Bhṛgusaṃhitā · Chapter 24

iti śrīvaikhānase
bhagavacchāstre bhṛsuproktāyāṃ saṃhitāyāṃ
prakīrṇādhikāre trayoviṃśo 'dhyāyaḥ.
atha caturviṃśo 'dhyāyaḥ.
utsavaḥ
ataḥparaṃ pravakṣyāmi deveśasyotsavakramam /
varṣadaṃ sarvalokasya śāntidaṃ sarvapuṣṭidam

rājñāṃ vijayadānāya śatrūṇāṃ nāśahetave /
vyādhidurbhikṣaśā ntyarthamutsavaṃ kārayedbudhaḥ

kālaśraddhānimittārthā(khyā)utsavāstrividhāssmṛtāḥ /
māsetu yasmin kasmiṃśchitpratisaṃvatsaraṃ caret

ekasmin samayecaiva sa tu kālotsavo bhavet /
iṣṭamāse dine ceṣṭe śraddhayā kriyate tu yaḥ

sa tu śraddhotsavojñeya stasmātkālotsavo guruḥ /
bhayapradanimitteṣu tathānāvṛṣṭikādiṣu

kriyate tatra śāntyarthaṃ sa nimittotsavassmṛtaḥ /
pratiṣṭhādivase tīrthaṃ prati saṃvatkaraṃ caret,

kālotsava itijñeyaśśāntyarthaṃ saprakīrtitaḥ /
rājarāṣṭrābhivṛddhyarthaṃ rājñāṃ caivābhivṛddhaye

atmanaścaiva putrāṇāṃ kuryādukteṣu maṅgalam /
rājño janmadine caiva yassa śraddhotsavo bhavet

adbhutādyudbhaveśāntissatu naimittikotsavaḥ /
grāmādau cotsavassyāccetkrameṇaivaṃ tu kārayet

sarvaduḥkhārtiśāntyarthamādau kālyutsavaṃ caret /
anveṣāṃ krūradevānāṃ śiṣṭabhūtagaṇasya ca

śāntyarthaṃ kārayetpaśchāstroktaṃ śaṅkarotsavam /
viśastrigaṇasāntyarthaṃ saumyamārgeṇa vāstuṣu

cakraseneśa saṃyuktaṃ kuryāddurgotsavaṃ punaḥ /
sarveṣāmapi devānāṃ munīnāmapi sarvaśaḥ

pitṝṇāṃ ca grahāṇāṃ ca tatpatnīnāṃ ca sarvaśaḥ /
dvijānāmapi śāntyarthaṃ lokānāmapi sarvaśaḥ

puṣṭyarthaṃ kārayetpaścāddeveśasyotsavaṃ kramāt /
anyadhā cedvināśassyātsarveṣāṃ ca na saṃśayaḥ

tasmātpariharedvidvān grāmādautaṃ viśeṣataḥ /
viṣuvāyanabhūparkṣapratiṣṭhākartṛbheṣu ca

grahaṇemāsanakṣatre viṣṇupañcadineṣu ca /
utsavasyāntadivase teṣu tīrthaṃ prakalpayet

eteṣvekaṃ parigrāhyaṃ yajamānasya cecchayā /
viṣuve cāyane caiva grahaṇe somasūryayoḥ

tattatkāle prakurvīta tīrthasnārantu nānyadhā /
anyarkṣeṣvatha pūrvāhṇemadhyāhne vā guṇānvite

ekasminneva māsetu yadi tīrthadinadvayam /
tayorantyadine tīrthamiti pūrvajadarśanam

tadeva yadi sūryasya viddhaṃ cetsaṃkramādibhiḥ /
varjanīyaṃ tathā pūrvaṃ praśastamabhidhīyate

vāradvayānuṣakte cet tithau syāttupare tathā /
adhimāsaḥ parityājyaḥ kālotsavavidhauhareḥ

arkavārarkṣa saṃyogassarvadā saṃpraśasyate /
śravaṇadvādaśīyogassarvakarmaphalapradaḥ

yogāśca supraśastāssyussiddhāmṛtavarāhvayāḥ /
tithidvayānuṣaktaṃ ce 'nnakṣatraṃ syātpare 'hani

parasmin divase syāccedyāvacca daśanāḍikāḥ /
hīnaṃ cet pūrvadivase saṃkalpyāvabhṛthaṃ caret

uttamaṃ tu trisaptāhaṃ madhyamaṃ syāccaturdaśa /
navāhaṃ vāthasaptāham adhamaṃ paricakṣate

triguṇānyutsavāhāni kṛtvādau ghoṣaṇaṃ caret /
madhyame dviguṇādau syādutsavādi dine 'dhame

athavāvabhṛthātpūrvamekaviṃśatike dine /
dhvajasyārohaṇaṃ kṛtvā sarvamutsavamācaret

rāhudarśanasaṃkrāntyoḥ snānaṃ śreṣṭhaṃ niśāsvapi /
kriyāṃ samāpya madhyāhne rātraucetsakalaṃ budhaḥ

tāvatkālaṃ vinodeva nītvā tattīrthamācaret /
pakṣantrayodaśāhaṃ vā dinānyekādaśa kramāt

navāhaṃ vātha saptāhaṃ pañcāhamatha vā punaḥ /
tridinaṃ dvidinaṃ caiva kuryādekāhameva vā

na dhvajārohaṇaṃ kuryāttṣahādautu viśeṣataḥ /
utsavasya dinādautu ghoṣaye dvidhipūrvakam

ghoṣaṇādivasātpūryaṃ kālayedaṅkurār'paṇam /
dhvajadaṇḍaṃ tatovakṣye viprādīnāṃ yathākramam

veṇuṃ ca jātivṛkṣaṃ ca caṃpakaṃ kramukaṃ tathā /
dhvajadaṇḍārthamāhṛtya sarveṣāṃ kramukaṃ tu vā

anyairvāśubhavṛkṣairvākārayediti ke ca na /
caturviṃśāṅgulaṃ nāhaṃ dhvajadaṇḍamathottamam

tasmāttu dvyaṅgulaṃ hīnaṃ dhvajadaṇḍantu madhyamam /
viṃśatyaṅgulanāhe tadadhamaṃ daṇḍamucyate

yathālābhaparīṇāhamavakraṃ parigṛhya ca /
dhvajadaṇḍamṛjuṃ kurvādvimānasamayāyatam

vimānasyādhikaṃ kuryāt pādahīna mathār'dhakam /
adhyarthaṃ vādhipādaṃ vā mūlādagraṃ kramātkṛśam

veṇukaṃ yadi saṃgrāhyaṃ bhūtavedāṃgulāyatam /
ṣaḍaṅgulaparīṇāhaṃ veṇudaṇḍaṃ susaṃsthitam

tanmadhye dviyamaṃ hitvā tanmadhye valayaṃ dṛḍham /
tāladvayamathāyāmaṃ yamamātrantu vistṛtam

utsedhaṃ bhāgamuddiṣṭaṃ dārubhiryājñikaistuvā /
taccaturthāṃśakaṃ kṛtvā mūle 'gredvyaṃśakantyajet

madhye dvyaṃśaṃ tu kartavyaṃ suṣiradvayasaṃyutam /
śakalāni trīṇiyojya mūlamadhyāgrataḥkramāt

prakṣālyamūlamantreṇa tanmantraiḥprokṣaṇaṃ caret /
daśadarbhayutaṃ kūrcamagrecaiva tu yojayet

darbhamālāntarāveṣṭya daṇḍocāśvadthapatrayuk /
madhyāṅguliparīṇāhaṃ daṇḍadviguṇamāyatam

daṇḍāgre tatra saṃyojya rajjuṃ tatraiva bandhayet /
saṃvyapohya catustālaṃ pṛṣṭhe yūdhādhipasyatu

khānayitvā dhvajasthānaṃ tritālaṃ gāḍhayeva ca /
medinīṃ tu samabhyarcya ratnaṃ bījāni ca kṣipet

sthāpayitvā dhvajaṃ tatra dhvajamantreṇa mantravit /
devadevaṃ samīkṣyaiva yaṣṭiṃ tatpra mukhe nyaset

dhvajadaṇḍamṛjuṃ kuryāddṛḍhaṃ tatraiva kārayet /
mūlaṃ tritālamutsedhaṃ tadadhyardhantu vistṛtam

tadūrdhve ratnimātrantu sāṣṭapatraṃ sakarṇikam /
śuddhakārpāsavastrantu samāhṛtya navaṃ dṛḍham

uttamaṃ ṣoḍaśaṃ hastaṃ madhyamaṃ tithihastakam /
adhamaṃ caturdaśaṃ hastaṃ trividhaṃ vastramucyate

pañcatālaṃ catustālaṃ tritālaṃ vistṛtaṃ kramāt /
agraṃ pādaṃ viditvā tu mukhaṃ pṛṣṭhaṃ tathaiva ca

caturbhāgaṃ paṭaṃ kuryādekabhāgaṃ śiro bhavet /
vīśasthānaṃ dvibhāgaṃ tu pucchamekāṃśamucyate

madhyamasyāgramūlaṃ ca yaṣṭiṃ samyak prayojayet /
tanmadhye tu likhedvīśaṃ pañcavarṇairalaṅkṛtam

dhruvaberasya kaṇṭhāsta muttame cottamaṃ bhavet /
adhame 'ntyantu nābhyantaṃ tayormadhyeṣṭadhā bhavet

ekai magathamāntaṃ ca navadhā mānamucyate /
dhvajadaṇḍasya vīśasya ṣaṭ śubhāni nirīkṣayet

yajamānānukūle ca nakṣatre ca viśeṣataḥ /
navārdhatālamānaṃ vā navatālamathāpi vā

atibhaṅgaṃ nataṃ caiva bhaṅgatrayasamanvitam /
vāmapāde samākuñcya dakṣiṇaṃ saṃprasārya ca

kiñcitsaṃkucitaṃ pīṭhātparṣṇīpārśvaṃ samuddhṛtam /
pakṣadvayasamāyuktaṃ karaṇḍamukuṭānvitam

śyāmaṃ śvetaṃ tathā kṛṣṇaṃ raktaṃ pītaṃ tathaiva tu /
etaistu pañcabhirvarṇairanurūpaistu śobhanaiḥ

garuḍaṃ prāñjaliṃ kuryātkiñcitkaṃ prekṣayedbudhaḥ /
bhūṣaṇair aṣṭanāgaiśca vāmahaste tvanantakaḥ

vāsukiryajña sūtrantu kaṭīsūtrantu takṣakam /
hāraṃ karkoṭakaṃ caiva padmaṃ dakṣiṇakarṇake

mahāpadmaṃ vāmakarṇe śaṅkha ca śirasi kramāt /
gulikaṃ dakṣiṇe haste kramātsarvavibhūṣaṇam

mūrdhnaścopari kartavyaṃ śvetachatraṃ tu sundaram /
pārśvayorubhayoścāpi cāmaradvaya saṃyutam

pādapārśvadvayecaiva dīpadvaya samanvitam /
pūrṇakuṃbhaṃ tayormadhye likhitvā tu viśeṣataḥ,

tasyādhasśaṅkhacakre ca samālikhya viśeṣataḥ /
muktādāmādyalaṅkṛtya pārśvayoḥ kadalīkṛtam

pūrvasminneva divase kṛtvā nayanamokṣaṇam /
devālayasyābhimukhe prapāyāṃ maṇḍape-tha vā

pañcavarṇairalaṅkṛtya vitānastaṃbhaveṣṭanaiḥ /
śālirāśiṃ ca kṛtvaiva tatpaṭantu susannyaset

vāstuhomaṃ tataḥkṛtvā paryagnīkaraṇaṃ caret /
puṇyāhaṃ vācayitvaiva prokṣayetpañcagavyakaiḥ

aiśānyāmagnikuṇḍe tu cauvāsana vidhānataḥ /
āghāraṃ vidhivaddhutvā vaiṣṇavaṃ ca suhūyate

haimapātrasthavarṇena haimatūlyā viśeṣataḥ /
tanmantraṃ ca samuccārya nayanonmilanaṃ caret

aṅgahomaṃ tataḥkṛtvā darśanīyaiśca darśayet /
viṣṇusūktaṃ ca hutvātu tathā puruṣasūktakaiḥ

vyāhṛtyaṃntaṃ ca hutvātu tataḥ kuṃbhaṃ pragṛhyaca /
tantunā pariveṣṭai va kūrcayuktaṃ sahākṣatam

vadanvai viṣṇugāyatrīṃ gāyatrīṃ garuḍasya ca /
"iṣe tvorjye'tvādi japan "āpa undantvi'ti kramāt

tataḥ puruṣasūktaṃ ca mantrānapi ca vaiṣmavān /
kūrcenaiva tu tattoyamabhimṛśya samāhitaḥ

tadaṃbunā kuśāgreṇa prokṣaṇaiḥ prokṣaṇaṃ caret /
apo hiraṇyavarṇābhiḥ pavamānādibhistribhiḥ

"śanno devī'rabhītyuktvā puruṣasūktena vaiṣṇapaiḥ /
śuddhyarthaṃ prokṣayitvā tu puṇyāhamapi vācayet

pariṣicya pāvakaṃ paścāttanmantreṇa suhūyatām /
sāyamarcāvasāne tu kuṃbhapūjāṃ samācaret

kalaśaissaptabhiḥ prokṣya baddhvāpratisaraṃ tataḥ /
aṇḍajādīni pañcaiva dhānyānyāstīrya vastrayuk

śayane śāyayeccaiva devavāde śirastathā /
hautraṃ praśaṃsya tatkāle hotā hautrakrameṇa vai

vainateyasya mantreṇa tanmūrtyāvāhanaṃ caret /
mūrtimantraissamāvāhya nirupyājyāhutīryajet

"śatadhāraṃ kadā'vīti vīśamantramudāhṛtam /
tathādvādaśaparyāyaṃ vaiṣṇavaṃ ca suhūyatām

vyāhṛtyantaṃ ca kṛtvā tu rātriśeṣaṃ vyapohya ca /
āgneyyāṃ nyasya bheryāṃ ca nandikeśvaramāhvayet

punaḥ prabhāte dharmātvāsnātmāsnānavidhānataḥ /
muhūrte samanuprāpte hṛdi bījākṣaraṃ nyaset

kuṃbhācchaktiṃ samāvāhyacār'cayitvā vidhānataḥ /
puṇyāhaṃ vācayitvaiva samabhyarca vivedayet

agniṃ prajvālya tanmantrairjuhuyāddaśaśaḥkramāt /
antahomaṃ vācayitvaiva samabhyarcya nivedayet

upalipya paṭaṃ paścātpañcavarṇairalaṅkṛtam /
dhūpadīpairalaṅkṛtya śālipīdhaṃ prakalpayet

caturaśraṃ samaṃ kṛtvā vistāraṃ caikabhāgakaṃ /
śālyardhaṃ taṇḍulaṃ proktaṃ tadardhaṃ tilamāharet

cakraṃ paścimato nyasya dhānyapīṭhopari sthitam /
tasyaivot tarataḥ pārśveviṣvaksenaṃ tathaiva ca

dhānyapīṭhe susaṃsthāpya garuḍaṃ paścimāmukham /
nyasya bherīṃ ca pārśve yaṣṭiṃ susannyaset

devadevaṃ susaṃpūjya dviguṇaṃ pūjayettataḥ /
dviguṇaṃ havirevoktaṃ devībhyāṃ ca tathā bhavet

cakrādīnāṃ pṛthakkuryādāsanādīn pṛthak pṛthak /
nandīśvaraṃ tathābhyarcya havirbhiśca nivedayet

ācāryo yaṣṭimādāya "bhūrbhuvassuva' rīrayan /
"upa śvāsaya' mantraṃ ca japtvā bherīṃ sutāḍayet

vādakastu śucirbhūtvā vastramālyādyalaṅkṛtaḥ /
sarvavādyasamāyuktaṃ bherīmādāya śāstravit

śāstroktena vidhānena cakrāgretāḍayettadā /
droṇairdreṇārdhakairvāpi āḍhakairvātha taṇḍulaiḥ

pācayitvā kaṭāhetu prakṣipedbalimuttamam /
mudganiṣpāvatilvāṃśca lājāpūpaupragṛhya ca

kaṭāhe tu susannyasya śiṣyastaṃ śirasā vahet /
abhivandya dhvacaṃ pūrvamādāya samalaṅkṛtam

rathe vā śibikāyāṃ vā mantreṇāropya maṅgalaiḥ /
saha puṣpaṃ baliṃ pātre saṃgṛhyānugataṃ punaḥ

cakravīśāmitān paścānnāthavadgamayettadā /
ācāryaḥ purato gatvā sarvavādyasamāyutam

garbhagehasthadevānāṃ brahmādīnāṃ yathākramam /
dvāreṣu dvārapālebhyo dhāmapālebhya eva ca

anyeṣāṃ parivārāṇāṃ svesvesthāne baliṃ kṣipet /
ālayasya bahirgatvā grāme sarvatra ghoṣayet

madhyame cālayaṃ yatra brahmādīśāntamācaret /
yasyāṃ diśi bhaveddhāma taddigādi baliṃ kṣipet

utsavabhramaṇaṃ kuryātprādakṣiṇyakrameṇa nai /
grāmaṃ gatvātu saṃprāpya saṃdhau saṃdhau viśeṣataḥ

dhyātvā buddhvādhipānmantrī bhūmyāmāvāhya pūrvavat /
arghyāntaṃ ca samabhyarcya muṣṭyannaṃ nāmabhirdadet

saṃdhau tatsaṃdhimādāya prācyāṃ "bhūtebhya'ityapi /
devebhyo dakṣiṇe paścā drākṣanebhyaśca paścime

nāgebhyaścottare cātha ūrdhvāyāṃ diśi cakramāt /
"ye bhūtā'iti mantreṇa pūrvaṃ dadyājjalaṃ punaḥ

puṣpaṃ baliṃ tathādhāvaṃ saṃdadyāccakrasannidhau /
yasyāṃ diśi vimānaṃ vā brahmādyeva baliṃ dadet

ācaredatha vā tasya digīśādyaṃ baliṃ kramāt /
paścimastha vimānaṃ cedvaruṇādi baliṃ kṣipet

atha vā grāmamadhye ceddatvā brahmabaliṃ puraḥ /
tatodikpālakānāṃ ca tathā bhūtabaliṃ kṣipet

digīśayordvayormadhye mahāvīthyāṃ viśeṣataḥ /
saṃdhiryadi bhavettatra bhūtānāṃ ca baliṃ kṣipet

saṃdhyantaragatāṃ saṃdhimācaredyadi mohataḥ /
karmaṇo vāstujātānāmanardhaṃ bhavati dhruvam

prāgantaṃ paścimādyaṃ ca ekavīthiṃ ca daṇḍakam /
kuryāttatraiva cakrādyaiḥ paścimādyaṃ baliṃ tataḥ

varuṇanirṛti vāyubhyaḥ paścime tu baliṃ tathā /
dhātre yamakuberābhyāṃ sadhau madhye baliṃ kṣipet

indravāpakarudrebhyaḥ prācyāṃ dadyāttataḥ kramāt /
udagantaikavīthiśceddakṣiṇādyaṃ baliṃ kṣipet

yamanīlānalebhyaśca dakṣiṇe madhyame 'pi ca /
brahmavāruṇa śakrebhyaścottare ca baliṃ tathā

kubila pavane śebhyo baliṃ dadyātkrameṇa ca /
nadyādiṣu vimānaṃ cetparitaḥ prāṅgaṇe dadet

pūrvaṃ kṣiptvā baliṃ dhīmān punastasya ca tasya ca /
mantramuccārya pūrvoktaṃ gadyapadyaiśca ghoṣayet

nagarādau tu gadyaiśca praśaṃsyopāṃśunā budhaḥ /
tattanmantraṃ samuccārya ghoṣayetpaṭahādibhiḥ

"priyatāṃ bhagavānviṣṇussarvalokeśvaro hariḥ /
brahmeśābhyāṃ ca sahitaścotsave naḥ prasīdatu

devāśca ṛṣayassarve pitaraśca grahādayaḥ /
viṣṇulokagatāssarvenānālokanivāsinaḥ

sarvenye devatāssarvāḥ parivāragaṇaissaha /
viśve te viṣṇuyāge 'rsmi samāgacchantu sādarāḥ

havyaṃ baliṃ samādāya bhuñjantu śubhadāyinaḥ' /
ityuktvā ghoṣayetsaṃdhau cakrasyābhimukhe punaḥ

brahmādyān svasvatālaiśca ghoṣayedvādakaḥ punaḥ /
balimevaṃ ca nirvāpya pradakṣiṇava śena tu,

japanvai śākunaṃ sūktaṃ praviśedālayaṃ punaḥ /
baliśiṣṭaṃ bhūtapīṭhe "sarvabhūtebhya' ityapi

baliṃ tattoyaśeṣaṃ ca prakṣipeccakrasannidhau /
dhāmapradakṣiṇaṃ kṛtvā dhvajādyairanapāyibhiḥ

śāntaṃ cakraṃ ca cat sthāne sthāpayenmatimān punaḥ /
dhvajasthānaṃ praviśyaiva dhvajamādāya mantravit

"svasti dā'iti mantreṇa badhnīyādrajjunā saha /
mantreṇa matimān paścātprāṅmukho vā pyudaṅmukhaḥ

daṇḍāgre yojayetpaścācchaṅkhakāhalasaṃyutam /
samābaddhya punassnigdhaṃ "bhūri'sīti japaṃ stataḥ

abhimantṣa dhvajaṃ paścādāsanādyaissamarcayet /
puṇyāhaṃ vācayetpaścānmudgānnaṃ tu dhvajasya ca

nivedya mukhavāsaṃ ca praṇāmamapi kārayet /
tatkāle maudgikaṃ cānnaṃ garuḍasya niveditam

striyassatbutrakāmā stadaśnīyurbhaktisaṃyutāḥ /
āyaṣmantaṃ balārogyavantaṃ dāntaṃ sulakṣaṇam

buddhimantaṃ yaśovantaṃ prasūyeyussutaṃ dhruvam /
(tatantu toṣayedvīśaṃ stotrairdhyānayuto guruḥ

"namo namaste pakṣīndra svā'dhyāyavapuṣe namaḥ /
vāhanāya mahāviṣṇostārkṣyāyāmita tejase

garuḍāya namastubhyaṃ sarvasarpendramṛtyave /
vainateya mahābāho mahābala vayo 'dhipa

vihagendra namaste 'stu samutpāṭītakalpaka /
āhṛtāmṛtakuṃbhāya jananīdāsyamocine

surāsurendrajayine nāgendrābaraṇāya te /
yadādhāramidaṃ sarvaṃ tadādhārāya te namaḥ

pakṣau yasya bṛhatsāma rathantaramapi dvayam /
akṣiṇī cāpi gāyatrī trivṛtsāma śirassvayam

stoma ātmā namastasmai vāmadevyāṅgasampade /
namaḥprāṇādivāyūnāmīśāya garuḍātmane

pakṣīndra pakṣavikṣepataraṅgānilasaṃpadā /
nirastāsurasannāha samare śatrusūdana

pratiṣṭhitaḥ paṭe tubhyaṃ namaḥpraṇavamūrtaye /
karmaṇāṃ siddhimāhūtaḥ kuruṣva vihageśvara

doṣānapanayāsmākaṃ guṇānāvaha sarvaśaḥ /
vighnāni jahi sarvāṇi ātmasātkuru māmapi.'

stutvaivaṃ gāruḍaṃ mantraṃ japedekāgramānasaḥ) /
dhvajasyārohaṇe yāvattāvasmūrtyā viśeṣataḥ

trikālaṃ vā dvikālaṃ vā eka kālamadhāpi vā /
havissamyaṅnivedyaiva saptaviṃśati vigrahaiḥ

pūjayitvā dhvajaṃ paścādrātrau bhūtabaliṃ kṣipet /
"jiyamatyucchrayaṃ dhanyaṃ dhvajaṃceti dhvajaṃ tathā

dhvajamūle tathendrādīn daṇḍe brahmāṇamityapi /
sūryendvagnīṃstu phalakatraye yaṣṭyāṃ sudarśanam

valaye vānukiṃ rajjvāṃ trimūrtīrarcayettataḥ /
ghaṇṭāyāṃ caiva brahmāṇaṃ darbhadāmni sarasvatīm

itikrameṇa cāvāhya tanmantrairarcanaṃ caret /
dhvajārohaṇamārabhya cotsavādidinādadhaḥ

sāyaṃ prātaśca vūjānte dhvajārohaṇavadbalim /
śiṣyeṇa guruṇā cātha cakrasyābhimukhe tathā

nityaṃ rātrau viśeṣeṇa tathā bhūtabaliṃ kṣipet /
vīśāmitau vinā dhīmān tīrthāntaṃ sarvarātriṣu

cakrameva nayedvidvān balirakṣaṇahetave /
dhvajasyāropaṇaṃ yāvattāvannityaṃ samāhitaḥ

trikālaṃ vā dvikālaṃ vāpyekakālamathāpi vā /
pūrvoktena krameṇaiva samabhyarcya nivedayet

dhvajasyārohaṇaṃ rātrāvapi kurvanti ke ca na /
utsavāraṃbhadivasāttatra ye grāmavāsinaḥ

anyakāryasamāsaktāna gaccheyusthsalāntaram /
gaccheyuratha vā tīrthe nivarteyurasaṃśayam

bahirvīthyāṃ tu tadgrāme janāssarve tathaiva ca /
tāvānna teṣāṃ nirbandhassamīpastheṣu yassmṛtaḥ

ahūtavyā utsavārthe devāssamyak prakīrtitāḥ /
devādīnāṃ ca sarveṣāṃ teṣāṃ sthānaṃ pravakṣyate

indrādayo mahādikṣu vidikṣu ca samāśritāḥ /
tathaikādaśa rudrāśca dvādaśāhaskarā api

vasavassyurathāṣṭau ca oṅkāraśca vaṣaṭkṛtam /
ete devāstrayastriṃśāḥ kathitā brahmaṇā purā

aśvināvapi tatreti kecidāhurmanīṣiṇaḥ /
trayastriṃśaddevatānāṃ sthānamaiśānyamucyate

apare cāpi kartavyā nadīpārśve viśeṣataḥ /
aṣṭādaśagaṇānāntu bhutapīṭhasya dakṣiṇe

devāśca ṛṣayassarve pitaro daityadānavāḥ /
asurāścaiva gandharvā stathaivāpsarapāṅgaṇāḥ

yakṣāśca rākṣasāścaiva nāgābhūtāḥ piśācakāḥ /
anāvṛṣṭigaṇāścaiva tathāmṛtamucāṃ gaṇāḥ

mātaraścaiva rohiṇyaḥ sūryā aṣṭādaśa smṛtāḥ /
aṣṭādaśagaṇāścaite proktā vai devayonayaḥ

anuktānanyadevāṃśca indrapārśve samarcayet /
devānāṃ caiva patnīśca tattatpārśve samarcayet

skando vighnaśca durgā ca jyeṣṭhā caiva sarasvatī /
tadālaye baliṃ dadyātprākāre cottare 'pi vā

parivāroktadeśe tu rohiṇyo mātarastathā /
ṛṣipatnīśca tāssapta ṛṣibhissaha cār'cayet

siddhān vidyādharāṃś caiva garuḍagandharvakinnarān /
kipūruṣāṃś cāraṇān devān mahādikṣu samarcayet

bhūtebhyaścātha yakṣebhyaḥ piśācebhya stathaiva ca /
rākṣasebhyaśca nāgebhyassaṃdhau saṃdhau baliṃ dadet

rājaveśmāṅgaṇe madhye indraṃ caiva samarcayet /
tasya dakṣiṇapārśve tu jayaśrīkīrtīssamarcayet

utsavārthaṃ viśeṣeṇa saṃbhārānāharettataḥ /
rathaṃ ca śibikāṃ caiva yantraḍolādikāṃs tathā

kārayitvā ca śilpoktaṃ dīpānanyān pragṛhya ca /
bheryādīnyapi vādyāni śaṅkhakāhalakāni ca

tālavṛntaṃ dhvajānanyān chatracāmarabarhiṇaḥ /
nartakān gāyakānanyān yathoktaṃ pūrvamāharet

ālayaṃ samalaṅkṛtya toraṇādyairvibhūṣya ca /
paricārān samāhūya svasvakarma nivedayet

maṇṭapādīni sarvāṇi prapādīni ca sarvaśaḥ /
āstānārthaṃ ca nṛtyārthaṃ kārayecchilpaśāstravit

"ava dhū'teti mantreṇa grāmavīthīrviśeṣataḥ /
viprā vedavidaśśuddhāśśodhayeyurmanoramam

"āśāsu sapta'ityuktvā gavyādyaiḥ sarvataśśubham /
samabhyukṣyopalipyaiva taṇḍulānavakīrayet

kadalīpūgakuṃbhādyairalaṅkuryādgṛhāṃgaṇam /
vitānādyairviśeṣeṇa phūṣayetsarvataśśubham

tadgrāmavāsinaḥ sarve 'laṅkṛtā nānyatatparāḥ /
naimittikādikaṃ hitvā dhyāyeyurmanasā harim

tadgrāmasīmanyantasthsā nityakarmakriyāṃ vinā /
naimittikāni kāmyāni tīrthāntaṃ nācaredbudhāḥ

pravṛtte cotsave viṣṇossaumyamārgeṇa vāstuṣu /
anyadevotsavaṃ tatra nācarediti śāsanam

asmin devotsave yāge tadvāstuṣu viśeṣataḥ /
saṃkalpya cottarāṃ vediṃ pravṛtte 'nyāni nācaret

yadi cetsarvanāśassyātkartābhartā vinaśyati /
tasmātparihareddhīmān tīrthāntaṃ teṣu vāntuṣu

utsavādidinātpūrvaṃ saptame pañcame 'tha vā /
saṃsnāpya devadeveśamaṅkurār'paṇamācaret