Brihat Parashara Hora Shastra · Chapter 33

atha kārakāṃśaphalādhyāyaḥ

athā'haṃ sampravakṣyāmi kārakāṃśaphalaṃ dvija/
meṣādirāśige svāṃśe yathāvad‌ brahmabhāṣitam‌

gṛhe mūṣakamārjārā meṣāṃśe hvātmakārake/
sadā bhayapradā vipra pāpayukte viśeṣataḥ

vṛṣāṃśakagate svasmin‌ sukhadāśca catuṣpadāḥ/
mithunāṃśagate tasmin‌ kaṇḍ‌vādivyādhisambhavaḥ

karkāṃśe ca jalād‌bhītiḥ simhāṃśe śvapadād‌bhayam‌/
kaṇḍūḥ sthaulyañca kanyāṃśe tathā vahnikaṇād‌bhayam‌

tulāṃśe ca vaṇig‌ jāto vasrādinirmitau paṭuḥ/
alyaṃśe sarpato bhītiḥ pīḍā mātuḥ payodhare

dhanuraṃśe kramāduccāt‌ patanaṃ vāhanādapi/
marakāṃśe jalod‌bhūtairjantubhiḥ khecarastathā

śaṃkhamuktāpravālādyairlābho bhavati niścitaḥ/
kumbhāṃśe ca taḍāgādikārako jāyate janaḥ

mīnāṃśe kārake jāto muktibhāg‌ dvijasattama/
nā'śubhaṃ śubhasaṃdṛṣṭe na śubhaṃ pāpavīkṣite

kārakāṃśe śubhe vipra lagnāṃśe ca śubhagrahe/
śubhasaṃvīkṣite jāto rājā bhavati niścitaḥ

svāṃśācchubhagrahāḥ kendre koṇe vā pāpavarjitāḥ/
dhanavidyāyuto jāto miśrairmiśraphalaṃ vaded‌

upagrahe ca viprendra svoccasvarkṣaṃsubharkṣage/
pāpadṛg‌rahite cā'ntye kaivalyaṃtasya nirdiśet‌

candrā'rabhṛguvargastha kārake pāradārikaḥ/
viparyasthe'nyathā jñeyaṃ phalaṃ sarvaṃ vicakṣaṇaiḥ

kārakāṃśe ravau jāto rājakāryaparo dvija/
pūrṇendrau bhogavān‌ vidvān‌ śukradṛṣṭe viśeṣataḥ

svāṃśe balayute bhaume jātaḥ kantāyughī bhavet‌/
vahnijīvī naro vā'pi rasavādī ca jāyate

budhe balayute svāṃśe kalāśilpavicakṣanaḥ/
vāṇijyakuśalaścāpi buddhividyāsamanvitaḥ

sukarmā jñānaniṣṭhaśca vedavit‌ svāṃśage gurau/
śukre śatendriyaḥ kāmī rājakīto bhavennaraḥ

śanau svāṃśagate jātaḥ svakulocitakarmakṛt‌/
rāhau cauraśca dhanuṣko jāto vā lohayantrakṛt‌

viṣavaidyo'thavā vipra jāyate nā'tra saṃśayaḥ/
vyayahārī gajādīnāṃ ketau cauraśca jāyate

ravirāhū yadā svāṃśe sarpād‌ bhītiḥ prajāyate/
śubhadṛṣṭau bhayaṃ naiva pāpadṛṣṭau mṛtibhavet‌

śubhaṣaḍ‌vargasaṃyuktau viṣavaidyo bhaven‌ tadā/
bhaumekṣite kārakāṃśe bhānusvarbhānusaṃyute

anyagrhā na paśyanti svaveśmaparadāhakaḥ/
tasmin‌ budhekṣi te cāpi vahnido naiva jāyate

pāparkṣe guruṇā dṛṣṭe samīpagṛhadāhakaḥ/
śukradṛṣṭe tu viprendra gṛhadāho na jāyate

gulikena yute svāṃśe pūrṇacandreṇa vīkṣite/
caurairhṛtadhano jātaḥ svayaṃ cauro'thavā bhavet‌

gṛhādṛṣṭe sagulike vipado vā viṣairhataḥ/
budhadṛṣṭe bṛhad‌vījo jāyate nā'tra saṃśayaḥ

saketau kārakāṃśe ca pāpadṛṣṭe dvijottama/
jātasya karṇarogo vā karṇacchedaḥ prajāyate

bhṛguputrekṣite tasmin‌ dīkṣito jāyate janaḥ/
budhārkidṛṣṭe nirvīryo jāyate mānavo dhruvam‌

budhaśukrekṣite tasmin‌ dāsīputraḥ prajāyate/
punarbhavāsuto vā'pi jāyate nā'tra saṃśayaḥ

tapasvī saninā dṛṣṭe jātaḥ preṣyo'thavā bhavet‌/
śanimātrekṣite tasmin‌ jātaḥ saṃnyāsiveṣavān‌

ravisukrekṣite tasmin‌ rājapreṣyo jano bhavet‌/
itisaṃkṣepataḥ proktaṃ kārakāṃśaphalaṃ dvija

svāṃśād‌dhane ca śukrāravarge syāt‌ pāradārikaḥ/
tayordṛg‌yogato jñeyamidamāmaraṇaṃ phalam‌

ketau tatpratibandhaḥ syāt‌ gurau tu sraiṇa eva saḥ/
rāhau cā'rthanivṛttiḥ syāt‌ kārakāṃśād‌ dvitīyage

svāṃśāt‌ tṛtīyage pāpe jātaḥ śūraḥ pratāpavān‌/
tasmin‌ śubhagrahe jātaḥ kātaro nātra saṃśayaḥ

svāṃśāccaturthabhāve tu candraśukrayutekṣite/
tatra vā svoccage kheṭe jātaḥ prāsādavān‌ bhavet‌

śanirāhuyute tasmain‌ jātasya ca śilāgṛham‌/
aiṣṭikaṃ kujaketubhyāṃ guruṇā dāravaṃ gṛham‌

tārṇa tu raviṇā proktaṃ jātasya bhavanaṃ dvija/
candre tvanāvṛte deśe patnīyogaḥ prajāyate

pañcame kujarāhubhyāṃ kṣayarogasya saṃbhavaḥ/
rātrināthena dṛṣṭābhyāṃ niścayena prajāyate

kujadṛṣṭau tu jātasya piṭakādigado bhavet‌/
ketudṛṣṭau tu grahaṇī jalarogo'thavā dvija

sarāhugulike tatra bhayaṃ kṣudaviṣod‌bhavam‌/
budhe paramahaṃsaśca laguḍī vā prajāyate

ravau kheḍ‌gadharo jātaḥ kuje kuntāyudhī bhavet‌/
śanau dhanurdharo jñeyo rāhau ca lohayantravān‌

ketau ca ghaṭikāyantrī mānavo jāyate dvija/
bhārgave tu kavirvāgmī kāvyajño jāyate janaḥ

svāṃśe tatpañcame vā'pi candrejyābhyāṃ ca granthakṛt‌/
śukreṇa kiñcidūno'sau tato'pyalpo budhena ca

guruṇā kevalenaiva sarvavid‌ granthakṛt‌ tathā/
vedavedāntaviccāpi na vāgmī śābdako'pi san‌

naiyāyikaḥ kujenāsau jñena mīmāṃsakastathā/
sabhājaḍastu śaninā gītajño raviṇā smṛtaḥ

candreṇa sāṃkhyayogajñaḥ sāhityajñaśca gāyakaḥ/
ketunā gaṇitajño'sau rāhaṇā'pi tathaiva ca

sapradāyasya sidhhiḥ syāt‌ gurusambandhato dvija/
svāṃśād‌ dvitīyataḥ kecit‌ phalamevaṃ vadanti hi

svāṃśāt‌ ṣaṣṭhagate pāpe karṣako jāyate janaḥ/
śubhagrahe'lasaśceti tṛtīye'pi phalaṃ smṛtam‌

dyūne candraguru yasya bhāryā tasyātisundarī/
tatra kāmavatī śukre budhe caiva kalāvatī

ravau ca svakule guptā śanau cāpi vayo'dhikā/
tapasvinī rujāḍhya vā rāhau ca vidhavā smṛtā

śubhasvāmiyute randhre svāṃśād‌ dīrghāyurucyate/
pāpekṣitayute'lpāyurmadhyāyurmiśradṛg‌yute

kārakāṃśācca navame śubhagrahayutekṣita/
satyavādī gurau bhaktaḥ svadharmanirato naraḥ

svāṃśācca navame bhāve pāpagrahayutekṣite/
svadharmanirato bālye mithyāvādī ca vārdhake

navame kārakāṃśācca śanirāhuyutekṣite/
gurudrohī bhaved‌ bālaḥ śāstreṣu vimukho naraḥ

kārakāṃśācca navame gurubhānuyutekṣite/
tadā'pi gurudrohī syāt‌ guruvākyaṃ na manyate

kārakāṃśācca navame śukrabhaumayutekṣite/
ṣaḍ‌vargādikayoge tu maraṇaṃ pāradārikam‌

kārakāṃśācca navame jñenduyuktekṣite dvija/
parastrī saṅgamād‌ bālo bandhako bhavati dhruvam‌

navame kevalenaive guruṇā ca yutekṣite/
strīlotupo bhavejjāto viṣayī caiva jāyate

kārakāṃśācca daśame śubhalheṭayutekṣite/
sthiravitto bhaved‌ bālo gambhīro balabuddhimān‌

daśame kārakāṃśācca pāpakheṭayutekṣite/
vyāpāre jāyate hāniḥ pitṛsaukhyena varjitaḥ

daśame kārakāṃśācca budhaśukrayutekṣite/
vyāpāre bahulābhaśca mahatkarmakar naraḥ

kārakāṃśācca daśame ravicandrayutekṣite/
gurudṛṣṭayute vipra jātako rājyabhāg‌ bhavet‌

svāṃśādekādaśe sthāne śubhakheṭayutekṣite/
bhrātṛsaukhyayuto bālaḥ sarvakāryeṣu lābhakṛt‌

ekādaśe sapāpe tu kumārgāllābakṛnnaraḥ/
vikhyāto vikramī caiva jāyate nā'tra saṃśayaḥ

kārakāṃśād‌ vyayasthāne sad‌grahe sad‌vyayo bhavet‌/
asad‌vyayo'śubhe jñayo grahābhāve ca satphalam‌

kārakāṃśād‌ vyayasthāne svabhoccasthe śubhagrahe/
sad‌gatirjāyate tasya śubhalokamavāpnuyāt‌

kārakāṃśād‌ vyaye ketau śubhakheṭayutekṣite/
tadā tu jāyate muktiḥ sāyujyapadamāpnuyāt‌

meṣe dhanuṣi vā ketau kārakāṃśāt‌ vyaye sthite/
śubhakheṭena sandṛṣṭe sāyujapadamāpnuyāt‌

vyaye ca kevale ketau pāpayuktekṣitepi vā/
na tadā jāyate muktiḥ śubhalokaṃ na paśyati

raviṇā saṃyute ketau kārakāṃśād‌ vyayasthite/
śivabhaktirbhavesyatta nirviśaṃkaṃ dvijottama

candreṇa saṃyute ketau kārakāṃśād‌ vyayasthite/
gauryāṃ bhaktirbhavettasya śāktiko jāyate naraḥ

śukreṇa saṃyute ketau kārakāṃśād‌ vyayasthite/
lakṣmyāṃ sañjāyate bhaktirjātako sau samṛddhimān‌

kujena saṃyute ketau skandabhaktau bhavennaraḥ/
vaiṣṇavo budhasauribhyāṃ guruṇā śivabhaktimān‌

rāhuṇā tāmasīṃ durgāṃ sevate kṣudradevatām‌/
bhaktiḥ skande'tha herabhbhe śikhinā kevalena vā

kārakāṃśād‌ vyaye sauriḥ pāparāśau yadā bhavet‌/
tadā'pi kṣudradevasya bhaktistasya na saṃśayaḥ

pāparkṣe'pi śanau sukre tadā'pi kṣudrasevakaḥ/
amātyakārakāt‌ ṣaṣṭheptevameva phalaṃ vadet‌

kārakāṃśāt‌ trikoṇasthe pāpakhetadvaye dvija/
mānavo mantratantrajño jāyate nā'tra saṃśayaḥ

pāpena vīkṣite tatra jāto nigrāhako bhavet‌/
śubhairnirīkṣite tasmin‌ naro'nugrāhako bhavet‌

śukradṛṣṭe vidhau svāṃśe rasavādī bhavennaraḥ/
budhadṛṣṭe ca sad‌vaidyaḥ sarvarogaharo bhavet‌

śukradṛṣṭe sukhe candre pāṇḍuśvitrī bhavennaraḥ/
bhaumadṛṣṭe mahārogī raktapittārdito bhavet‌

ketudṛṣṭe sukhe caṃdre nīlakuṣṭhī prajāyate/
caturthe pañcamevā'hi sthitau rāhukujau yadi

kṣayarogo bhavet‌ tasya candradṛṣṭau tu niścitaḥ/
svāṃśāt‌ sukhe sute vā'pi kevalaḥ saṃsthitaḥ kujaḥ

piṭkādirbhavet‌ tasya tadā rogo na saṃśayaḥ/
grahaṇī jalarogo vā tatra ketau sthite sati

khvarbhānugulikau tatra viṣavaidyo viṣārditaḥ/
svāṃśakāt‌ pañcame bhāve kevale saṃsthite śanau

dhanurvidyāvidā jātā bhavantyatra na saṃśayaḥ/
ketau ca kevale tatra ghaṭikāyantrakārakaḥ

budhe paramahaṃso vā daṇḍī bhavati mānavaḥ/
lohayantrī tathā rāhau ravau kheḍ‌gadharo bhavet‌

kevale ca kuje tatra jātaḥ kuntāstradhārakaḥ/
svāṃśe vā pan'came svāṃśāccandrejyau saṃsthitau tadā

granthakartā bhavejjātaḥ sarvavidyāviśāradaḥ/
tatra daityagurau kiñcidūnagranthakaro bhavet‌

budhe tatra tato'pyūnagranthakarttā prajāyate/
tatra śukre kavirvāgmī kāvyajñaśca prajāyate

sarvavid‌grānthiko jīve na vāgmī ca sabhādiṣu/
śabdajñaśca viśeṣeṇa vedavedāntavit‌ tathā

sabhājaḍo bhaved‌ bāla uktasthānagate śanau/
mīmāṃsako bhavennūnamuktasthānagate budhe

svāṃśe vā pañcame bhaume jāto naiyāyiko bhavet‌/
candre ca sāṃkhyayogajñaḥ sāhityajñaśca gāyakaḥ

ravau vedāntaviccaiva gītajñaśca prajāyate/
ketau ca gaṇitajñaḥ syājjyotiḥśāstraviśāradaḥ

sampradāyasya saṃsiddhirgurusambandhato bhavet‌/
dvitīye ca tṛtīye ca svāṃśādevaṃ vicārayet‌

bhāve sūkṣmaphalaṃ jñātvā jātakasya phalaṃ vadet‌/
ketau svāṃśād‌dvitīye vā tṛtīye stabdhavāg‌ bhavet‌

pāpadṛṣṭe viśeṣeṇa mānavo vaktumakṣamaḥ/
svāṃśāllagnāt‌ padād‌vā'pi dvitīyāṣṭamabhāvayoḥ

kemadrumaḥ pāpasāmye candradṛṣṭau viśeṣataḥ/
atrā'dhyāye ca ye yogāḥ saphalāḥ kathitā mayā

yogakartṛdaśāyānte jñeyāḥ sarve phalapradāḥ/
evaṃ daśāpradādrāśairdvitīyāṣṭamayordvija

grahasāmye ca vijñeyo yogaḥ kemadrumo'śubhaḥ/
daśāprārambhasamaye salagnān‌ sādhayed‌ grahān‌

jñeyastatrāpi yogo'yaṃ pāpasāmye'rtharandhrayoḥ/
evaṃ tanvādibhāvānāṃ sūryādīnāṃ nabhasadām‌

tattat‌sthityanusāreṇa phalaṃ vācyaṃ vipaścitā/
iti saṃkṣepataḥ proktaṃ kārakāṃśaphalaṃ mayā