Brihat Parashara Hora Shastra · Chapter 27

atha spaṣṭabalādhyāyaḥ

atha spaṣṭabalaṃ vakṣye sthānakālādisambhavam‌/
nīconāṃ khacaraṃ bhārdhādhika cakrād‌ viśodhayet‌

bhāgīkṛtya tribhirbhaktaṃ labdhamuccabalaṃ bhavet‌/
svatrikoṇasvagehādhimitramitrasamāriṣu

adhiśatrugṛhe cāpi sthitānāṃ kramaśo balam‌/
bhūtābdhayaḥ khāgninakhāstithyo daśa yugāḥ karāḥ

evaṃ horādṛkāṇādribhāgāṃkadvādaśāṃśajam‌/
triṃśāṃśajaṃ tadaikyañca saptavargasamud‌bhavam‌

śukrendū samabhāṃśe'nye viṣame'ṅ‌ghrimitaṃ balam‌/
kendrādiṣusthitāḥ kheṭāḥ pūrṇā'rdhā'ṅ‌ghrimitaṃ kramāt‌

ādyamadhyāvasāneṣu dreṣkāṇeṣu sthitāḥ kramāt‌/
puṃnapuṃsakayoṣākhyā dadyuraṅ‌ghrimitaṃ balam‌

sūryāt‌ kujāt‌ sukhaṃ jīvājjñāccā'staṃ lagnamārkritaḥ/
daśamaṃ ca bhṛgoścandrād‌ hitvā ṣaḍ‌bhādhike sati

cakrād‌ viśodhya tad‌bhāgāstribhirbhaktāśca dig‌balam‌/
iṣṭādhaṭi niśīthāttannataṃ triṃśaccyutaṃ natam‌

candrabhaumaśanīnāṃ ca nataṃ dvighnaṃ kalādikam‌/
ṣaṣṭiśuddhaṃ tadanyeṣāṃ sadā rūpaṃ budhasya hi

atha pakṣabalaṃ vakṣye sūrye candrād‌ viśodhya ca/
ṣaḍ‌bhādhike viśodhyārkād‌ bhāgīkṛttya tribhirbhajet‌

pakṣajaṃ balamindujñaśukrejyānāṃ tu ṣaṣṭitaḥ/
viśodhya tabdalaṃ jñenaṃ pāpānāṃ pakṣasaṃbhavam‌

dinatryaṃśeṣu saumyārkaśanīnāṃ niṭ‌tribhāgake/
candraśukrakujānāṃ ca balaṃ pūrṇaṃ sadā guroḥ

vaṣamāsadineśānāṃ tithyastriṃśaccharārṇavāṃ/
horeśasya balaṃ ṣaṣṭiruktaṃ naisargikaṃ purā

tanmānāṃ saptahṛt‌ṣaṣṭirekādyekottarairhatā/
śamaṃbuguśucaṃrādikheṭānāṃ kramato dvija

pañcābdhayaḥ surāḥ sūryāḥ khaṇḍakāṃśāḥ kramādamī/
sāyanagrahadorāśitulyakhaṇḍayutiśca sa

bhāgādikahatādeṣyāt‌ triṃśallabdhayutā lavāḥ/
svamṛṇaṃ tulameṣādau śanīndvośca trirāśiṣu

tathā'rārkejyaśukrāṇāṃ vyastaṃ jñasya sadā dhanam‌/
tad‌bhāgāśca tribhirbhaktā jñeyamāyanajaṃ balam‌

yadraverāyanaṃ vīryaṃ ceṣṭākhyaṃ tāvadeva hi/
vidhoḥ pakṣabalaṃ yāvat‌ tāvacceṣṭābalaṃ smṛtam‌

pāpadṛk‌pādahīnaṃ tacchubhadṛk‌pādayuk‌ tathā/
balaikyaṃ jñejyadṛk‌yuktamevaṃ kheṭabalaṃ bhavet‌

atha tāragrahāṇāṃ tu yuddhyatośca dvayormithaḥ/
balāntaraṃ vijetuḥ svaṃ nirjitasya bale tvṛṇam‌

cakrānuvakrā vikalā mandā mandatarā samā/
carā cā'ticarā ceti grahāṇāmaṣṭadhā gatiḥ

ṣaṣṭirvakragate vīryamanuvakragaterdalam‌/
pādo vikalabhukteḥ syāt‌ tathā madhyagaterdalam‌

pādo mandagatestasya dalaṃ mandatarasya hi/
carabhuktestu pādonāṃ dalaṃ syādaticāriṇaḥ

madhyamasphuṭayogārdhahīnaṃ svasvacaloccakam‌/
ṣaḍ‌bhādhikaṃ cyutaṃ cakrācceṣṭākendraṃ smṛtaṃ kujāt‌

bhāgīkṛtaṃ tribhirbhaktaṃ labdhaṃ ceṣṭābalaṃ tviti/
sthānadikkāladṛk‌ceṣṭānisargotthaṃ ca ṣaḍ‌vidham‌

evaṃ grahabalaṃ proktamatha bhāvabalaṃ śrṛṇu/
kanyāyugmatulākumbhacāpādyārdhāśca saptamam‌

go'jasiṃhamṛgādyārdhacāpāntyārdhāt‌ sukhaṃ tyajet‌/
karkavṛścikato lagnaṃ mṛgātyārdhājjhaṣāśca kham‌

śodhyamaṅgādhikaṃ cakrāccyutaṃ bhāgīkṛtaṃ trihṛt‌/
sad‌dṛṣṭipādayuk‌pāpapāpadṛṣṭipādavivarjitam‌

jñejyadṛṣṭiyutaṃ tacca svasvasvāmibalānvitam‌/
iti bhāvabalaṃ spaṣṭaṃ sāmānyaṃ ca puroditam‌

budhejyayuktabhāvasya balamekena saṃyutam‌/
mandāraraviyuktasya balamekena varjitam‌

dine śīrṣodayo bhāvaḥ sandhyāyāmubhayodayaḥ/
niśi pṛṣṭhodayākhyaśca dadyāt‌ pādamitaṃ balam‌

aṃkāgnayo'ṅgarāmāśca khāgnayā karasindhavaḥ/
navāgnayaḥ surāstriṃśad‌ daśasaṃguṇitāḥ kramāt‌

ravyādīnāṃ balaikyaścet‌ tadā subalino matāḥ/
adhikaṃ pūrṇameva syād‌ balaṃ ced‌balino dvija

gurusaumyaravīṇāṃ tu bhūtaṣaṭ‌kendavo dvija/
paṃcāgnayaḥ khabhūtāni karabhūmisudhākarāḥ

khāgnayaśca kramātsthānadik‌ceṣṭāsamayā'yane/
sitendvostryagnicandrāśca kheṣavaḥ khāgnayaḥ śatam‌

catvāriṃśat‌ kalā bhaumamandayoḥ ṣaṇṇava kramāt‌/
triṃśat‌ khavedāḥ saptāṅgā nakhāścetyuditā dvija

evaṃ kṛtvā balaikyaṃca tataścintyam phalaṃ dvija/
bhāvasthānagrahaiḥ proktayoge ye yogahetavaḥ

teṣāṃ madhye balī kartā sa evā'sya phalapradaḥ/
yogeṣvāpteṣu bahuṣu nītirevaṃ prakīrtitā

gaṇiteṣu pravīṇo yaḥ śabdaśāstre kṛtaśramaḥ/
nyāyavid‌ buddhimān‌ deśadikkālajño jitendriyaḥ

ūhāpohapaṭurhorāskandhaśravaṇasammataḥ/
maitreya satyatāṃ yādi tasya vākyaṃ na saṃśayaḥ