Brihat Parashara Hora Shastra · Chapter 2

rāmakṛṣṇādayo ye hyavatārā ramāpateḥ/
te'pi jīvāṃśasaṃyuktāḥ kiṃvā brūhi muniśvara

rāmaḥ kṛṣṇaśca bho vipra nṛsiṃhaḥ sūkarastathā/
ete pūrṇāvatārāśca hyanye jīvāṃśakānvitāḥ

avatārāṇyanekāni hyajasya paramātmanaḥ/
jīvānāṃ karmaphalado graharūpī janārdanaḥ

daityānāṃ balanāśāya devānāṃ balabṛddhaye/
dharmasaṃstāpanārthāya grahājjātāḥ śubhāḥ kramāt‌

rāmo'vatāraḥ sūryasya candrasya yadunāyakaḥ/
nṛsiṃho bhūmiputrasya buddhaḥ somasutasya ca

vāmano vibudhejyasya bhārgavo bhārgavasya ca/
kūrmo bhāskaraputrasya saiṃhikeyasya sūkaraḥ

ketormīnāvatāraśca ye cānye te'pi kheṭajāḥ/
parātmāṃśo'dhiko yeṣu te sarve khecarābhidhaḥ

jīvāṃśohyadhiko yeṣu jīvāste cai prakīrtitaḥ/
sūryādibho grahebhyaśca paramātmāṃśaniḥsṛtāḥ

rāmakṛṣṇādayaḥ sarva hyavatārā bhavanti cai/
tatraiva te vilīyante punaḥ kāryottara sadā

jīvāṃśaniḥsṛtāsteṣāṃ tebhyo jātā narādayaḥ/
te'pi tatraiva līyante te'vyakte samayanti hi

idaṃ te kathitaṃ vipra sarvaṃ yasmin‌ bhavediti/
bhūtānyapi bhaviṣyanti tattajjātanti tadvidaḥ

vinā tajjyaitiṣaṃ nānyo jñātuṃ śaknoti karhicit‌/
tatmādavaśyamadhyeyaṃ brāhmaṇeśca viśeṣataḥ

yo naraḥ śāstramajñātvā jyautiṣaṃ khalu nindati/
rauravaṃ narakaṃ bhuktvā cāndhatvaṃ cānyajanmani