Brihat Parashara Hora Shastra · Chapter 32

atha kārakādhyāyaḥ

athā'haṃ sampravakṣyāmi grahānātmādikārakān‌/
saptaravyādiśanyantān‌ rāhvantān‌ vā'ṣṭasaṃkhyakān‌

aṃśaiḥ samaugnahau dvau ced‌rāhvantan‌ cintayet‌ tadā/
saptaiva kārakānevaṃ kecidaṣṭau pracakṣate

atmā sūryādikheṭānāṃ madhye hyaṃśādhiko grahaḥ/
aṃśasāmye kalādhikyāt‌ tatsāmye vikalādhikaḥ

budhau rāśikalādhikyat‌ grāhvo naivātmakārakaḥ/
aṃśādhikaḥ kārakaḥ syādalpabhāgo'ntyakārakaḥ

madhyāṃśo madhyakheṭaḥ syādupakheṭaḥ sa eva hi/
vilomagamanādrāhoraṃśāḥ śodhyāḥ khavahnitaḥ

aṃśakramādadho'dhaḥsthāścarākhyāḥ kārakā iti/
ātmākhyakārakasteṣu pradhānaṃ kathyate dvija

sa eva jātakādhīśo vijñeyo dvijasattama/
yathā bhūmau prasiddho'sti narāṇāṃ kṣitipālakaḥ

sarvavārtādhikārī ca bandhakṛnmokṣakrat‌ tathā

yathā rājājñayā viprā putrāmātyādayo janāḥ/
samarthā lokakāryeṣu tathaivānyepi kārakāḥ

ātmānukūlamevātra bhavanti phaladāyakaḥ/
pratikūle yathā bhūpe sarve'mātyādayo dvija

karya kartuṃ manuṣyānāṃ na samarthā bhavanti hi/
tathā'tmakārake krūre nā'nye svaśubhadāyakaḥ

anukūle nṛpe yadvat‌ sarve'mātyādayo dvija/
nāśubhaṃ kurvate tadvanānye svāśubhadāyakāḥ

ātmākārakabhāgebhyo nyūnāṃśo'mātyakārakaḥ/
tasmānnyūnāṃśako bhrātā tannyūnomātṛsaṃjñakaḥ

tannyūnāṃśaḥ pitātasmādalpāṃśaḥ putrakārakaḥ/
putrānnyūnāṃśako jñatirjñāternyūnāṃśako hi yaḥ

sa dārakārako jñeyo nirviśaṃke dvijottama/
carākhyakāralā ete brāhmaṇā kathitāḥ purā

mātṛkārakamevā'nye vadanti sutakārakam‌/
dvau grahau bhāgatulyau cejjāyetāṃ yasya janmani

tadagrakārakasyaivaṃ lopo jñeyo dvijottama/
sthirakārakavaśāttasya phalaṃ jñeyaṃ śubhā'śubham‌

adhunā sampravakṣyāmi sthirākhyān‌ karakagrahān‌/
sa pitṛkārako jñeyo yo balī raviśukrayoḥ

candrārayorbalī kheṭo mātṛkāraka ucyate/
bhaumato bhaginī śyālaḥ kanīyān‌ jananītyapi

budhānmātṛsajātīyā mātulādyāśca bāndhavāḥ/
guroḥ pitāmahaḥ śukrāt‌ pitaḥ putraḥ śanaiścarāt‌

viprāntevāsinaḥ patnī pitarau śvaśurau tathā/
mātāmahādayaścintyā ete ca sthirakārakā

athā'haṃ kārakān‌ vakṣye kheṭabhāvavaśād‌dvija/
ravitaḥ punyabhe tātaścandrānmātā caturthake

kujāt‌ tṛtīyato bhrātā budhāt‌ ṣaṣthe ca mātulaḥ/
devejyāt‌ pañcamāt‌ putro dārāḥ śukrācca saptame

mandādaṣṭamato mṛtyuḥ pitrādīnāṃ vicintayet‌/
iti sarva vicāryaiva budhastattat‌ phalaṃ vadet‌

athā'haṃ sampravakṣyāmi prasaṅgādyogakārakān‌/
kheṭān‌ janmani jātasya miśraḥ sthitivaśād‌ dvija

svarkṣe svocce ca mitrarkṣe mithaḥ kendragatā grahāḥ/
te sarve kārakāsteṣu karmagastu viśeṣataḥ

yathā lagne sukhe kāme svorkṣoccasthā grahā dvija/
bhavanti kārakākhyāste viśeṣeṇa ca khe sthitāḥ

svamitroccarkṣago heturanyo'nyaṃ yadi kendragaḥ/
suhṛt‌ tad‌guṇasampannaḥ so'pi kāraka ucyate

nīcānvaye'pi yo jātaḥ vidyamāne ca kārake/
so'pi rājamano vipra dhanavān‌ sukhasaṃyutaḥ

rājavaṃśasamutpanno rājā bhavati niścayāt‌/
evaṃ kulānusāreṇa kārakebhyaḥ phalaṃ vadet‌

athā'haṃ sampravakṣyāmi viśeṣaṃ bhāvakārakān‌/
janasya janmalagnaṃ yat‌ vindyādātmakārakam‌

dhanabhāvaṃ vijānīyād‌ dārakārakameva hi/
ekādaśe'grajātasya tṛtīye tu kanīyasaḥ

sute sutaṃ vijānīyāt‌ patnīṃ saptamabhāvataḥ/
sutabhave graho yaḥ syāt‌ so'pi kāraka ucyate

sūryo guruḥ kujaḥ somo gururbhaubhaḥ sitaḥ śaniḥ/
guruścandrasuto jīvo mandaśca bhavakārakāḥ

punastanvādayo bhāvaḥ sthāpyāsteṣāṃ śubhā'śubham‌/
lābhastṛtīyo randhraśca śatrusaṃjñadhanavyayāḥ

ete bhāvāḥ samākhyātāḥ krūrākhyā dvijasattama/
eṣāṃ yogena yo bhāvastasya hāniḥ prajāyate

bhāvā bhadrāśca kendrāravyāḥ koṇākhyau dvijasattama/
eṣāṃ saṃyogamātreṇa hvaśubho'pi śubho bhavet‌