Brihat Parashara Hora Shastra · Chapter 34

atha yogakārakādhyāyaḥ

kārakāṃśavaśādevaṃ phalaṃ proktaṃ mayā dvija/
atha bhāvādhipatyena grahayogaphalaṃ srṛṇu

kendrādhipatayaḥ saumyā nā diśanti śubhaṃ phalam‌/
krūrā naivā'śubhaṃ kuryuḥ śubhadāśca trikoṇapāḥ

lagnaṃ kendratrikoṇatvād‌ viśeṣeṇa śubhapradam‌/
pañcamaṃ navamaṃ caiva viśeṣadhanamucyate

saptamaṃ daśamaṃ caiva viśeṣasukhamucyate/
triṣaḍāyādhipāḥ sarve grahāḥ pāpaphalāḥ smṛtāḥ

vyayadvitīyarandhreśāḥ sāhacaryāt‌ phalapradāḥ/
sthānāntarānurodhātte prabalāścottarottaram‌

tatra bhāgyavyayeśatvādrandhreśo na śubhapradaḥ/
trimadāyādhipatve'tho koṇapatve tu satphalaḥ

ukteṣveṣu balī yogo nirbalasya prabādhakaḥ/
na randhreśatvadoṣo'tra sūryācandramasorbhavet‌

guruśukrau śubhau proktau candro madhyama ucyate/
udāsīno budhaḥ khyātaḥ pāpā ravyārkibhūmijāḥ

pūrṇendujñejyaśukrāśca prabalā uttarottaram‌/
kṣīṇendvarkārkibhūputrāḥ prabalāśca yathottaram‌

kendrādhipatyadoṣoyaḥ śubhānāṃ kathito hi saḥ/
candrajñaguruśukrāṇāṃ prabalāścottarottaram‌

kendrakoṇapatī syātāṃ parasparagṛhopagau/
ekabhe dvau sthitau vāpi hyekabhe'nyataraḥ sthitaḥ

pūrṇadṛṣṭ‌yekṣitau vāpi mitho yogakārau tadā/
yoge'smin‌ jāyate bhūpo vikhyāto vā jano bhavet‌

koṇeśatve yadaikasya kendreśatvaṃ ca jāyate/
kendre koṇe sthito vā'sau viśeṣādyogakārakaḥ

kendreśatvena pāpānāṃ yā proktā śubhakāritā/
sā trikoṇādhipatye'pi na kendreśatvamātrataḥ

kendrakoṇādhipāveva pāpasthānādhipau yadā/
tayoḥ sambandhamātreṇa na yogaṃ labhate naraḥ

yad‌bhāveśayutau vāpi yadyad‌bhāvasamāgatau/
tattatphalāni prabalau pradiśetāṃ tamoprahau

yadi kendre trikoṇe vā nivasetāṃ tamograhau/
nāthenātyatareṇāḍh‌yau dṛṣṭau vā yogakārakau

kasmillagne prajātasya ke grahā yogakārakāḥ/
ke cā'śubhapradāḥ kheṭāḥ kṛpayā vade me mune

yathā pṛṣṭaṃ tvayā vipra tathodāharaṇaṃ bruve/
randhreśatve'pi bhūputro bhavecchūbhasahāyavān‌

mandasaumyasitāḥ pāpāḥ śubhau gurudivākarau/
na śubhaṃ yogamatreṇa prabhavecchanijīvayoḥ

pāratantryeṇa jīvasya pāpakarmāpi niścitam‌/
śukraḥ sākṣānnihantā syānmārakatvena lakṣitaḥ

mandādayo'pi hantāro bhaveyuḥ pāpino grahāḥ/
meṣalagnod‌bhavasyaivaṃ phalaṃ jñeyaṃ dvijottama

jīvaśukrendavaḥ pāpāḥ śubhau śanidivākarau/
rājayogakaraḥ saurirbudhastvalpaśubhapradaḥ

jīvādayo kujaścāpi santi mārakalakṣaṇāḥ/
vṛṣalagnod‌bhavasyaivaṃ phalānyūhyāni sūribhiḥ

bhaumajīvāruṇāḥ pāpāḥ eka eva kaviḥ subhaḥ/
śanaiścaraṇe jīvasya yogo meṣabhavo yathā

śaśī mukhanihantā'sau sāhacaryācca pākadaḥ/
dvandvalagnod‌bhavasyaivaṃ phalānyūhyāni paṃḍitaiḥ

bhārgavendusutau pāpau bhūsutejyendavaḥ śubhāḥ/
pūrṇayogakaraḥ sākṣānmaṃgalo maṃgalapradaḥ

nihantā'rkasuto'rkastu sāhacaryāt‌ phalapradaḥ/
karkalagnod‌bhavasyaivaṃ phalaṃ proktaṃ manīṣibhiḥ

saumyaśukrārkajāḥ pāpāḥ kujejyārkāḥ śubhāvahāḥ/
prabhavedyogamātreṇa na śubhaṃ guruśukrayoḥ

mārakastu śaniścandraḥ sāhacaryāt‌ phalapradaḥ/
siṃhalagne prajātasya phalaṃ jñeyaṃ vipaścitā

kujajīvendavaḥ pāpāḥ budhaśukrau śubhāvahau/
bhārgavendusutāveva bhavetāṃ yogakārakau

mārako'pi kaviḥ sūryaḥ sāhacaryaphalapradaḥ/
kanyālagnod‌bhavasyaivaṃ phalānyūhyāni sūribhiḥ

jīvārkabhūsutāḥ pāpāḥ śanaiścarabudhau śubhau/
bhavetāṃ rājayogasya kārakau candratatsutau

kujo nihanti jīvādyāḥ pāpā mārakalakṣaṇāḥ/
śukraḥ samaḥ phalānyevaṃ vijñeyāni tulod‌bhave

sitajñaśanayaḥ pāpāḥ śubhau guruniśākarau/
sūryācandramasāveva bhavetāṃ yogakārakau

kujaḥ samaḥ sitādyāśca pāpā mārakalakṣaṇāḥ/
evaṃ phalaṃ ca vijñeyaṃ vṛścikodayajanmanaḥ

eka eva kaviḥ pāpaḥ śubhau bhaumadivākarau/
yogo bhāskarasaumyābhyāṃ nihantā bhāskarātmajaḥ

guruḥ samaphalaḥ khyātaḥ śukro mārakalakṣaṇaḥ/
dhanurlagnod‌bhavasyaivaṃ phalaṃ jñeyaṃ vipaścitā

kujajīvendavaḥ pāpāḥ śubhau bhārgavacandrajau/
mandaḥ svayaṃ na hantā syād‌ hanti pāpāḥ kujādayaḥ

sūryaḥ samaphalaḥ proktaḥ kavirekaḥ suyogakṛt‌/
mṛgalagnod‌bhavasyaivaṃ phalānyūhyāni sūribhiḥ

jīvacandrakujāḥ pāpāḥ śukrasūryātmajau śubhau/
rājayogakaro jñejaḥ kavireva bṛhaspatiḥ

sūryo bhaumaśca hantāro budho madhyaphalaḥ smṛtaḥ/
kumbhalagnod‌ bhavasyaivaṃ phalānyūhyāni sūribhiḥ

mandaśukrāṃśumatsaumyāḥ pāpā bhaumavidhū śubhau/
mahīsutagurū yogakārakau ca mahīsutaḥ

mārako'pi na hantā'sau mandajñau mārakau smṛtau/
mīnalagnod‌ bhavasyaivaṃ phalāni paricintayet‌

evaṃ bhāvādhipatyena janmalagnavaśādiha/
śubhatvamaśubhatva ca grahāṇāṃ pratipāditam‌

atyānapi punaryogān‌ nābhasādīn‌ vicintya vai/
dehinā ca phalaṃ vācyaṃ pravakṣyāmi ca tānaham‌