Brihat Parashara Hora Shastra · Chapter 28

atheṣṭakaṣṭādhyāyaḥ

atha ceṣṭamaniṣṭaṃ ca grahānāṃ kathayāmyaham‌/
yad‌vaśācca prayacchanti śubhā'śubhadaśāphalam‌

svanīcono graha śodhyaḥ ṣaḍ‌bhādhikye bhamaṇḍalāt‌/
saiko rāśirbhaveduccaraśmirdvighnāṃśasaṃyutaḥ

ceṣṭākendrācca tadraśmiṃ sādhayeduccaraśmivat‌/
ceṣṭākendraṃ kujādīnāṃ pūrvamuktaṃ mayā dvija

sāyanārkastribho'rkasya vyarkenduśca vidhostathā/
ceṣṭākendraṃ rasālpaṃ taccakrācchodhyaṃ rasādhike

ceṣṭoccaraśmiyogārdhaṃ śubharaśmiḥ prakīrtyate/
aṣṭabhyaśca viśuddho'sābaśubhākhyaśca kathyate

uccaceṣṭākarān‌ vyekān‌ digbhirhatvā tu yojayet‌/
tadardhamiṣṭasaṃjñaṃ syāt‌ kaṣṭaṃ tatṣaṣṭitaścyutam‌

svocce mūlatrikoṇe ca svabhe'dhisuhṛdīṣṭabhe/
samabhe śatrubhe cādhiśatrubhe nīcabhe kramāt‌

ṣaṣṭiriṣvabdhayastriṃśadākṛtistithayo gajāḥ/
catvāro dvau ca śūnyaṃ ca śubhametatphalaṃ gṛhe

ṣaṣṭitaḥ patitaṃ caitaccheṣaṃ syādaśubhaṃ gṛhe/
tadardhamanyavargeṣu jñeyaṃ vipra śubhā'śubham‌

pañcasviṣṭaphalaṃ cādyāt‌ samaṃ ṣaṣṭhe tataḥ param‌/
aśubhaṃ triṣu vijñeyamiti śāstreṣu niścitam‌

dig‌balaṃ dik‌phalaṃ tasya tathā dinaphalaṃ bhavet‌/
tayoḥ phalaṃ śubhaṃ proktamaśubhaṃ ṣaṣṭitaścyutam‌

śubhe'dhike śubhaṃ jñeyamaśubhaṃ tvaśubhe'dhike/
daśāphalaṃ nabhogasya tathā bhāvaphalaṃ dvija

balaiḥ ṣaḍ‌bhiḥ samodhitvā balaikyena bhajet‌ pṛthak‌/
tattad‌balaphalāni syuraśubhāni śubhāni ca

śubhapāpaphalābhyāṃ ca hanyād‌ dṛṣṭiṃ balaṃ tathā/
dṛṣṭī te śubhapāpākhye bale syātāṃ tadāhvaye

bhāvānāṃ ca phale prokte patīnāṃ ca phale ubhe/
rāśau śubhanabhogaśced‌ bhāvasādhanasaṃbhavam‌

phalaṃ tasya śubhe yuñjyādaśubhe varjayet‌ tathā/
pāpaścedanyathā caivaṃ bale dṛṣṭyāṃ tathaiva ca

yuñjyāduccādige kheṭe phalaṃ nīcādige tyajet‌/
evaṃ śubhā'śubhaṃ jñātvā jātakasya phalaṃ vadet‌

aṣṭavargaphalaṃ caivaṃ sthāne ca karaṇe'nyathā/
rāśidvayagate bhāve tadrāśyadhipateḥ kriyā

sthānādhikena bhāvena bhāvalābhaḥ prakīrtitaḥ/
tatsamāne ca tad‌bhāve tadānīṃ sthānadān‌ grahān‌

saṃyojye sthānasaṃkhyāyā dalametatsamaṃ phalaṃ/
evaṃ sakheṭabhāvānāṃ phalaṃ jñeyaṃ śubhā'śubham‌