બોધિસત્ત્વયોગાચારચતુઃશતકટીકા · અધ્યાય 13

પશ્યેચ્ ચક્ષુશ્ ચિરાદ્ દૂરે ગતિમદ્ યદિ તદ્ ભવેત્ ।
અત્યભ્યાસે ચ દુરે ચ રૂપં વ્યક્તં ન તચ્ ચ કિમ્ ॥

ગતેન ન ગુણઃ કશ્ચિદ્ રૂપં દૃષ્ટ્વાક્ષિ યાતિ ચેત્ ।
દ્રષ્ટવ્યં નિયમેનેષ્ટમ્ ઇતિ વા જાયતે વૃ થા ॥

ગૃહ્ણીયાદ્ અગતઞ્ ચક્ષુઃ પશ્યેત્ સર્વમ્ ઇદં જગત્ ।
યસ્ય નાસ્તિ ગતિસ્ તસ્ય નાસ્તિ દૂરં ન ચાવૃતમ્ ॥

સ્વભાવઃ સર્વભાવાનાં પૂર્વમ્ આત્મનિ દૃશ્યતે ।
ગ્રહણં ચક્ષુષઃ કેન ચક્ષુષૈવ ન જાયતે ॥

ચક્ષુષો ઽસ્તિ ન વિજ્ઞાનં વિજ્ઞાનસ્ય ન દર્શનમ્ ।
ઉભયં નાસ્તિ રૂપસ્ય તૈ રૂપમ્ દૃશ્યતે કથમ્ ॥

ન વક્તા જાયતે કેન શબ્દો યાતિ બ્રુવન્ યદિ ।
અથ યાત્ય્ અબ્રુવંસ્ તસ્મિન્ પ્રત્યયઃ કેન જાયતે ॥

પ્રાપ્તશ્ ચેદ્ ગૃહ્યતે શબ્દસ્ તસ્યાદિઃ કેન ગૃહ્યતે ।
ન ચૈતિ કેવ લઃ શબ્દો ગૃહ્યતે કેવલઃ કથમ્ ॥

યાવન્ ન શ્રૂયતે શબ્દસ્ તાવચ્ છબ્દો ન જાયતે ।
અશબ્દસ્યાપિ શબ્દત્વમ્ અન્તે તચ્ ચ ન યુજ્યતે ॥

મનસા ગૃહ્યતે યો ઽર્થઃ પૂર્વદૃષ્ટો મરીચિવત્ ।
સર્વધર્મવ્યવસ્થાસુ સ સંજ્ઞાસ્કન્ધસંજ્ઞકઃ ॥

યદા ન કિંચિદ્ આશ્ચ ર્ યં વિદુષાં વિદ્યતે ભુવિ ।
ઇન્દ્રિયાણાં ગતાવ્ એવં તદા કો નામ વિસ્મયઃ ॥

અલાતચક્રનિર્માણસ્વપ્નમાયામ્બુચન્દ્રકૈઃ ।
ધૂમિકાન્તઃપ્રતિશ્રુત્કામરીચ્યભ્રૈઃ સમો ભવઃ ॥