Bodhisattvayogācāracatuḥśatakaṭīkā · Chapter 7

hīyamānāṃ rujaṃ dṛṣṭvā gamanādau viparyaye /
sarvakarmakṣaye tena karoti matimān matim //

yadaikasyāpi kāryasya dṛśyate nādikāraṇam /
tadā kasya bhayaṃ na syād dṛṣṭvaikasyāpi vistaram //

siddhiḥ sarvasya kāryasya niyamena na jāyate /
niyamena kṛtasyāntaḥ kiṃ tadarthaṃ vihanyase //

yatnataḥ kriyate karma kṛtaṃ naśyaty ayatnataḥ /
virāgo 'sti na te kaścid evaṃ saty api karmaṇi //

atītasya sukhaṃ nāsti nāpy aprāptasya vidyate /
vartamāno 'pi yāty eva śramo 'yaṃ kasya nāma te //

svargo nirayatulyo 'pi viduṣāṃ syād bhayaṅkaraḥ /
sarvathā durlabhas teṣāṃ bhavo yo na bhayaṅkaraḥ //

saṃsāraduḥkhaṃ jānīyād yadi bālo 'pi sarvaśaḥ /
gacched atyantato nāśaṃ saha cittena tatkṣaṇam //

amānī durla bhaḥ śakto mānī nāsti ghṛṇānvitaḥ /
uktaḥ sudurlabhas tena jyotirjyotiḥ parāyaṇaḥ //

nivṛttaviṣayasyeha viṣayaḥ kila labhyate /
kenāpi hetunā dharmo viparīto 'pi sa ṃ smṛtaḥ //

puṇyasya phalam aiśvaryaṃ tac ca rakṣyaṃ sadānyataḥ /
kathaṃ nāma tad ātmīyaṃ yad rakṣyaṃ sarvadānyataḥ //

yā yā lokasthitis tāṃ tāṃ dharmaḥ samanuvartate /
dharmād api tato loko balavān iva dṛśyate //

viṣayaś ca śubheneṣṭo viṣayaḥ sa ca kutsitaḥ /
śreyān yasya parityāgo niṣpannenāpi tena kim //

kāryaṃ nāsty ājñayā yasya tasya dharmo nirarthakaḥ /