બોધિસત્ત્વયોગાચારચતુઃશતકટીકા · અધ્યાય 7

હીયમાનાં રુજં દૃષ્ટ્વા ગમનાદૌ વિપર્યયે ।
સર્વકર્મક્ષયે તેન કરોતિ મતિમાન્ મતિમ્ ॥

યદૈકસ્યાપિ કાર્યસ્ય દૃશ્યતે નાદિકારણમ્ ।
તદા કસ્ય ભયં ન સ્યાદ્ દૃષ્ટ્વૈકસ્યાપિ વિસ્તરમ્ ॥

સિદ્ધિઃ સર્વસ્ય કાર્યસ્ય નિયમેન ન જાયતે ।
નિયમેન કૃતસ્યાન્તઃ કિં તદર્થં વિહન્યસે ॥

યત્નતઃ ક્રિયતે કર્મ કૃતં નશ્યત્ય્ અયત્નતઃ ।
વિરાગો ઽસ્તિ ન તે કશ્ચિદ્ એવં સત્ય્ અપિ કર્મણિ ॥

અતીતસ્ય સુખં નાસ્તિ નાપ્ય્ અપ્રાપ્તસ્ય વિદ્યતે ।
વર્તમાનો ઽપિ યાત્ય્ એવ શ્રમો ઽયં કસ્ય નામ તે ॥

સ્વર્ગો નિરયતુલ્યો ઽપિ વિદુષાં સ્યાદ્ ભયઙ્કરઃ ।
સર્વથા દુર્લભસ્ તેષાં ભવો યો ન ભયઙ્કરઃ ॥

સંસારદુઃખં જાનીયાદ્ યદિ બાલો ઽપિ સર્વશઃ ।
ગચ્છેદ્ અત્યન્તતો નાશં સહ ચિત્તેન તત્ક્ષણમ્ ॥

અમાની દુર્લ ભઃ શક્તો માની નાસ્તિ ઘૃણાન્વિતઃ ।
ઉક્તઃ સુદુર્લભસ્ તેન જ્યોતિર્જ્યોતિઃ પરાયણઃ ॥

નિવૃત્તવિષયસ્યેહ વિષયઃ કિલ લભ્યતે ।
કેનાપિ હેતુના ધર્મો વિપરીતો ઽપિ સ ં સ્મૃતઃ ॥

પુણ્યસ્ય ફલમ્ ઐશ્વર્યં તચ્ ચ રક્ષ્યં સદાન્યતઃ ।
કથં નામ તદ્ આત્મીયં યદ્ રક્ષ્યં સર્વદાન્યતઃ ॥

યા યા લોકસ્થિતિસ્ તાં તાં ધર્મઃ સમનુવર્તતે ।
ધર્માદ્ અપિ તતો લોકો બલવાન્ ઇવ દૃશ્યતે ॥

વિષયશ્ ચ શુભેનેષ્ટો વિષયઃ સ ચ કુત્સિતઃ ।
શ્રેયાન્ યસ્ય પરિત્યાગો નિષ્પન્નેનાપિ તેન કિમ્ ॥

કાર્યં નાસ્ત્ય્ આજ્ઞયા યસ્ય તસ્ય ધર્મો નિરર્થકઃ ।