Bijaganita · Verses 40-61

dvika-tri-pañca-pramitās karaṇyas tāsām kṛtim dvi-trika-saṃkhyayos ca/
ṣaṣ-pañcaka-dvi-trika-saṃmitānām pṛthak pṛthak me kathaya āśu vidvan//[upajāti]
aṣṭādaśa-aṣṭa-dvika-saṃmitānām kṛtī kṛtīnām ca sakhe padāni//[upajāti-ab; cd=43ab]

varge karaṇyās yadi vā karaṇyos tulyāni rūpāṇi atha vā bahūnām/
viśodhayet rūpa-kṛtes padena śeṣasya rūpāṇi yuta-ūnitāni//[upajāti]
pṛthak tad-ardhe karaṇī-dvayam syāt mūle atha bahvī karaṇī tayos yā/
rūpāṇi tāni evam atas api bhūyas śeṣās karaṇyas yadi santi varge//[upajāti]

ṛṇa-ātmikā ced karaṇī kṛtau syāt dhana-ātmikām tām parikalpya sādhye/
mūle karaṇyau anayos abhīṣṭā kṣaya-ātmikā ekā su-dhiyā avagamyā//[upajāti]

tri-sapta-mityos vada me karaṇyos viśleṣa-vargam kṛtitas padam ca/[upajāti-cd; ab=40ef]
dvika-tri-pañca-pramitās karaṇyas sva-sva-ṛṇa-gās vyasta-dhana-ṛṇa-gās vā/
tāsām kṛtim brūhi kṛtes padam ca ced ṣaṣ-vidham vetsi sakhe karaṇyās//[upajāti]

eka-ādi-saṃkalita-mita-karaṇī-khaṇḍāni varga-rāśau syus/
varge karaṇī-tritaye karaṇī-dvitayasya tulya-rūpāṇi//[gīti]
karaṇī-ṣaṭke tisṛṇām daśasu catasṛṇām tithiṣu ca pañcānām/
rūpa-kṛtes projjhya padam grāhyam ced anyathā na sat kva api//[gīti]
utpatsyamānayā evam mūla-karaṇyā alpayā catur-guṇayā/
yāsām apavartas syāt rūpa-kṛtes tās viśodhyās syus//[āryā]
apavarte yās labdhās mūla-karaṇyas bhavanti tās ca api/
śeṣa-vidhinā na yadi tās bhavanti mūlam tadā tad asat//[āryā]

varge yatra karaṇyas dantais 32 siddhais 24 gajais 8 mitās vidvan/
rūpais daśabhis upetās kim mūlam brūhi tasya syāt//[āryā]

varge yatra karaṇyas tithi-viśva-hutāśanais catur-guṇitais/
tulyās daśa-rūpa-āḍhyās kim mūlam brūhi tasya syāt//[āryā]

aṣṭau ṣaṣ pañcāśat ṣaṣṭis karaṇī-trayam kṛtau yatra/
rūpais daśabhis upetam kim mūlam brūhi tasya syāt//[āryā]

catur-guṇās sūrya-tithīṣu rudra-nāga-ṛtavas yatra kṛtau karaṇyas/
sa-viśava-rūpās vada tad-padam te yadi asti bīje paṭutā-abhimānas//[upajāti]

catvāriṃśat-aśīti-dviśatī-tulyās karaṇyas ced/
saptadaśa-rūpa-yuktās tatra krtau kim padam brūhi//[upagīti]

bhājyas hāras kṣepakas ca apavartyas kena api ādau saṃbhave kuṭṭaka-artham/
yena chinnau bhājya-hārau na tena kṣepas ca etad duṣṭam uddiṣṭam eva//[śālinī]

parasparam bhājitayos yayos yas śeṣas tayos syāt apavartanam sas/
tena apavartena vibhājitau yau tau bhājya-hārau dṛḍha-saṃjñakau stas//[upajāti]
mithas bhajet tau dṛḍha-bhājya-hārau yāvat vibhājye bhavati iha rūpam/
phalāni adhas adhas tad-adhas niveśyas kṣepas tathā ante kham upāntimena//[upajāti]
sva-ūrdhve hate antyena yute tad-antyam tyajet muhus syāt iti rāśi-yugmam/
ūrdhvas vibhājyena dṛḍhena taṣṭas phalam guṇas syāt aparas hareṇa//[upajāti]

evam tadā eva atra yadā samās tās syus labdhayas ced viṣamās tadānīm/
yathā āgatau labdhi-guṇau viśodhyau sva-takṣaṇāt śeṣa-mitau tu tau stas//[upajāti]

bhavati kuṭṭa-vidhes yuti-bhājyayos samapavartitayos api vā guṇas/
bhavati yas yuti-bhājakayos punar sas ca bhavet apavartana-saṃguṇas//[drutavilambita]

yoga-je takṣaṇāt śuddhe guṇa-āptī stas viyoga-je/
dhana-bhājya-udbhave tad-vat bhavetām ṛṇa-bhājya-je//[anuṣṭubh]

hara-taṣṭe dhana-kṣepe guṇa-labdhī tu pūrva-vat//[anuṣṭubh]
kṣepa-takṣaṇa-lābha-āḍhyā labdhis śuddhau tu varjitā/

atha vā bhāga-hāreṇa taṣṭayos kṣepa-bhājyayos//[anuṣṭubh]
guṇas prāk-vat tatas labdhis bhājyāt hata-yuta-uddhṛtāt/

kṣepa=abhāvas atha vā yatra kṣepas śudhyet hara-uddhṛtas//[anuṣṭubh]
jñeyas śūnyam guṇas tatra kṣepas hara-hṛtas phalam//[anuṣṭubh-ab; cd=63ab]

ekaviṃśati-yutam śata-dvayam yad-guṇam gaṇaka pañcaṣaṣṭi-yuj/
pañca-varjita-śata-dvaya-uddhṛtam śuddhim eti guṇakam vada āśu tam//[rathoddhatā]

śatam hatam yena yutam navatyā vivarjitam vā vihṛtam triṣaṣṭyā/
nir-agrakam syāt vada me guṇam tam spaṣṭam paṭīyān yadi kuṭṭake asi//[upajāti]