Brihat Parashara Hora Shastra · Chapter 3

kathitaṃ bhavatā premṇā grahāvataraṇaṃ mune/
teṣaṃ guṇasvarūpādyaṃ kṛpayā kathyatāṃ punaḥ

śṛṇu vipra pravakṣyāmi bhagrahāṇāṃ paristhitim‌/
ākāśe yāni dṛśyante jyotirbimbātyanekaśaḥ

teṣu nakṣatrasaṃjñāni grahasaṃjñāni kānicit‌/
tāni nakṣatranāmāni sthirasthānāni yāni cai

gacchanto bhāni gṛhṇanti satataṃ ye tu te grahaḥ/
bhacakrasya nagaśvyaṃśā aśvinyādisamāhvayāḥ

tad‌dvādaśavibhāgāstu tulya meṣādisaṃjñakāḥ/
prasiddhā rāśayaḥ santi grahāstvarkādisaṃjñakāḥ

rāśīnāmudayo lagnaṃ tadvaśādeva janminām‌/
grahayogviyogābhyāṃ phalaṃ cintyaṃ śubhāśubham‌

saṃjñā nakṣatravṛndānāṃ jñeyāḥ sāmānyaśāstrataḥ/
etacchāstrānusāreṇa rāśikheṭaphalaṃ bruve

yasmin‌ kāle yataḥ kheṭā yānti dṛg‌gaṇitaikatām‌/
tata eva sphuṭāḥ kāryāḥ dikkālau ca sphuṭau vida

svasvadeśod‌bhavaiḥ sādhyaṃ lagnaṃ rāśyudayaiḥ sphuṭam‌/
athādau vacmi kheṭānāṃ jātirūpaguṇānaham‌

atha kheṭā raviścandro maṅgalaśca budhastathā/
guruḥ śukraḥ śanī rāhuḥ ketuścaite yathākramam‌

tatrārkaśanibhūputrāḥ kṣīṇendurāhuketavaḥ/
krūrāḥ śeṣagrahā saumyāḥ krūraḥ krūrayuto budhaḥ

sarvātmā ca divānātho manaḥ kumudabāndhavaḥ/
sattvaṃ kujo budhaiḥ prokto budho vāṇīpradāyakaḥ

devejyo jñānasukhado bhṛgurvīryapradayakaḥ/
ṛṣibhiḥ prāk‌tanaiḥ proktaśchāyāsūnuśca duḥkhadaḥ

ravicandrau tu rājānau netā jñeyo dharātmajaḥ/
budho rājakumāraśca sacivau gurubhārgavau

preṣyako raviputraśca senā svarbhānupucchakau/
evaṃ krameṇa vai vipra sūryādīn‌ pravicintayet‌

raktaśyāmo divādhīśo gauragātro niśākaraḥ/
nātyuccāṅgaḥ kujo rakto dūrvāśyāmo budhastathā

gauragātro gururjñeyaḥ śukraḥ śyāvastathaiva ca/
kṛṣṇadeho raveḥ putro jñāyate dvijasattama

vahnyambuśikhijā viṣṇuviḍhaujaḥ śacikā dvija/
sūryādīnāṃ khagānāṃ ca devā jñeyāḥ krameṇa ca

klīvau dvau saumyasaurī ca yuvatīndubhṛgū dvija/
narāḥ śeṣāśca vijñeyā bhānurbhaumo gurustathā

agnibhūminabhastoyavāyavaḥ kramato dvija/
bhaumādīnāṃ grahāṇāṃ ca tattvānīti yathākramam‌

guruśukrau vipravarṇau kujārkau kṣatriyau dvija/
śaśisomyau vaiśyavarṇau śaniḥ śūdro dvijottam

jīvasūryendravaḥ sattvaṃ budhaśukrau rajastathā/
sūryaputrabharāputrau tamaḥprakṛtikau dvija

madhupiṅgaladṛksūryaścaturasraḥ śucirdvija/
pittaprakṛtiko dhīmān‌ pumānalpakaco dvija

bahuvātakaphaḥ prājñaścandro vṛttatanurdvija/
śubhadṛṅ‌madhuvākyaśca cañcalo madanāturaḥ

krūro raktekṣaṇo bhaumaścapalodāramūrtikaḥ/
pittaprakṛtikaḥ krodhī kṛśamadhyatanurdvija

vapuḥśreṣṭhaḥ śliṣṭavākca hyatihāsyarucirbudhaḥ/
pittavān‌ kaphavān‌ vipra mārutaprakṛtistathā

bṛhad‌gātro guruścaiva piṅgalo mūrddhajekṣaṇe/
kaphaprakṛtiko dhīmān‌ sarvaśāstraviśāradaḥ

sukhi kāntavapu śreṣṭhaḥ sulocano bhṛgoḥ sutaḥ/
kāvyakartā kaphādhikyo'nilātmā vakramūrdhajaḥ

kṛśdīrghatanuḥ śauriḥ piṅgadṛṣṭyanilātmakaḥ/
sthūladanto'lasaḥ paṃguḥ khararomakaco dvija

dhūmrākāro nīlatanurvanastho'pi bhayaṃkaraḥ/
vātaprakṛtiko dhīmān‌ svarbhānustatsamaḥ śikhī

asthi raktastathā majjā tvag‌ vasā vīryameva ca/
snāyureṣāmadhīśāśca kramāt‌ sūryādayo dvija

devālayajalaṃ vahnikrīḍādīnāṃ tathaiva ca/
kośaśayyotkarāṇāṃ tu nāthāṃ sūryādayaḥ kramāt‌

ayanakṣaṇavārartumāsapakṣasamā dvija/
sūryādīnāṃ kramājjñeyā nirviśaṃkaṃ dvijottama

kaṭukṣāratiktamiśramadhurāmlakaṣāyakāḥ/
krameṇa sarve vijñeyāḥ sūryādīnāṃ rasā iti

budhejyau balinau pūrve ravibhaumau ca dakṣiṇe/
paścime sūryaputraśca sitacandrau tathottare

niśāyāṃ balinaścandrakujasaurā bhavanti hi/
sarvadā jño balī jñeyo dine śeṣā dvijottama

kṛṣṇe ca balinaḥ krūrāḥ saumyā vīryayutāḥ site/
saumyāyane saumyakheṭo balī yāmyāyane'paraḥ

varṣamāsāhahorāṇāṃ patayo balinastathā/
śamaṃbuguśucaṃrādyā vṛddhito vīryavattaraḥ

sūrye janayati sthūlān‌ durbhagān‌ sūryaputrakaḥ/
kṣīropetāṃstathā candraḥ kaṭukādyān‌ dharāsutaḥ

puṣpavṛkṣaṃ bhṛgoḥ putre gurujñau saphalāphalau/
nīrasān‌ sūryaputraśca evaṃ jñeyāḥ khagā dvija

rāhuścāṇḍālajātiśca keturjātyantarastathā/
śikhisvarbhānumandānāṃ valmīkaḥ sthānamucyate

citrakanthā phanīndrasya ketuśchidrayuto dvija/
sīsaṃ rahornīlamaṇiḥ ketorjñeyo dvijottama

guroḥ pītāmbaraṃ vipra bhṛgoḥ kṣaumaṃ tathaiva ca/
raktakṣaumaṃ bhāskarasya indoḥ kṣaumaṃ sitaṃ dvija

budhasya kṛṣṇakṣaumaṃ tu raktavastraṃ kujasya ca/
vastraṃ citraṃ śanervipra paṭ‌tavastraṃ tathaiva ca

bhṛgorṛturvasantaśca kujabhānvośca grīṣmakaḥ/
candrasya varṣā vijñeyā śaraccaiva tathā vidaḥ

hemanto'pi gurorjñeyaḥ śanestu śiśiro dvija/
aṣṭau māsāśca svarbhānoḥ ketormāsatrayaṃ dvija

rāhvārapaṃgucandraśca vijñeyā dhātukhecarāḥ/
mūlagrahau sūryaśukrau aparā jīvasaṃjñakāḥ

graheṣu mando vṛddho'sti āyurvṛddhipradāyakaḥ/
naisargike bahusamān‌ dadāti dvijasattama

meṣo vṛṣo mṛgaḥ kanyā karko mīnastathā tulā/
sūryādīnāṃ kramādete kathitā uccarāśyaḥ

bhāgā daśa trayo'ṣṭāśvyastithyo'kṣā bhamitā nakhāḥ/
uccāt‌ saptamabhaṃ nīcaṃ tairevāṃśaiḥ prakīrtitam‌

raveḥ siṃhe nakhāṃśāśca trikoṇamapare svabham‌/
uccamindorvṛṣe tryaṃśāstrikoṇamapareṃ'śakāḥ

meṣe'rkāṃśāstu bhaumasya trikoṇamapare svabham‌/
uccaṃ budhasya kanyāyāmuktaṃ pañcadaśāṃśakāḥ

tataḥ pañcāṃśakāḥ proktaṃ trikoṇamapare svabham‌/
cāpe daśāṃśā jīvasya trikoṇamapare svabham‌

tule śukrasya tithyaṃśāstrikoṇamapare svabham‌/
śaneḥ kumbhe nakhāṃśāśca trikoṇamapare svabham‌

trikoṇāt‌ svāt‌sukhasvā'ntyadhīdharmāyuḥsvatuṅgapāḥ/
suhṛdo ripavaśvānve samāścobhayalakṣaṇāḥ

daśavandhvāyasahajasvāntyasthāstu parasparam‌/
tatkāle mitratāṃ yānti ripavo'nyatra saṃsthitāḥ

tatkāle ca nisarge ca mitraṃ cedadhimitrakam‌/
mitraṃ mitrasamatve tu śatruḥ śatrusamatvake

samo mitrariputve tu śatrutve tvadhiśatrutā/
evaṃ vivicya daivajño jātakasya phalaṃ vadet‌

svocce śubhaṃ phalaṃ pūrṇa trikoṇe pādavarjitam‌/
svarkṣe'rdhaṃ mitragehe tu pādamātraṃ prakīrtitam‌

pādārdhaṃ samabhe proktaṃ śūnyaṃ nīcāstaśatrubhe/
tadvad‌duṣṭaphalaṃ brūyād‌ vyatyayena vicakṣaṇaḥ

tryaṃśāḍhyaviśvabhāgaiśca caturbhaiḥ sahito raviḥ/
dhūmo nāma mahādoṣaḥ sarvakarmavināśakaḥ

dhūmo maṇḍalataḥ śuddho vyatīpāto'tra doṣadaḥ/
saṣad‌bho'tra vyatīpātaḥ pariveṣo'tidoṣakṛt‌

pariveṣaścyutaścakrādindracāpastu doṣadaḥ/
vitryaṃśāsyaṣṭibhāgādhyaścāpaḥ ketukhago'śubhaḥ

ekarāśiyutaḥ ketuḥ sūryatulyaḥ prajāyate/
aprakāśagrahāścaite pāpā doṣapradāḥ smṛtāḥ

sūryendulagnageṣveṣu vaṃśāyurjñānanāśanam‌/
iti dhūmādidoṣāṇāṃ sthitiḥ pad‌māsanoditā

ravivārādiśanyantaṃ gulikādi nirūpyate/
divasānaṣṭadhā bhaktvā vāreśād‌ gaṇeyat‌ kramāt‌

aṣṭmoṃ'śo nirīśaḥ syācchanyaṃśo gulikaḥsmṛtaḥ/
rātrimapyaṣṭadhā kṛtvā vāreśāt‌ pañcamāditaḥ

gaṇayedaṣṭamaḥ khaṇḍo niṣyatiḥ parikīrtitaḥ/
śnyaṃśo gulikaḥ prokto ravyaṃśaḥ kālasaṃjñakaḥ

bhaumāṃśo mṛtyurādiṣṭo gurvaṃśo yamaghaṇṭkaḥ/
somyāṃśo'rdhapraharakaḥ svasvadeśod‌bhavaḥ sphuṭaḥ

gulikeṣṭavaśāllagnaṃ sphuṭaṃ yat‌ svasvadeśajam‌/
gulikaṃ procyate tasmājjātakasya phalaṃ vadet‌

bhāṃśapādasamaiḥ prāṇaiścarādyarkatrikoṇabhāt‌/
udayādiṣṭakālāntaṃ yad‌bhaṃ prāṇapadaṃ hi tat‌

sveṣṭakālaṃ palīkṛtya tithyāptaṃ bhādikaṃ ca yat‌/
carāgadvibhasaṃsthe'rke bhanau yuṅ‌ navame sute

sphuṭaṃ prāṇapadākhyaṃ tallagnaṃ jñeyaṃ dvijottama/
lagnād‌ dvikoṇe turye ca rājye prāṇapadaṃ tadā

śubhaṃ janma vijānīyāttathaivaikādaśe'pi ca/
anyasthāne sthitaṃ cet‌ syāt‌ tadā janmāśubhaṃ vadet‌