Bhṛgusaṃhitā · Chapter 6

krameṇakṛśatāṃ kuryādyānadantastumākṣmataḥ
iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre pañcamo 'dhyāyaḥ
atha ṣaṣṭho 'dhyāyaḥ.
athaṣaṣṭho 'dhyāyaḥ
mūdhenṣṭakāvidhiḥ
athavakṣyeviśeṣeṇa kramaṃmūrdheṣṭakāvidheḥ /
pramukheyāgaśālāñca kṛtvācaivavicakṣaṇa

madhyevediṃprakalpyaiva sthūpikīlapramāṇataḥ /
sabhyaṃprakalpyacaprācyā māghāraṃvidhivadyajet

vedimadhyenyasedvidvān susnigdhānirvraṇādṛḍhāḥ /
vaiṣṇavañcajapitvaivacatasraśceṣṭakāḥkramāt

kiñcidagraṃbhavennimnaṃ mūlevaikiñcidunnatam /
adhobhāgebhavetpṛṣṭa mūrdhvabhāgemukhaṃbhavet

śālipiṣṭamayenātha lekhayedakṣarāṇitu /
yakāraṃpūrvatolekhya rakārandakṣiṇenyaset

lakāraṃpaścimelekhyavakāre cottarelikhet /
lohajāndārujāṃvātha sthūpintatranyasedbudhaḥ

pādāyāmasamandīghaṃn vistāraṃpādasammitam /
agramaṅgulavistāra mānupūrvyātkṛśantathā

caturaśraṃbhavenmūlaṃ tribhāgai kaṃsamaṃyathā /
vṛttantadūrdhvataḥkuryāc chīlīpādamadhonyaset

vistāratriguṇāyāmaṃ vistārasamavistaraṃ /
taddvayenasamāyojya namaṃśūlaṃsthitaṃyadhā

pañcagavyaissamabhyukṣya puṇyāhamapivācayet /
vāstujomañcahutvaiva paryagnikaraṇañcaret

mūrdheṣṭakāvidhānena homaṅkṛtvāvicakṣaṇaḥ /
punaḥprabhātedharmātmā yajamānayutoguruḥ

śilādīn saṃpragṛhyaiva vimāneropayettadhā /
pāṇibhyāṃsaṃpragṛhyaiva prāṅmukhodaṅmukho 'pivā

caturvedādimantraiśca śilā indrādiṣunyaset /
dhruvasūktañjapitvātu mathyesthūpiṃnyasettadhā

kāleśilpinamāhūya pūjayitvā viśeṣataḥ /
śilādyuparivinyasya dṛḍhīkaraṇamācaret

pādabandhegalecaiva vimāne paritaḥkramāt vimānadevāḥ /
prācyāṃ viṣṇuṃ prakurvīta yasya garbhagṛhesthitiḥ

dakṣiṇesatyamūrtestu paścimecā cyutasya ca /
uttarecāniruddhasya sthitimevaṃ prakalpayet

galepuruṣamūrtistu dakṣiṇe nārasiṃhakaḥ /
paścime tu varāhaśca hayagrīvastathottare

sukhasanasamāluktaṃ sarvālaṅkārasaṃyutam /
vyāloddhvakoṇakañcaiva vīśaṃ vātha mṛgeśvaram

vakratuṇḍaṃ ca durgāṃ cāpyagramaṇḍapabhittiṣu /
sthitamevaṃ susaṃsthāpya yathālābhaṃ samarcayet

dvāreṣu dvārapālānāṃ sthitimevaṃ prakalpayet /
prāsādalakṣaṇaṃproktaṃ maṇḍapānāmathocyate

staṃbhaiṣṣoḍaśabhiryuktaṃ maṇḍapaṃ śrīpratiṣṭhitam /
dvādaśastaṃbhasaṃyuktaṃ bījāsanamiti smṛtam

dvātriṃśadgātrasaṃyuktaṃ jayabhadretikīrtyate /
ṣaṭtriṃśadgātrasaṃyuktaṃ nandyāvartaṃ suśobhanam

caturbhiṣṣaṣṭibhistsaṃbhair yuktaṃśrībhadrakaṃ smṛtam /
staṃbhānāṃ tu śatairyuktaṃ viśālamiti saṃjñitam

prāsādavatsamākhyātaṃ prastāraṃ tatpramāṇataḥ /
vājinopari kartavyaṃ dhārakastu kalāstathā

staṃbhaviṣkaṃbhamutsedhaṃ caturbhāgenavistṛtam /
tulāvistāramānena jayantīsyātsamonnatā

tato daṇḍārdhabāhulya manumārgaṃ tadūrdhvataḥ /
iṣṭakābhistadūrdhvaṃ tu chādayedgala kānvitam

pādādhikamadhādhyardhaṃ dviguṇaṃ pādahīnakam /
caturvidhamathāyāmaṃ kartavyaṃ maṇḍapasyatu

āyāme tu yathāyuktaṃ staṃbhānāṃ vidhirucyate /
dvihastaṃ vātrihastaṃ vā caturhastamathāpivā

staṃbhāntaraṃ prakartavyaṃ yathāyukti viśeṣataḥ /
evaṅkramātsamākhyātaṃ prākāramadhunocyate

pākāraṃ paritaḥ kuryāt prāsādasya pramāṇataḥ /
prākārasyatuvistāraṃ tasyadaṇḍamihocyate

antarmaṇḍalamityāhu radhyardhaṃ daṇḍamānataḥ /
antarbhāramitiprostaṃ madhyabhāraṃ dvidaṇḍata

caturdaṇḍapramāṇena yuktā maryādabhittikā /
mahāmaryādabhittissyātsaptadaṇḍapramāṇataḥ

adhyardhadviguṇaṃ vāpi triguṇaṃ vā caturguṇam /
mukhāyāmamiti proktaṃ prākārāṇāṃ viśeṣataḥ

kapotā ntaṃsamutsedhaṃ bhittihastapramāṇataḥ /
kūṭaśālāyutaṃ vāpi kuryātprākārasaṃyutam

mūlajaṃ tu talotsedhaṃ hastamevaṃ vidhīyate /
yathālābhonnataṃ vāpi pradhamāvaraṇaṃ smṛtam

ṣaḍaṅgulaṃ kramātkuryānnyūnaprākārakaṃviduḥ /
jalaniryāṇamārgaṃ syātpadānte taṭake 'pivā

pradhamāvaraṇadvāraṃ pramukhekalpayettathā /
dvitīyāvaraṇadvāro vyastaśchennāstidūṣaṇam

vimānotsedhaturyaṃ vā podonaṃ cārthameva vā /
pṛdhaggopurasaṃyukta mucchritaṃ tu samantuvā

pañcaprākāramityevaṃ triprākāramathāpivā /
triprākāreṣaḍaṅgulyaṃ tridhādhastalanimnagam

prākārehucchrayaṃ vindyātkapotāntaṃ taduttamam /
madhyamaṃ cotkarāntena kalaśāntaṃ tathādhamam

evaṃ prākārasaṃgena tūtsedhaṃ trividhaṃ kramāt /
utsedhātpañcabhāgaikaṃ caturaṃśakameva vā

ṣaḍbhāgaikena vākuryāttrividhaṃ bhittivistaram atha vā /
prāsādabhittistu tatsamaṃ bhittimeva ca

garbhe 'ṣṭāṃśocchrayaṃ śreṣṭhaṃ saptabhāgedvimadhyamam /
pañcabhāgaikamadhamaṃ balipīṭhaṃ tathābhavet

garbhapañcatribhāgaikaṃ ... /
navāṃśeṣaṭcaturbhāgaṃ madhyamādhamamuttamam

tridhā paiśācikaṃ pīṭhāddhastamātraṃ kramādbhavet /
dvihastāntaṃ trihastāntaṃ caturhastāntamucyate

adhamaṃ madhyamaṃ śreṣṭhaṃ tridhā paiśācapīṭhakam /
saptaviṃśatibhāgaiśca samamevaṃ samunnatam

dvyaṃśaṃ ca pādukā jñeyaṃ caturaṃśaṃ janiṃ viduḥ /
tṣaṃśaṃ tu kuṃbhamityāhu ścaturthaṅkaṇṭhameva ca

ṣaḍbhāgaṃ karaṇetyāhurdvyaṃśaṃ valakameva ca /
caturaṃśe kapotāśca aṃśecaivāgrapaṭṭikā

adhyardhaṃ padmapuṣpantu ekārdhaṃ padmapuṣpakam /
evaṃ samyagviditvātu bhāgebhāge vinirdiśet