Brihat Parashara Hora Shastra · Chapter 29

atha padādhyāyaḥ

kathyāmyathā bhāvānāṃ kheṭānāṃ ca padaṃ dvija/
tadviśeṣaphalaṃ jñātuṃ yathoktaṃ prāṅ‌ maharṣibhiḥ

lagnād‌ yāvatithe rāśau tiṣṭhellagneśvaraḥ kramāt‌/
tatastāvatithe rāśau lagnasya padamucyate

sarveṣāmāpa bhāvānāṃ jñeyamevaṃ padaṃ dvija/
tanubhāvapadaṃ tatra budhā mukhyapadaṃ viduḥ

svasthānaṃ saptamaṃ naivaṃ padaṃ bhavitumarhati/
tasmin‌ padatve vijñeyaṃ madhyaṃ turyaṃ kramāt‌ padam‌

yathā turyasthite nāthe turyameva padaṃ bhavet‌/
saptame ca sthite nāthe vijñeyaṃ daśamaṃ padam‌

yasmād‌ yāvatithe rāśau kheṭāt‌ tad‌bhavanaṃ dvija/
tatastāvatithaṃ rāśiṃ kheṭārūḍhaṃ pracakṣate

dvināthadvibhayorevaṃ vijñeyaṃ sabalāvadhi/
vigaṇayya padaṃ vipra tatastasya phalaṃ vadet‌

athā'haṃ padamāśritya phalaṃ kiñcid‌ bruve dvija/
padādekādaśe sthāne grahairyukto'thavekṣite

dhanavān‌ jāyate bālastathā sukhasamanvitaḥ/
śubhayogāt‌ sumārgeṇa dhanāptiḥ pāpato'ntathā

miśrairmiśraṃ phalaṃ jñeyaṃ svoccamitrādigehagaiḥ/
bahudhā jāyate lābho bahudhā ca sukhāgamaḥ

padāllābhagṛhaṃ yasya paśyanti sakalā grahāḥ/
rājā vā rājatulyo vā sa jāto nātra saṃśayaḥ

padāllābhagṛhaṃ paśyed‌ vyayaṃ kaścinna paśyati/
avidhnena sadā lābho jāyate dvijasattama

grahadṛg‌yogabāhulye padādekādaśe dvija/
sārgale cāpi tatrāpi bahvargalasamāgame

śubhagrahārgale vipra tatrāpyuccagrahārgale/
śubhena svāminā dṛṣṭe lagnabhāgyādigena vā

jātasya bhāgyaprābalyaṃ nirdiśeduttarottaram‌/
uktayogeṣu cet‌ kheṭe dvādaśaṃ naiva paśyati

padasthānād‌ vyaye vipra śubhapāpayutekṣite/
vyayabāhulyamityevaṃ viśeṣopārjanāt‌ sadā

śubhagrahe sumārgeṇa kumārgāt‌ pāpakhecare/
miśre miśraphalaṃ vācyamevaṃ lābho'pi lābhage

padārūḍhād‌ vyaye śukrabhānusvarbhānubhiryute/
rājamūlād‌ vyayo vācyaścandradṛṣṭ‌yā viśeṣataḥ

padārūḍhād‌ vyaye saumye śubhakheṭayutekṣite/
jñātimadhye vyayo nityaṃ pāpadṛk‌ kalahād‌ vyayaḥ

padād‌ vyaye surācārye vīkṣite cānyakhecaraiḥ/
karamūlād‌ vyayo vācyaḥ svasyaiva dvijasattama

ārūḍhād‌ dvādaśe saure dharāputreṇa saṃyute/
anyagrahekṣite vipra bhrātṛvargād‌ dhanavyayaḥ

ārūḍhād‌ dvādaśe sthāne ye yogāḥ kathitā yathā/
lābhabhāve ca te yogā lābhayogakarāstathā

ārūḍhāt‌ saptame rāhurathavā saṃsthitaḥ śikhī/
kukṣivyathāyuto bālaḥ śikhinā pīḍitotha vā

ārūdhāt‌ saptame ketuḥ pāpakheṭayutekṣitaḥ/
sāhasī śvetakeśī ca vṛddhaliṅgī bhavennaraḥ

padāttu saptame sthāne guruśukraniśākarāḥ/
trayo dvayamathaiko'pi lakṣmīvān‌ jāyate janaḥ

svatuṅge saptame kheṭaḥ śubho vā'pyaśubhaḥ padāt‌/
śrīmān‌ so'pi bhavennunaṃ satkīrtisahito dvija

ye yogāḥ saptame sthāne padāśca kathitā mayā/
cintyāstathaiva te yogā dvitīye'pi sadā dvija

uccastho rauhiṇeyo vā jīvo vā śukra eva vā/
evo balī dhanagataḥ śriyaṃ diśati dehinaḥ

ye yogāśca pade lagne yathāvad‌ gaditā mayā/
te yogāḥ kārakāṃśe'pi vijñeyā bāṃdhavarjitāḥ

ārūḍhād‌ vittabhe saumye sarvadeśādhipo bhavet‌/
sarvajño yadi vā sa syāt‌ kavirvādī ca bhārgave

ārūdhāt‌ kendrakoṇeṣu sthite dārapade dvija/
lagnajāyāpade vāpi sabalagrahasaṃyute

srīmāṃśca jāyate nūnaṃ deśe vikhyātimān‌ bhavet‌/
ṣaṣṭheṣṭame vyayasthāne jāto dārapade'dhanaḥ

pade tatsaptame vāpi kendre vṛddhau trikoṇake/
suvīryaḥ saṃsthitaḥ khetaḥ bhāryābhartṛsukhapradaḥ

padād‌dārapade caivaṃ kendre koṇe ca saṃsthite/
dvayormaitrī bhavennūnaṃ trike vairaṃ na saṃśayaḥ

evaṃ lagnapadād‌ vipra tanayādipade sthite/
mitrāmitre vijānīyāllābhālābhau vicakṣaṇaḥ

lagnadārapade vipra mithaḥ kendragate yadi/
trilābhayostrikoṇe vā tathā rājā dharādhipaḥ

evaṃ lagnapadādeva dhanādipadato dvija/
sthānadvayaṃ samālokya jātakasya phalaṃ vadet‌