Bhṛgusaṃhitā · Chapter 25

iti śrīvaikhānase bhagavacchāste bhṛguproktāyāṃ saṃhitāyāṃ prakīrṇādhikāre caturviṃśo 'dhyāyaḥ.
atha pañcaviṃśo 'dhyāyaḥ.
utsavavidhiḥ
athotsavavidhiṃ vakṣye devadevasya śārṅgiṇaḥ /
āraṃbhadivasātpūrvaṃ yajamāno mudnvitaḥ

pūrvoktaguṇasaṃpannaṃ varayitvā guruṃ tathā /
dviguṇārādhanāyaikamekaṃ kuṃbhārcanāya ca

homārthaṃ balidānārthaṃ tathā sthānārcanāya ca /
vṛṇetpadārthinaḥ pañca tāvataḥ paricārakān

ācāryamupasaṃgamya saṃpūjya ca vidhānataḥ /
"karmedaṃ me kuru'ṣveti yācayedvinayānvitaḥ

ācāryaḥ saha śiṣyaistu kṛtvā keśādivāpanam /
snātvā snānavidhānena dhṛtvā dhautaṃ yathāvidhi

ūrdhvapuṇḍradharassamyak saṃdhyādīn samupāsya ca /
brahmayajñaṃ ca kṛtvaiva tathā devarṣi tarpaṇam

japeddvādaśasūktāni nārāyaṇamathāruṇam /
ālaye saṃpraviśyaiva deveśaṃ saṃpraṇamya ca

devaṃ viśeṣato 'bhyarcya kāryaṃ tasmai nivedayet /
yajamāno 'pi dharmātmā nityakarma samāpyaca

devālayaṃ praviścaiva puṇyāhaṃ kārayettataḥ /
śrīvaikhānasa sūtrokta madhuparmavidhānataḥ

ācāryamṛtvijaścaiva saṃpūjya vidhinā tataḥ /
alaṅkuryācca ganthādyairdhūpadīpādibhistathā

navavastrottarīyādyaistathā pañcāṅgabhūṣaṇaiḥ /
pañcāṅgabhūṣaṇaṃ vakṣye yathā kuryādatandritaḥ

daśaniṣkapramāṇena kuṇḍalābharaṇaṃ pṛthak /
ṣaṇṇiṣkamānaṃ kaṭakamaṅgadaṃ cāṃgulīyakam

ekaviṃśatiniṣkāḍhyaṃ kaṭīsūtraṃ salakṣaṇam /
tadardhāṃśapramāṇeva grīvālaṅkaraṇaṃ pṛthak

aṣṭaniṣka pramāṇeva yajñasūtraṃ ca kārayet /
anena vidhinā kuryādgurorardhārdhamṛtvijām

ācāryaḥ prokṣyacātmānaṃ yajamānamathartvijaḥ /
prāśnīyātpañcagavyaṃ ca padārthibhyaścasādaram

yajamānāya dadyācca mantrapūrvaṃ viśeṣataḥ /
tataḥ padmāgnimādhāya pariṣicya ca pāvakam

yaddevādi catussūktānyājyena juhuyādguruḥ /
vaiśvānareṇa sūktena copatiṣṭheddhutāśanam

kṣapayitvā tataḥ pāpaṃ karmārhāste bhavantyataḥ /
kūśmāṇḍahoma ityuktassarvapāpapraṇāśanaḥ

tatkāne dīkṣitāssarve vidhimantrapurassaram /
baddhvā pratisaraṃ haste paścātkuryuḥkriyāmapi

tataḥprabhṛti sarve te śuddha dantanakhāstathā /
haviṣyabhojino dāntā strikālasnāyino 'pi ca

jitendriyā bhaveyuste tathā 'dhaśsāyino 'pi ca /
strīśūdrābhyāmasaṃbhāṣya nārāyaṇaparāyaṇāḥ

yāvatkālaṃ bhaveddīkṣā tāvacchuddhā ime smṛtāḥ /
sūtake mṛtake vāpi teṣāṃ nāśauca iṣyate

athavakṣyeṃkurārthantu mṛttikāgrahaṇe vidhim /
śānta cakre samabhyarcya havīṃṣyapi nivedya ca

viṣvaksenaṃ samādāya yānamāropya nāthavat /
ācāryaḥ puratogacche "dviṣṇurmā'miti coccaran

cakrasya paścādgaccheyurācāryeṇa samanvitāḥ /
ādarśahemakalaśapūrṇakuṃbhāṃkurādibhiḥ

dhvajatrayādikān sarvān puraskṛtya padārthinaḥ /
prācyāṃ sarvasamṛddhissyādāgneyyāṃ dhānyanāśanam

yāmye janavināśassyānnairṛtyāṃ dhananāśanam /
anāvṛṣṭiśca vāruṇyāṃ rājakopaśca pāvane

saumye putrasamṛddhissyā daiśānyāṃ sukhadaṃ bhavet /
etānāṃ tu diśāṃ madhye praśastāṃ śuddhamṛttikām

ācāryassādhanairyukto diśaṃ gatvā saśiṣyakaḥ /
grāmadevālayādārādārāme 'tra manorame

nadītaṭākatīre vā sīmāmanatilaṅghya ca /
prārdhya bhūdevatāmantrai śśuddhe deśe mṛdaṃ haret

vīśāmitau ca cakraṃ ca sthāpayetprāṅmukhān budhaḥ /
prāṅmukhaścopalipyaiva vṛttākāraṃ samullikhet

tatra sthānaṃ ca saṃprokṣya "dadhi krāvṇṇa'uccaran /
bhūrūpaṃ tu likhitvaiva "bhūmirbhū'mneti ca bruvan

ūrdhvavaktrāṃ ca śayitāmaiśānyāṃ nyastamaulikām /
devīṃ mahīṃ tāmabhyarcya prokṣaṇaiḥ prokṣaṇaṃ caret

ekādaśopacāraiśca mūrtimantraissamarcayet /
puṇyāhaṃ vācayitvātu medinyādi samuccaran

khanitre śeṣamabhyarcya vastrādyaissamalaṅkṛte /
lalāṭe sarvadoṣaghnaṃ bāhvorbahusukhapradam

stanadvaye vayovṛddhirjaṭhare sarvasaṃpadaḥ /
adhobhāge mṛdaṃ tasyā nāhareta kadācana

evaṃ saṃkalpya manasā medinyādi tadā bruvan /
"tvāṃ khanā'mīti mantreṇa vārāhaṃ manasā smaran

ubhābhyāñcaiva hastābhyāṃ khanitreṇa khanedbudhaḥ /
mahīṃ devīmanujñāpya khanitvā tālamātrakam

apohyaiva ca tatsarvaṃ tadadhasthsāṃ mṛdaṃ haret /
vaiṣṇavaṃ mantramuccārya tatrakāryaṃ samācaret

pātramadhye susannyasya pūrvavacchirasinyaset /
paścāddevīṃ samudvāsya cāpaṭaṃ tatra pūrayet

śirasā dhārayitvātu purastāccakraśāntayoḥ /
grāmaṃ pradakṣiṇaṃ kṛtvā devālayamupāvrajet

pūrvasminnuttare pārśve vāṃkurānarpayettadhā /
cakrādīnabhiṣicyaiva havissamyaṅnivedya ca

svesvesthāne tu saṃsthāpya paścādyāgaṃ samārabhet /
alayābhimukhe vāpi dakṣiṇe vā manorame

yamapāvakayormadhye pāvakāṃśe 'tha vā caret /
aiśānyāṃ vātha vā kecitsomeśānāntare tathā

kalpayedyāgaśālāṃ ca pratiṣṭhoktavidhānataḥ /
vediṃ tanmadhyame paṅktau vedimānena kārayet

pratiṣṭhādyardhamānaṃ vā ratnimātrodayaṃ kramāt /
pañcāgnīn kalpayeddhīmānutsave cottame tathā

tretāgnīn kalpayedvidvānmadhyame cotsavekramāt /
adhamaṃ yadi cetsabhyaṃ kalpayetpūrvavatsudhīḥ

tretāgnikalpanaṃ yatra pradhānaṃ gārhapatyakam /
ubhayoranyayossabhyaṃ pradhānaṃ kalpayettathā

bhūmiyajñeva sarvatra śodhayecca yathāvidhi /
devaṃ devyau samādāya snānaśvabhre gurūttamaḥ

"paraṃ raṃ'heti mantreṇa sthāpayecca viśeṣataḥ /
nityasnānoktamārgeṇa snāpayitvā hariṃ param

āsthāne viṣṭaraṃ nyasya tadūrdhve vastramāstaret /
devaṃ devyau samādāya śvetavastrairvibhūṣya ca

kuṇḍalāṃgadahārādibhūṣaṇairapi bhūṣayet /
śvetamālyairalaṅkṛtya śvetagandhānulepanaiḥ

pavitraṃ cottarīyañca gatvā devaṃ praṇamya ca /
rājavaccopacārādīnācareddeśikottamaḥ,

navakubhāropaṇam
pūrvoktavidhinā dhīmān nava kuṃbhān pragṛhyaca /
"indraṃ naro na'ityuktvātantunā veṣṭayettathā

vedyāmuparipūrvoktadhānyānyāstīrya mantravit /
catussūtrairnavapadaṃ kṛtvā kuṃbhāṃśca vinyaset

kuṃbhānadbhiḥ ppapūryaiva kuśakūrcākṣatādikān /
maṅgalānyāyudhaṃ ratnaṃ pratikuṃbhaṃ pṛthak pṛthak

gāyatṣā caiva nikṣivya madhyakuṃbhe viśeṣataḥ /
dvyaṅgulena pramāṇena srugādīnyapi pūrvavat

hānakenaiva kṛtvā tu viṣṇusūktena nikṣipet /
āveṣṭya vastrayugmena sarvānapi pṛthak pṛthak

vedyā madhastātpūrvetu vīśaṃ vai paścimāmukham /
sannyasya dakṣiṇe paścāccakraṃ caivottarāmukham

paṅktīśaṃ prāṅmukhaṃ paścātpaścime cottare 'tha vā /
dakṣiṇābhimukhaṃ śāntaṃ sthaṇḍilopari sannyaset

abhāve garuḍādīnāṃ sthāne tatra ca tatra ca /
kuṃbhāntsannyasya tanmadhye dhyātvaivāvāhayetkramāt

yāvattīrthāvasānaṃ syāttāvatkuṃbhetu pārṣadān /
sāyaṃ prātarviśeṣeṇa pūjayedvidhivatsudhīḥ

paścātsabhyāgnikuṇḍe tu vidhināghāra mācaret /
uttarābhimukha stiṣṭhan kururvedyāstu dakṣiṇe

prāṇāyāmaṃ tataḥkṛtvā pūrvavaddhyānamācaret /
pradhānakuṃbhamadhye tu viṣṇuṃ devyau ca sānvayau

dhruvādāvāhayenmantrī prāgādiṣu yathākramam /
puruṣaṃ kapilaṃ satyaṃ yajñamacyutameva ca

nārāyaṇaṃ cāniruddhaṃ tataḥ puṇyaṃ samarcayet /
taṃ rukmavarṇaṃ raktāsyaṃ raktanetraṃ sukhodvaham

kirīṭahārakeyūralaṃbayajñopavītinam /
kaustubhodbhāsitoraskaṃ śrīvatsāṃkaṃ caturbhujam

dakṣiṇenaikahastena bhaktānāmabhayapradam /
vāmenāpyanyahastena svakaṭyāmavalaṃbitam

parābhyāṃ tu karābhyāṃ tu śaṅkhacakradharaṃ param /
śukapiñchāṃbaradharaṃ viṣṇuṃ praṇavarūpiṇam

taptahāṭakasaṃkāśāṃ padmapatrāyatekṣaṇām /
tisṛbhiḥpuṣpacūḍūbhirlalāṭopari śobhitām

sapadmavāmahastāntāṃ kakṣyābaddhaghanastanīm /
prasāritetarakarāṃ prasannendunibhānanām

śrīvatsāṃkitabījāntāṃ phālgunecottarodbhavām /
viṣṇordakṣiṇapārśvasthāṃ haṃsaniryākhyavāhinīm

vāmabhāge mahīṃ śyāmāṃ sarvābharaṇabhūṣitām /
vaiśākhe revatījātāṃ dadhatīṃ dakṣiṇe 'ṃbujam

prasāritetarakarāṃ prasannendunibhānanām /
mahācātakamārūḍhāṃ lakṣnīpūrvākṣarānvitām

puruṣaḥ prāṅmukho 'cchābhaḥ pītavāsāścaturbhujaḥ /
śaṅkhacakradharaśśrīmān sarvābharaṇabhūṣitaḥ

varado 'bhayadaḥ prācyāṃ śrībhūmisahito hariḥ /
kapilaḥ prāṅmukho 'cchābho raktavastro 'ṣṭabāhuyuk

dakṣiṇenaikahasteva bhaktānāmabhayapradaḥ /
anyaiścakrāsihalabhṛtsarvābharaṇabhūṣitaḥ

vāmenāpyanyahastena svakaṭyāmavalaṃbya ca /
anyaiśsaṃkhadhanurdaṇḍadharassuṃdara vigrahaḥ

āgneyyāṃ diśi gāyatṣā sāvitṣā ca yuto hariḥ /
satyoyāmyamukhaśśrīmānañjanābhaścaturbhujaḥ

śaṅkhacakradharasyaumyassarvābharaṇabhūṣitaḥ /
varado 'bhayadassādhūraktavāsā mahāhanuḥ

devībhyāṃ dhṛtipauṣṇībhyāṃ yuto yāmyadiśi prabhuḥ /
yajñaḥ paścimadigvaktrastaptacāmīkaraprabhaḥ

saptahastaścatuśśruṅgo raktavāsā dviśīrṣakaḥ /
śaṅkhacakrājyapātrasruksruvānupabhṛtaṃ juhūm

bibhrattripādo nairṛtyāṃ devassvāhāsvadhāyutaḥ /
acyutaḥ paścimāśāsyaḥ kanakābhaścaturbhujaḥ

śaṅkhacakradharaśśrīmān sarvābharaṇabhūṣitaḥ /
varado 'bhayadassākṣī sarvakarmaphalapradaḥ

yuktaḥpavitrīkṣoṇībhyāṃ pratīcyāṃ śyāmalāṃbaraḥ /
nārāyaṇaḥ paścimāsyassphaṭikābhaścaturbhujaḥ

śaṅkhacakradharaśśrīmān sarvābharaṇabhūṣitaḥ /
varado 'bhayadaśśyāmāṃbaraśśrīvatsacihnitaḥ

saṃyutaḥ kamalelābhyāṃ vāyavyāṃ jagatāṃ patiḥ /
aniruddha udīcyāsyaḥ pravālābhaścaturbhujaḥ

anantotsaṃga āsīnaḥ puṣpāṃbaradharo hariḥ /
śaṅkhacakradharaśśrīmān sarvābharaṇabhūṣitaḥ

dadhatsvadakṣiṇe vāme pramodādāyinīṃ mahīm /
varado 'bhayado deva udīcyāṃ sarvasiddhidaḥ

puṇyaḥprāgānanaśśrīmāṃ staruṇādityasannibhaḥ /
śrīvatsavakṣā nityaśrīssarvābharaṇabhūṣitaḥ

caturbhujaśśaṅkhacakravaradābhayacihnitaḥ /
śvetavastrottarīyopavītādyaissamalaṅkṛtaḥ

indirādharaṇīnāthar iśānyāṃ puṇyapūruṣaḥ /
etān devān samāvāhya samabhyarcyāṣṭavigrahaiḥ

vīśānasāyipaṅktīśaśāntān dikṣvarcayetkramāt /
sāyaṃ prātarvinā kuṃbhairdevaṃ vīśāmitaissaha

vedyāmeva pratiṣṭhāpya pūjayediti ke ca na /
hotrapraśaṃsanam
hotā paścātpradhānāgnau hautraśaṃsanamācaret

pratiṣṭhoktakrameṇaiva tadālayagatān surān /
avāhya tatkrameṇaiva nirupyājyāhutīryajet

pariṣicya pāvakaṃ paścādvaiṣṇavaṃ juhuyātkramāt /
vedyāntu paścime vātha vāyavyāṃ vā viśeṣataḥ

sthiṇḍilaṃ kalpayitvātra cāstaredaṇḍajādikān /
yajamānasamāyukto gururdevaṃ praṇamya ca

kusumāñjali mutsṛjya "pratadviṣṇuṃ'riti bruvan /
devībhyāṃ saha deveśamādāya sthaṇḍilopari

prāṅmukhaṃ caiva saṃsthāpya pūjayedaṣṭavigrahaiḥ /
utsavapratimābhāve snāpane vā viśeṣataḥ

snapanasyāvyabhāve tu kautuke cācarettu vā /
kautuke yadi ceddevyau naivādāya tathā caret

nādarennityavaikalyaṃ visargāvāhane tathā /
ācaredutsavaṃ vidvānnityārcāntu yathākramam

kuryāccennityavaikalyaṃ sarvanāśo bhaveddhruvam /
snāpayedyadi cedvidvān madhyame cotsavasya tu

snapane yadi saṃprāpte kautuke snapanaṃ caret /
snāpanapratimābhāve snapanaṃ yadi cotsave

saṃprāste snapane cātra kautuke cotsavaṃ vinā /
acaredeva sāṃkaryaṃ nācaredubhayorapi

utsave vartamāne tu kautuke snapanaṃ yadi /
saṃbhaveduktakāle tu karmaṇī dve samācaret

purāpravṛttakārye tu doṣo nānena saṃbhavet /
kātuke cedyathai kāgnau bahukarmavadācaret

gṛhe tretāgni vannityaṃ praṇīyāropaṇaṃ vinā /
snāpanotsavabhede tu kautukena dinaṃ dinam

arohaṇaṃ yadi bhaveddruve tatkarma pūrvataḥ /
āvāhya karmamāmante tathā sāye visarjayet

pātra rāvāhanaṃ nityamarcanādau viśeṣataḥ /
visargaṃ sāyamarcānte kautuke tu yathā tathā

tathaivautsavadīkṣānte samāvāhya dhruvātsudhīḥ /
visargaṃ nācarenmadhye dīkṣāntetu samācaret

arcanānte viśeṣeṇa puṇyāhamapi vācayet /
hemapātre tu sauvarṇaṃ kautukaṃ taṇḍulopari

sannyasya pūrvavaddhīmān bandhayeddakṣiṇekare /
kuṃbhān devyauca cakrādīn samābaddhya samarcayet

pariṣicya pāvakaṃ paścādvaiṣmavaṃ viṣmusūktakam /
juhuyātpauruṣaṃ sūktaṃ śrībhūsūkta samanvitam

dinasaṃdhyādhidaivatyaṃ tithivārarkṣadaivatam /
tathā māsādhidai vatyamabdadai vatyameva ca

tadālayagatānāṃ ca juhuyānmūrtibhiḥ kramāt /
vyāhṛtyantaṃ pradhāne syāttata āhavanīyake

nṛsūktaṃ dakṣiṇāgnau ca vaiṣṇavaṃ tathā

avasathye mahīsūktamekākṣaramato yajet /
juhuyātpaiṇḍarīkāgnā "vato devādi' vaiṣṇavam

viṣṇusūktaṃ puruṣasūktaṃ "yaddevādi'samanvitam /
pāramātmika mantrāṃśca brāhmamaindraṃ ca vāruṇam

juhuyādviṣṇugāyatṣā śvetābjaṃ ca ghṛtāplutam /
aṣṭottaraśataṃ caiva sarvadoṣopaśāntaye

ekāgnimatha vādhāya juhuyādadhamādhamam /
sabhya homaṃ ca pūrvoktaṃ vaiṣṇavādi vidhānataḥ

athotsavādhidaivatyaṃ viśeṣeṇa pravakṣyate /
brāhmamārṣaṃ tathā raudramaindraṃ saumyaṃ ca vaiṣmavam

sarvadaivatyayāmye ca vāruṇaṃ ca navāhnike /
āgneyaṃ prājāpatyaṃ ca kauberaṃ vaighnameva ca

śrīdaivatyaṃ ca kaumāramādityaṃ raudrameva ca /
daurgamaindraṃ tathā yāmyaṃ vaiṣṇavaṃ skāngameva car

iśānyaṃ saumyamityetattithidaivatyamucyate /
tattaddvāre tu juhuyānmatrairdvārādhipocitaiḥ

tathā nakṣatradaivatyaṃ juhuyādvidhinā budhaḥ /
trisaṃdhiṣu hunedaindraṃ sauraṃ bārhaspataṃ kramāt

māsarkṣādhipadaivatyaṃ māsadaivatyamucyate /
yāmyaṃ ca vaiṣṇavaṃ saumyaṃ brāhmaṃ bārhaspataṃ tathā

saumyamaindraṃ vāruṇaṃ ca śeṣāgnyādityabhautikam /
mārutaṃ bhṛgudaivatyaṃ vāruṇaṃ vaighnameva ca

raudraṃ kauberakaṃ tvāṣṭraṃ maitraṃ kaumārameva ca /
sāvitrīṃ śrīdaivatyaṃ caiva gaurīdaivatyameva ca

ādityaṃ paitṛkaṃ caivāditi daivatyameva ca /
yogadaivatyametatkyājjuhuyādvidhinā budhaḥ

aindraṃ ca prājāpatyaṃ ca maitramāryamaṇaṃ tathā /
bhūta śrīyāmyadaivatyaṃ bhārgavaṃ vṛṣadaivatam

kauberaṃ vāyudaivatyaṃ juhuyātkaraṇeṣu vai /
devebhyaḥ pitṛbhyaśceti pakṣayośśuklakṛṣṇayoḥ

sauraṃ cāndraṃ ca juhuyātkramādayanayordvayoḥ /
"madhuśca mādhava'śceti juhuyādṛtuṣu kramāt

viṣṇuḥ prajāpatiśśūlī vighneśassapta carṣayaḥ /
aṣṭau lokādhipāḥ pañca bhūtā viśvaṃbharādayaḥ

vasavo 'ṣṭau ca rohiṇyassapta śrīścaṇḍikā guhaḥ /
sūryassomaścirañjīvī kāśīvīśapurardarāḥ

cakraśśānto gururbhaumabudhaśukraśanaiścarāḥ /
haviḥpālo hyanastaśca gaṅgā jyeṣṭhā ca mātaraḥ

prabhavādi kramādete vijñeyā vatsarādhipāḥ /
tathotsavādhidaivatyaṃ tithivārarkṣadaivatam

caturdaivatyamātrantu juhuyāditi ke ca na /
palāśabilvaśāmīlanya grothoduṃbarāstathā

aśvaddhakhadirapla kṣabrahmavṛkṣāḥ kramādime /
samidhāṃ grāhya vṛkṣāntu parṇamaśvadthameva vā

padmaṃ ca bilvapatraṃ ca karavīraṃ kumudaṃ tathā /
nandyāvartaṃ ca tulasī tathaiva sthalapaṅkajam

viṣṇukrāntāravinde tu puṣpāṇyetānyanukramāt /
alābhe tulasīṃ vātha karavīraṃ ca paṅkajam

mudgaṃ niṣpāvakaṃ caiva kuluddhaṃ māṣayeva ca /
tilānapūpān lājāṃśca yavān saktūn yathākramam

balidravyāṇi coktāni sarvābhāve tu maudgikam /
evameva vidhānena dvikālaṃ homamācaret

prātassaṃdhyāvasānetu sāyamarcāvasānake /
homaṃ kṛtvā baliṃ dadyāddvikālaṃ cotsavaṃ caret

utsavabhramaṇaṃ vakṣye devadevasya śārṅgiṇaḥ /
balinirvāpaṇānte tu sāyaṃ prātarviśeṣataḥ

devadevamalaṅkṛtya vastrādyairbhūṣaṇaiśśubhaiḥ /
sugandhipuṣpamālābhirgandhairapi manoharaiḥ

rathe vā śibikāyāṃ vā vīśaskandhe 'pi vā tathā /
gajāśvāṃdolikādau vā vāhane samalaṅkṛte

"ahameveda'mantreṇa devamāropya niścalam /
aṣṭopacārairabhyarcya lājāpūpādikāṃs tathā

saṃkkṛtān guḍasaṃmiśrān nivedya mukhavāsakam /
datvā vādyaissamāyuktaṃ sarvālaṅkārasaṃyutam

dāsībhirvādakaiśyaiva nṛttageyasamanvitaiḥ /
brāhmaṇairvedavidbhiśca samāyuktaṃ śanaiśsanaiḥ

dhvajaiścatrairātapatraistoraṇaiśca tathaiva ca /
saṃbhṛtaiḥ saṃyutaṃ cānyaissarvaiśśṛṅgāralakṣmabhiḥ

vālavyajanahastābhirdāsībhiḥ pārśvayordvayoḥ /
vījyamānaṃ viśeṣeṇa tathā bhaktavarairapi

vāhaye yurdvijā devaṃ brāhmaṇā vedapāragāḥ /
dīpairudagrairbahubhiḥ pariṣiktairghṛtādinā

parassahasraissarvatra dīpayecca śatāvaraiḥ /
vipraistrayīmadhīyānair japastutiparāyaṇaiḥ

nṛtyatā gāyatā māpi gāṇikyena susevitam /
vīṇādivādibhiścaiva vandibhiśca tathā paraiḥ

ṣaḍjādigītanipuṇair vādyavādakakovidaiḥ /
gadyaṃ padyaṃ tathā miśraṃ pathadbhistsotramujjvalam

vai taṇḍikais tathā jalpairnipuṇairvādaśikṣitaiḥ /
tathā tattvakathāniṣṭhaiḥ padārdhajñaiśca tārkikaiḥ

mīmāṃsakairyājñikaiśca chāndasaissāṃkhyakovidaiḥ /
yogajñaiśca purāṇajñaiśśābdikais tattvavedibhiḥ

mauhūrtikaiśca gaṇaśaḥparasparajīgīṣubhiḥ /
tattacchāstrokamārgeṇa prameyaṃ ca bahusthitam

uccairbruvāṇairvidvadbhiḥ pañcakālaparāyaṇaiḥ /
vāsudevasya māhātmyaṃ kathayadbhiścasāttvikaiḥ

śāstreṣu naipuṇaṃ sarvaṃ pradarśayitumudyataiḥ /
devasya purataḥpṛṣṭhe pārśvataścasthitairjanaiḥ

senayā sarvato dikṣu caturaṅgabalāḍhyayā /
devasya pārśvayoḥ pūrde lākṣārañjitamaskaraiḥ

yatrairdārumayaiścitraiḥ pakṣyākārairitastataḥ /
devatākṛtiyantraiśca tathā yantrairgajādibhiḥ

niṣādibhissamārūḍhais strībhiśca bharatoditaiḥ /
mārgairbahuvidhairnṛttaṃ darśayantībhiradbhutam

lekhāyantraistsriyārūḍhairyantrairanyaistathā vithaiḥ /
gatāgatāni kurvāṇair anuyātaṃ samākulaiḥ

śanairnayejjagannāthaṃ yathāśakti samanvitaiḥ /
ārabhyāvaraṇādādyādeṣā parivṛtirbhavet

devena sārthamācāryo yānamāruhya tatra tu /
rakṣārthaṃ devadevasya dhyāyannupaviśeddharim

arcakaśca tathāsīnassamyagarcanamācaret /
ārohaṇe gajendrasya devadevaṃ viśeṣataḥ

vastrābharaṇapuṣbādyairalaṅkṛtya yathārhakam /
deveśaṃ pūrvamāropya hastenādāyacāṃkuśam

niṣīdedgajapṛṣṭhe tu deśikassvayamatvaraḥ /
arcakaśchatramādāya tathā devasya dhārayet

toyadhārāṃ puraskṛtya kuryādbhramaṇamācarāt /
grāmaṃ pradakṣiṇaṃ kuryādbaliryena padhā kṛtaḥ

tatkāle devamāyāntaṃ bhaktā bhāgavatā janāḥ /
spagṛhaprāṃgaṇe caiva pratyudthāya punaḥpunaḥ

praṇamya copahārāṃśca dadyurbahuvidhān bahūn /
patraṃ puṣpaṃ phalaṃ pūgaṃ nāgavallīdalānyapi

dakṣiṇāṃ ca viśeṣeṇa yathāśakti yathāruci /
nīrājanādi kuryuśca bālavṛddhāturāstadā

tapobhirbahubhirgamye svayameva parātpare /
bhaktānukaṃpayā deve spagṛhadvāramāgate

ko na nandati mūḍhātmā tasya kā niṣkṛtirbhavet /
tatkāle cārpitaṃ dravyaṃ yadapakvaṃ pragṛhya ca

āmantraṃ tu nivedyaiva bhagavatpriyamācaret /
upahāreṣu tatrārdhaṃ gṛhṇīyādbhāgamarcakaḥ

nāgavallīdalaṃ puṣpaṃ kramukaṃ dakṣiṇādikam /
sarvamarcakasarvasvaṃ gṛhṇīyādarcakassvayam

tatkāle bhaktinamrebhyassaṃprāptebhyaśca sannidhim /
bhagadatpādukāṃ dadyācchirasi śraddhayā guruḥ

śirasā dhāraṇe martyaisspṛṣṭidoṣo na vidyate /
na nayetpādukāṃ viṣṇordūrīkṛtya tu sannidhim

na gṛhadvārasīmāntaṃ nayettāṃ gṛhiṇāṃ guruḥ /
iṣṭaṃ rājagṛhe strībhiḥ pādukādhāraṇaṃ yadi

dehalīmanatikramya neyāttāṃ dīpikānvitām /
tadā dīpaistathānyaiśca rājārhaiśca paricchadaiḥ

neyā syātpādukā viṣṇoḥ praṇidhissā yato hareḥ /
tassannidhimatikramya pūjakastu na jātu cit

ādānāyopahārāṇāṃ prayāyādgṛhiṇāṃ gṛhān /
nāpi kāryāntarāsaktaḥ pañcahastānati kramet

eṣa śreṣṭhopacārassyādyatassammānyate hariḥ /
evaṃ pradakṣiṇaṃ nītvā nivartetālayaṃ prati

gopurāgretu deveśaṃ kṛtvā devonmukhaṃ kramāt /
arghyapādyādinābhyarcya nivedya pṛthukādikam

dhāmapradakṣiṇaṃ nītvā punarāviśya cālayam /
avaropya ca deveśaṃ sthāpya cāsthānamaṇḍape

pādyamācamanaṃ datvā mukhavāsaṃ pradāya ca /
kautukaṃ tu visṛjyaiva śuddhodaissnāpayetprabhum

vimṛjya plotavastreṇa samalaṅkṛtya pūrvavat /
kautukaṃ punarābaddhya haviḥpaścānnivedayet

kuryādrājopacārāṇi sa hi rājā jagatprabhuḥ /
vinodaṃ kārayeccaiva nṛttagītādibhirbahu

tataḥ praṇamya deveśaṃ pūrvasthāne niveśayet /
prathame 'hani sāyetu kartavyamidamīritam

dvitīyāhaḥprabhṛtyeva sāyaṃ prātaśca nityaśaḥ /
nityārcanānte dviguṇamarcayecca nivedayet

kuṃbhadevān samārādhya dhvajadevārcanaṃ caret /
homaṃ baliṃ ca datvātu kārayedutsavaṃ tathā

tṛtīye pañcaye 'vāhni prātassyādgaruḍotsavaḥ /
ṣaṣṭhe 'hani tu madhyāhne devībhyāṃ sahitaṃ harim

pīṭhamadhye samāropya samabhyarcyāṣṭavigrahaiḥ /
jalakuṅkumamādāya kārayedutsavaṃ tathā

navavastrādikaṃ datvā pṛthukāni nivedya ca /
datvā tāṃbūlamācāmamarcayedrājavatprabhum

saptame prātararcānte kuryātsaptarṣipūjanam /
vṛṇuyādṛtvijassaptatadācāryapurassarān

dhyātvā saptarṣivattāṃstu svarṇaṃ gāmājyameva ca /
taṇḍulodakakuṃbhādīn dūrvāgraṃ kramukaṃ tathā

dadyātprabhūtaṃ tebhyantu brāhmaṇebhyaḥ pṛthak pṛthak /
tatsāyaṃ ca viśeṣeṇa kṛṣṇagandhānulepanam

sadyaḥ pratisaraṃ baddhvā devāgre sthaṇḍilaṃ caret /
kṛṣṇāguru samādāya sarvavādyasamāyutam

grāmaṃ pradakṣiṇaṃ kṛtvā sthaṇḍilopari vinyaset /
puṇyāhaṃ vidhivatkṛtvā śriyamāvāhya tatra ca

saṃskṛtya vidhivadgandhān samabhyarcya hariṃ tataḥ /
"gandhadvāre'ti mantreṇa sarvāṅgaṃ lepayedguruḥ

devyādīnāṃ tathā kuryāttattanmantrairyathāvidhi /
taccheṣagandhaṃ bhaktyaiva bhaktebhyo dāpayedguruḥ

tadgandhadhāraṇānnṝṇāṃ bhadeyussarvasaṃpadaḥ /
sāyamarcāvasāne tu rathayātrāṃ samācaret

aṣṭame divase prāpte samāpte prātarutsave /
alaṅkṛtya tu deveśaṃ mṛgayotsavamācaret

madhyāhne devadevasya jalakrīḍotsavaṃ caret /
prapāṃ kṛtvā vidhānena nadyādīnāṃ taṭe budhaḥ

vitānādyairalaṅkṛtya jalakrīḍārthamaṇṭapam /
biṃbādhyardhāyatāmardhavistārāṃ biṃbadaghnikām

jaladroṇīmathācchidrāṃ nyasya lohamayīṃ ghanām /
nādeyādbhissamāpūrva "dhārāsvi'ti ca mantrataḥ

elācandanakarbūraiḥ kuṅkumenādhivāsayet /
kalhāraketakīpuṣpairuśīrāgurubhistathā

āstīrya navavastrāṇi "vedāha'miti mantrataḥ /
"puṇyatīrthaṃ śivaṃ puṇyaṃ devāvāsa'miti bruvan

adhidevaṃ samāvāhya vigrahairaṣṭabhiryajet /
maṇḍape paścimārdhe tu viṣṭare sottarachade

devadevaṃ samāsthāpya śakunasūktaṃ samuccaran /
navavastrottarīyādyairalaṅkṛtya manoharam

pādyādibhissamabhyarcya sthāpagaissahito guruḥ /
"bhūḥ prapadye'ti mantreṇa devadevaṃ praṇamya ca

"paraṃ raṃhe'ti mantreṇa devamādāyacādarāt /
"pratadviṣṇustsavata'iti jaladroṇyāṃ niveśya ca

indrādī śca jayādīśca taṇḍulaiḥkj ptamaṇḍale /
samāvāhya samabhyarcyejjaladroṇyabhito guruḥ

"apo hi ṣṭhā'di mantrāṃ strīnanuvākāntsamuccaran /
"idamāpaśśi'vetyuktvā "āpo vā ida'muccaran

abhimantṣa jaladroṇyāṃ devadevaṃ praṇamya ca /
pauruṣaṃ sūktamuccārya viṣṇusūktaṃ ca vaiṣṇavam

"iṣe tvorje'tvādi japan "bhūrānilaya' ityapi /
maṅjayitvā jaladroṇyāṃ devaṃ prākchirasaṃ harim

adhivāsyatu yāmārdhaṃ yāmadvayamathāpi vā /
"paraṃ raṃ'heti mantreṇa tata uddhṛtyavai punaḥ

alaṅkṛtya ca vastrādyairyathārhaṃ paripūjya ca /
yānamāropya deveśaṃ grāmamālayameva vā

pradakṣiṇaṃ kramānnītvā sarvālaṅkālasaṃyutam /
grāmavīthyāmupahṛtamupahālamagṛhya ca

punarālayamāviśya saṃsthāpyāsthānamaṇḍape /
sugandhitailenābhyajya devaṃ saṃsnāpya pūrvavat

jīvasthāne samāsthāpya samabhyarcya nivedayet /
tadrātrāvutsavāntetu devaṃ devīyutaṃ harim

pratiṣṭhoktavidhānena baddhvā pratisaraṃ tataḥ /
adhivāsavidhānena śayane śāyayedguruḥ

prabhāte devasutthāpya pādyādyarghyāntamarcayet /
tasmin tīrthadine prātarhemādyaṃ prātarutsavam

kṛtvā havirvinā devamabhyarcyāsthānamaṇḍape /
pramukhe garuḍaṃ paścāddakṣiṇe cakrameva ca

amitaṃ cottaredhīmān dhānyapīṭhopari nyaset /
nityapūjāṃ havirdānaṃ dhruvabere samācaret

pūrvālaṅkṛtavastrādīn visṛjyaiva prayatnataḥ /
anyavastrāṇicācchādya yathārhaṃ bhūṣya bhūṣaṇaiḥ

aṣṭopacārairabhyarcya devaṃ cakrādidevatāḥ /
vrīhibhisthsaṃḍilaṃ kṛtvā dvihastāyatavistṛtam

ulūkhalaṃ ca musalaṃ sthāpya vastreṇa saṃyutam /
tayorīśau krameṇaiva brahyeśāvarcayedbudhaḥ

pātre haridrāṃ saṃgṛhya sinīvālīmathār'cya ca /
ulūkhale haridrāṃ ca tanmantreṇa vinikṣipet

gṛhītvā vaiṣṇavairmantrairācāryo musalaṃ tathā /
viṣṇusūktaṃ samuccārya kiñcittadavaghātayet

bhaktairvā devadāsībhiścūrṇīkṛtya viśeṣataḥ /
ekasminvādvayorvātha triṣu vā kalaśeṣuvai

gandhoṣitaṃ ca vādailamāḍhakaṃ parigṛhyaca /
pidhāya ca pidhānaiśca sthaṇḍilopari vinyaset

ācchādya navavastreṇa somaṃ taile samarcayet /
sinīvālīṃ ca taccūrṇe cakrādīṃśca prapūjayet

devamabhyarcya puṇyāhaṃ vācayanvaiṣṇavaṃ guruḥ /
saṃsrāvya mūrthni tattailaṃ "vedāha'miti mantrataḥ

hāridracūrṇaissaṃsnāpya cakrādīn snāpayettataḥ /
tacchiṣṭaṃ dhārayan bhaktassarvapāpaiḥ pramucyate

atha yāne samāropya devaṃ cakrādibhissaha /
cūrṇotsavamimaṃ kṛtvā tīrthotsavamathācaret

devakhātaṃ yadi phavettīrthaṃ tatra praśasyate /
nadyāditīre saṃsthāpya devībhyāṃ saha vā vinā

cakrādīn pūrvavat sthāpya pramukhe sthaṇḍilaṃ caret /
dravyeṇāpūrva kalaśān gāyatrīmantramuccaran

madhye siddhārthakaṃ nyasya prācyāṃ syādakṣatodakam /
dakṣiṇe gandhatoyaṃ syātpaścime tu kuśodakam

japyodakaṃ cottare syādvidiśāsu ca madhyataḥ /
upasnānāni vinyasya kramāttadadhipān guruḥ

ādityānapsarasaśca kāśyapaṃ ca guruṃ tathā /
ṛtūṃśca marutaścaiva munīṃ stakṣakameva ca

mantrānvidyādharāṃścaiva krameṇāvāhyacārcayet /
"pūtasta'syeti mantreṇa "imā oṣadhaya'ityapi

"abhi tvā śūra'"catvāri'"pūtastanye'ticakramāt /
kalaśaiḥ pañcabhissnāpyatattaddravyāntare kramāt

"vārīścatasra'ityuktvā copasnānaṃ samācaret /
śiṣṭābhiḥ kalaśādbhiśca cakrādhīnabhiṣicya ca

praviśya tu jalaṃ tatra varuṇaṃ cārcayetkramāt /
hastābhyāṃ cakramādāya devaṃ bhaktaissamanvitaḥ

ācāryaḥ prathamaṃ tīrthe cakraṃ ssṛṣṭyāvagāhayet /
nābhidaghnajale tatra jalamadhye tu susthitaḥ

cakraṃ devaṃ hṛdi sthāpya hastābhyāṃ dhārayan dṛḍham /
"ye te śataṃ' samuccārya prāṅmukho vāpyudaṅmukhaḥ

nimajjayettadā cakraṃ sarvavādyayutaṃ guruḥ /
janāssarve ca tattīrthe snātvā vigatakalmaṣāḥ

bhaveyuraśvamedhasya phalaṃ ca samavāpnuyuḥ /
tatastīre pratiṣṭhāpya viṣṭare cakramuttame

kuryādavabhṛthasnānaṃ śuddhasnānoktamārgataḥ /
tato visṛjya vastrādīn devaṃ cānyairvibhūṣya ca

tatraiva nasasnāṃbhārān saṃbhṛtya vidhinā guruḥ /
devībhyāṃ saha deveśaṃ snāpayetpūrvavatprabhum

alaṅkṛtya viśeṣeṇa kuryādarghyāntapūjanam /
paścāddevaṃ samādāya sarvālaṅkārasaṃyutam

śākunaṃ sūktamuccārya nītvā grāmaṃ pradakṣiṇam /
devālayaṃ praviśyāthasthāpya cāsthānamaṇḍape

pādyādibhissamabhyarcya vedānadhyāpayetkramāt /
muhuḥpuṣpāṃjaliṃ datvājīvasthāne niveśayet

cakrādīnapi cādāya tattatthsāne niveśya ca /
puṇyāhaṃ vācayitvātu prokṣaṇeḥ prokṣaṇaṃ caret

nityapūjaṃ samāpyaiva havirdadyādviśeṣataḥ /
yāgaśālāṃ samāsādya hutvāgniṣu ca vaiṣṇavam

kuṃbhasthāṃ śaktimādāya dhruvabere 'varopayet /
antahomaṃ ca hutvāgniṃ nityakuṇḍepraṇīya ca

tadrātrau nityahomānte baliṃ datvā ca pūrvavat /
paścāccakraṃ vinā dadyādbaliṃ śuddhānna kalpitam

pūrvoktenaiva mārgeṇa sarvatra balimācaret /
caityasthāne prapāyāṃ tu utyāne vṛkṣamūlake

taṭāke nirjhare kūpavāpīvalmīkapārśvake /
śmaśāne 'nyatra devāgre vīthyanteṣu ca nikṣipaset

punarālayamāviśya snātvā cāpyagnisannidhau /
dhvajamūlaṃ samāsādya sarvavādya samāyutam

dhvacāvarohaṇaṃ kuryāddhvajamatraṃ samuccaran /
taddhvajaṃ tu samādāya prādakṣiṇyakrameṇa vai

parītya mandiraṃ paścātpraviśyābhyantaraṃ punaḥ /
devasya pādamūle tu nyasya puṣpāñjaliṃ dadet

kṣamāmantraṃ samuccārya daṇḍavatpraṇamedbhuvi /
phalaśrutiḥ
evaṃ yaḥ kurute bhaktvā viṣṇorutsavamādarāt

sarvapāpaviśuddhātmā sarvān kāmānavāpya ca /
ante vimānamāruhya viṣṇulokaṃ sa gacchati

puṣpayāgaḥ ataḥparaṃ pravakṣyāmi puṣpayāgaṃ sukhāvaham /
dvitīyadivase tīrthātpuṣpayāgaṃ samācaret

śāntidaṃ puṣṭidaṃ ceti kāmyadaṃ ca tridhā bhavet /
prātarmadhyāhnāparāhṇāḥ kramātkālāḥ prakīrtitāḥ

nyūnaṃ vāpyadhikaṃ caitaddoṣopaśamanāya vai /
āsthānamaṇḍape vātha snapanālaya eva vā

caturdiśaṃ caturhastaṃ gopayenopalipya ca /
pañcaviṃśatpadaṃ kṛtvā ṣaṭsūtraiḥ prāgudgagataiḥ

madhye nanapade padmaṃ sāṣṭapatraṃ sakarṇikam /
ratnadhānyādikairvāpi taṇḍulairvrīhibhistilaiḥ

bahisteṣu padeṣvagre vīśamekatra pūjayet /
dakṣiṇe cakramabhyarcya paṅktīśaṃ paścime tathā

udīcyāṃ śāntamabhyarcya śeṣeṣu ca padeṣu vai /
pūjādravyāṇi saṃbhṛtya pratyekaṃ vinyasedbudhaḥ

daleṣvaṣṭasu padmasya suvarṇaśakalopari /
lokapālāntsamabhyarcya vastropari yathādiśam

niṣkatrayasuvarṇeva kalpite karṇikopari /
ādityamaṇḍalaṃ tatra rājate candramaṇḍalam

tasmin suvarṇarūpe tu vahni maṇḍalamarcayet /
viṣṭaraṃ tatra saṃsthāpya tadantargatapaṅkaje

tatra devaṃ pratiṣṭhāpya yāvaddivasamutsavam /
tāvatkṛtvassamabhyarchya saptaviṃśativigrahaiḥ

tatra pūjāvasānetu tattatpuṣpāñjaliṃ dadet /
paṅkajaṃ tulasī bilvaṃ karavīramathotpalam

nandyāvartaṃ ca kumudamapāmārgaṃ tathaiva ca /
viṣṇukrāntaṃ ca dūrvāṃ cakramādetānyanukramāt

evaṃ puṣpājaliṃ datvā ṛtvijassahatairguruḥ /
nṛttairgeyaiścavādyaiśca caturvedastavairapi

parātparataraṃ pāraṃ guhyādguhyataraṃ gurum /
sarvavedārthasāraṃ taṃ dvādaśāṣyākṣaraṃ tathā

japanto viṣṇugāyatrīṃ śatamaṣṭottaraṃ tataḥ /
dadyuḥ puṣpāñjali bhaktyā devadevasya pādayoḥ

pañcāgniṣvatha vāgnīṃstrīn paiṇḍarīkamathāpi vā /
devasya paritaḥ kuryāduttamādikrame kramāt

uttame sabhyakuṇḍe tu madhye tvāhavanīyake /
hautrapraśaṃsanaṃ kuryāttadālayagatāntsurān

āvāhyājyaṃ nirūpyaiva tatkrameṇāhutīryajet /
vaiṣṇavaṃ viṣṇusūktaṃ ca samyagghutvā viśeṣata

tataścāhavanīyāgnau nṛsūktaṃ vaiṣṇavaṃ yajet /
dakṣiṇāgnau viṣṇusūktaṃ śrīsūktaṃ ca yajetkramāt

juhuyādgārhapatyāgnau gāyatrīṃ vaiṣṇavīṃ(vaṃ)tataḥ /
āvasaddhye tu juhuyātsūktamekākṣarādikam

ājyena samidhā tattaddhavirbhedaiśca hūyatām /
etaduttamamuddiṣṭaṃ madhyamaṃ tu pravakṣyate

yathālābhapramāṇena pūrvoktārdhena vā hareḥ /
padmamaṇḍaladevānāṃ kārayetpratimādikam

tattaddinārcanānte tu śuddhānnaṃ vā nivedya ca /
sarvārcānte pañcahavirdadyādityāha pūrvajaḥ

caturvedādighoṣaṃ ca caturdikṣu prakalpayet /
abjahomaṃ krameṇaiva juhuyānmantra vittamaḥ

puṣpanyāsakrameṇaiva sarvavidyeśvarāntakam /
abhyarcya prathamaṃ paścātpaṣpayāgokta pūjanam

kṛtvā yathālābhahavirbhakṣyāṇi vividhāni ca /
nivedya mukhavāsānte parivārabaliṃ kṣipet

ityevaṃ madhyame proktaṃ pravakṣyāmyadhame punaḥ /
vinā diśādibhirbhedairhemaiśca pṛthagarcanaiḥ

maṇḍale devamāropya pūjayitvā yadhāvidhi /
havīṃṣi pañca coktāni nivedya ca tataḥ param

dadyātpuṣpāṃjaliṃ mantraissamastadivasoditaiḥ /
jānvantaṃ ca tathorvantaṃ kaṭyantaṃ ca samarcayet

nābhyantaṃ ca stanāntaṃ ca bāhyastamiti cakramāt /
grīvāntaṃ ca lalāṭāntaṃ maulyastamiti cakramāt

tattatpūjāvasānetu havissamyaṅni vedayet /
utsavājñātadoṣāṇāṃ prāyaścittamidaṃ smṛtam

atassarvaprayatnena puṣpayāgaṃ samācaret /
dvādaśārādhanam
kuryādyathoktavidhinā dvādaśārādhanaṃ tathā

dadyādācāryapūrvebhyo dakṣiṇāṃ vidhivattataḥ /
ekaviṃśatiniṣkantu dadyādācāryadakṣiṇām

padārthināṃ ca sarveṣāṃ tadardhaṃ syātpṛthak pṛthak /
gobhūmibhyāṃ viśeṣeṇa datvācāryaṃ prasādayet

ācāryassuprasannātmā sarvāgniṣu yathākramam /
antahomaṃ samāpyaiva devadevaṃ praṇamya ca

jīvasthāne pratiṣṭhāpya deveśaṃ samyagarcayet /
brāhmaṇān bhojayeccaiva pradadyādbhūridakṣiṇām

puṣpayāgotsavaḥ prokto devadevasya śārṅgiṇaḥ /
śāntikādividhāne tu kuryādaṅkurapūrvakam

evaṃ yaḥkurute bhaktyāpuṣbayāgaṃ hareḥ priyam /
sarvān kāmānavāpyaiva sarvaiśvaryamavāpya ca

sarvān śatrūn vijitvaiva prajāpaśusamanvitaḥ /
ante vimānamāruhya viṣṇusāyujyamāpnuyāt