Bodhisattvayogācāracatuḥśatakaṭīkā · Chapter 13

paśyec cakṣuś cirād dūre gatimad yadi tad bhavet /
atyabhyāse ca dure ca rūpaṃ vyaktaṃ na tac ca kim //

gatena na guṇaḥ kaścid rūpaṃ dṛṣṭvākṣi yāti cet /
draṣṭavyaṃ niyameneṣṭam iti vā jāyate vṛ thā //

gṛhṇīyād agatañ cakṣuḥ paśyet sarvam idaṃ jagat /
yasya nāsti gatis tasya nāsti dūraṃ na cāvṛtam //

svabhāvaḥ sarvabhāvānāṃ pūrvam ātmani dṛśyate /
grahaṇaṃ cakṣuṣaḥ kena cakṣuṣaiva na jāyate //

cakṣuṣo 'sti na vijñānaṃ vijñānasya na darśanam /
ubhayaṃ nāsti rūpasya tai rūpam dṛśyate katham //

na vaktā jāyate kena śabdo yāti bruvan yadi /
atha yāty abruvaṃs tasmin pratyayaḥ kena jāyate //

prāptaś ced gṛhyate śabdas tasyādiḥ kena gṛhyate /
na caiti keva laḥ śabdo gṛhyate kevalaḥ katham //

yāvan na śrūyate śabdas tāvac chabdo na jāyate /
aśabdasyāpi śabdatvam ante tac ca na yujyate //

manasā gṛhyate yo 'rthaḥ pūrvadṛṣṭo marīcivat /
sarvadharmavyavasthāsu sa saṃjñāskandhasaṃjñakaḥ //

yadā na kiṃcid āśca r yaṃ viduṣāṃ vidyate bhuvi /
indriyāṇāṃ gatāv evaṃ tadā ko nāma vismayaḥ //

alātacakranirmāṇasvapnamāyāmbucandrakaiḥ /
dhūmikāntaḥpratiśrutkāmarīcyabhraiḥ samo bhavaḥ //