Bhṛgusaṃhitā · Chapter 35

iti śrīvaikhānase bhagavacchāstre bhṛguproktāyāṃ sahitāyāṃ prakīrṇādhikāre catustriṃśo 'dhyāyaḥ.
atha pañcatriṃśo 'dhyāyaḥ.
phalaśrutiḥ
atha vakṣye viśeṣeṇa kriyāyogaśritaṃ phalam /
yastu devālayaṃ dāruśilālohavilekhanaiḥ

kārayenmṛṇmayaṃ vāpi tasyānantaphalaṃ smṛtam /
ahanyahani yajñena yajato yanmahatphalam

prāpnoti tatphalaṃ viṣṇoryaḥ kārayati mandiram /
kulānāṃ śatamāgāmi samatītaṃ tathā śatam

tārayedbhagavadgehamiti buddhiṃ karoti yaḥ /
saptajanmakṛtaṃ pāpamalpaṃ vā yadi vā bahu

viṣṇorālayavinyāsaprāraṃbhādeva naśyati /
saptalokamayo viṣṇustasya yaḥkurute gṛham

pratiṣṭhāṃ samapāpnoti sa narassāptalaukikīm /
praśastadeśe bhūbhāge yo naro bhavanaṃ hareḥ

kārayatyakṣayān lokān sa varaḥ pratipadyate /
iṣṭakācayavinyāso yāvadvarṣāṇi tiṣṭhati

tāvadvarṣasahasrāṇi tatkartādivi modate /
pratimāṃ lakṣaṇavatīṃ yaḥ kārayati mānavaḥ

kesavasya sa tallokamakṣayaṃ pratipadyate /
ṣaṣṭiṃ varṣasahasrāṇāṃ sahasrāṇi sa mogate

svargaukasāṃ nivāseṣu pratyekamarisūdanaḥ /
tataḥ prayāti vaikuṇṭhaṃ nissamābhyadhikaṃ mahaḥ

pratīṣṭhāpya harerarcāṃ supraśaste niveśane /
puruṣaḥ kṛtakṛtyatvānnainaṃ śvo maraṇaṃ tapet

ye bhaviṣyanti ye 'tītā ākalpāḥ puruṣāḥ kule /
tāṃstārayati saṃsthāpya devasya pratiyāṃ hareḥ

berapūjā tviyaṃ proktā pūjānāmuttamottamā /
atīte yajamāne 'pi ciramasyā avasthite

anuśastāḥ kila purā yameva yamakiṅkarāḥ /
pāśadhaṇḍadharāḥ krūrāḥ prajāsaṃyamanodyatāḥ

viharadhvaṃ yathānyāyyaṃ niyogo me 'nupālyatām /
nājñābhaṅgaṃ kariṣyanti bhavatāṃ jantavaḥ kvacit

kevalaṃ ye jagannāthamanastaṃ samupāśritāḥ /
bhavadbhiḥ parihartavyāsteṣāṃ nāstyatra saṃsthitiḥ

ye tu bhāgavatā loke taccittāstatparāyaṇāḥ /
pūjayanti sadā viṣṇuṃ te vastyājyāḥ sudūrataḥ

yastiṣṭhan yassvapan bhuñjan uttiṣṭhan skhaliteṣu ca /
saṃkīrtayati govindaṃ sa vastyājyassudūrataḥ

nityanaimittikairdevaṃ ye yajante janārdanam /
nāvalokyā bhavadbhiste tattejo hanti vau gatim

ye dhūpapuṣpavāsobhirbhūṣaṇaiścāpi durlabhaiḥ /
arcayanti na te grāhyānarāḥ kṛṣṇāśrayoddhatāḥ

upalepanakartārassammārjanakarāśca ye /
kṛṣṇālaye parityājyāsteṣāṃ tripūruṣaṃ kulam

yena cāyatanaṃ viṣṇoḥ kāritaṃ tatkulodbhavam /
puṃsāṃ kulaṃ nāvalokyaṃ bhavadbhirduṣṭacakṣuṣā

yenārcā bhagavadbhaktyā vāsudevasya kāritā /
narāyutaṃ tatkulajaṃ bhavatāṃ śāsanātigam

bhavatāṃ bhramatāmatra viṣṇusaṃśrayamudrayā /
vinājñābhaṅgakṛnnaiva bhaviṣyati naraḥkvacit

yajñā narāṇāṃ pāpaughakṣālanāḥ sarvakāmadāḥ /
tathaivejyā jagaddhātussarvayajñamayo hariḥ

sthāpitaṃ pratimā viṣṇossamyak saṃpūjya mānavaḥ /
yaṃ yaṃ kāmayate kāmaṃ taṃ tamāpnotyasaṃśayam

yathā hi jvalano vahnistamohānintadarthinām /
śītahānintadanyeṣāṃ svedaṃ svedābhilāṣiṇām

karoti kṣudhitānāṃ ca bhojyāṃ pākakriyāṃ śikhī /
tathaiva kāmān bhūteśassadadāti yathepsitam

kalpadrumādivahareryadiṣṭaṃ tadavāpyate /
yassadāyatane viṣṇoḥ kurute mārjanakriyām

sapāṃsubhumyair? dehasya sarvaṃ pāpaṃ vyapohāti /
yāvantaḥ pāṃsukaṇikā mārjyante keśavālaye

varṣāṇi divi tāvante vasatyastamalo naraḥ /
ahanyahani yatpāpaṃ kurute viṣayī naraḥ

yo bāhyābhyantaraṃ veśma mārjayetkeśavālaye /
sabāhyābhyantaraṃ tasya kāyo niṣkalmaṣo bhavet

gocarmamātraṃ sammṛjya hanti tatkeśavālaye /
sabāhyābhyantaraṃ yacca mārjayedacyutālaye

sabāhyābhyantaraṃ tasya kāyaṃ niṣkalmaṣaṃ viduḥ? /
udakābhyukṣaṇaṃ viṣṇoryaḥ karoti satā gṛhe

so 'pigacchati yatrāste bhagavān yādasāṃ patiḥ /
mṛdā dhātuvikārairvā varṇakairgomayena vā

viṣṇorāyatane nityaṃ yaḥ karotyanu lepanam /
pravāte vāti guṇavadvarṣāsvatimanoharam

svanuliptaṃ śūbhākāraṃ svakṛhaṃ labhate naraḥ /
pūrṇadhānyahiraṇyādimaṇimuktāphalojjvalam

pratyāsannajalopetaṃ gṛhaṃ prāpnoti śobhanam /
sāmantasvajanānāṃ ca sarveṣāmuttamottamam

tadāpnoti gṛhaṃ ramyamupalepanakṛnnaraḥ /
yenānulipte tiṣṭanti viṣṇvāyatanabhūtale

brāhmaṇāḥkṣatriyā vaiśyāśśūdrassādhvyastriyastathā /
tasya puṇyaphalaṃ vaktuṃ nālaṃ devāssahānugāḥ

apsarogaṇasaṃkīrṇaṃ muktāhālaśatojjvalam /
śreṣṭhaṃ sarvavimānānāṃ svargadhiṣṇyamavāpnuyāt

yāvanta stithayo liptā divyābdāṃstāvato naraḥ /
tasminvimāne sa narastsrī vā tiṣṭhati śobhane

sraggandhavastrasaṃyuktaḥ sarvabhūṣaṇabhūṣitaḥ /
gandharvāpsarasāṃ saṃghaiḥ pūjyamānassa tiṣṭhati

liptā ca yāvatā hastā viṣṇorāyatane mahī /
tāvadyojanavistīrṇasvargasthānādhipo bhavet

pūjyamānassuragaṇaiśśītoṣṇādivivarjitaḥ /
manojñagātro viprendraistiṣṭhatyābhūtasaṃplavam

tat kṣayādiha cāgatya viśiṣṭe jāyate kule /
atyutkṛṣṭagṛhaṃ prāpya martyaloke 'bhivāñchitam

natatra tāvaddāridṣaṃ nopasargona vākaliḥ /
na tāvanmṛtaniṣkrāntiryāvajjīvanti sākṣiṇaḥ

viṣṇussamastabhūtāni sasarjaitāni yāni vai /
teṣāṃ madhye jagaddhāturatīveṣṭā vasuṃdharā

kṛte sammārjane tasyāstathā caivānulepane /
prayāti paramaṃ toṣaṃ viṣṇurbhūrvaiṣṇavīyataḥ

upoṣito naro nārī yaḥkarotyanulepanam /
na tasyajāyate bhaṅgo gārhasthye tu kadā ca na

yā ca nārī karotyevaṃ yathāvadanulepanam /
nāpnoti sāpi vaidhavyaṃ gṛhabhaṅgaṃ kadā ca na

sarvābharaṇasaṃpūrṇassarvopaskaradhānyavān /
gomahiṣyādisaṃbhāgaṃ gṛhamāpnoti mānava

tasmādabhīpsatā samyaggārhasthyaṃ tadakhaṇḍitam /
viṣṇorāyatane kāryaṃ sahasai vopalepanam

yaścānulepanaṃ kuryādviṣṇorāyatane naraḥ /
so 'pi lokaṃ samāsādya modatevai śatakratoḥ

puṣpaprakīrṇamatyarthaṃ sugandhaṃ keśavālaye /
upalipte naro datvā na durgatimavāpnuyāt

snānapānāṃbhasāṃ viṣṇoḥ pradānāttatsalokabhāk /
snānīyadravyadānena nīrogaḥ prītya modate

kṣaumādidānādāpnoti paraloke mahatsukham /
ālepanadravyadānātkāmānāpnoti śāśvatān

elākarpūratāṃbūlītailādi sparśanātpukhī /
paratreha ca loke syāddīrghakālamasaṃśayaḥ

sarvayajñamayo viṣṇurgavyānāṃ paramassmṛtaḥ /
jāyate yeṣu lokeṣu pulakassaṃgamomahān

yeṣu kṣīravahā nadyo hradāḥ pāyasakardamāḥ /
tān lokān puruṣā yāntikṣīrasnānakarā hareḥ

āhgādaṃ nirvṛtiṃ svāsthyamārogyaṃ cārurūpatā /
saptajanmānyavāpnoti kṣīrasnānakaro hareḥ

dadhyādīnāṃ vikārāṇāṃ kṣīratassaṃbhavo yathā /
tathaivāśeṣakāmānāṃ kṣīrasnāpanato hareḥ

yathā ca vimalaṃ kṣīraṃ yathā nirvṛtikārakam /
tathāsya nirmalaṃ jñānaṃ bhavatyatiphalapradam

grahānukūlatāṃ puṣṭiṃ priyaṃ cāpyakhile jane /
karoti bhagavān viṣṇuḥkṣīrasnāpanatoṣitaḥ

sarvo 'syasnigdhatāmeti dṛṣṭimātprātprasīdati /
yassnāpayati devasya ghṛtena pratimāṃ hareḥ

indraprasthe dvijāgṣāṇāṃ sa dadāti gavāṃ śatam /
gavāṃ śatasya viprāṇāṃ na dattasya bhavetphalam

ghṛtaprasthena tadviṣṇorlabhetsnānopayoginām /
purā rājarṣibhiḥ prāptā saptadvīpā vasundharā

ghṛtāḍhakena govinda pratimāsnāpanātkila /
pratimāsaṃ sitāṣṭamyāṃ ghṛtena jagataḥ patim

snāpayitvā samastebhyaḥ pāpebhyo 'pi pramucyate /
dvādaśyāṃ paurṇamāsyāṃ ca gavyena haviṣā hareḥ

snāpanaṃ devadevasya mahāpātakanāśanam /
jñānato 'jñānato vāpi yatpāpaṃ kurute naraḥ

tatkṣālayati saṃdhyāyāṃ ghṛtena snāpayan harim /
ghṛtakṣīreṇa deveśe snāpite madhusūdane

sa gatvāvaiṣṇavaṃ dhāma modate saha sūribhiḥ /
srajaṃ baddhvā sumanasāṃ yaḥ prayacchati viṣṇave

sa bhuktvā vipulān bhogānnākapṛṣṭhe virājate /
cāmaravyajana chatradānātsvārājyamaśnu te

dānādābharaṇādīnāṃ tejasvī divimodate /
dānācca navaratnāvāṃ devasālokyamaśnute

ādarśanapradānena dṛśyassarvairbhaviṣyati /
gandhadravya pradānena sugandhirdāyate bhṛvet

dhūpadravyapradānena svasthānaṃ svargiṇāṃ bhavet /
upānahau pāduke ca vāhanaṃ yānameva ca

dadāti yo saṃdayitvā? maṇikāñcanacitritam /
sa vimānaṃ tu dutprāpaṃ prāpno tyeva na saṃśayaḥ

alaṅkṛtaṃ bhadrapīṭhaṃ prayacchan sarvakāmabhāk /
vinatānandanasthānaṃ dhvajamutpādya darśayan

sāmīpyaṃ sahasā viṣṇoryāti sadyo sa saṃśayaḥ /
dhvajaṃ ca vādyamutpādya viṣṇusātkurute tu yaḥ

sa divyadundubhi prāyaṃsthānaṃ prāpya virājate /
dāsīdāsaṃ tathātmāna mātmīyaṃ ca prayacchali

vāsudevāya dāsyena muktiḥ karatalesthitā /
nṛttabhedairgītabhedais tathā vādyairanekathā

śrotavyairapi dṛśyaiśca devadevasya sannidhau /
āsīnamupacāraistairye samārādhayantite

pretya divyeṣu lokeṣu pūjyantetairna saṃśayaḥ /
dīpaṃ prayacchati naro viṣṇorāyatane hi yaḥ

sadakṣiṇasya yajñasya phalaṃ prāpnotyasaṃśayaḥ /
āhorātramanirvāṇaṃ dīpamāropayennaraḥ

sarvapāpa viśuddhātmā viṣṇuloke mahīyate /
dinedine japannāma keśaveti samāhitaḥ

sakṛddadātiyovipraḥpradīpaṃ keśavālaye /
jātismaratvaṃ prajñāṃ ca prākāśyaṃ sarvavantuṣu

avyāhatendriyatvaṃ ca samāpnoti na saṃśayaḥ /
sarvakālaṃ ca cakṣuṣmān medhāvī dīpado naraḥ

jāyate narakaṃ cāpi tamassaṃjñaṃ na paśyati /
suvarṇamaṇimuktāḍhyaṃ manojñamatiśobhanam

dīpamālākulaṃ divyaṃ vimānamadhirohati /
tasmādāyatane viṣṇordadyāddīpaṃ prayatnataḥ

tāṃś cadatvānnahīnaste? na ca tailaviyojanam /
kurvīta dīpahartāca mūkū'ndho jāyate jaḍaḥ

andhetamasi duṣpāre narake patitān kila /
vikrośamānānmanujān vakṣyanti yamakiṅkarāḥ

vilāpairala matrevaṃ kiṃvo vilapite phalam /
tathā pramādibhiḥ pūrvamātmātyantamupekṣitaḥ

purvamālocitaṃ naitatkathamante bhaviṣyati /
idānīṃ yātanā bhaugāḥkiṃ vilāpaḥ kariṣyati

dehoditāni svalpāni viṣayāścātikarṣakāḥ /
etatkona vijānāti yena yūyaṃ pramādinaḥ

janturjanmasahasrebhyo hyekasmin mānuṣo yadi /
tatrāpyativimāḍhatvātkiṃbhogānabhidhāvati

ko 'tibhāro harernāmni jihvayā parikīrtite /
varṇite tulyamūletu yadagnirlabhyate sukham

ato 'dhikarolābhaḥ kovaścitai'bhavattathā /
yenāyateṣu hasteṣu svātantṣesati dīpakaḥ

mahāphalo viṣṇugṛhe na datto narakāpahāḥ /
na vo vilapite kiṃ cididānīṃ dṛśyate phalam

asvātantṣe vilapatāṃ svātantṣe tu pramādinām /
avaśyaṃpātinaḥ prāṇā bhoktājīvopyaharniśam

dattaṃ calabhate bhoktuṃ kāmayanviṣayāṃstadā /
etatsvātantṣavadbhirvo yuktamāsītparīkṣitum

idānīṃ kiṃ vilāpena sahadhvaṃ yadupāgatam /
yadyetadanabhīṣṭaṃ vo yadduḥkhaṃ samupasthitam

yadbhūyo 'pi matiḥ pāpe na kartavyā kathaṃ ca na /
pāpakarmaṇinirvṛtte 'pyajñānādaghanāśanam

kartavyamapyavicchinnaṃ smaradbhirmadhusūdanam /
vimānamatividyoti sarvaratnamayaṃ divi

samāpnoti naro datvā pradīpaṃ keśavālaye /
haviṣāṃ pāyasādīnāṃ haraye ca nivedanāt

sukhaikarasapūrṇatmā rājate viṣṇusannidhau /
bhakṣyapānīyabhojyānāmanyeṣāmapi dānataḥ

śvetadvīpe tatsamīpe vasanti sukhinassadā /
bahunātra kimuktena vāsudevārthamādarāt

dadāti vastudānaṃ? yasthsānaṃ prāpnoti cepsitam /
karmaṇāṃ mārjanādīnāṃ phalabhogādanantaram

karmaśeṣaiḥ punarjanma karmānuguṇayoniṣu /
utkṛṣṭāsvena bhoktāro labhante sukhinassadā

ārāmāṇāṃ taṭākānāṃ prapāṇāṃ ca pravartanāt /
viṣṇorālayasāmīpye tatphalaṃ kena varṇyate

supradarśā balavatī citrā dhātuvibhūṣitā /
upetā sarvabhūtaiśca śreṣṭhā bhūmirihocyate

tasyāḥ kṣetraviśeṣāśca taṭākānāṃ ca bandhanam /
audakāni ca sarvāṇi pravakṣyāmyanupūrvaśaḥ

taṭākānāṃ ca vakṣyāmi kṛtānāṃ cāpi ye guṇāḥ /
triṣu lokeṣu sarvatra pūjanīyaḥ pratāpavān

atha vā mitrasadanaṃ maitraṃ mitravivardhanam /
kīrtisaṃjananaṃ śreṣṭhaṃ taṭākānāṃ niveśanam

dharmasyārthasya kāmasya phalamāhurmanīṣiṇaḥ /
taṭākaṃ sukṛtaṃ deśekṣetramekaṃ mahāśrayam

caturvidhānāṃ bhūtānāṃ taṭākamupalakṣayet /
taṭākāni ca sarvāṇi diśanti śriyamuttamām

devā manuṣyā gandharvāḥ pitaro yakṣarākṣasāḥ /
sthāvarāṇi ca bhūtāni saṃśrayanti jalāśayam

tasmāttāṃstu pravakṣyāmi taṭāke ye guṇāssmṛtāḥ /
yā ca tatra phalāvāptirṛṣibhissamudāhṛtā

varṣākāle taṭāke tu salilaṃ yasya tiṣṭhati /
agnihotraphalaṃ tasya phalamāhurmanīṣiṇaḥ

śaratkā le tu salilaṃ taṭāke yasya tiṣṭhati /
gosahasrasya saṃpretya labhate phalamuttamam

hemantakāle salilaṃ taṭāke yasya tiṣṭhati /
sa vai bahusuvarṇasya yajñasya labhate phalam

yasya vai śaiśire kāle taṭāke salilaṃ bhavet /
tasyāgniṣṭomayajñasya bhalamūhurmanīṣiṇaḥ

taṭākaṃ sukṛtaṃ yasya vasantetaṃ mahāśrayam /
atirātrasya yajñasya phalaṃ sa samupāśnute

nidāghakāle pānīyaṃ taṭāke yasya tiṣṭhati /
vājimedhapalaṃ tasya phalaṃ vai munayo viduḥ

sa kulaṃ tārayetsarvaṃ yasya khāte jalāśaye /
gāvaḥ pibanti salilaṃ sādhavaśca narāssadā

taṭāke yasya gāvastu pibanti tṛṣitā jalam /
mṛgapakṣimanuṣyāśya so 'śvamedhaphalaṃ labhet

yatpibanti jalaṃ tatra styāyante viśramantica /
taṭākadasya tatsarvaṃ pretyānantyāya kalpate

durlabhaṃ salilaṃ ceha viśeṣeṇa paratra vai /
pānīyasya pradānena prītirbhavati śāśvatī

taṭāke yasya pānīyaṃ pānīyāya jagatpateḥ /
tasya puṇyaphalaṃ vaktuṃ nālaṃ devāssahānu gāḥ

taṭāke yasya pānīye sāyaṃ prātardvijātayaḥ /
snātvā kurvanti karmāṇi tasya nākesthitirbhavet

taṭāke yasya devasya snāpanaṃ cādhivāsanam /
tasya lokā bhavantyeva pāvanāḥ kṣativarjitāḥ

sarvadānairgurutaraṃ sarvadānairviśiṣyate /
pānīyāvāsadānaṃ tu devasyāgre praśasyate

atha vakṣye viśeṣeṇa vṛkṣāṇāmavaropaṇam /
sthānarāṇāṃ ca bhūtānāṃ jātayaṣṣaṭ prakīrtitāḥ

vṛkṣagulpala tāvallyastvakcārāstṛṇajātayaḥ /
etā jātyastu vṛkṣāṇāṃ teṣāṃ rope guṇāstvime

kīrtiśca mānave loke pretya caiva phalaṃ śubham /
labhate nāma loke ca pitṛbhiśca mahīyate

devalokagatasyāpi nāmatasya na naśyati /
atīte 'nāgate cobhepitṛvaṃ śe 'nyatastathā

tārayedvṛkṣarūpī ca tasmādvṛkṣāṃśca ropayet /
tasya putrā bhavantyete pādapā nātra saṃśayaḥ

paralokagatassvargaṃ lokāṃścāpnoti so 'vyayān /
puṣpaissuragaṇān vṛkṣāḥ phalaiścāpi tathā pitṛn

cāyayā cātithīṃścāpi pūjayanti mahīruhāḥ /
kinnaroragarakṣāṃsi devagandharvamānavāḥ

tathā ṛṣigaṇāścaiva saṃśrayanti mahīruhān /
puṣpitāḥ phalavantaśca tarpayantīha mānavān

vṛkṣadaṃ putravadvṛkṣāstārayanti paratra tu /
patraṃ phalaṃ vā puṣpaṃ vā yasyārāme 'varopite

acyutasya padaṃ prāptaṃ lokāstasyācyutā dhruvam /
patraiḥphalair vāpuṣpairvā prīyate bhagavān hariḥ

tasmāttaṭāre tadvṛkṣā ropyāśśreyorthinā sadā /
putravatparipālyāśca putrāstedharmatassmṛtāḥ

taṭākakṛdvṛkṣaropī iṣṭayajñaśca yo naraḥ /
ete svarge mahīyante ye cānye satyavādinaḥ

tasmāttaṭākān kurvīta ārāmāṃścaiva ropayet /
yajecca vividhairyajñaissatyaṃ ca satataṃ vadet

gobhūhiraṇyadānāni kṛtvācāryāya viṣṇave /
arcakāya viśeṣeṇa svargatassukhamedhate

atidānaṃ tu sarveṣāṃ bhūmidānamihocyate /
acalā hyakṣayo bhūmissarvān kāmān prayacchati

yastudadyādbhūmidānaṃ devanāmnārcakāyahi /
tasyaihikaṃ bhavetpuṇyaṃ tathā pāratrikaṃ bahu

yastu dadyātsvanāmnaiva pūjakāya vasuṃdharām /
tasya kāmāḥ prarohanti sarvamaihikamaśnute

devakāryāya vaidadyādyo devāya vasundharām /
devanāmnaiva tasya syātkevalāmuṣmikaṃ phalam

brahmārpaṇadhiyā yastu guptaṃ dāsyati kiṃ cana /
devāya devakāryāya brāhmaṇāyādhikāriṇe

yāvajjīvati taddānaṃ svargetasya sthitirbhavet /
yaṃ yaṃ kāmaṃ tu manasi kṛtvā yadyacca yor'payet

taṃ tameva phalaṃ labdhvākartāsammodate ciram /
kimalabhyaṃ bhagavati prasanne śrīniketane

ācāryāyārpitā bhūmiratyantaphaladāyinī /
tator'cakārpitā dadyādanantaṃ phalamucyate

padārthināmathānveṣāṃ tathānyavibhavasya ca /
sarvameva bhaveddattaṃ vasudhāṃ yaḥ prayacchati

phālakṛṣṭāṃ mahīṃ dadyātsabījāṃ sasyamālinīm /
yāvatsūryakarā loke tāvatsvarge mahīyate

phālakṛṣṭāṃ mahīṃ dadyātsabījāṃ sasyamālinīm /
yāvatsūryakarā loke tāvatsvarge mahīyate

yaścāpi kurute pāpaṃ puruṣovṛttikarśitaḥ /
api gokarṇamātreṇa bhūmidānena śuddhyati

saptahastena vā samyaktriṃśaddaṇḍena vardhanam /
sa śatānyeva gokarṇamiti vedavido vidaḥ

jitendrayāya guṇine pūjakāya tapasvine /
dadyānmahīṃ bhadettasya phalamakṣayamacyutam

yathāpsu patitassadyastailabinduḥ prarohati /
evaṃ bhūmikṛtaṃ dānaṃ sasye sasye prarohati

yathā bījāni rohanti prakīrṇāni mahītale /
evaṃ kāmāḥprarohanti bhūmidānasamārjitāḥ

yathā gaurbharate vatsaṃ kṣīriṇī kṣīramutsṛjet /
evaṃ dattāciraṃ kālaṃ bhūmirbharati bhūmidam

ikṣubhissatatāṃ bhūmiṃ yavagodhūmaśādvalaiḥ /
yo dadāti naraśreṣṭhassa na pracyavate divaḥ

śubhaṃ bhadrāsanaṃ chatraṃ varāśca varayoṣitaḥ /
bhūmidānasya cihnāni phalametanna saṃśayaḥ

āditya vasavo viṣṇurbrahmā somo hutāśanaḥ /
śūlapāṇiśca bhagavānabhinandanti bhūmidam

sauvarṇachatrahakmyāṇi vasordhārāśca kāmadāḥ /
gandharvāpsaraso yatra tatra tiṣṭhanti bhūmidāḥ

iyameva purā bhūmiḥ pālitā bahubhignṛpaiḥ /
anyaiśca bahubhirdattā rājabhissatyasaṃgaraiḥ

yasya yasya yadā bhūmi stasya tasya tadā phalam /
bhūmiṃ yaḥ pratigṛhṇāti yaśca bhūmiṃ prayacchati

tāvubhau puṇyakarmāṇau niyatau svargagāminau /
dānapālanayormadhye dānācchreyo 'nupālanam

dānātsvargamavāpnoti pālanādacyutaṃ padam /
svadattāddviguṇaṃ puṇyaṃ paradattānupālanam

bhūmidassvargamāruhya śāsvatīredhate samāḥ /
punaśca janma saṃpāpya bhavedbhūmi patirdhruvam

yathā bhūmissadā devī dātāraṃ kurute patim /
evaṃ sadakṣiṇā dattākurute gaurjanādhipam

api pāpakṛtaṃ prāpya pratigṛhṇāti bhūmidam /
mahīṃ dadatpavitrassyātpuṇyā ca jagatī yataḥ

nāmaiva priyadatteti guhyāmetatsanātanam /
tadasyāssatataṃ prītyaikīrtanīyā prayacchatā

tapoyajñāśritaṃ śīlamalobhassatyavāditā /
gurudaivatapūjā ca nātikrāmati bhūmidam

bharturniśśreyase yuktā styaktātmādoraṇe hatāḥ /
brahmalokagatāssanto nātikrāmantibhūmidam

yathā janitrī kṣīreṇa puṣṇāti svasutaṃ mudā /
evaṃ sarvaguṇairbhūmirdātāramanupuṣyati

agniṣṭomādibhiryajñairiṣṭvā vipuladakṣiṇaiḥ /
na tatphalamavāpnoti yaddatvā vasudhāṃ punaḥ

mṛtyorhi kiṅkarā daṇḍā hyagnitāpāssudāruṇāḥ /
ghorāśca vāruṇāḥ pāśā nopasarpanti bhūmidam

pītaraḥ pitṛlokasthā devaloke divaukasaḥ /
santarpayanti dātāraṃ bhūmeḥ prabhavatāṃnaraḥ

ādityā iva dīpyante tejasā di mānavāḥ /
ye prayacchanti vasudhāṃ haraye lokasākṣiṇe

kṛśāya kṛśabhṛtyāya vṛttiṃ kṣīṇāya sīdate /
devāgrer'pyatu viprāya suśrīrbhavati mānavaḥ

āsphoṭayanti pitaraḥ pranṛtya ni pitāmahāḥ /
bhūmido naḥ kule jātassavassantārayiṣyati

sa naḥ kulasya puruṣassano bandhussano guruḥ /
sa dātā sa ca vikrānto yo dadāti vasuṃdharām

lokāṃstu sṛjatā pūrvaṃ gāvassṛṣṭāssvayaṃbhuvā /
vṛddhyarthaṃ sarvabhūtānāṃ tasmāttā mātarassmṛtāḥ

tāstudatvā saurabheyīssvargeloke mahīyate /
dhenuṃ datvā suvratāṃ ca sopadhānāṃ payasvinīm

savatsāṃ kapilāṃ divyāmācāryāyārcakāya ca /
devadevasya tuṣṭyarthaṃ devāya brāhmaṇāya vā

na tasya śakyate vaktuṃ phalaṃ varṣaśatairapi /
yāvanti dhenvālomāni vatsāyāśca viśeṣataḥ

tāvadvarṣa sahasrāṇi kāmān duhyeta sā varā /
prayacchate yaḥkapilāṃ savatsāṃ kāṃsyajohanām

svarṇaśruṅgīṃ raupyakhurāṃ taistairdravyaguṇaiḥ punaḥ /
sā gauḥ kāmadughā bhūtvā dātāramupasarpati

gosahasraṃ tu yo dadyātsarvaratnairalaṅkṛtam /
parāṃ vṛddhiṃśriyaṃ prāpya svargaloke mahīyate

daśa cobhayataḥpretya mātā mahapitāmahāḥ /
gacchetsukṛtināṃ lokān gāvo datvā yathāvidhi

dāyādyalabdhairyogādyairgāvassampādya yodadet /
tasyāpi cākṣayā lokā bhavantīha paratra ca

yo vā dyūte dhanaṃ jitvāgāvaḥkrītvā prayacchati /
sa gacchedvirajān lokān gopradānaphalārjitān

pratigṛhyatu yo dadyādgāvaśśuddhena cetasā /
sa gatvā durlabhaṃ sthānamamaraissaha modate

yaścātmavikrayaṃ kṛtvā gāvo dadyādyadhāvidhi /
sa gatvā virajān lokān sukhaṃ vasati devavat

saṃgrāme yastanuṃ tyaktvā tvaktvā gāvaḥprayacchati /
dehavikraya mūlyāstā śśāśvatāḥ kāmadohanāḥ

jīrṇāṃ caivopabhukrāñca jaradgāṃ śīlavarjitām, /
tamaḥ praviśate datvā dvijaṃ kleśena yojayet

dānayogyā bhavesnaiva kṛśā duṣṭā palāyinī /
yuñjyātlkeśaistu yo vipraṃ datvaināṃ tadvṛdhā bhavet

yuvānaṃ balinaṃ śyāmaṃ halena saha yūthapam /
gopatiṃ haraye dadyādbhūriśruṅgamalaṅkṛtam

brāhmaṇānāṃ gavāṃ caiva kulamekaṃ dvidhā kṛtam /
ekatra mantrā stiṣṭhanti havirekatra tiṣṭhati

upagamya tu yo dadyādgāvaśśuddhena cetasā /
yāvantitāsāṃ romāṇi tāvatsvarge mahīyate

pravakṣyāmi gavāṃlokā yādṛśāyatra saṃsthitāḥ /
manojñā ramaṇīyāśca sarvakāmaduhāssadā

puṇyāḥpāpaharāśceva gavāṃ lokā na saṃśayaḥ /
atyantasukhinastatra sarvapāpavivarjitāḥ

pramodante mahāsthsāne narā vigatakalmaṣāḥ /
tulyaprabhāvā devaiste modante psarasāṃ gaṇaiḥ

gandharvairupagīyante gośaraṇyā na saṃśayaḥ /
brāhmaṇāssādhuvṛttāśca dayāvanto 'nukaṃpakāḥ

ghṛṇinaśśubhakartāro modantedaivataissaha /
yathaiva salile matsyassalilena sahoṣya te

gobhiḥ pāpakṛtaṃ karma dṛḍhameva vyapohyate /
mātarassarvabhūtānāṃ prajānāṃ rakṣaṇe kṛtāḥ

brahmāṇā lokasāreṇa gāvaḥpāpabhayāpahāḥ /
tānu dattāsu loke 'smin kiṃ na dattaṃ bhavediha

deveśāya viśeṣeṇa tatkriyāya tathā punaḥ /
pratipādyāssadā gāno bhūtiṃ sbhārāmabhīpsubhiḥ

suvarṇaṃ paramaṃ dānaṃ suvarṇaṃ dakṣiṇā parā /
etatpavitraṃ paramametatsvastyayanaṃ mahat

daśapūrvān parān vaṃśyānātmānaṃ ca viśeṣataḥ /
apipāpaśataṃ kṛtvā dattaṃ vipriṣu tārayet

suvarṇaṃ ye prayacchanti narāśśuddheva cetasā /
devatāste prayacchanti samastamiti naśśrutam

agnirhi devatāssarvāssuvarṇaṃ ca hutāśanaḥ /
tasmātsuvarṇaṃ dadatā dattāssarvāśca devatāḥ

agnyabhāve ca kurvanti vahnisthāne ca kāñcanam /
sarvadevapramāṇajñā vedaśrutinidarśanāt

yastvenaṃ jvalayedagnimādityodayanaṃ prati /
dadyādvai devamuddiśya sarvānkāmānavāpnuyāt

suvarṇadassarvaloke kāmāniṣṭānavāpnute /
virajāṃbarasaṃvītaḥ pariyāti tatastataḥ

vimānenārkavarṇena bhāsvareṇa virājatā /
apsarogaṇasaṃkīrṇo bhāsvarastena tejasā

haṃsabarhiṇayuktena kāmagena narottamaḥ /
divyagandhavahassvarge parigacchannitastataḥ

tasmātsvaśaktyā dātavyaṃ kāñcanaṃ mānavairbhuvi /
vimānenārkavarṇena sa yāti svargamuttamam

na hyataḥ paramaṃ loke sadyaḥ pāpavināśanam /
brahmakośasya śuddhasya suvarṇaṃ yaḥ prayacchati

bahūnyabdasahasrāṇi svargeloke mahīyate /
iti saṃkṣepataḥ proktaṃ svarṇadānaphalaṃ mayā

atha vakṣye viśeṣeṇa phalamannasya dāpanāt /
viṣṇave ca śriyai bhūmyai sarvadevebhya eva ca

tanni vedita śeṣasya dānāccārthibhya ādarāt /
na śakyate phalaṃ tasya vaktuṃ varṣaśatairapi

tathāpi gīyate yattu vistārāt paramarṣibhiḥ /
saṃkṣepataḥ pravakṣyāmi annadānārjitaṃ phalam

prasādamamṛtaṃ brūyādannaṃ devaniveditam /
tīrthaṃ cāmṛtamityeva devapādodakaṃ vadet

annameva praśaṃsanti devā ṛṣigaṇāstathā /
lokatantraṃ hi saṃjñāśca sarvamanne pratiṣṭhitam

annena sadṛśaṃ dānaṃ na bhūto na bhaviṣyati /
tasmādannaṃ viśeṣeṇa dātumicchanti mānavāḥ

annamūrjaskaraṃ loke prāṇāścānne pratiṣṭhitāḥ /
annena dhāryate sarvaṃ viśvaṃ jagadidaṃ mahat

annādgṛhasthā lokesmin bhikṣavastāpasāstathā /
annādbhavanti vai prāṇāḥ pratyakṣaṃ nātra saṃśayaḥ

kuṭuṃbaṃ pīḍayitvā tu brāhmaṇāya mahātmane /
dātavyaṃ bhikṣave cānnamātmano bhūtimicchatā

brāhmaṇāyābhirūpāya yo dadyādannamarthine /
vidadhāti nidhiṃ śreṣṭhaṃ pāralaukikamātmanaḥ

śrāntamadhvani vartantaṃ vṛddhamarhamupasthitam /
arcayedbhūtimanvicchan gṛhastho gṛhamāgatam

krodhamutpatitaṃ hitvā suśīlo vītamatsaraḥ /
annadaḥ prāpnute bhū yo bhuvi ceha ca yatsukham

nāvamanyedabhigataṃ na praṇudyātkathaṃ cana /
api śvapāke śuni vā na dānaṃ vipraṇaśyati

yo dadyādaparikliṣṭamanna madhvani vartate /
śāntāyādṛṣṭapūrvāya samahaddharmamāpnuyāt

pitṝn devānṛṣīnviprānatithīṃśca viśeṣataḥ /
yo naraḥprīṇayatyannaistasya puṇyaphalaṃ mahat

kṛtvātipātakaṃ karmayo dadyādanna marthine /
brāhmaṇāya viśeṣeṇa na sa pāpena muhyate

brāhmaṇeṣvakṣayaṃ nāmnāṃ śūdre mahatbhalam /
annadāmapi śūdre ca brāhmaṇasya viśiṣyate

na pṛcchedgotracaraṇaṃ svādhyāyaṃ deśamena ca /
bhikṣito brāhmaṇeneha dadyādannaṃ prayācitaḥ

annadasyānnavṛkṣāśca sarvakāmaphalapradāḥ /
bhavanti ceha nāmutranṛpaternātrasaṃśayaḥ

āśaṃsate hi pitarassuvṛṣṭimiva karṣakāḥ /
asmākamapi putro vā pautro vānnaṃ pradāsyati

brāhmaṇohi mahadbhūtaṃ svayaṃ dehīti yācate /
akāmovā sakāmo vā datvā puṇyamavāpnuyāt

brāhmaṇassarvabhūtānāmatidhiḥ prasṛtāgrabhuk /
viprā yamadhigacchanti bhikṣamāṇā gṛhaṃ sadā

satkṛtācca nivartante tadatīva pravarthate /
mahābhoge kule pretya janma cāpnoti nityaśaḥ

datvātvannaṃ naro loke yathāsthānamanuttamam /
nityaṃ mṛṣṭānnadāyī tu svarge vasati satkṛtaḥ

annaṃ prāṇā narāṇāṃhi sarvamanne pratiṣṭhitam /
annadaḥ paśumān putrī dhanavān bhogavānapi

prāṇavāṃścāpi bhavati rūpavāṃśca tathā bhavet /
annadaḥprāṇado loke sarvadaḥ procyate tu saḥ

annaṃ hidatvātithaye brāhmaṇāya yathāvidhi /
pradātā sukhamāpnoti daivataiścāpi pūjyate

brāhmaṇo hi mahadbhūtaṃ kṣetrabhūtamihocyate /
upyate yatra tadbījaṃ taddhi puṇyaphalaṃ mahat

pratyakṣaprītijananaṃ bhokturdāturbhavatyuta /
sarvāṇyanyāni dānāni parokṣaphalavantyuta

annāddhi prasavaṃ yānti ratirannāddhi jāyate /
dhakmārthāvannato vidyāt roganāśastathānnataḥ

annaṃ hyadbhutamityāha purā kalpe prajāpatiḥ /
annaṃ bhuvaṃ divaṃ khaṃ ca sarvamanne pratiṣṭhitam

anna praṇāśe bhidyante śarīre pañca dhātavaḥ /
balaṃ balavato 'pīha praṇaśyatyannahānitaḥ

āvāhāśca vivāhāśca yajñāścānnakṛte tathā /
nivartante viśeṣeṇa brahma cātra pradīyate

annatassarvametaddhi yatkiñcit sthāṇu jaṅgamam /
triṣulokeṣu dharmārthamannaṃ deyaṃ tato budhaiḥ

annadasya manuṣyasya balamojo yaśāṃsi ca /
āyuśca vardhate tadvatteṣu lokeṣu niścitam

meghādūrdhvaṃ sannidhatteprāṇānāṃ pavanaḥ patiḥ /
yacca meghagataṃ vāri śakro varṣati harṣitaḥ

ādatte ca rasān bhaumān ādityassvagabhastibhiḥ /
vāyurādityataptāṃśca rasān devaḥpravarṣati

tadyathā meghato vāri patitaṃ bhavati kṣitau /
tadā vasumatī devī snigdhā bhavati bhāvitā

tatassasyāni rohanti yena vartayate jagat /
māṃsamedo 'sthiśukrāṇāṃ prādurbhāvastataḥ punaḥ

saṃbhavanti tataśśukrātprāṇinaḥ pṛdhivītale /
agniṣṭomau hi tacchrakraṃ sṛjataḥ puṣyataśca ha

evamannāddhi sūryaśca pavanaśśukramevaca /
eka eva smṛto rāśistato bhūtāni jaṅgire

prāṇān dadāti bhūtānāṃ tejaśca satataprabham /
gṛhamabhyāgatāyātha yo dadyādannamarthine

annadānāddhi yelokāstāṃśruṇudhvaṃ samāhitāḥ /
bhavanāni prakāśante divi teṣāṃ mahātmanām

tārāsaṃsthānarūpāṇi nānā staṃbhānvitāni ca /
candramaṇḍalaśubhrāṇi kiṅkiṇījālavanti ca

taruṇādityavarṇāni sthāvarāṇi carāṇica /
anekaśatabhaumāni sāṃtarjalacarāṇi ca

vaiḍūryārkaprakāśāni raukmarūpyamayāni ca /
sarvakāmaphalāścāpi vṛkṣā bhavanasaṃsthitāḥ

vāpyo vīthyaḥ sabhāḥ kūpādīrghi kāścaiva sarvaśaḥ /
ghoṣavantyatha yānāni muktānyatha sahasraśaḥ

bhakṣyabhojyamayāśśailā vāsāṃsyābharaṇāni ca /
kṣīraṃ sravanti saritastathā caivānna parvatāḥ

prāsādāḥ pāṇḍurābhrābhāśśayyāśca kanakojjvalāḥ /
tānyannadāḥ prapadyante tasmādannaṃ dadetsadā

dadyādadyātsadaivānnaṃ viṣṇave viniveditam /
haviḥpātrādi sauvarṇaṃ rājataṃ tāmrameva vā

kāṃsyaṃ vāpyatha yo dadyādarghya pātrādikānapi /
kalaśān karakān kuṃbhānanyāṃścaiva paricchadān

śaktilobhamakṛtvaiva tasya puṇyaphalaṃ mahat /
sauvarṇānyevayo dadyātsārūpyaṃ labhate phalam

rājatānyatha yodadyātsāmīpyaṃ phalamāpnuyāt /
dadyāttāmrāṇi kāṃsyāni sārokyaṃ padameti saḥ

dhvacānvicitrān yo dadyānnānāvarṇa samāyutān /
sarveṣāmuttamo bhūtvā kulaketurbhaviṣyati

śvetaṃ vitānaṃ raktaṃ vā kṛṣṇaṃ pītaṃ ca śyāmalam /
dukūlenātha paṭṭena tantunānyena vā kṛtam

yo dadyāddevadevasya sa gacchedvaiṣṇavaṃ padam /
sopadhānāṃ satalpāṃ ca khaṭvāṃ dadyācca yohareḥ

kuberalokamāsādya tatra sammodate ciram /
ātapatraṃ tathā haimaṃ muktādāmavibhūṣitam

haimadaṇḍayutaṃ dadyādindralokaṃ sa gacchati /
rājyakāmī tu rājā syātsārvabhaumo 'pi jāyate

mayūracchatradānāttu vāruṇaṃ lokamāpnuyāt /
cāmaraṃ hemadaṇḍaṃ ca vyajanaṃ ratnabhūṣitam

kevalaṃ hemadaṇḍaṃ vā bhaktyā śaktyā ca saṃyutam /
arpayeddharaye yastu devaloke mahīyate

mayūravyajanaṃ tadvadrukmadaṇḍaṃ ca śaktitaḥ /
bhaktyaiva yo harerdadyādvāyuloke mahīyate

vimānaṃ haivasaṃcchannaṃ viṣṇoryaḥ kārayennaraḥ /
aśakyaṃ tatphalaṃ vaktuṃ sarvairapi surāsuraiḥ

sauvarmaṃ viṣṇurūpantu yo bhaktyaiva tu kārayet /
tasyāpi yatphalaṃ sarvamanantamiti naśśrutam

maṇḍapaṃ vā prapāṃ vātha ratnamuktopaśobhitam /
hemalaṃba? samāyuktaṃ haimastaṃbhapariṣkṛtam

kalpayedviṣṇusālokyaṃ prāpnotyamaradurlabham /
haimaṃ siṃhāsanaṃ śreṣṭhaṃ yo bhaktyaivār'payeddhareḥ

siṃhāsanaṃ samāsthāya māhendrīṃ saṃpadaṃ vrajet /
haimīryāśśibikāścaiva raṅgādīnyaśca kārayet

haimaṃ yānaṃ tathāruhya viṣṇulokaṃ sa gacchati /
aśaktodāravān vātharaṅgādīn śibikāstathā

siṃhāsanaṃ vā yo dadyātsomalokaṃ sa gacchati /
yaśca kāṃsyamayīṃ ghaṇṭāṃhṛdyadhvaniyutāṃ dadet

hṛdyavāksusvaro hṛdyo vāgmī sa tu bhavennaraḥ /
śaṅkhabheryādidānena śakraloke sa pūjyate

nṛttageyādibhirvādyairghoṣaṇaṃ kārayettu yaḥ /
nartayedapsarobhirvā gāndharvaṃ lokamāpnuyāt

vīṇāveṇuvinādaiśca śaktyā yaḥ pūjayeddharim /
bhuktvātramahadaiśvaryaṃ vaiṣṇavaṃ padamāpnuyāt

yadyaddravyaṃ mudā yukto dadyāttu haraye naraḥ /
tadagre pūjakebhyaśca gurave ca viśeṣataḥ

tatprītyai cetarebhyaśca brāhmaṇebhyo vidhānataḥ /
samṛddhiṃ tasya tasyaiva dravyasyāpnotyasaṃśayam

yaṃ kāmayitvā dadyādyattatsarvaṃ sa labhennaraḥ /
yadyatkarma tadarthaṃ syātparicaryā ca tasya yā

tasyopacāraṃ yatkarma karoti śraddhayā tu yaḥ /
sarvayajñaphalaṃ prāpya nāmīpyaṃ padamāpnu yāt

tasmādatra pratiṣṭhāpya devadevasya mandiram /
śaktilobhamakṛtvaiva vibhavānāñcabhaktitaḥ

bahudhā bahulāṃ vṛttiṃ kalpayeccettaduttamam /
athār'cane phalaṃ vakṣye viśeṣeṇa madhudviṣaḥ

bhaktyāpradakṣiṇaṃ kurvannityaṃ viṣṇvālaye naraḥ /
sāyaṃ prātaśca deveśaṃ namasyannatha cintayan

yaḥ pramāmaṃ muhuḥ kuryātsa tu yajñaphalaṃ labhet /
upacāraviśeṣāṇādvakṣyate phalam

dhyānamāvāhanaṃ kṛtvā sarvān kāmānavāpnuyāt /
aṣṭāṅgayogamārgeṇa manasā bhāvayan harim

saṃcintya manasā pūrvaṃ pūtakāyo mahāmanāḥ /
yaḥ kuryātpūjanaṃ viṣṇostatra devo vaseddhruvam

arcakasya tapoyogātpūjāyā ścātiśāyanāt /
ābhirūpyācca biṃbasya sannidheḥ procyate hareḥ

āsanaṃ haraye datvā pratiṣṭhāṃ labhate ciram /
svāgatenānumānena yaḥ pūjayati mādhavam

sarvairanumato bhūtvā svāgataṃ so 'bhipadyate /
pādyamācamanīyaṃ ca samarpya haraye naraḥ

bāhyamābhyantaraṃ yattu pāpaṃ tena vimucyate /
nityaṃ puṣpāṇi puṇyāni bhaktyā yastu samarcayet

sūryakoṭinibhaṃ divyaṃ vimānamadhiruhyasaḥ /
viṣṇulokaṃ gatassatyaṃ viṣṇuvanmodate ciram

deveśaṃ puṣpamālādyairalaṅkuryācca yo budhaḥ /
tasyānantaphalaṃ prokta mananto bhagavān hariḥ

caṃpakāśokapunnāga jātīmalayapaṅkajam /
samarpya devadevāya śubhānāmāśrayo bhavet

damanośīralāmajjā ketakyutpalamarpayet /
maṅgalaṃ tasya niśchidraṃ bhavedeva na saṃśayaḥ

tulasīmarpayedvidvān pādayorbhaktito hareḥ /
sa cāna ntaphalaṃ prāpya modate viṣṇusannedhau

sugandhipuṣpadānena sugandhirjāyate naraḥ /
bahupuṣpapradānena bahudhā tuṣyate?hariḥ

bahujātisumānāṃ ca dānena prīyate sa vai /
pādayorarpaṇādviṣṇoḥ puṣpāṇāṃ saṃcayaṃ sakṛt

padepade cāśvamedhaphalaṃ prāpnotyasaṃśayam /
tulasīṃ mūrthni devasya samarpya madhuvidviṣaḥ

naraḥ pāpādvimucyeta karmaṇā nopalipyate /
sarvāṅgeṣvarpayan puṣpaṃ sarvagasya naro hareḥ

sarvadā sarvalokeṣu kāmacoro bhaviṣyati /
alaṅkṛtya phalairdevaṃ puṣpārpaṇaphalaṃ labhet

saṃgandhacandanadravyaṃ karpūrādiyutaṃ tathā /
yathārhamarpayedaṅgeślakṣṇaṃ sarvāṅgasundaram

sa naro viṣṇusālokyaṃ prayātyamaradurlabham /
svayamevāhṛtaiḥ puṣpaiḥ pūjayedyastu mādhavam

sa sarvān samavāpnoti puṣpārpaṇaphalādikān /
sarveṣāmapi puṣpāṇāṃ tulasī prītidā hareḥ

tulasīdalamādāya yatra gacchati pūjakaḥ /
anugacchati taṃ devo yathā gorvatsalā bhṛśam

pratyahaṃ pūjayedyastu tulasyā garuḍadhvajam /
janmamṛtyujarāvyādhimukto muktimavāpnuyāt

maṇikāñcanapuṣpāṇi muktāvaidūryakāni ca /
tulasīdaladānasya kalāṃ nār'hanti ṣoḍaśīm

sumañjarīdalairyuktaiḥ komalaistulasīdalaiḥ /
ye kurvanti hareḥ pūjāṃ te kṛtārthāḥ kalau yuge

śuṣkaṃ paryuṣitaṃ vār'draṃ kāṣṭhaṃ vā tulasīdalam /
arcane vāsudevasya lakṣakoṭiguṇaṃ bhavet

tulasīgrahaṇaṃ śastaṃ viṣṇorarcanahetave /
varjyaṃ paryuṣitaṃ puṣpaṃ na varjyaṃ tulasīdalam

varjyaṃ paryuṣitaṃ toyaṃ na varjyaṃ jāhnavījalam /
anyatparyuṣitaṃ varjyaṃ na varjyaṃ padmapuṣpakam

śuṣkaiḥ paryuṣitairvāpi kāṣṭhamūlamṛdādibhiḥ /
arcanādvāsudevasya mukto bhavati pūruṣaḥ

puṣkarādyāni tīrthāni gaṅgādyāssaritastathā /
devā divisthitā ye vaitiṣṭhanti tulasīdale

tāvadgarjanti puṣpāṇi mālatyādīni garvataḥ /
yāvanna prāpyate puṇyā tulasī viṣṇuvallabhā

sakṛdabhyarcya govindaṃ tulasyā caiva mānavaḥ /
muktibhāgī nirātaṅkaṃ kṛṣṇasyānucaro bhavet

nākṣatairarcayedviṣṇuṃ na śaṃbhuṃ śaṅkhavāriṇā /
nārcayeddūrvayā durgāṃ na tulasyā surāntaram

dalālābhe tulasyāstu patrairārādhayeddharim /
patrālābhe śiphābhirvā śiphābhāve śiphālavaiḥ

lavālābhe mṛdā tatra bhaktimānarcayeddharim /
harerabhyarcanāyāṃ ca tulasī sādhanaṃ param

alābhe tulasī ca tannāmagrahaṇaṃ param /
bhagavānaravindākṣassantuṣyati sahasradhā

na padmairnāpi kalhārairna hemakusumairapi /
tathā tuṣyati govindo yathaina tulasīdalaiḥ

saṃgṛhya tulasīṃ bhaktyā sarvāniṣṭa /
tulasyaiva hareḥ pūjāṃ ye kurvanti sadā bhuvi

tasmāttulasyā sadṛśaṃ sa ca bhūtaṃ na bhāvi ca /
tulasīkānanāmodavāpitā yatra mārutāḥ

na tatra dharaṇībhāge caranti yamakiṅkarāḥ /
"tulasī tulasī''tyevaṃ nāmānyāvartayantiye

te viṣṇulokamāsādya paśyanti madhusūdanam /
darśanācchravaṇātsvarśātsmaraṇātkīrtanādapi

punāti tulasī puṇyā daśapūrvān daśāvarān /
tulasīkānanaṃ yatra yatra vā harikīrtanam

tatraivāste hariśśrīmān śaṅkhacakragadāyudhaḥ /
yaḥ pūjayetphalairviṣṇuṃ nupakvairamṛtopamaiḥ

puṇyavṛkṣasamudbhūtaistatphalaṃ kena varṇyate /
candanāgurukoṣṭhvādyairbhūpamāghrāpayeccayaḥ

sūryalokaṃ sa gatvaiva yāti viṣṇoḥ paraṃ padam /
ghṛtena kāpilenaiva dṛḍhavartiyutaṃ tu yaḥ

darśayeddevadevasya dīpaṃ dṛṣṭimanoharam /
so 'ndhaṃ naiva praviśati narakaṃ narapuṅgavaḥ

yastu tailena saṃdīptaṃ darśayeddīpamujjvalam /
vimānamatividyoti yātyāruhya tamaḥparam

karbūradīpaṃ yo bhaktyā darśayeddharaye naraḥ /
tasya pāpāni naśyanti nirlepassa bhaviṣyati

vidhinār'ghyaṃ harerdadyādaṣṭhāṅgaṃ bhaktito naraḥ /
candralokaṃ sa gatvaiva yāti viṣṇoḥ paraṃ padam

sugandhi śubhamutpūtaṃ snānatoyaṃ ca yo dadet /
deveśasya viśeṣaṇa sa bhavedvītakalmaṣaḥ

tataśca vāruṇaṃ lokaṃ prāpya tatraiva modate /
plotavastrottarīyāṇi viśuddhāni mṛdūni ca

devadevasya datvā tu saumyaṃ lokamavāpnuyāt /
kārpāsamatha ca kṣaumaṃ kauśeyaṃ rāṅkavaṃ tathā

yathāśakti samarpyaiva phalaṃ cānantamaśnute /
kārpāsādrāṅgavaṃ tasmātkau śeyaṃ kṣaumamityapi

praśastaṃ kathitaṃ vastraṃ yathā śaktyanurūpataḥ /
sauvarṇābharaṇānyatra muktāmaṇikṛtāni vā

arpayeddevadevasya bhavedbhūmipatissa hi /
jāṃbūnadaṃ śātakuṃbhaṃ hāṭakaṃ vaiṇavaṃ tathā

śruṅgī ca śuktijaṃ caiva jātarūpamataḥ param /
rasaviddhaṃ tathā proktamākarodgatamityapi

proktaṃ bahuvidhaṃ hema pūrvātpūrvātparaṃ param /
pratyuptāni viśeṣeṇa ratnairnāvāvidhairhareḥ

bhūṣaṇānyarpayedbhaktyā mitrāṇyasya navagrahāḥ /
rājaśriyaṃ ca bhuktvā nte viṣṇulokaṃ sa gacchati

upavītaṃ tu yo dadyātsauvarṇaistantubhiḥ kṛtām /
dvijottamassyādvijñānī brahmalokamavāpnuyāt

sālagrāmaiśca bahubhirnirmitāṃ mālikāṃ tu yaḥ /
arpayeddevadevasya sa viṣṇoryāti sannidhim

lakṣmīḥ priyatamā viṣṇossā hi nityānapāyinī /
svasaṃkālpānuviddhā ca śaktissarvātmikā parā

prakṛtermūlabhūtā ca svāminī jagatāṃ satām /
lakṣmīpratikṛtiṃ kṛtvā maṇimuktādibhirmunā

ābadhya mālikāyāṃ yo deveśāya samarpayet /
tasya prasannau jāyete daṃpatī jagataḥ patī

mātrāṃ ca devadesya datvā haste viśeṣataḥ /
sarvān kāmānavāpnoti carāṃśastarpito hareḥ

madhuparkaṃ harerdadyādbhaktyā prītikaraṃ hareḥ /
virajāṃ' barasaṃvītaśśaśāṅkadhavalo mudā

candralokādhipo bhūtvā yāyādviṣṇupadaṃ mahat /
havirni vedya devasya pratiṣṭhāphalamaśnute

prabhūtaṃ vinivedyaiva jīrṇoddhāraphalaṃ tathā /
pāyasaṃ vinidedyaiva harerbhaktyā viśeṣataḥ

payohradaiśca pitarastṛptimāyānti tasyatu /
kṛsaraṃ vinivedyaiva devasya mudito naraḥ

akṣayaṃ pratipadyeta svagṛhe 'nnaṃ ciraṃ ciram /
gaulyaṃ nivedya devasya prāpnoti guḍaparvatān

mudgānnasya pradānena mudgarāśiṃ samāpnuyāt /
yavodanasya donena nīrogo bhavati dhruvam

śuddhānnasya pradānena triśuddhā bhavati prajā /
apūpādipradānena manasvī jāyate naraḥ

upadaṃśādidānena nopadaṃśo bhaviṣyati? /
sugandhi svādu śuddhaṃ ca pānīyaṃ yo harerdadet

havirdānaphalasyārdhaṃ phalaṃ samyak samaśnute /
kadalyā nārikelasya cūtasya panasasya ca

phalāni ca nupakvāni bhaktyā śuddhāni yo dadet /
havirdānāccaturbhāgaṃ phalaṃ so 'pi samāpnuyāt

karpūrailālavaṅgaiśca tathā jātīphalādibhiḥ /
mātuluṅgaphalaiśśuddhaissupakvaiśca yutaṃ tathā

tāṃbūlaṃ kramukairyuktaṃ mukhavāsaṃ ca yo dadet /
sarvaiśvaryamavāpnoti viṣṇulokaṃ ca gacchati

vidhinā balimārādhya kārayedyaḥ pradakṣiṇam /
balaṃ balavatāṃ labdhvā viṣṇulokaṃ sa gacchati

baliṃ seveta yo bhaktyā so 'pi yajñaphalaṃ labhet /
devasya maṇḍapaṃ kuryādgandhapuṣpaiḥ prapāntuvā

sarvaiśvaryamavāpyaiva nityapuṣpaphalaṃ vrajet /
viṣṇoḥ kathāstu saṃkīrtyastotraiḥ stutvā ca vaiṣṇavaiḥ

śrutvābhaktyā hariṃ dhyāyan viṣṇuloke mahīyate /
saumyān puṇyānimān viṣṇoścaturo 'pyarcanāvidhīn

śrāvayedyo budho bhaktyā tathā yaśśruṇuyādapi /
sarvapāpavinirmuktā vaiṣṇavaṃ padamāpnuyuḥ

athotsavādikaraṇe phalaṃ vakṣye madhudviṣaḥ /
sakāmānāṃ phalaṃ kāmyamakāmānāṃ paraṃ padam

utsavaṃ tu pravakṣyanti devadevārcanāṃ surāḥ /
utsāha utsavaḥ prokto manuṣyāṇāṃ viśeṣetaḥ

udityutkṛṣṭaśabdo 'yaṃ savo yajña udāhṛtaḥ /
tasmāduttamayajñatvādutsavaḥ paribhāṣyate

vājimedhāstayāgānāṃ tasmāddevotsavo varaḥ /
utsavaṃ devadevasya yaḥ kuryātsvakulaṃ svakam

uttārayan svayaṃ viṣṇossa yāti paramaṃ padam /
savāduttāraṇaṃ yasmādutsavaḥ parikīrtyate

sa yajño vo narān yuṣmānuttārayati niścayam /
iti vedā vadantīti sa utsava udīrya te

vājīmedhasahasreṇa yajato yatphalaṃ bhavet /
yaścotsavena yajate tayostulyaṃ phalaṃ nmṛtam

yāgānāmapi sarveṣāṃ phalamutsavakarmaṇā /
devasyāśnuvate sarvaṃ ye yajante saṃśayaḥ

savānutkramate yasmāttasmādutsava uchyate /
upakurvanti ye martyā devasyotsavakarmaṇi

karmāṇā manasā vācā te 'pi yānti phalaṃ bahu /
grāme vā ragare va'pi pattane vā mahotsavaḥ

yatra pravartate viṣṇossaṃpadassanti tatra vai /
yatra deśe janapade rāṣṭre vā pyutsavo hareḥ

nāpamṛtyubhayaṃ tatra naināvagrahasaṃbhavaḥ /
naiva corādyupahatirna tāpatrayasaṃgatiḥ

dharmaścatuṣpādvarteta kalau tatrādimo yugaḥ /
dhārmikaśca bhavedrājā prajā dharmaparāyaṇāḥ

bhavanti sukhinassarve sarvaduḥkhavivarjitāḥ /
mahotsave vartamāne yadarthibhyaḥ pradīyate

pānīyamannaṃ vastraṃ vā tatsahasraguṇaṃ bhavet /
puṣpamulaphalairijyā devasyābharaṇādikaiḥ

kriyamāṇā yathāśakti nityānantyāya kalpate /
sevante tatra ye devamaharniśamatandritāḥ

teṣāṃ puṇyaphalaṃ vaktuṃ nālaṃ devāssahāsurāḥ /
ālepanaṃ mārjanaṃ ca rajaḥ praśamanaṃ tathā

vāribhīrdīpikāropaṃ kṣvelanāsphoṭanādikam /
kurvantiye brāhmalokaṃ prayāntyamaradurlabham

yānaṃ vahanti ye viprāste yānti brahmaṇaḥ padam /
rathaṃ vahanti ye cāśvāste 'pi yāntisurālayam

chatrādidhāriṇaścāpi modante divi mānavāḥ /
ācāryāścārcakāścaiva tathaiva paricārakāḥ

utsave 'dhikṛtā viṣṇoḥ prāpnuvanti yathepsitam /
ṛco yajūṃṣi sāmāni ye tatrādhīyate janāḥ

te pare vyomni devasya pārśve vartanti nisspṛhāḥ /
sarvaśāntikaraṃ sarvaduḥkhotsādanamuttamam

rājño rāṣṭrasya sukhadamāyurārogya vardhanam /
prajānāṃ vāsudevasya kalyāṇārādhanaṃ mahat

imaṃ devādayassarve viṣṇorutsavamuttamam /
kṛtvā śāśvatikaṃ sthānaṃ prāpnuvantyatidurlabham

atha vakṣye viśeṣeṇa mahāsnapanajaṃ phalam /
yena dravyeṇa deveśaṃ snāpayedyastubhaktitaḥ

taddravyaṃ varthate tasya naśyaṃ tyevāśubhāni tu /
rājño rāṣṭrasya taddravyaṃ samṛddhyaiva bhaviṣyati

aśubhāni vinaśyanti śūbhāni prabhavanti ca /
nirmāti yaḥprapāṃ viṣṇordevasya nnapanāya vai

tasya nirmīyate gehassvarge svarganivāsibhiḥ /
mṛdbhissaṃsnāpanādbhūmissarvasasyānvitā bhavet

nagaiḥ pradakṣiṇādeva gotrasya sthitirāpyate /
dhānyaissaṃsnāpanādviṣṇordhānyānāṃ vṛddhirāpyate

aṅkurairarcanādviṣṇoḥ prajāvṛddhirbhaviṣyati /
maṅgalaiḥ pūjanātsarvamaṅgalāni bhavanti vai

snāpanātpañcabhirgavyaiḥ pāpaṃ saśyati sarvadhā /
ghṛtena snāpanādbhuyātsāmādhyayanajaṃ phalam

kṣīreṇa snāpayedviṣṇuṃ gāśca kṣīravatīriyāt /
madhunā snāpayedviṣṇuṃ madhusyandi bhavedvacaḥ

dadhnā saṃsnāpayeddevamacchaṃ tasya bhavedyaśaḥ /
gandhodasnāpanādviṣṇossarvasaṃpadvṛtobhavet

snāpayedakṣatodaistu prajā tasyākṣatā bhavet /
phalodakasnāpanena śubhānīyātphalāni tu

snāpanāttu kuśodena brahmavarcasamāpnuyāt /
ratnodakasnāpanena maṇiratnādi vardhayet

japyodakasya snānena sarvajāpaphalaṃ labhet /
bhavantyoṣadhayassarvāssarvauṣadhyudakāplavāt

puṇyapuṣpārcanenaiva puṇyavān jāyate naraḥ /
cūrṇaiśśrīveṣṭakādīnīmarpaṇādvṛddhirāyuṣaḥ

udvartanātkaṣāyeṇa cūrṇenāvāpyate ruciḥ /
tīrthodasnāpanenaiva tīrthayātrāphalaṃ bhavet

vanauṣadhībhissaṃsparśādbhavennityamarogatā /
hāridracūrṇasnānena prīto bhavati cācyutaḥ

mārjanātsarvagandhaiśca śrīrbhavatyacalā calā /
mārjanānmūlagandhaiśca kulamedheta nityaśaḥ

dhātubhiścāpyalaṅkārāddhātuvṛddhirbhaviṣyati /
anyairanuktairvā yastudravyaiḥ snāpanakarmaṇi

upatiṣṭhejjagadyoniṃ phalaṃ prāpnoti vistṛtam /
yastu kuryājjaladroṇīṃ snānapīṭhaṃ ca śārṅgiṇaḥ

sa sarvaiḥ pūjyayānantu pīṭhe cātyunna te vaset /
evaṃ yassnapanaṃ viṣṇoḥ kārayecchaktito naraḥ

yathoktānīha labdhvaivaphalāni suciraṃ bhuvi /
ante vimāsamāruhya haimaṃ devaiḥ parīvṛtaḥ

kinnarairapsarobhiśca nṛttairgeyaiśca tarpitaḥ /
yakṣairvṛto 'tha gandharvaistsūyāmāno mudānvitaḥ

sarvalokātparaṃ puṇyaṃ vaikuṇṭhaṃ lokamāpnuyāt /
devadevasya viṣṇostu snapanaṃ bhaktimāṃstu yaḥ

seveta so 'pi pāpmabhyo mucyate nātra saṃśayaḥ /
snāpanāntetu deveśasyotsavaṃ yaśca kārayet

prajāvṛddhiṃ śriyaṃ sphārāṃ samāpnoti viśeṣataḥ /
utsavaṃ sevateyastu so 'pi yajñaphalaṃ labhet

viṣṇupañcadine yastu deveśaṃ snāpayetprabhum /
tasya syānmahatī saṃpatpaśuputrādi sammitā

grahaṇe viṣuve tadvatsaṃkramādiṣu caivahi /
anyeṣvapi ca puṇyeṣu kāryeṣu jagataḥ prabhum

snāpayedyaśca seveta phalamāpnoti so 'pi saḥ /
yaḥ kuryādvaiṣṇavaṃ dhāma bhaktiśraddhāsamanvitaḥ

khaṇḍite sphaṭite dhāmni dūṣite ca sūdhādibhiḥ /
samādadhyātpunardhāma sa lokaṃ yāti vaiṣṇavaṃ

corairapahṛte biṃbeyaḥ kuryātpratimāṃ punaḥ /
sthāpayedbhakti yuktaśca sa yāti paramāṃ gatim

pramādātpatite biṃbe sphuṭate dūṣite 'tha vā /
yaḥ sandhāya punaḥ kuryātpritiṣṭhāṃ pūrvavanmudā

tasya taṣyati deveśo varamiṣṭaṃ pradāsyati /
śīrṇe jīrṇe tathā bhinne bhūṣaṇādau viśeṣataḥ

navīkṛtyār'payedyastu tasya pāpaṃ praṇaśyati /
yānāni rathaṅgādīnyālokya śithilāni vai

samīkṛtya tu yodadyāttāni bhaktyā harennaraḥ /
tasya kāyakṛtaṃ pāpaṃ tatkṣaṇādeva naśyati

yastu vīkṣya harerarcāṃ patamānāmanādarāt /
nardhayeddhanadānena tasya lokā madhudviṣaḥ

sīdatāṃ vṛttihīnānāṃ devasyāghre padārthinām /
yo dadyāducitāṃ vṛttiṃ sa yamaṃ nopasarpati

yastu devotsavādīni kārayedbhaktisaṃyutaḥ /
luptaprāyāṇi tasyā ''pi bhavetphalamana ntakam

yaḥ kuryāddevatāgāre luptakāryāṇi sattamaḥ /
na tasya kṛtakṛtyatvādamātyā yamakiṅkarāḥ

devārdhe brāhmaṇasyār'the yastyajettanumuttamām /
tasya vāso bhavetsvarge cāvadidrāśca turdhaśa

devārthe brāhmaṇasyār'dhe sarvasvaṃ svantyajettu yaḥ /
tasya tuṣyati deveśassa tu svārājyamaśnu te

prāyaścittanimittāni saṃbhūtānitu dhāmani /
dṛṣṭvā ca śraddhayā yuktoyo devamupatiṣṭhate

tasya tuṣyati deveśaḥ pra hṛṣṭassaṃprasīdati /
prāyaścittānyaśeṣāṇi pāpaughadhvaṃsanāya vai

nirdiṣṭāni purākalpe brahmaṇā parameṣṭhinā /
lokānugrahaletorvai pavṛtto gururatvaraḥ

narāṇāṃ sīdatāṃ dṛṣṭvā cittavṛttīssudurmalāḥ /
prāyaścittavidhānaṃ tu provāca jagatāṃ hitaḥ

na kaścinnācaretkarma śāstroktaṃ sakalaṃ kramāt /
tasmātsarvaprayatnena prāyaścittaṃ samācaret

prāyaścittaṃ tu kṛtvaiva ya uktāmācaretkriyām /
tasya syāddviguṇaṃ puṇyaṃ matassyādanupālanam

bhaktiśraddhānvito yastu kuryādvā kārayetkramāt /
deveśasya pratiṣṭhādi prāyaścittānta satkriyāḥ

tasya puṇyaphalaṃ vaktuṃ na śakyaṃ tridaśairapi /
iha loke 'khilān kāmānanubhūya sukhaṃ cirāt

dehantejāyate sadyaśśaṅkhacakragadādharaḥ /
śrīvatsāṃkaścaturbāhuśśyāmalāṅgassu sundaraḥ

gagane garuḍārūḍhassarva devanamaskṛtaḥ /
adityamaṇḍalaṃ bhitvā gatvā śubhrāṃśumaṇḍalam

tato 'vatīrya nikhilān lokānapi yathākramam /
satyasthaṃ satyarokasthaṃ jagataḥ prabhavāpyayam

tathāśeṣaviśeṣaṃ ca nityānandaṃ nirañjanam /
sudhārasasamāsvādatulitaṃ nityatṛptidam

śāśvataṃ tatparañjyotiḥ praviśennātra saṃśayaḥ /
atha vakṣye viśeṣeṇa kriyālope ca yatphalam

nirmātumālayaṃ yastu saṃkalpya matimānnaraḥ /
pareṇedbodhito bhūyastasmā darthānni vartate

tāvubhau narakaṃ pretya bhavetāṃ duḥkhabhāginau /
kartā kārayitā caiva prerakaścānumodakaḥ

sukṛte duṣkṛte caiva vadanti samabhāginaḥ /
nirmātumicchayā dhāma devasya madhuvidviṣaḥ

svayaṃ nivartate yastu tasya syānmahatī vipat /
saṃkalpya devatāgāraṃ nirmātuṃ yo viśeṣataḥ

ācāryaṃ vṛṇuyānno cettasya kāryaṃ praṇaśyati /
ācāryassatataṃ goptā ācāryastu pitā smṛtaḥ

ācāryassarvameveti yo manyeta sa manyate /
ārabhya gehanirmāṇaṃ devasya jagataḥ pateḥ

asamāpya tu yo mūḍho nivarte pravilobhataḥ /
tasya saṃpadvināśassyāt kruddho bhavati cāvyayaḥ

pravṛttāyāṃ pratiṣṭhāyāṃ yena kenāpi hetunā /
yaḥ kuryādantarāyaṃ tu tasya puṇyaṃ vinaśyati

yena vighnastadā bhūyāttaṃ hatvāpi na doṣabhāk /
yastu śāstroditaṃ karma kurvantaṃ ca padārthinam

śilpinaṃ vivadenmūḍhastasya nāstiphalaṃ kvacit /
vivadeta ya ucchāstramācāryeṇa padārthinā

tasyāśubhāni bhūyāṃsi bhaveyurnātra saṃśayaḥ /
adhvare vartamāne tu saṃbhārān śāstracoditān

yo na dadyātsa pāpīyān nāpnuyāt karmajaṃ phalam /
pratiṣṭhāpya harerbiṃbaṃ yo na satkurute gurum

anyānpadārthinaścāpi sa kiñcinnāpnuyātphalam /
pratiṣṭhānte tathā nityamavicchinnaṃ tu pūjitum

arcakaṃ vṛṇuyānno cedyajamāno vinaśyati /
arcakaṃ ca tathācāryamanyāṃścāpi padārthinaḥ

kālāvadhiṃ viniścitya yaḥ karmasu niyojayet /
sa bhavedbrahmahā caiva dhanaṃ tasya vilupyati

dāyarhāṃ kāyedvrattimarcakasya na cedyadi /
yajamāno vipadyeta devāvāso naśiṣyati

ācāryamarcakaṃ kuryāt svasthānādyo 'varopitam /
anyaṃ vā yojayettatra tāvubhau vinaśiṣyataḥ

āpadyapi ca kaṣṭhāyāṃ na kadāpyanyamarcakam /
pūrvāvaropaṇādeva niyuñjyāttu kathaṃ cana

ādyārcakasya vaṃśetu jāyante ye mahāśayāḥ /
sarve ca kramaśaḥ pūjāṃ kartumarhanti te yataḥ

pitryaṃ bhavati devasya dāyādyaṃ pūjanaṃ svataḥ /
tasmāttadvaṃśajān hitvā yadyanyaiḥ kāritār'canā

brahmahatyābhavettasya tatbūjā niṣphalā bhavet /
yastudadyādarcakāya bhṛtyarthaṃ ke valaṃ dhanam

anyadvāpyasthiraṃ vastu na haristena tuṣyati /
lobhānmohādathājñānādya ādatter'cako dhanam

vetanārdhaṃ tathā dadyādyajamāno vimūḍhadhīḥ /
ubhautaunarakaṃ yāto yādaccandra divākaram

vittārthaṃ pūjayedyastu niyamyāpyavadhiṃ harim /
savaidevalako nāma sarvakarma bahirkṛtaḥ

adatvā vasudhāmagre pūjanārtha mathārcake /
nirmāti brāhmaṇaṃ bhūyo yajamānastu devalam

nahyasmātpātakaṃ kiñci dbrāhmaṇāyā 'parādhyati /
alabdhvādevatāgāranirmāṇasadṛśaṃ phalam

brahmaghnatvamanuprāpya vinaśyati na saṃśayaḥ /
hartā hārayitā bhūmerdattasya danuśāsinaḥ

tatkiṅkarāṇāmanyeṣāṃ yo mūḍhassa tamovṛtaḥ /
saṃbaddho vāruṇaiḥ pāśaiḥ kṛṣyamāṇassamantataḥ

duḥkhito narake bhūyastiryagyoniṣu jāyate /
svadattāṃ varadattāṃ vā yo hareta vasundharām

ṣaṣṭirvarṣasahasrāṇi viṣṭhāyāṃ jāyate kṛmiḥ /
svadattāddviguṇaṃ puṇyaṃ paradattānu pālanam

paradattāpahāreṇa svadattaṃ niṣpalaṃ bhavet /
anyāyena hṛtā bhūmiranyāyenaina hāritā

harato hārakasyāpi dahatyāsaptamaṃ kulam /
pañca kanyānṛte hanti daśa hanti gavānṛte

śatamaśvānṛte hanti sahasraṃ puruṣānṛte /
hanti jātānajātāṃśca hiraṇyār'dhe 'nṛtaṃ vadan

sarvaṃ bhūmyanṛte hanti no brūyādanṛtaṃ kvacit /
vindhyāṭavīṣvatoyāsu śuṣkakojaravāsinaḥ

kṛṣṇasarpāḥ prajāyante devabrahmasvahāriṇaḥ /
taṭākānāṃ sahasreṇa hayamedhaśatena ca

gavāṃ koṭipradānena bhūmihartāna śuddhyati /
brahmasvaṃ brahmahatyā ca daridrasya ca yaddhanam

gurumitradhanaṃ caiva svargasthamapi pātayet /
brahmasve no matiṃ kuryātprāṇaiḥ kaṇṭhagatairapi

agnidagdhāḥ prarohānti brahmadagdho na rohati /
na viṣaṃ viṣamityāhurbrahmasvaṃ viṣamucyate

viṣamekākinaṃ hanti brahmasvaṃ putrapautrakam /
brahmasvaṃ praṇayādbhuktaṃ dahatyāsaptamaṃ kulam

vikrameṇa tu bhoktṝṇāṃ daśapūrvān daśāvarān /
lohacūrṇāṃśca cūrṇāṃśca viṣaṃ vā jarayetpumān

brahmasvaṃ triṣu lokeṣu kaḥpumān jarayiṣyati /
devasvaṃ brāhmaṇasvaṃ ca lobheno pahinasti yaḥ

sa pāpāttu pareloke gṛdhrocchiṣṭena jīvati /
devadravyavināśena brahmasvaharaṇena ca

kulānyakulatāṃ yānti brāhmaṇātikrameṇa ca /
sahasrasammitā dhenuranaḍvān daśadhenavaḥ

daśāvaḍvatsamaṃ yānaṃ daśayānasamo hayaḥ /
daśavājisamā kanyā bhūmidānena sā samā

ṣaṣṭirvarṣa sahasrāṇi svarge tiṣṭhati bhūmidhaḥ /
ācchettācānumantā ca tānyena narake vaset

patantyaśrūṇi rudatāṃ dīnānāmavasīdatām /
brāhmaṇānāṃ hṛte kṣetre hanyādāsaptamaṃ kulam

sādhubhyo bhūmimākṣipya na bhūmiṃ vindatekvacit /
dadaddhi bhūmiṃ sādhubhyo vindate phūmimuttamām

arcakaḥ praṇidhiryasmāddeveśasya jagatpateḥ /
sa devo brāhmaṇassādhurmahadbhūtaṃ pracakṣate

tasmāttadarpitāṃ vṛttiṃ naiva śaṅketa buddhimān /
tadarcakārpitāṃ bhūmiṃ yo hareta yateta vā

kiṃ punastasya vaktavyaṃ na bhavettasya niṣkṛtiḥ /
na vācā śakyate vaktuṃ gatistasya durātmanaḥ

mriyeta sadya evāsau jāyate 'tha punaḥ punaḥ /
na tasya śaraṇaṃ kvāpi labhyate pāpakarmaṇaḥ

devasye 'pi matiṃ kuryātprahmasvaṃ na haretkvacit /
prāsādamaṇḍapādīnāṃ bhoktāraḥ kaiṭabhadviṣaḥ

temūḍhamatayaḥ pretya narakeṣu niratyayāḥ /
vasanti bhūyo jāyante nīcayoniṣu ca dhruvam

bhūṣaṇacchatravastrādihartā yo durmatirnaraḥ /
gale nigalitaḥ pāśaiḥ kṛṣyate nirayeṣu saḥ

vāhanāni ca yānāni vaiṣṇavāni harantiye /
mohādvasanti te dīrgha maṅgāranarakodare

pretya bhūyo 'pi jāyante gardabhoṣṭrādiyoniṣu /
candanādīni vastūni puṣpāṇi surabhīṇyapi

vrajanti svāni viṣṇoste vrajante yāmyayātanām? /
anubhūya punarbhūyo jāyante gandhamūṣikāḥ

upānatpādukāpīṭhavāhanāni harantiye /
uṣitvā narakeṣvete jāyante phaṇināṃ kule

gobhūhiraṇyavastrādi dhanaṃ viṣṇoḥ parigraham /
āhṛtya ye 'nubhuñjante narakeṣu duratyayāḥ

uṣitvā pretya bhūyo 'pi jāyante śvādiyoniṣu /
sarveṣu narakeṣvevaṃ devabrahmasvahāriṇaḥ

nasanti mūḍhamatayo yāmyaduḥkheṣu yātanāḥ /
vāsudevapratikṛterbhedanacchedanādiṣu

vikrīḍādīniyānyeṣu yatante pāpacetasaḥ /
ete yānti kramātsarvāsnarakān bhṛśadāruṇān

anyeṣvapyapacāreṣu sthūlasūkṣmeṣu mānavāḥ /
kṛtinaḥ pretya narake pacyante duḥkhabhāginaḥ

athanityārcanāyāṃ vai deveśasya viśeṣataḥ /
upacārādihāno tu pāpasyedaṃ phalaṃ bhavet

āsanasya vihīne tu dharmanāśo bhaviṣyati /
svāgate buddhināśassyānmūkatvamanumānake

vihīne pādukāyāstu paṅgutvaṃ saṃbhavatyuta /
pādyahīne mahānrogaḥ kleśaścāpi bhaviṣyati

danta dhāvanahīne ca duṣṭadanto 'bhijāyate /
tāṃbūlahīne vidveṣaṃ kuṣṭaṃ tailavihīnake

keśasaṃśodhane hīne galarogo bhaviṣyati /
snānadravyavihīne ca snānahīne tathaiva ca

rājayakṣmā bhavedrogaḥ pāpiṣṭhaśca sudāruṇaḥ /
plotahīne vātarogo vastrahīne jalodaraḥ

saṃvyānahīne hṛdrogo yajñasūtravihīnake /
agnidāhabhayaṃ caiva mandāgnitvaṃ ca jāyate

gandhahīne ca kuṣṭhassyādbhūṣāhīne mahadbhayam /
puṣpahīne tvalābhassyāttathā ca kaphasaṃbhavaḥ

(śūdrāhṛtaiḥ krayakrītair arcanaṃ niṣphalaṃ sumaiḥ /
araṇyādvāgṛhādvāpi vikrītānyāpaṇāntarāt

ayācitāni puṣpāṇi labdhānyarhāṇi nār'cane /
tathā paryuṣitairyāpi jantubhirdūṣitairapi

mlānairaspṛśyasaṃspṛṣṭairdurgandhaiḥ pādalaṅghitaiḥ /
pratilomāntyajānītairarcanaṃ tvaphalaṃ bhavet

uttamaṃ svārjitaṃ puṣpaṃ madhyamaṃ vanyamucyate /
adhamaṃ tu krayakrītaṃ pārakyamadhamādhamam

hastānītaṃ paṭānītaṃ svayaṃ patitameva vā /
anyārāmodbhavaṃ puṣpaṃ nār'payediti ke cana

ārahare ca śukre ca manvādiṣu yugādiṣu /
nāharettulasīpatraṃ madhyāhnātparatastathā

saṃkrāntyāṃ pakṣayorante dvādaśyorniśi saṃdhyayoḥ /
tulasīṃ ye vicinvanti te kṛntanti hareśśiraḥ

bhṛgvarkāṃgārake vāre dvādaśyāṃ pañcaparvasu /
nāharettulasīpatraṃ nandāyāṃ śravaṇe 'pi ca

keśakīṭāpaviddhāni śīrṇaparyuṣitāni ca /
bhugnapatraṃ na ca grāhyaṃ kṛmiduṣṭaṃ ca nāharet

varjayedūrṇanābhena vāsitaṃ yadi śobhanam /
sthalajaṃ noddharetpuṣpaṃ chedayejjalajaṃ na tu

niṣiddhairduḥkhadairdevaṃ nār'cayeta kadā cana /
na śuṣkaiḥpūjayeddevaṃ kunumairna mahīgataiḥ

na viśīrṇataraiśśiṣṭairnāśubhairnāvikāsibhiḥ /
pūtigandhograndhāni hyugragandhāni varjayet

snānaṃ kṛtvā tu ye ke citpuṣpaṃ gṛhṇanti vaidvijāḥ /
devatāstanna gṛhṇantitanna gṛhṇanti mānavāḥ

pitarastanna gṛhṇanti bhasmībhavati kāṣṭhavat /
snānaṃ kṛtvātu madhyāhne puṣpāṇi na samāharet

tebhyaḥkruddho 'kṣayaṃ duḥkhaṃ krodhādviṣṇuḥ prayacchati /
anyadevār'thasandiṣṭaiḥ pūjayedyo hariṃ prabhum

sa tu tenaiva pāpena maṇḍūko jāyate naraḥ /
tatassa narakaṃ yāti yāvadābhūtasaṃplavam

kusumānāṃ nivedyānāṃ gandhamāghrāti yo naraḥ /
sa pūti gandhasaṃyuktaḥ kuṣṭhī caiva prajāyate

janmadvayaṃ tu vai mūḍhaśśūdratāṃ yāti mānavaḥ /
asūtragrathitaṃ puṣpamasnehāktaṃ tathodanam

avālukāyutaṃ toyaṃ sarvaṃ paryuṣitaṃ bhavet /
etaistu pūjanātsadyo niṣphalāssakalāḥ kriyāḥ

ādarśanavihīne tu kāmilā ca bhaviṣyati /
bādhiryaṃ dhūpahīne ca dīpahīne 'ndhatāmiyāt

arghyahīne tu devasya kulaṃ bhavati ninditam /
madhuparkavihīne ca madhumeho bhaviṣyati

mātrādānavihīne tu sarvanāśo bhaviṣyati /
rakṣānīrājane hīne rāṅgasair(?) āvṛtirbhavet

vedādhyayanahīne tu karmalopo bhaveddhruvam /
havirnivedane hīne durbhikṣaṃ bhavati dhruvam

upadaṃśavihīne ca dāridṣaṃ grāmavāsinām /
nālikeraphale hīne hīne kṣīrādike tathā

vināśassarvasasyānāṃ durbhikṣaṃ ca bhavedhdhruvam /
hīne bhakṣyādike caiva vividhe haviṣī prabho

tadgrāmayajamānasya viśeṣeṇāśubhaṃ bhavet /
viniyogakramasyātrahīne pūjaiva naśyati

kāle yavanikāhīne kartā caiva vinaśyati /
dvārapūjāvihīne tu taska rādipraveśanam

dvārapālakapūjāyo hīne caurādyupadravaḥ /
śāntasya pūjane hīne tathā caivānapāyinām

rājño rāṣṭrasya sarvasya vināśassyānna saṃśayaḥ /
yajamānasya tatrāpi pararājādyupadravaḥ

pāparogādipīḍā ca bhaviṣyati tathā punaḥ, /
sarpavṛścikalūtādyairhāniścaiva bhavedbahu

puṣpanyāser'canehīne nyūne vā mantravarjite, /
tadgrāmavāsināṃ caiva rājadveṣo bhaviṣyati

bhūtapīṭhasya pārśve vā dakṣiṇe vā viśeṣataḥ, /
bhūtādināgaparyantaṃ balyarcanavihīnake

śākinyādigrahāssarve praviśanti na saṃśayaḥ /
śrīdevyā arcane hīne saṃpadāṃ tu bhavet kṣayaḥ

hariṇyarcanahīne ca sthānanāśo bhaviṣyati, /
agnipūjāvihīne tu nyūne vā mantravarjite

nivedanājyahīne vā saṃbhavedvarṇasaṃkaraḥ, /
varṇāśramādihāniśca brāhmaṇānāṃ vipadbhavet

pānīyahīne devasya bhavettatra tvavagrahaḥ, /
mukhavāsavihīne tu janavidveṣaṇaṃ bhavet

balidravyavihīne tu nyūne mantravivarjite /
balakṣayo janānāṃ syātpitṝṇāṃ patanaṃ bhavet

puṣpāṃjalivihīne tu rājakopā bhaviṣyati, /
praṇāmastutihīne tu sadyo mṛtyurbhaviṣyati,

dhyānahīne kulaṃ hanti nyāsahīne vipadbhavet /
prāṇāyāmavihīne tu paracakrabhayaṃ bhavet

śaucācāravihīne tu paśuputrādināśanam /
biṃbanyāsavihīne tu kalatraṃ tasya naśyati

pradakṣiṇavihīne tu pātakī jāyate naraḥ /
nityamarcāvasānetu pūjakācāryayormude

dakṣiṇādānahīne tu sā pūjā niṣphalā bhavet /
rāṣṭrasya yajamānasya rājñaścāpi bhavedbhayam

hīne tu pācakādīnāṃ dakṣiṇādānakarmaṇi /
paśuvāhananāśaśca tadgrāme saṃbhavennṛṇām

prātaḥ pūjāvihīne tu tadgrāme 'vagraho bhavet /
brāhmaṇānāṃ kriyāhānissarvakarmavināśanam

madhyāhnapūjāhīne tu rāṣṭrakṣobho bhaviṣyati /
sāyaṅkālār'cane hīne tadgrāmayajamānayoḥ

arthahāniḥ prajāhānirbhaviṣyati na saṃśayaḥ /
upasaṃdhyārcane hīne karmalopo bhaviṣyati

viṣṇupañcadine caiva hīne snāner'cane tathā /
utsave ca viśeṣaṇa yajamānabhayaṃ bhavet

māsapūjāvihīnetu bhrātṛdveṣo bhaviṣyati /
viṣude cāyane caiva hīne tatroktakarmaṇi

grāmasya yajamānasya yaśohānirbhaviṣyati /
snapanokte tathānyasmin divase snānavarjite

akāle ca kṛte vāpi bhavet kṣāmabhayaṃ tathā /
nityotsavavihīne tu nirānando bhavejjanaḥ

anyasminnarcanadravye vihīne doṣa āpatet /
nimitte yadi saṃprāpte snāpayeccenna mādhavam

tasya pāpaphalaṃ naktuṃ na kenāpi hi śakyate /
rājño rāṣṭrasya ca bhavetsarvatrātyāhitaṃ dhruvam

gṛhanāśaḥ prapāhīne hīnāyāṃ cāpyalaṅkṛtau /
mṛtsuhīnānu nāśassyātsasyānāṃ tu na saṃśayaḥ

parvateṣu vihīneṣu sthairyaṃ tasya vilupyate /
dhānyeṣu tu vihīneṣu dyānyanāśo bhavettathā

aṅkurāṇāmabhāve tu prajāhāniśca saṃbhavet /
maṅgaleṣvatha hīneṣu tasya bhūyādamaṅgalam

pañcagavyavihīne tu gohatyā samavāpyate /
ghṛtahīne buddhināśo 'nāyuṣyaṃ kṣīrahīnake

madhuhīne mahān vyādhirdadhihīne tu saṃjvaraḥ /
kṣīrahīne bhavettasya malinā kīrtireva hi

gandhodakavihīne tu durgandho jāyate bhṛśam /
akṣatodakahīne tu kṣatistasya prajāyate

phalodakavihīne tu viphalaṃ tasya jīvitam /
kuśodakavihīne ca naidheta brahmavarcasam

ratnodakavihīne ca dhanadhyānya vināśanam /
abhāve cauṣadhīnāntu vyādhipīḍā bhaviṣyati

upasnānavihīne tu malinaṃ jāyate kulam /
uṣṇāṃbhasāmabhove tu bhaveduṣṇaśarīratā

puṇyapuṣpavihine tu pāpīyān jāyate naraḥ /
jātīphalādicūrṇasya cābhāve tu vipadbhavet

kaṣāyacūrṇahīne tu kāntihīno bhavennaraḥ /
vanauṣadhīnāṃ cālābhe rogī bhavati niścayaḥ

hāridracūrṇahīne tu gataśrīrjāyate naraḥ /
mūlagandhavihīne tu vārdhakyaṃ bhavati dhravam

dhātūnāmapyabhāvetu sirdhāturjāyate naraḥ /
plotavastrottarīyāṇāṃ bhūṣaṇānāṃ vihīnake

karmanāśo bhavedeva na tuṣṭati ramāpatiḥ /
ācāryasyartvijāṃ tadvadanyeṣāṃ ca padārthinām

dakṣiṇādānahīne ca sarvanāśo bhaviṣyati /
hīne haviṣi devasya niṣphalaṃ snapanaṃ bhavet

snapanāntotsave hīne na devaḥparituṣyati /
śithilaṃ bhagavadgehaṃ dṛṣṭyā śrutvā ca yonaraḥ

tatkriyā lopitā vāpi sa bhaveddevahā dhruvam /
tadgrāmavāsinassarve rājā cānyodhanī punaḥ

śīghraṃ sarvaṃ samīkṛtya pūrvavatpunarācaret /
anyathā yadi kuryācchedrājarāṣṭraṃ vinaśyati

dharmasetumimaṃ vindyātsarvasādhāraṇaṃ naraḥ /
pālanīyassadā so 'yaṃ jagatāṃ yatra saṃsthitiḥ

prāyaścittanimittetu saṃprāpte yastu mūḍhadhīḥ /
akṛtvā niṣkṛtiṃ kuryātkārayetkarma cottaram

lobhānmohadathājñānādanādṛtya ca śāsanam /
bhagavacchāsanadrohī sa bhavetpātakī janaḥ

pramādināṃ manuṣyāṇāṃ skhalanaṃ niyataṃ yataḥ /
niṣkṛtirvihitā pūrvairnatāmaticaretkvacit

brahmādyairapi yaddevairaśakyaṃ pūjanaṃ hareḥ /
taduktā niṣkṛtiḥ pūrvairnatāmatipatetkvacit

nimitte yastvakṛtvaiva prāyaścittaṃ yathocitam /
nnityaṃ naimittikaṃ kāmyaṃ kuryāttadakṛtaṃ bhavet

tasmānnimitte saṃprāpte niṣkṛtiṃ sadya ācaret /
iti saṃkṣepataḥ proktaṃ kriyāyogāśritaṃ phalam