Brahmavaivarta Purana · Chapter 4.133

atha trayastriṃśadadhikaśatatamo'dhyāyaḥ
śaunaka uvāca
adhya me saphalaṃ janma cīvitaṃ ca sujīvitam /
yatphalaṃ brahmavaivarte nirvighnaṃ mokṣakāraṇam

abhayaṃ dehi he vatsa he tāta mahyameva ca /
tadā nivedanaṃ kiṃcidastīti ca karomyaham

sūta uvāca
tyaja bhītiṃ mahābhāga praśnaṃ kuru yadicchasi /
sarvaṃ te kathayiṣyāmi yadyadgopyaṃ manoharam

śaunaka uvāca
adhunā śrotumicchāmi purāṇānāṃ ca lakṣaṇam /
saṃkhyānamapi teṣāṃ ca phalamasyaiva putraka

sūta uvāca
vistarāṇi purāṇāni cetihāsaśca śaunaka /
saṃhitāṃ pañcarātrāṇi kathayāmi yathāgatam

sargaśca pratisargaśca vaṃśo manvantarāṇi ca /
vaṃśānucaritaṃ vipra purāṇaṃ pañcalakṣaṇam

etadupapurāṇānāṃ lakṣaṇaṃ ca vidurbudhāḥ /
mahatāṃ ca purāṇānāṃ lakṣaṇaṃ kathayāmi te

sṛṣṭiścāpi visṛṣṭiśca sthitisteṣāṃ ca pālanam /
karmaṇāṃ vāsanā vārtāmanūnāṃ cākrameṇa ca

varṇanaṃ pralayānāṃ ca maukṣasya ca nirūpaṇam /
utkīrtanaṃ harereva vedānāṃ ca pṛthakpṛthak

daśādhikaṃ lakṣaṇaṃ ca mahatāṃ parikīrtitam /
saṃkhyānaṃ ca purāṇānāṃ nibodha kathayāmi te

paraṃ brahmapurāṇaṃ ca sahasrāṇāṃ daśaiva tu /
pañconaṣaṣṭisāhasraṃ pādmameva prakīrtitam

trayoviṃśatisāhasraṃ vaiṣṇavaṃ ca vidurbudhāḥ /
caturviṃśatisāhasraṃ śaivaṃ caiva nirūpitam

grantho'ṣṭādaśasāhasraṃ śrīmadbhāgavataṃ viduḥ /
pañcaviṃśatisāhasraṃ nāradīyaṃ prakīrtitam

mārkaṇḍaṃ navasāhasraṃ purāṇaṃ paṇḍitā viduḥ /
catuḥśatādhikaṃ pañcadaśasāhasrameva ca

paramagnipurāṇaṃ ca ruciraṃ parisīrtitam /
caturdaśasahasrāṇi paraṃ pañcaśatādhikam

purāṇapravaraṃ caiva bhaviṣyaṃ parikīrtitam /
aṣṭādaśasahasraṃ ca brahmavaivartamīpsitam

sarveṣāṃ ca purāṇānāṃ sārameva vidurbudhāḥ /
ekādaśasahasraṃ tu paraṃ liṅgapurāṇakam

caturviṃśatisāhasraṃ vārāhaṃ parikīrtitam /
ekāśītisahasraṃ ca parameva śatādhikam

varaṃ skandapurāṇaṃ ca sadbhirevaṃ nirūpitam /
vāmanaṃ daśasāhasraṃ kaurma saptadaśaiva tu

mātsyaṃ caturdaśa proktaṃ purāṇaṃ paṇḍitaistathā /
ūnaviśatisāhasraṃ gāruḍaṃ parikīrtitam

paraṃ dvādaśasāhasraṃ brahmāḍhaṃ parikīrtitam /
evaṃ purāṇasaṃkhyānaṃ caturlakṣamudāhṛtam

aṣṭādaśapurāṇānāmevameva vidurbudhāḥ /
evaṃ copapurāṇānāmaṣṭādaśa prakīrtitā

itihāso bhārataṃ ca vānmīkaṃ kāvyameva ca /
pañcakaṃ pañcarātrāṇāṃ kṛṣṇamāhātmyapūrvakam

vasiṣṭhaṃ nāradīyaṃ ca kāpilaṃ gautamīyakam /
paraṃ sanatkumārīyaṃ pañcarātraṃ ca pañcakam

pañcakaṃ sahitānāṃ ca kṛṣṇabhaktisamanvitam /
brahmaṇāśca śivasyāpi prahlādasya tathaiva ca

gautamasya kumārasya saṃhitāḥ parikīrtitāḥ /
iti te kathitaṃ sarva krameṇa ca pṛthakpṛthak

astyevaṃ vipulaṃ śāstraṃ mamāpi ca yathāgamam /
uvācedaṃ purāṇaṃ ca goloke rāsamaṇḍale

śrīkṛṣṇo bhagavānsākṣādbrahmāṇaṃ ca svabhaktakam /
brahmā dharma ca dharmiṣṭhaṃ dharmo nārāyaṇaṃ munim

nārāyaṇo nāradaṃ ca nārado māṃ ca bhaktakam /
ahaṃ tvāṃ ca muniśreṣṭha variṣṭhaṃ kathayāmi tat

sudarlabhaṃ purāṇaṃ ca brahmavaivartamīpsitam /
yadvṛṇotyeva viśvaughaṃ jīvināṃ paramātmakam

tadbrahma sākṣirūpaṃ ca karmaṇāmeva karmiṇām /
tadbrahma vivṛtaṃ yatra tadvibhūtimanuttamām

tenedaṃ brahmavaivartamityevaṃ ca bidurbudhāḥ /
puṇyapradaṃ purāṇaṃ ca maṅgalaṃ maṅgalapradam

sugopyaṃ ca rahasyaṃ ca yatra ramyaṃ navaṃ navam /
haribhaktipradaṃ caiva durlabhaṃ haridāsyadam

sukhadaṃ brahmadaṃ sāraṃ śokasaṃtāpanāśanam /
saritāṃ ca yathā gaṅgā sadyo muktipradā śubhā

tirthātāṃ puṣkaraṃ śuddhaṃ yathā kāśī purīṣu ca /
sarveṣu bhārataṃ varṣaṃ sadyo muktipradaṃ śubham

yathā sumeruḥ śaileṣu pārijātaṃ ca puṣpataḥ /
patreṣu tulasīpatraṃ vrateṣvekādaśīvratam

vṛkṣeṣu kalpavṛkṣaśca śrīkṛṣṇaśca sureṣu ca /
jñānīndreṣu mahādevo yogīndreṣu gaṇeśvaraḥ

siddhendreṣveva kapilaḥ sūryastejasvināṃ yathā /
sanatkumāro bhagavānvaiṣṇaveṣu yathā'graṇīḥ

bhūpeṣu ca yathā rāmo lakṣmaṇaśca dhanuṣmatām /
devīṣu ca yathā durgā mahāpuṇyavatī satī

prāṇādhikā yathā rādhā kṛṣṇasya preyasīṣu ca /
īśvarīṣu yathā lakṣmīḥ paṇḍiteṣu sarasvatī

tathā sarvapurāṇeṣu brahmavaivartameva ca /
nāto diśiṣṭaṃ sukhadaṃ madhuraṃ ca supuṇyadam

saṃdehabhañjanaṃ caiva purāṇaṃ parikīrtitam /
iha loke ca sukhadaṃ supradaṃ sarvasaṃpadām

śubhadaṃ puṇyadaṃ caiva vighnanighnakaraṃ param /
haridāsyapradaṃ caiva paraloke praharṣadam

yajñānāmapi tīrthānāṃ vratānāṃ tapasāṃ tathā /
bhuvaḥ pradakṣiṇasyāpi phalaṃ nāsya samānakam

caturṇāmapi vedānāṃ pāṭhādapi varaṃ phalam /
śrṛṇotīdaṃ purāṇaṃ ca saṃyataśceha putraka

guṇavantaṃ ca vidvāṃsaṃ vaiṣṇavaṃ putramālabhet /
śrṛṇoti durbhagā cettu saubhāgyaṃ svāmino labhet

mṛtavatsā kākavandhyā mahāvandhyā ca pāpinī /
purāṇaśravaṇāllebhe putraṃ ca ciracīvinam

aputro labhate putramabhāryo labhate priyām /
aspaṣṭakīrtiḥ suyaśā mūrkho bhavati paṇḍitaḥ

rogārto mucyate rogādbaddho mucyeta bandhanāt /
bhayānmucyeta bhītastu mucyetāpanna āpadaḥ

araṇye brāntare bhīto dāvāgno mucyate dhruvam /
aghaṃ kuṣṭhaṃ ca dāridryaṃ rogaṃ śokaṃ ca dāruṇam

puṇyavānśravaṇādeva naiva jānātyapuṇyavān /
ślokārdha ślokapādaṃ vā yaḥ śṛṇoti susaṃyataḥ

golakṣadānapuṇyaṃ ca labhate nātra saṃśayaḥ /
yutuḥkhaḍaṃ purāṇaṃ ca śuddhakāle jitendriyaḥ

saṃkalpato yaḥ śṛṇoti bhaktyā dattvā ca dakṣiṇām /
yadbālye yaccakaumāre vārdhake yacca yauvane

koṭijanmārjitātpāpānmucyate nātra saṃśayaḥ /
ratnanirmāṇayānena dhṛtvā śrīkṛṣṇarūpakam

nityaṃ gatvā ca golokaṃ kṛṣṇadāsyaṃ labhedbhūvam /
asaṃkhyabrahmaṇāṃ pāte na bhavettasya pātanam

samīpe pārṣado bhūtvā sevāṃ ca kurute ciram /
śrutvā ca brahmakhaṇḍaṃ ca susnātaḥ saṃyataḥ śuciḥ

pāyasaṃ piṣṭakaṃ caiva phalaṃ tāmbūlameva ca /
bhojayitvā vācakaṃ ca tasmai dadyātsuvarṇakam

candanaṃ śuklamālyaṃ ca sūkṣmavastraṃ manoharam /
nivedya vāsudevaṃ ca vācakāya pradīyate

śrutvā ca prakṛteḥ khaṇḍaṃ suśrāvyaṃ ca sudhopamam /
bhojayitvā ca dadhyannaṃ tasmai dadyācca //
kāñcanam

savatsāṃ surabhiṃ ramyāṃ dadyādvai bhaktipūrvakam /
śrutvā gaṇapateḥ khaṇḍaṃ vighnanāśāya saṃyataḥ

svarṇayajñopavītaṃ ca śvetāśvacchatramālyakam /
pradīyate vāyakāya svastikaṃ tilalaḍḍukam

paripakvaphalānyeva kāladeśodbhavāni ca /
śrīkṛṣṇajanmakhaṇḍaṃ ca śrutvā bhaktaśca bhaktitaḥ

vācakāya pradadyācca paraṃ ratnāṅgulīyakam /
sūkṣmavastraṃ ca mālyaṃ ca svarṇakuṇḍalamuttamam

mālyaṃ ca varadolāṃ ca supakvaṃ kṣīrameva ca /
sarvasvaṃ dakṣiṇāṃ dadyātstavanaṃ kurute dhruvam

śatakaṃ brāhmaṇānāṃ ca bhojayetparamādarāt /
brahmaṇaṃ vaiṣṇavaṃ śāstraniṣṇātaṃ paṇḍitaṃ varam

kurute vācakaṃ śuddhamanyathā niṣphalaṃ bhavet /
śrīkṛṣṇa vimukhādduṣṭānnopadiṣṭācca brāhmaṇāt

śrīkṛṣṇabhaktiyuktaṃ ca purāṇaṃ yaḥ śṛṇoti ca /
bhaktiṃ puṇyaṃ na labhate hanti puṇyaṃ purākṛtam

śrīkṛṣṇabhaktiyuktācca purāṇaṃ yaḥ śṛṇoti ca /
bhaktiṃ puṇyaṃ ca labhate yātyante śrohareḥ padam

etatte kathitaṃ sarva yacchru taṃ guruvaktrataḥ /
bidāyaṃ dehi viprendra yāmi nārāyaṇāśramam

dṛṣṭvā viprasamūhaṃ ca namaskartuṃ samāgataḥ /
kathitaṃ brahmavaivartaṃ bhavatāmājñayā param

namo'stu brāhmaṇebhyaśca kṛṣṇāya paramātmane /
śivāya brahmaṇe nityaṃ gaṇeśāya namo namaḥ

kāyena manasā vācā paraṃ bhaktyā divāniśam /
bhaja satyaṃ paraṃ brahma rādheśaṃ triguṇātparam

namo devyai sarasvatyai purāṇagurave namaḥ /
sarvavighnavināśinyai durgādevyai namo namaḥ

yuṣmākaṃ pādadmāni dṛṣṭvā puṇyāni śaunaka /
adya siddhāśramaṃ yāmi yatra devo gaṇeśvaraḥ

iti śrībrahmavaivarte mahāpurāṇe śrīkṛṣṇajanmakhaṇḍa uttarārdhe nāradanārayaṇasaṃvāde
sūtaśaunakasaṃvāde trayastriṃdaśadhikaśatatamo'dhyāyaḥ

samāpto'yaṃ śrīmadbrahmavaivartapurāṇasthaśrīkṛṣṇajanmakhaṇḍasyottarārdhaḥ /
samāptamidaṃ śrīmadbrahmavaipartapurāṇasya caturthaṃ śrīkṛṣṇajanmakhaṇḍaṃ
śrīmadvyāsamunipraṇītaṃ brahmavaivartapurāṇaṃ ca