બૃહત્પારાશરહોરાશાસ્ત્રમ્ · અધ્યાય 10

અથાઽરિષ્ટભંગાધ્યાયઃ

ઇત્યરિષ્ટં મયા પ્રોક્તં તદ્‌ભઙ્ગશ્ચાપિ કથ્યતે।
યત્‌ સમાલોક્યં જાતાનાં રિષ્તાઽરિષ્ટં વદેદ્‌બુધઃ

એકોઽપિ જ્ઞાર્યશુક્રાણાં લગ્નાત્‌ કેન્દ્રગતો યદિ।
અરિષ્ટં નિખિલં હન્તિ તિમિરં ભાસ્કરો યથા

એક એવ બલી જીવો લગ્નસ્થો રિષ્ટસંચયમ્‌।
હન્તિ પાપક્ષયં ભક્ત્યા પ્રણામ ઇવ શૂલિનઃ

એક એવ વિલગ્નેશઃ કેન્દ્રસંસ્થો બલાન્વિતઃ।
અરિષ્ટં નિખિલં હન્તિ પિનાકી ત્રિપુરં યથા

શુક્લપક્ષે ક્ષપાજન્મ લગ્ને સૌમ્યનિરીક્ષિતે।
વિપરીતં કૃષ્ણપક્ષે તથારિષ્ટવિનાશનં

વ્યયસ્થાને યદા સૂર્યસ્તુલાલગ્ને તુ જાયતે।
જીવેત્‌ સ શતવર્ષાણિ દીર્ઘાયુર્બાલકો ભવેત્‌

ગુરુભૌમૌ યદા યુક્તૌ ગુરુદૃઋટોઽથવા કુજઃ।
હત્વાઽરિષ્ટમશેષં ચ જનન્યાઃ શુભક્રદ્‌ભવેત્‌

ચતુર્થદશમે પાપઃ સૌમ્યમધ્યે યદા ભવેત્‌।
પિતુઃ સૌખ્યકરો યોગઃ શુભૈઃ કેન્દ્રત્રિકોણગૈઃ

સૌમ્યાન્તરગતૈઃ પાપૈઃ શુભૈઃ કેન્દ્રત્રિકોણગૈઃ।
સદ્યો નાશયતેઽરિષ્ટં તદ્‌ભાવોત્થફલં ન તત્‌