛṣṭiyogavaśāt‌ phalam‌

tapaḥsthānādhipo mantrī mantrādhīśo viśeṣataḥ/
ubhāvanyonyasaṃdṛṣṭau jātaścediha rājyabhāk‌

yatra kutrāpi saṃyuktau tau vāpi samasaptamau/
rājavaṃśabhavo bālo rājā bhavati niścitam‌

vāhaneśastathā māne māneśo vāhane sthitaḥ/
buddhadharmādhipābhyāṃ tu dṛṣṭaścediha rājyabhāk‌

sutakarmasuhṛllagnanāthā dharmapasaṃyutāḥ/
yasya janmani bhūpo'sau kīrtyā khyāto digantare

sukhakarmādipau vāpi mantrināthena saṃyutau/
dharmanāthena vā yuktau jātaścediha rājyabhāk‌

suteśe dharmanāthena yute lagneśvareṇa vā/
lagne sukhe'thavā māne sthite jāto nṛpo bhavet‌

dharmasthāne sthite jīve svagṛhe bhṛgusaṃyute/
paṃcamādhipayukte vā jātaścediha rājabhāk‌

dinārdhācca niśārdhācca paraṃ sārdhadvināḍikā/
śubhā velā tadutpanno rājā syāttatsamo'pi vā

candraḥ kaviṃ kaviścandramanyo'nyaṃ tribhavasthitaḥ/
mithaḥ paśyati vā kvāpi rājayoga udāhṛtaḥ

candre vargottamāṃśasthe sabale caturādibhiḥ/
grahairdṛṣṭe ca yo jātaḥ sa rājā bhavati dhruvam‌

uttamāṃśagate lagne candrānyaiścaturādibhiḥ/
grahairdṛṣṭe'pi yo jātaḥ so'pi bhūmipatirbhavet‌

tryalpairuccasthitaiḥ kheṭe rājā rājakulod‌bhavaḥ/
anyavaṃśabhavastatra rājatulyo dhanairyutaḥ

caturbhiḥ pañcabhirvā'pi kheṭaiḥ svoccatrikoṇagaiḥ/
hīnavaṃśabhavaścāpi rājā bhavati niścitaḥ

ṣaḍ‌bhiruccagataiḥ kheṭaiścakravartitvamāpnuyāt‌/
evaṃ bahuvidhā rājayogā jñeyā dvijottama

eko gururbhṛgurvāpi budho vā svoccasaṃsthitaḥ/
śubhagrahayute kendre rājā vā tatsamo bhavet‌

kendresthitaiḥ śubhaiḥ sarvaiḥ pāpaiśca triṣaḍāyagaiḥ/
hīnavaṃśo'pi yo jātaḥ sa rājā bhavati dhruvam‌