Bhṛgusaṃhitā · Chapter 37

guhyādguhyatamo gopyassarvadā gurubhiḥ sadā iti śrīvaikhānase bhagavacchāstre bhṛguproktāyāṃ sihitāyāṃ prakīrṇādhikāre ṣaṭtriṃśo 'dhyāyaḥ.
atha saptatriṃśo 'dhyāyaḥ.
triyugadharma prapañcaḥ.
atha vakṣye laghūktena yugadharmāṃstataḥ param /
kṛtaṃ tretā dvāparaśca kaliśceti caturyugam

kṛtameva ca kartavyaṃ tasmin kāle yadīpsitam /
na tatradharmāḥsīdanti na ca kṣīyantivai prajāḥ

tataḥ kṛtayugaṃ proktamanvarthena guṇena vai /
na tasmin yugasaṃsargevyavāyo nendriyakṣayaḥ

nānūyā nāpi ruditaṃ na darpo na ca paiśunam /
na vigraho na vidveṣona mithyā nāpi vañcanam

na bhayaṃ na ca santāpo na lobho na ca mānitā /
tadā jyotiḥparaṃ brahma vaikhānasamanāmayam

yā gatir yogināmekā hyapunarbhavakāṅkṣiṇām /
viṣṇussarvātmako devaḥ śuklo nārāyaṇaḥ smṛtaḥ

antaryāmiṇi tasmiṃstu sarvalokamaye harau /
svayaṃ śuklatvamāpanne sarvamacchaṃ bhaviṣyati

brāhmaṇāḥ kṣatriyā vaiśyāśśūdrāśca bhagavatparāḥ /
svakarmaniratāssarvebhavanti manujāḥ kṛte

samāśramaṃ samācāraṃ satyabhūtaṃ taporatam /
vijñānabharitaṃ sarvaṃ jagadbhavati santatam

eka vedasamāyuktā ekadharmavidhikriyāḥ /
pṛthagdharmāstveka vedā dharmamekamanuvratāḥ

caturāśramayustena karmaṇā kālayoginā /
akāmabhalasaṃyogāḥ prāpnuvanti parāṃ gatim

kṛte yuge catuṣpādaścāturvarṇyasya śāśvataḥ /
etatkṛtayugaṃ nāma traiguṇyaguṇavarjitam

tatastretāyugaṃ nāma yatra dharmastrī pādbhavet /
raktatāṃ tu samabhyeti harirnārāyaṇaḥ prabhuḥ

satyapravṛttāśca narāḥ dānadharmaparāyaṇāḥ /
yajante vividhairyajñairnārāyaṇamanāmayam

brāhmaṇādyāssvadharmeṣu pravartante nirantaram /
yato dharmapade vṛddhā dvāparaṃ pratipedare

yugaṃ saṃśīnadharmatvāddvāparaṃ paricakṣate /
viṣṇuḥ pītatvamabhyeti vedaścāpi vibhajyate

dvipādbhavati vaidharmo dvāpare samupasthite /
dvivedāścaikavedāśca nirvedāśca tathā pare

vibhinnaśāstraniṣṭhāśca bhavanti vividhakriyāḥ /
prajā dānaparā bhūtvā dānaṃ śaṃsanti santatam

rājasaṃ bhāvamāśritya rājasī bhavati prajā /
sattvātpracyavamānānāṃ vyādhayo bhṛśadāruṇāḥ

atyāhitāni cānyāni bhaveṣyantyadharottaram /
kālasya hrasvatāyogāccaturthaṃ syādyugaṃ kaliḥ

pratyakṣarūpadhṛgdevo na kalau dṛśyate yataḥ /
kṛtādiṣviva tenaiva triyugaḥ kalirucyate

padenaikena vai dharmaḥ pravarteta kalau yuge /
tasmiṃstu samanuprāpte na dharmassaṃpravartate

tāmasaṃ yugamāsādya hariḥ kṛṣṇatvameti ca /
yaḥ kaścidatra dharmātmā kriyoyogarato bhavet

naraṃ dharmaparaṃ dṛṣṭvā sarve 'sūyāṃ prakurvate /
varṇāśramāśritācārāḥ praṇaśyantina saṃśayaḥ

vratācārāḥ praṇaśyanti dhyānayajñādayastathā /
upadravā janiṣyanti hyadharmasya pravartanāt

asūyāniratāssarve daṃbhācāraparāyaṇāḥ /
prajāścālpāyuṣassarve bhaviṣyantikalau yuge

sarvedharmāḥ praṇaśyanti kṛṣṇe kṛṣmatvamāgate /
yasmātkalirmahāghorassarvapāpasya sādhakaḥ

brāhmaṇāḥ kṣatriyā vaiśyāśśūdrā dharmaparāṅmukhāḥ /
ghore kaliyuge prāpte dvijā vedaparāṅmukhāḥ

vyājadharmaparāssarve vṛdhāhaṅkāra dūṣitāḥ /
sarvamākṣipyate nityaṃ naraiḥ paṇḍitamānibhiḥ

ahamevādhika iti sarvo vivadate janaḥ /
adharmalolupāssarve tathā caiva dvijātayaḥ

atastvalpāyuṣassarve bhaviṣyanti kalau yuge /
alpāyuṣṭvānmanuṣyāṇāṃ na vidyāgrahaṇaṃ bhavet

vidyāgrahaṇaśūnyatvādadharmassaṃpravartate /
vyutkrameṇa prajāssarvā mriyante pāpatarparāḥ

brāhmaṇādyāstathā varṇāssaṃkīryante parasbaram /
kāmakrodhaparā mūḍhā vṛdhāhaṃ kārapūritāḥ

baddhavairā bhaviṣyanti parasparavadhepsavaḥ /
janāssarve dayāhīnā dākṣiṇya parivarjitā

śūdratulyā bhaviṣyanti tapassatyavivarjitāḥ /
uttamā nīcatāṃ yānti nīcāścottamatāṃ tathā

rājāno dravyaniratā lobhamohaparāyaṇāḥ /
dharmakañcukasaṃvītā dharmavidhvaṃsakāriṇaḥ

yo yo 'śvarathanāgāḍhyassa sa rājā bhaviṣyati /
kiṅkarāśca bhaviṣyanti śūdrāṇāṃ cadvijātayaḥ

mlecchāśca yunādyāśca pālayanti vasuṃdharām /
anāvṛṣṭibhayātprāyo gaganādattacakṣuṣaḥ

bhaviṣyanti narāssarve sadā kṣudbhayakātarāḥ /
kalau narābhaviṣyanti svalpabhāgyā bahuprajāḥ

pativākyamanādṛtya sadānyagṛhatatparāḥ /
duśśīlā duṣṭaśīleṣu kariṣyanti spṛhāṃ striyaḥ

paruṣānṛtabhāṣiṇyo dehasaṃskāra varjitāḥ /
vācālāśca bhaviṣyantikalau prāpte sadā striyaḥ

nagareṣu ca grāmeṣu prākārāṭṭādikān janāḥ /
corādibhayabhītāśca kāṣṭhayantrāṇi kurvate

durbhikṣakarapīḍābhiratīvopadrutā janāḥ /
godhūmānnayavānnāḍhyān deśān prāpsyanti duḥkhitāḥ

svakāryasiddhiparyantaṃ snihyantyanyeṣu mānavāḥ /
bhikṣavaścāpi mitrādisnehasaṃbandhayantritāḥ

annopādhinimittena śiṣyān gṛhṇanti sarvataḥ /
ubhābhyāmapi hastābhyāṃ śiraḥkaṇḍūyanaṃ striyaḥ

kurvantyo bhartṛmukhyānāmājñāṃ bhetsyantyānādṛtāḥ /
pāṣaṇḍālāpaniratāḥ pāṣaṇḍijanasaṃginaḥ

bhaviṣyanti yadā viprā stadā vṛddhimiyātkaliḥ /
alpodakāstathā meghā alpasasyā vasuṃdharā

alpakṣīrāstathā gāvaḥ kṣīrātsarpirna jāyate /
ekavarṇā bhaviṣyanti varṇāścatvāra eva ca

nāsti varṇāntaraṃ tatralayaṃ yāsyanti mānavāḥ /
santassīdantyasantaśca vilasantisamantataḥ

maitrī parajane bhūyādvairaṃ ca svajane bhavet /
putrāḥ pitṛṣu jīvatsu mriyante ca tadagrataḥ

kalau kākiṇike 'pyarthe vigṛhya tyaktasauhṛdāḥ /
tyakṣyantihi priyān prāṇān haniṣyanti svabāndhavān

pāṣaṇḍapracuredharme dasyuprāyeṣu rājasu /
cauryānṛtavṛdhāhiṃsānānāvṛttiṣu vai nṛṣu

śūdraprāyeṣu varṇeṣu chāgaprāyeṣu goṣu ca /
kariṣyanti tathā śūdrāḥ pravrajyāliṅginau'dhamāḥ

kāṣāyaparinītāśca jaṭilā bhakmadhūsarāḥ /
aśaucāvakramatayaḥ parapākānnajīvinaḥ

devadvijanivāseṣu pūjāmicchanti pāpinaḥ /
bhaviṣyanti durātmānaḥ śūdrāḥ pravrajitās tathā

utkoca jīvinastatra mahāpāparatāstathā /
bhaviṣyantyatha pāṣaṇḍāḥ kāpālā bhikṣavodhamāḥ

dharmavidhvaṃsaśīlānāṃ dvijanāṃ rājavallabhāḥ /
śūdrā dharmān pravakṣyanti pravrajyāliṅgino 'dhamāḥ

gītavādyaparā viprā vedavādaparāṅmukhāḥ /
bhaviṣyanti kalau prāpte śūdramārga pravartinaḥ

hartāro na ca dātārobhaviṣyanti kalau yuge /
viśvāsahīnāḥ piśunā vedadevadvijātiṣu

asaṃskṛto ktivaktāro rāgadveṣaparāstathā /
paramāyuścateṣāṃ syāttadā varṣāṇi ṣoḍaśa

pañcame vāthaḥvaṣṭhe vā varṣekanyā prasūyate /
sartpavarṣāṣṭavarṣāśca prasūyante tathā narāḥ

svakarmatyāginassarve kṛtaghnā bhinnavṛttayaḥ /
yācakāḥ piśunāścaiva bhaviṣyanti kalau yuge

parāvamānaniratā ātmastutiparāyaṇāḥ /
parasvaharaṇopāyacintakāḥ sarvadā narāḥ

nindāṃ kurvanti satataṃ pitṛmātṛkuleṣu tu /
vadanti vācā dharmāṃśca cetasā pāpalolupāḥ

chādayanti prayatnena svadoṣaṃ pāpakarmajam /
apāpe duṣkṛtaṃ samyagvivṛṇvanti narādhamāḥ

dharmamārgapravaktāraṃ tiraskurvanti pāpinaḥ /
bhaviṣyanti kalau prāpti rājāno mlecchajātayaḥ

dvijāśca kṣatriyā vaiśyāḥ śūdrāścānyāśca jātayaḥ /
atyantakāminassarve saṃkīryante parasparam

na śiṣyo na guruḥ kaścinna putro na tathā pitā /
na bhāryā na patistatra bhavitā sarvasaṃkaraḥ

kalau ca te bhaviṣyanti dhanāḍhyā api yācakāḥ /
rasavikrayiṇaścāpi bhaviṣyanti kalau yuge

dharmapatnīṣu yacchanti patayo jāralakṣaṇam /
dviṣyanti pitaraṃ putrā guruṃ śiṣyādviṣanti ca

patiṃ ca vanitā dveṣṭi kalau prāptena saṃśayaḥ /
lobhābhibhūtamanasassarve duṣkarmaśālinaḥ

parānnalolupā nityaṃ bhaviṣyanti dvijātayaḥ /
parastrīniratāssarve paradravyaparāyaṇāḥ

martyāmiṣeṇa jīvanti duhantaścāpyajāvikān /
sarittīreṣu kuddālairopayiṣyanti cauṣadhīḥ

atyalpāni phalānyāsāṃ bhaviṣyanti kalau yuge /
veśyālāvaṇyaśīleṣu spṛhāṃ kurvanti yoṣitaḥ

dharmavighnā bhaviṣyanti striyaśca puruṣeṣu ca /
na kanyāṃ yācate kaścinna ca kanyāprado naraḥ

kanyā varāṃśca chandena grahīṣṭanti parasparam /
prāyaśaḥ kṛpaṇānāṃ ca bandhūnāṃ ca tadhā dvijāḥ

sādhūnāṃ vividhānāṃ ca vittānyapaharanti ca /
na yakṣyanti na hoṣyantina tapasyanti vai janāḥ

naiva dāsyanti dānādi nār'cayiṣyanti vā harim /
na dharme niviśiṣyanti hetuvādakathāśrayāḥ

apātreṣveva dānāni kurvanti ca tathā narāḥ /
kṣīropādhinimittena goṣu prītiṃ prakurvate

na kurvanti tathā viprāḥ snānaśaucādikāḥ kriyāḥ /
akālakarmaniratāḥ kūṭayuktiviśāradāḥ

devanindāparāścaiva vipranindāparāstathā /
tyaktapuṇḍraśikhāsūtrāścariṣyantidvijātayaḥ

viṣṇubhaktiparaṃ na syānmanaḥ kasyāpi jātu cit /
devapūjāparaṃ dṛṣṭvā sarve parihasanti ca

śāstroditāśca ye devāḥparivārā madhudviṣaḥ /
tān parityajya mohena narāḥ kālabalātkṛtāḥ

hetuvādaparān devān kariṣyantyaparāṃ stadā /
nirbadhnanti dvijāneva karārthaṃ rājakiṅkarāḥ

nādriyante dvijānanye kalau pāpasamākule /
dānayajña japādīnāṃ vikrīṇante phalaṃ dvijāḥ

pratigrahaṃ ca kurvante caṇḍālāderapi dvijāḥ /
śūdrastrīmaṅganiratā vidhavāsaṃgalolupāḥ

rajassvalānāṃ voḍhāro bhaviṣyanti kalau yuge /
śūdrānna pānaniratāḥ śūdraprāyā bhavanti ca

aṭṭaśūlājanapadāḥ śivaśūlāścatuṣpathāḥ /
pramadāḥ keśaśūlinyo bhaviṣyanti kalau yuge

kuhakāśca janāstatra hetuvādaviśāradāḥ /
pāṣaṇḍino bhaviṣyanti tiṣṭantyāśramanindakāḥ

na ca dvijātiśuśrūṣāṃ sarvadharmanivartinīm /
gṛhaprāyeṣvāśrameṣu yogiprāyeṣu bandhuṣu

tataśchānudinaṃ dharmassatyaṃ śaucaṃ dayā kṣamā /
kālena balinā sarvaṃ naśyatyāyurbalaṃ smṛtiḥ

vīttameva kalau nṝṇāṃ janmācāraguṇodayam /
dāṃpatye 'bhirucirheturmāyaiva vyavahārake

dharmanyāyavyavasthānāṃ kāraṇaṃ balameva hi /
strītvamevopabhoge svādvipratve sūtrameva hi

liṅgamevāśramakhyātāvanyāyo vṛttikāraṇam /
avṛttau cāpi daurbalyaṃ pāṇḍitye cāphalaṃ vacaḥ

svīkāra eva codvāhe snānamevāśucau smṛtam /
udaraṃbharitā svārthesatyatve dhārṣṭyameva hi

dākṣye kuṭuṃbabharaṇe yaśorthe dharmasevanam /
itthaṃ kaliyuge prāpte dharmassarvo 'pi jīryate

yadā māyānṛtaṃ tandrā nidrā hiṃsā viṣāyanam /
śoko moho bhayaṃ dainyaṃ sa kalistāmasaḥsmṛtaḥ

yadāyadā satāṃ hānirvaidikānāṃ dvijanmanām /
tadā tadā kaliṃprāptamavabuddhyeta paṇḍitaḥ

aho duḥkhamahoduḥkhamahoduḥkhamaho mahat /
svarūpamatibhīmasya saṃsārasya sudurbharam

viṇmūtrapūyakalite garbhavāse nipīḍanāt /
aśucāvatibhībhatse duḥkhamatyantadussaham

duḥkhaṃ ca jāyamānānāṃ gātrabhaṅgādipīḍane /
vātena preryamāṇānāṃ mūrchanāyātibhītidam

bālake nirvivekānāṃ bhūtadaivātmasaṃbhavam /
yauvane vārdhake caiva maraṇe cāti dāruṇe

ekauttaraṃ mṛtyuśataṃ dehe jñeyaṃ pratiṣṭhitam /
tatraikaḥ kālasaṃjñaḥ syāccheṣāstvāgantukāḥsmṛtāḥ

ye cātrāgantukāḥ proktāste tu śāmyanti bheṣajaiḥ /
japahomapradānaiśca kālamṛtyurna śāmyati

vividhā vyādhayaśśastraṃ sarpādyāḥ prāṇinas tathā /
viṣāṇi cābhicārāśca mṛtyordvārāṇi dehinām

nauṣadhaṃ na tapo dānaṃ na mantrāna ca bāndhavāḥ /
śaknuvanti naraṃ trātuṃ kālamṛtyuprapīḍitam

rasāyanatapojapyayogasiddhairmahātmabhiḥ /
kālamṛtyurapi prāpto jīyate 'nalasairnaraiḥ

nāsti mṛtyusamaṃ duḥkhaṃ nāsti mṛtyusamaṃ bhayam /
sadbhāryāṃ putramitrāṇi rājyaiśvaryasukhāni ca

ābaddhāni ca vairāṇi mṛtyussarvaṃ vināśayet /
yadduḥkhaṃ maraṇe jantorna tasyeha samaṃ kvacit

maṇḍūka iva sarpeṇa grasyate mṛtyunā jagat /
bāndhavaiśca pariṣvaktaḥ priyaiśca parivāritaḥ

niśśvapan dīrghamuṣṇaṃ ca mukhena pariśuṣyatā /
caturṣvanteṣu khaṭvāyāḥ parivṛtya mūhurmuhuḥ

sammūḍhaḥ kṣipate 'tyardhaṃ hastapādamitastataḥ /
khaṭvāyā vāñchate bhūmiṃ bhūmeḥ khaṭvāṃ tato mahīm

vivastrastyaktalajjaśca mūtraviṣṭhāpariplutaḥ /
yācamānaśca salilaṃ śuṣkakaṇṭhāsyatālukaḥ

cintayānaścavittāni kasyaitānimṛtemayi /
nakhāgraiśca spṛśan bhūmiṃ kālapāśena karṣitaḥ

mriyate paśyatāmeva gale khurakhurāyate /
jīvastṛṇajalūkāvaddehāddehaṃ viśedasau

saṃprāpyottaravaṃśe ca tanuṃ tyajati paurvikīm /
dehabhedena yaḥ puṃsāṃ viyogaḥ karmasaṃkṣayāt

maraṇaṃ tadvinirdiṣṭaṃ na nāśaḥ paramārthataḥ /
jāyate mriyate caivaṃ karmabhiḥ svayamārjitaiḥ

śītoṣṇatṛṣṇākṣudrograjvarādiparivāritaḥ /
sarvadaivapumānāste yāvajjanmānta saṃsthitiḥ

duḥkhātiśayabhūtaṃ hi yadante nāsukhaṃ nṛṇām /
tasyopamānaṃ naivāsti kāryeṇaivānu mīyate

kṛṣyamāṇasya puruṣairyadyamasyātidussaham /
duḥkhaṃ tatsaṃsmṛtiṃ prāptaṃ karoti mama vepathum

tataścaiva punastasya yonisaṃkramaṇe ca yat /
garbhasthasya ca yadduḥkhamatidussahamulbaṇam

punaśca jāyamānasya bālyayauvanajaṃ ca yat /
duḥkhānyetānyanantāni saṃsārāntaravartibhiḥ

puruṣairanubhūyante sukhabhrāntivimohitaiḥ /
na vai sukhakalā kācidatrāstyatyantaduḥkhade

saṃsārasaṃkaṭe saṃgamupetānāṃ kadā cana /
viṣayāsaktamanasassatataṃ pāmarā janāḥ

na matiṃ kurvate viṣṇau sarvalokeśvareśvare /
athāpi nātra bibhyanti vaiṣṇavā bhagavatpriyāḥ

viṣṇudhyānaparāssanto viṣvarcanaparāyaṇāḥ /
te viṣṇusadṛśā jñeyā na hi tān bādhate kaliḥ

māyeyaṃ vaiṣṇavī bhūyaḥ pātayetprāṇinastadā /
dustarāpi bhavetsādhyā yairnyastaṃ mādhavemanaḥ

asaṃtyajya ca gārhasthyamataptvā catathā tapaḥ /
chinatti vaiṣṇavīṃ māyāṃ keśavārādhane rataḥ

viṣayānavirodhena sevamāno 'pi mādhavam /
arcayānastarantyenāṃ viṣṇumāyāṃ duratyayām

yata evamato labdhvāśarīraṃ karmasādhanam /
śubhaṃ karmaiva kartadyaṃ tatprasādāya mānavaiḥ,

prasādite 'smin sarveṣāṃ svavarṇāśramakarmabhiḥ /
sarvehastagatāḥ kāmā muktiścānte karasthitā

kāryārthā mūrtayastasya lokakalyāṇakārakāḥ /
atassākārameveṣṭvā bhaktyemaṃ siddhimāpnuyāt

idaṃ ca śāstramālaṃbya pūjayedviṣṇumavyayam /
yaddhyānaṃ kevalaṃ proktaṃ śāstre kvacidanāśrayam

na tatrendriyadaurbalyātkarmasthasyādhikāritā /
yathā giritaṭāgrasthavanaspatiphalecchayā

upāye vartate 'śrāntastathāsau yatnamācaret /
sarvatra kramavān yatnaḥkāryo naicchaiva kevalā

tatkāyavāṅmanoyogaiḥkramādicchetparāṃ gatim /
nirākāretu yā bhaktyā pūjeṣṭā dhyānameva vā

ramaṇīyamivābhāti tadanarthasya kāraṇam /
sthūlabhāvaprasaṃdīni janmanāsyendriyāṇi tu

sūkṣmāccha na prapadyante cirācca kimutācirāt /
na ca rūpaṃ vinā dovo dhyātuṃ kenāpi śakyate

sarvarūpanivṛttā hi buddhiḥ kutrāsya tiṣṭhati /
nivṛttāglāyate buddhirnidrayāhi parīyate

tasmādvidvānupāsīta buddhyā sākālameva tam /
astitasya parokṣaṃ taditi kiñcidanusmaret

sarvadhākāramuddiṣṭaṃ na parityajya paṇḍitaḥ /
paraṃ devamupāsīta muktaye vā phalāyavā

bhaktyākṛtenārcanena tuṣṭodevaḥ prajāpateḥ /
pūjādyanugrahāyā 'dāvāvirbhūtaścaturbhujaḥ

tasmāttenaiva rūpeṇa hriyā lakṣmyā samāyutaḥ /
dhyeyassevyor'caniyaśca sadā nārāyaṇo budhaiḥ

sākāre 'smin kṛtā pūjā stutirvā dhyānameva vā /
vidhinā śāstradṛṣṭena tasminneva kṛtā bhavet

tadevārādhanaṃ viṣṇoravajñātaṃ viśeṣataḥ /
khyāpanārthaṃ kalau kaścidbhaviṣyati mahāmatiḥ

dharmaglāniradharmasya vṛddhiryāvadbhaviṣyati /
tāvavbhartā mahāviṣṇuḥ sṛjatyātmānamātmanā

śrīnivāse janāvāne śrīnivāsaḥ svayaṃ hariḥ /
śrīnivāsassamākhyāto bhūmāvavatariṣyati

utpatsyamāna evāsau bhrājamānassvatejasā /
jagadāvaraṇaṃ krūraṃ tamaḥ puñjaṃ haniṣyati

pañcahāyana evātha prāptasarvakalākulaḥ /
saṃskṛto 'khilasaṃskārair brahmavarcasasevitaḥ

sarvalokeśvaraṃ devaṃ śrīnivākaṃ śriyaḥ patim /
caturbhujamudārāṅgaṃ divyābharaṇabhūṣitam

śrīvatsāṃkaṃ mahābāhuṃ śaṅkhacakragadādharam /
kirīṭamukuṭopetaṃ varadābhayacihnitam

haimordhvapuṇḍralāvaṇyalasadvadanapaṅkajam /
vaikhānasairmahābhāgairarcyamānaṃ nirantaram

kṛtāspadaṃ kaliyuge tadīyaṃ kuladaivatam /
"arāyi kāṇa'' ityādyaiśśrutivākyairabhiṣṭutam

"rayiḥ kakudmā''nityādyairmantrairvaikhānasaiḥ paraiḥ /
ijyamānaṃ viśeṣeṇa vividhaiḥ pāramātmikaiḥ

kalyāṇaguṇasaṃpūrṇaṃ divyamaṅgalavigraham /
svayaṃvyaktaṃ parañjyotiḥ paraṃ brahma parātparam

vidhinā śāstradṛṣṭena devamārādhayiṣyati /
prasādasumukho devassvātmabhūte śiśau svayam

avanamya ca mūrdhānaṃ gṛhīṣyati gale srajam /
divyaiḥprasannairgrathitāṃ kusumaistulasīdalaiḥ

svayaṃ sārdhaṃ kumāreṇa havīṃṣi ca bhujiṣyati /
saṃtuṣṭena kumāreṇa prārthitaḥ karuṇānidhiḥ

vaikhānasairmahābhāgairupetaiḥ saha mandire /
havīṃṣyaśiṣyatyadhyakṣaṃ kumāraṃ sāntvayiṣyati

arcāvatāramahātmyaṃ lokebhyaḥkhyāpayiṣyati /
devor'cakaparādhīnaḥ sarvaṃ tebhyaḥ kariṣyati

tathā sammānitaḥ premṇā śrīnivāsena sādaram /
yajñairbahuvidhair anyairyajñeśaṃ saṃyajiṣyati

viśāle bahusaṃskārasaṃkule vasudhātale /
sthāpayiṣyati viṣṇvarcāṃ grāme grāme gṛhe gṛhe

purāṇi ca janāvāsā gṛhāṇi gṛhiṇāṃ tathā /
mandirairindireśasya sundarairnatibhandhuraiḥ

maṇḍitāni bhaviṣyanti jagattattvaṃ bhajiṣyati /
ita ācārya nirdeśa itaśśiṣyopasarpaṇam

ihaiva gṛhiṇāṃ bhūyaḥ prasaṃga iha mantraṇam /
acāryavaraṇaṃ ceha śilpināmiha mārgaṇam

iha prastarasaṃgrāha iha dārugrahastathā /
iha diksāthanaṃ caiha vasudhāsaṃparīkṣaṇam

ito maṅgalaghoṣaśca itaḥpuṇyāhavācanam /
ita ādyeṣṭakānyāsa ito mūrdheṣṭakāvidhiḥ

itaśśūlagrahaśceta ito vairajjubandhanam /
itaśca mṛtsnāsaṃskāra ito varṇavilekhanam

ito madhūcchiṣṭavidhirito 'laṅkārakalpanam /
ito dhvajasya nirmāṇamito bhaktasamāgamaḥ

itaḥpratiṣṭhāsaṃkalpa nāto nayanamokṣaṇam /
ito 'dhivāsanaṃ ceto prabhūtabalidāpanam

ito 'gnimanthanaṃ ceto homa ānandavardhanaḥ /
iha gītaṃ nṛttamiha vādyaṃ śrutimanoharam

iha pratiṣṭhā devasya iha ca dvijabhojanam /
iha kālotsavaśceha dhanuṣi prātarutsavaḥ

mudgānnasya guḍānnasya prasādasya nivedanam /
adyottiṣṭhati vaikuṇṭhaḥ śayitaḥ kṣīrasāgare?

adya vratasyāpavargo saṃśitassa bhuvo hareḥ /
adya vaivāhikaṃ devyāvratānte lokamaṅgalam

adya pauṣī pūrṇimāhocādya caikādaśī śubhā /
adya devasya kuryanti snapanaṃ kalaśaiśśataiḥ

adya dāśarathirjāto dvādaśī māghasaṃbhavā /
adya cātā jaganmātā phālgune revatī tithau

adyakurvanti devasya damanotsavamīśvarāḥ /
caitramāsasta devasya mahāprītikaraḥ kila

kurvanti manujādhīśā vasante divyamutsavam /
jalakrīḍotsavo hyadya caitrayātrā hareḥkvacit

ketakīmālatījātīmallikādolikotsavaḥ /
gandhotsavo 'dya kriyate paurṇamāsī kadā dinam

kadā caikādaśī puṇyā kadā vā dvādaśītidhiḥ /
kadā nṛsiṃhassaṃjātaḥ smṛtamadyatrayodaśī

vaiśākhe śuklapakṣe tu kriyate vārṣikotsavaḥ /
kadā bhavetpaurṇamāsī kriyate candrikotsavaḥ

kadā jyeṣṭhotsavo bhūyātkadā vā pūrṇimā śubhā /
prapotsavaḥ kadā bhūyādāṣāḍhī ca bhaviṣyati

kadā ca śravaṇaṃ bhūyānnakṣatraṃ yatra mārutiḥ /
rāmasevādhuraṃ dhṛtvā jātassākṣānmahāmatiḥ

kadā ca śrāvaṇī bhūyādyatra nārāyaṇo hariḥ /
svātmānaṃ janayāmāsa lokakalyāṇahetave

vaikhānasaṃ vikhanasaṃ viriñcamiti yaṃ viduḥ /
kadā bhādrapado māsastatra caikādaśī bhavet

kadā vā dvādaśī bhūyātsarvapāpa praṇāśinī /
tiladhenuṃ pradāsyanti yatra devasya sannidhau

kadāśvino bhavenmāsastatrāpi daśamī śubhā /
aśvayātrā harerbhūyādanuyāsyāmahe harim

kadā bhavedamāvāsyā yasyāṃ sa narakohataḥ /
kadā vā kārtikomāso bhaviṣyati haripriyaḥ

dīpāropo bhavettatra kadā vā kārtikī śubhā /
kadāyugādaya stadvatpuṇyakālā viśeṣataḥ

kadā bhaviṣyati hare rathayātrā mahātmanaḥ /
kadā vā gajayātrā syātkadā vīśādhirohaṇam

kadā bhramati deveśo grāmavīthiṣu sundaram /
kadā labhiṣṭati harestīrthaṃ paramapāvanam

kadā prasādaṃ devasya kaṇasyāpi labhiṣyati /
kadā śaṅkharathāṅgādidivyalāñchanalāñchitā

pādukā devadevasya saṃskariṣyati me śiraḥ /
kadā vā tulasīṃ puṇyāmarpitāṃ tasya pādayoḥ

aśnāmi śirasā caiva dhārayiṣyāmi vaiṣṇavīm /
kadā vā puṇyapuṣpāṇāmekaṃ devasamarpitam

śirasā dhārayiṣyāmi jighrāmi bhahugandhavat /
devadevasya drakṣyāmi kadā sarvāṅgasuṃdaram

āpādamauliparyantaṃ lāvaṇyamadhuraṃ vapuḥ /
ityādikāḥ kathāstatra bhaviṣyanti prajāsu ca

sarve dharmaparāssarve nārāyaṇa parāyaṇāḥ /
arcane vāsudevasya bhaviṣyanti ratā narāḥ

ityeva kālaṃ kāleyaṃ gururujjīvayiṣyati /
śrīnivāsaṃ śriyovāsamarciṣyati ciraṃ bhuvi

pāṣaṇḍopaplutaṃ dharmamuddhariṣyati vaiṣṇavam /
idaṃ ca bhagavacchāstraṃ cirasthāyi kariṣyati

sarvatantrasvatantro 'sau bahūn grandhān praṇeṣyati /
asaṃkhyebhyaśca śiṣyebhyastattārthamupadekṣyati

dharmavyavasthāṃ kṛtvaivaṃ kalāvatibhayaṅkare /
sameṣyati paraṃ sthānaṃ tadviṣṇoḥ paramaṃ padam

yugānte ca punarnāmaharernaiko gṛhīṣyati /
tadā harirmahāvīraḥ kalkī nāma bhaviṣyati

adharmanidhanaṃ kṛtvā dharmaṃ saṃsthāpayiṣyati /
harerdivyāvatārāṇāmavatārakathāmimām

yaḥ paṭhec chruṇuyādvāpi so 'pi yāsyati sadgatim /
dhanyāste puruṣaśreṣṭhā durante bhavasāgare

ye nāmāpi kalau viṣṇossmariṣyintyavyayātmavaḥ /
dhyāyan kṛtayuge viṣṇuṃ tretāyāṃ dāpare yajan

yattatphalamavāpnoti kalau smaraṇamātrataḥ /
harerharati pāpāni nāmasaṃkīrtitaṃ sakṛt

pāṣaṇḍabahule loke kalāvatibhayaṅkare /
tannāmakīrtayedyastu taṃ vidyātkṛtināṃ varam

tasmātsarvaprayatnena bhaktyā paramayā yutaḥ /
samūrtārādhanaṃ kuryānnānyathā muktimāpnuyāt

nāthamādyaistu navabhiradhyāyairīḍyate kramāt /
bhūparīkṣādikarmāṇi vimānānāṃ ca kalpanam

vividhānāṃ ca berāṇāṃ nirmāṇavidhivistaraḥ /
daśame nāṃkurāropaḥ paścāddvābhyāmudīritaḥ

pratiṣṭhā vidhiratyanta phalado jagataḥ pateḥ /
paścāddaśāvatārāṇāṃ caturbhiḥ procyate vidhiḥ

tathā saptadaśe cokta ādimūrti vidhistataḥ /
aṣṭādaśer'canaṃ sāṃgamuktaṃ madhuvidāriṇaḥ

dvābhyāmuktastato pūjādravya saṃgrahaṇa kramaḥ /
ekaviṃśe viśeṣārcāvidhissamyagudīritaḥ

dvāviṃśesnapanaṃ coktaṃ trayoviṃśe viśeṣataḥ /
vidhirutsavacakrasya prokto dvābhyāmathotsavaḥ

tataśca ṣaḍbhiradhyāyaiḥ prāyaścittasya vistaraḥ /
proktastataśca dvātriṃśe saṃkīrṇaṃśā udīritāḥ

arcāvatāramahimā trayastriṃśe prakīrtitaḥ /
svayaṃvyaktādibhedaśca catustriṃśe prakāśitaḥ

pañcatriṃśe tu saṃproktaṃ kriyāyogāśritaṃ phalam /
ṣaṭtriṃśetvapacārāśca kathitā devakopanāḥ

kalidharmāśca saṃproktāssaptatriṃśe viśeṣataḥ /
saptatriṃśadbhiradhyāyairevaṃ gurukṛpābalāt

ṣaḍbhiḥ sahasraiḥ ślokaistu kriyāṅgamupavarṇitam