Brahmavaivarta Purana · Chapter 4.104

atha caturadhikaśatatamo'dhyāyaḥ
nārāyaṇa uvāca
etasminnantare brahmā bhavānyā ca bhavaḥ svayam /
anantaścāpi dharmaśca bhāskaraśca hutāśanaḥ

kubero varuṇaścaiva pavanaśca yamastathā /
mahendraścapi candraśca rudrāścaikādaśaiva te

anye devāśca munayo vasavaḥ sapta eva ca /
ādityāścāpi daityāśca gandharvāḥ kinnarāstathā

āyayurdvārakāṃ draṣṭuṃ śrīkṛṣṇaṃ ca balaṃ tathā /
āgacchantaṃ ca sahasā vaṭamūlaṃ manoharam

dṛṣṭvā ca devatāḥ sarvāstuṣṭuvuḥ puruṣottamam /
ākāśācca vimānaiśca saṃprāpya vaṭamūlakam

dadṛśurdvārakāṃ ramyāmatīva sumanoharam /
muktāmāṇikyahīreṇā ratnarājivirājitām

paritaścaturasrāṃ ca śatayojanasaṃmitām /
saptabhiḥ parikhābhiśca gambhīrābhiśca veṣṭitām

prākārairnavabhiryuktāṃ lakṣaiḥ krīḍāsarovaraiḥ /
manoharaiḥ sapadmaiśca sahitaiśca madhuvrataiḥ

śobhitāṃ sarvatobhadraiḥ puṣpodyānatrilakṣakaiḥ /
praphullapuṣpaiḥ pavanaiḥ sarvatra surabhīkṛtām

āmoditāṃ ca śītena mandacandanavāyunā /
tarubhirnārikelāṇāṃ śobhitāṃ śatakoṭibhiḥ

guvākānāṃ ca vṛkṣaiśca bhūṣitāṃ taccaturguṇaiḥ /
caturguṇairguvākānāṃ yuktāmāmramahīruhaiḥ

parītāṃ panasānāṃ ca vṛkṣairāmrasamairmune /
suśobhitāṃ ca tālānāṃ drumairāmrasamairmune

aśvatthairbadarībhiśca bilvairāmrātakairvaṭaiḥ /
śālmalībhiśca jambūbhiḥ kadambaiścāpi śobhitām

vaṃśaiśca tintiḍībhiśca campakairbakulaistathā /
nāgeśvarairnāgaraṅgairjambīrairdāḍimairyutām

kharjurairarjunaiḥ piṣṭairikṣubhiḥ kāñcanairapi /
harītakībhirdhātrībhirindubhiḥ paritaḥ plutām

śālaiḥ priyālairhintālaiḥ śirīṣaiḥ saptaparṇakaiḥ /
anyairnānādrumairiṣṭairiṣṭāṃ yuktāṃ pariplutām

asaṃkhyairmandirai ramyairatyuccairapi saṃskṛtām /
ratnendrasāranirmāṇairmuktāmāṇikyabhūṣitaiḥ

māṇikyahīrakaiścitraiḥ sadratnakalaśānvitaiḥ /
maṇibhirnirmitairiṣṭaiḥ sopānanikarairvaraiḥ

kapāṭaiḥ kaṭhinairdavyairargalākīlakairyutām /
harinmaṇīnāṃ stambhānāṃ kadambairapi saṃyutaiḥ

nānācitrairvicitraiśca sucitraiśca pariṣkṛtaiḥ /
darpaṇaiḥ sūkṣmavastraiśca śobhitaiḥ śvetacāmaraiḥ

prāṅgaṇaiḥ padmarāgādyarindranīlapariṣkṛtām /
vīthībhī ratnakhacitairājamārgaiḥ samanvitām

grīṣmadhyāhnasūryābhāṃ jvalitāṃ ratnatejasā /
gavākṣalakṣaiḥ saṃyuktāṃ vājiśālāpariṣkṛtām

dṛṣṭvā ca dvārakāṃ ramyāṃ te devā vismayaṃ yayuḥ /
prasannavadano devo lāṅgalī bhagavānajaḥ

sasmāra yaduvaṃśānāṃ samūhamugrasenakam /
vasudevaṃ devakīṃ ca pāṇḍavāṃśca samātṛkān

nandaṃ yaśodāṃ gopālānrājendramunipuṃgavām /
gandharvānkinnarāṃścaiva sahito yadupuṃgavaiḥ

nando yaśodā gopāśca jananyā saha pāṇḍavāḥ /
gandharvāḥ kinnarāścaiva vidyādharyaśca nārada

kinnaryaścāpi nartakyo gāyakā vādyabhāṇḍakāḥ /
bhikṣukā bhāṇḍakāścaiva bhaṭṭāścagaṇakāstathā

nānādeśo dbhavā bhūpā vaidyāścānye ca mānavāḥ /
saṃnyāsinaśca yatayo'vadhūtā brahmacāriṇaḥ

āyayurmunayaḥ sarve saśiṣyāḥ siddhapuṃgavāḥ /
sanakaśca sanandaśca ttīyaśca sanātanaḥ

sanatkumāro bhagavāñjñānināṃ ca gurorguruḥ /
śiṣyaistrikoṭibhiḥ sārdha pañcavarṣā digambaraḥ

śiṣyaistrilakṣaiḥ sahito durvāsā bhagavānajaḥ /
lakṣaśiṣyaiḥ kaśyapaśca vālmīkiśca trilakṣakaiḥ

lakṣaśiṣyairgau tamaśca kauṭibhiśca bṛhaspatiḥ /
śukrastrikoṭibhiḥ sārdha bharadvājaśca lakṣakaiḥ

śiṣyaistrikoṭibhiḥ sārdhamaṅgirā bhagavānajaḥ /
vasiṣṭhaḥ koṭibhiḥ śiṣyaiḥ pracetāḥ koṭibhistathā

trilakṣaiśca pulastyaścāpyagastyaḥ koṭibhiḥ saha /
pulaho lakṣaśiṣyaiśca kraturlakṣaisthaiva ca

atristrikoṭibhiḥ śiṣyairbhṛguśca pañcakoṭibhiḥ /
trikoṭibhirmarīciśca śatānandaḥ sahasrakaiḥ

sārdha trikoṭibhiḥ śiṣyairṛṣyaśṛṅgo vibhāṇḍakaḥ /
pāpiniḥ koṭibhiḥ śiṣyairlakṣaiḥ kātyāyanastathā

yājñavalkyaḥ sahasraiśca vyāsaḥ śiṣyatrikoṭibhiḥ /
śiṣyairlakṣaiśca sahito gargaḥ kulapulohitaḥ

gālavaśca sahasraiśca sahasaiḥ saubharistathā /
trikoṭibhirlomaśaśca mārkaṇḍeyastrikoṭibhiḥ

koṭibhirvāmadevaśca jaigīṣavyastrikoṭibhiḥ /
sāṃdīpanirdevalaśca sacchiṣyaiśca trikoṭibhiḥ

voḍhuḥ śiṣyaiḥ koṭibhiśca lakṣaiḥ pañcaśikhastathā /
ahaṃ nārāyaṇaścaiva naro mama sahodaraḥ

śiṣyaistrikoṭibhiḥ sārdhaṃ viśvāmitraśca koṭibhiḥ /
trikoṭibhirjaratkārurāstīkaśca trikoṭibhiḥ

trikoṭibhiḥ parśurāmo vatso lakṣaiśca śiṣyakaiḥ /
dakṣastrilakṣaiḥ śiṣyaiśca kapilaḥ pañcakoṭibhiḥ

saṃvartaśca trilakṣaiścāpyutathyaśca tathaiva ca /
sahasrairjaiminiścaiva pailo lakṣaistathaiva ca

suvaṇaṃśca sahasraiśca vaiśampāyana eva ca /
śiṣyairlakṣaiḥ sametaśca vyāsaśiṣyaḥ purogamaḥ

lakṣaiḥ śiṣyaistathā śṛṅgī copamanyustathaiva ca /
sahasraiśca gauramukhaḥ kaco lakṣairguroḥ sutaḥ

aśvatthāmā tathā droṇaḥ kṛpācāryaḥ saśiṣyakaḥ /
bhīṣmaḥ karṇaśca śakunī rājā duryodhanastathā //
nṛpasya bhrātaraḥ sarve cānye bhūpā jagadgurum

śrībhagavānuvāca
śubhakarmaṇi niṣpanne yāsyanti ye samāgatāḥ /
śivabrahmādayo devā munayaśca tathā'pare

bhavāśca yādavaiḥ sārdhaṃ praviśa dvārakāṃ purīm /
matpitrā mātṛbhiḥ sārdha māhendre ca kṣaṇe nṛpa

apare yadavo'nye ca yāsyanti mathurāṃ purīm /
śrutveti viraso rājā tamuvāca bhayākulaḥ

ugrasena uvāca
vāsudeva na yāsyāmi bhūmiṃ tāṃ paitṛkīṃ punaḥ /
sarvatīrthaparāṃ śuddhāṃ daive karmaṇi paitṛke

pāvake bhūmideśe ca pitṝṇāṃ nirvapettu yaḥ /
tadbhūmiḥ svāmipitṛbhiḥ śrāddhakarmaṇi hanyate

pitṝṇāṃ niṣphalaṃ śrāddhaṃ devānāmapi pūjanam /
kiṃcitphalapradaṃ caiva saṃpūrṇe paitṛke sthale

putrapautrakalatrebhyaḥ prāṇebhyaḥ preyasī sadā /
durlabhā paidṛkī bhūmiḥ piturmāturgarīṃyasī

tatsatyaṃ ca pavitraṃ ca daive karmaṇi paitṛke /
krīḍāṃ ca datte dānaṃ ca paradattamaśuddhakam

mriyate paitṛkībhūmyaṃ tīrthatulyaphalaṃ labhet /
gaṅgājalasamaṃ pūtaṃ patṛkhātodakaṃ hare

tatra snātvā jale pūte gaṅgāsnānaphalaṃ labhet /
pitaṇāṃ tarpaṇāṃ tatra pavitraṃ devapūjanam

paitṛkī janmabhūmiśceddviguṇaṃ tatphalaṃ labhet /
paitṛkībhūmitulyāca dānabhūmiḥ satāmapi

vāsudeva uvāca
bhogāste vacanaṃ kiṃ vā niṣekaḥ kena vāryaṃte /
paitṛkī tīrthatulyā sā kiṃ tīrthaṃ dvārakāparam

sarvatīrthaparā śreṣṭhā dvārakā bahapuṇyadā /
yasyāḥ praveśamātreṇa narāṇāṃ janmakhaṇḍanam

dānaṃ ca dvārakāyāṃ ca śrāddhaṃ ca devapūjanam /
caturguṇaṃ ca tīrthānāṃ gaṅgādīnāṃ ca bhūmipa

gaccha brahmadibhiḥ sārdha munibhiryādavaiḥ saha /
rājendrabhavanaṃ tatra gṛhāṇāṃ sādaraṃ punaḥ

karoti śaśvannyakkāraṃ mahendrasyāmarāvatīm /
nivasa tvaṃ sudharmāyāṃ māhendre ca kṣaṇe nṛpa

jambudvīpasthitā bhūpā rājendramaṇḍaleśvarāḥ /
karaṃ dāsyanti tubhayaṃ ca mahendrāya surā yathā

bhūyājjitaḥ kuberaśca dhanena dhanasaṃpadā /
tejasā bhāskaraścāpi mahendraḥ saṃpadaḥ tathā

devā jitā raṇenaiva puṇyena munayo jitāḥ /
tapasvinaśya tapasā vratīnaśca vratena ca

ugrasenasamo rājā na bhūto na bhaviṣyati /
sabhāyāṃ yasya bhagavānbaladevo mahābalaḥ

viśvaṃ ca yasya śirasāṃ sahasrāṇaṃ nareśvara /
ekasmiñśirasi nyastaṃ śūrpe ca sarṣapo yathā

na hyanantasamo devo balena balavattaraḥ /
yadguṇānāṃ ca nāstyantastenānantaṃ jagurbudhāḥ

vasavo'ṣṭau mahābhāgā rudrāśca śaṃkaraṃ vinā /
balino dvādaśādityā mahendraśca suraiḥ samaḥ

na samarthā dhruvaṃ jetumugrasenaṃ nṛpeśvaram /
kṛṣṇasya vacanaṃ śrutvā prasannavadano nṛpaḥ

prayayau yādavaiḥ sārdha mahendrabhavanātparam /
svālayaṃ dvārakāmadhye jvalantaṃ maṇitejasā

sahasraidvaripālaiśca śūlibhirdaṇḍahastakaiḥ /
niyuktai rakṣitaṃ dvāraṃ dadarśa mānaveśvaraḥ

abhyantare ca śibiraṃ dvārebhyaḥ ṣaḍbhya eva ca /
mandirāṇāṃ ca śatakai ratnānāṃ paribhūṣaṇam

koṭiṃ mattagajendrāṇāṃ dadarśa gajamandire /
caturyugaṃ gajaughaṃ gajānāṃ ṣaḍguṇaṃ tathā

mahābalāṃśca turagānsūryāśvaṃ ca hasanti ye /
gajendrarājaṃ sarveṣāṃ vāhanānāmapīśvaram

hasatyairāvataṃ śaśvanmahendrasya ca nārada /
atyuccairuccaiḥśravamāṃ dadarśa koṭimīpsitam

kharāṇāṃ daśakoṭiṃ ca pādātaṃ ṣaḍguṇaṃ tathā /
nirmāṇaṃ ratnasārāṇāṃ tathānāṃ pañcalakṣakam

pañcalakṣaṃ sārathīnāṃ tatrāśvaṃ ṣaḍguṇaṃ tathā /
aśvavāṭaṃ tatsamaṃ ca sudharmāṃ ca sabhāmapi

dadarśāmyantare ramye devaughamunisaṃyutām /
vahniśuddhāśukai ramyairbhūṣitāṃ raktakambalaiḥ

ratnasiṃhāsanai ramyairbhūṣitāṃ raktapiṅgalaiḥ /
amūlyaratnanirmāṇavīthīnāṃ tejasojjvalām

veṣṭitāṃ ca mahābhītaiḥ kiṃkaraiḥ śatakoṭibhiḥ /
praviveśa sabhāṃ ramyāṃ śrutvā śaṅkhadhvaniṃ śubham

vādyaṃ ca duṃdubhīnāṃ ca munīnāṃ vedamantrakam /
dṛṣṭvā nṛpaṃ samuttasthau vegena sabalo hariḥ

brahmā maheśvaraścaiva śeṣaśca devapuṃgavāḥ /
samuttasthuḥ surāḥ sarve munayaśca mahāvratāḥ

rājendrāścāpi siddhendrā vasudevapurogamāḥ /
ratnasiṃhāsane ramye cograseno mahābalaḥ

samuvāsa mahendrasya munīnāmājñayā hareḥ /
devānāṃ ca gurūṇāṃ ca gargasyāpi tathaiva ca

saptatīrthodakenaiva pūrṇakumbhena nārada /
jakāra vedamantraiśca nṛpasyāpyabhiṣecanam

tasmai vastrayugaṃ dattaṃ vahniśuddhaṃ manoharam /
varuṇena purā dattaṃ kṛṣṇāya paramātmane

mālyaṃ ca pārijātānāṃ candanaṃ ratnabhūṣaṇam /
ratnacchatraṃ dadau tasmai baladevo mahābalaḥ

brahmā kamaṇḍaluṃ caiva śūlaṃ cāpi maheśvaraḥ /
pārvatī ratnamālyaṃ ca hāraṃ ca mālatī satī

anye devāśca munayo rājendrāḥ siddhapuṃgavāḥ /
yautakaṃ ca dadau tasmai krameṇa ca pṛthakpṛthak

vasudevo dadau tasmai śubhadaṃ śvetacāmaram /
pavanena purā dattaṃ kṛṣṇāya paramātmane

nando dadau ca surabhiṃ kāmadhenuṃ ca pūjitām /
yaśodā devakī tasmai ratnaśreṣṭhaṃ dadau mudā

saptabhiḥ kiṃkaraiścāpi saivitaḥ śvetacāmaraiḥ /
dadhāra cchatramakrūro bhaktyā caivā''jñayā hareḥ

ratnasihāsane ramye dadarśa ratnadarpaṇam /
atīva puṇyāvāpyaṃ ca hariṇāṃ ca puraskṛtaḥ

cakruḥ stutiṃ ca bhaṭṭāśca bhiṅukā brāhmaṇāstathā /
daduḥ śubhāśiṣaṃ tasmai devāśca munayastathā

brahmaṇemyo dadau rājā ratnakoṭiṃ ca bhaktataḥ /
bhaṭṭabhyo ratnaśatakaṃ bhikṣukemyastathaiva ca

abhiṣicya nṛpendraṃ ca devāṃśca munipuṃgavān /
saṃpūjya brāhmaṇāṃścāpi bhaṭṭānbhikṣuṃ dvijaṃ gurum

svālayaṃ ca yayuḥ sarve yādavāśca mudā'nvitāḥ /
ye ye hareḥ pārṣadāśca te sarve svālayaṃ yayuḥ

prabhāte cā''yayuḥ sarve sudharmā ca sabhāṃ hareḥ /
namaskṛtya nṛpendraṃ ca coṣuḥ sarve ca saṃsadi

iti śrībrahmao mahāo śrīkṛṣṇajanmakhao uttao nārādanāo dvārakāpraveśa
ugrasenābhiṣeko nāma caturadhikaśatatamo'dhyāyaḥ