Bhṛgusaṃhitā · Chapter 22

kāmye tu
sumuhūrte syātpūjanaṃ nānyadhā caret.
iti śrīvaikhānase bhagavacchāstre bhṛguproktāyāṃ
saṃhitāyāṃ prakīrṇādhikāre ekaviṃśo 'dhyāyaḥ.
atha dvāviṃśo 'dhyāyaḥ.
atha dvāviṃśo 'dhyāyaḥ.
snapanam
athātassnapanāgāraṃ pramukhe cottare tathā /
aiśānyāṃ vā viśeṣaṇa prapāṃ vā maṇḍapantu vā

vitānopari saṃvītaṃ laṃbamānaṃ pariṣkṛtam /
staṃbhāntsaṃveṣṭya vastraiśca dukūlaistāntavairapi

muktādāmasamāyuktaṃ pūrṇakuṃbhasamanvitam /
satvaṃ rajastamaścaiva aiśvaryaṃ cādhidaivatam

caturvedādikairmantraistoraṇāṃsthsāpayetkramāt /
ubhayoḥ pārśvayoścaiva kadalīkramukānvitam

pūrvāstamuttarāntaṃ ca ṣaṭsūtraṃ saṃprasārya ca /
kalpayedāyatasamaṃ padānāṃ pañca viṃśatim

madhyebrāhmaṃ padaṃ hitvā caryārdhaṃ parito 'ṣṭa ca /
pūrvādi catvāri padaṃ dvārārthaṃ parikalpayet

śiṣṭāṃśca dvādaśapadān dravyanyāsārthamāharet /
madhyeśvabhrantu kartavyamaupāsanavidhānataḥ

madhyenimnaṃ ca kṛtvā tu tālamātrapramāṇataḥ /
śvabhrasya madhyame caiva bilvajaṃ phalakaṃ nyaset

tatpramāṇādhikaṃ pīṭhaṃ paritaścaturaṅgulam /
madhyehitvā pratiṣṭhāpya dvivedisahitaṃ kramāt

tataḥpāvanamārgeṇa jalaṃ gacchedudaṅmukham /
maṇḍapāttu bahisthsāne jalasthānaṃ tu khānayet

ācchādya kadalīpatraiḥ padmapatrairathāpi vā /
hāridraiścātha patrairvāpatraiḥ kramukajaistu vā

"atodevā'dimantreṇa kuśadarbhāṃntu śodhayet /
yāvacchvabhrapramāṇantu tāvatkṛtvāsamāharet

hastamātraṃ tathāyāme prokṣaṇārthaṃ tu kūrcakam /
mārjanārthantu kūrcaṃ ca ṣaḍaṅgulamiti smṛtam

pañcabhirvātribhirvātha dvādaśāṃgulamāyatam /
kalaśārthaṃ tu kurvīta yathākalaśasaṃkhyayo

taṇḍulairvrīhibhiścaiva satilaiścatrivedikam /
vrīhyardhaṃ taṇḍulaṃ proktaṃ tadardhaṃ ca tilānapi

uttamaṃ droṇamityuktaṃ madhyamaṃ tu tadardhakam /
adhamaṃ cāḍhakaṃ caiva paṅktiṃ kuryādvicakṣaṇaḥ,

samyak dagdhvātu kalaśānabhinnāntsaṃpragṛhya ca /
śarāvāṇāṃ pramāṇaṃ tu kuḍubaṃ samudāhṛtam

ṣaṭprasthamātraṃ karakaṃ kuṃbhaṃ tu droṇameva ca /
"devasya'tveti kalaśān kuṃbhādīntsaṃpragṛhya ca

yavāntaraṃ tu tantūnāṃ saṃveṣṭya kalaśānapi /
pūrvarātrau viśeṣeṇa deveśaṃ saṃpraṇamya ca

samabhyarcya nivedyaiva mukhavāsaṃ dadettataḥ /
pūrvoktena vidhānena baddhvāpratisaraṃ tataḥ

śayanaṃ sopadhānaṃ ca kālayitvātu pūrvavat /
śayane śāyayeddevamuttarācchādanaṃ caret

nṛttairgeyaiśca vādyaiśca rātriśeṣaṃ nayetkramāt /
tataḥ prabhāte dharmātmā yajamānayuto guruḥ

śvabhramadhye pratiṣṭhāpya kūrcāntsamyaṅnyasetkramāt /
jayādīrapi tatraiva caindrādyaiśāntamarcayet

paṅktīśamarcayetpūrvaṃ nīlavāruṇamadhyame /
viṣvakcenaṃ samabhyarcya someśānāntarepi ca

lokapālāntsamabhyarcye dvigrahairdaśabhistribhiḥ prāgdravyāṇi /
nadītire mṛdaṃ gṛhya sasyaṅe tretaṭākake

darbhamūle ca saṃgṛhya gajadante tathaivaca /
gośruṅge karkaṭāvāse valmīkasya tu madhyame

mahīṃ devīmanujñāpya tāścāhṛtya pṛthak pṛthak /
ātapenātha saṃśoṣya viśvāmitrān parihraset

śarāveṣu mṛdaṃ caiva pūrayityā pṛthak pṛthak /
indrādīśānaparyantaṃ pradakṣiṇavaśena tu

"udutya'miti mantreṇa prathamaṃ sannyasenmṛdaḥ /
mṛdupasnānamekaṃ tu aiśānyāṃ vipyasettadā

aśvadthena palāśena bilvena khadireṇa vā /
kuryādaṣṭāṃgulotsedhaṃ caturaśraṃ samastataḥ

mūlaṃ ṣaḍaṅgule cāgrāttṣaṅgulaṃ samudāhṛtam /
anena vā mṛdā vāpi kuryādvai parvatān kramāt

himavānūrjavānvindhyo vidūro vedaparvataḥ /
mahendraśca puraścandraśśataśruṅgāśca parvatāḥ

eṣāṃ varṇastathaivoktaḥ kuryādvarṇena saṃyutān /
śvetaṃ pītaṃ ca kṛṣṇaṃ ca raktaṃ vai śvetameva ca

pītaṃ kṛṣṇaṃ ca raktaṃ ca kramādvarṇa udāhṛtaḥ /
prāgādīśānta metāṃśca "idaṃ viṣṇu'riti nyaset

śailānāṃ cāpyupasnāmekamīśānyagocaram /
śālivrīhiyavā mudgatilamāṣa priyaṅgavaḥ

godhūmaścaṇakastilvomasūraścādthasī tathā /
kuluddhamāṣakāścaiva ṣaṣṭirniṣpāva eva ca

etānyāhṛtya dhānyāni śarāveṣu pṛthak pṛthak /
prakṣipya tāṃśya saṃpūrṇān kramāddvau dvaunyakettathā

indrādīśānaparyantaṃ "śukranta' iti mantrataḥ /
nyasedekamupasnānaṃ dhānyānāmagnidiśyapi

śarāvāṇāmalābhe tu kalaśeṣu pṛthak pṛthak /
"soma oṣadhīnā'mucchārya pūrvavaccāṃkurānapi

yamanīlāntare cāpi śarāvetu suvinyaset /
aṅkurāṇāmupasnānamekamatraiva vinyaset

parvatārthaṃ samaṃ proktavṛkṣairyatnena vā mṛdā /
maṅgalāni prakuryācca dārupakṣāṇyanukramāt

śrīvatsaṃ pūrṇakuṃbhaṃ ca bherīmādarśanaṃ tathā /
matsyayugmāṃkuśaṃ śaṅkhamāvartamiti cāṣṭavai

śrīvatsaṃ tattu rukmābhaṃ ghaṭoraktābha ucyate /
raktāṃ bherīṃ suvarṇābhaṃ tasya pārśve 'sitaṃ?tathā

ādarśanaṃ ca śvetaṃ syādvṛttaṃ candravadiṣyate /
matsyayugmaṃ tathā śvetamūrdhvānanamitīritam

aṅkuśasya tu daṇḍaṃ ca raktaṃ kṛṣṇaghṛṇīyutam /
śaṅkhaṃ śaṅkhanibhaṃ proktaṃ raktamāvartamiṣyate

saptāṅgulasamutsedhameṣāṃ pīṭhaṃ dvigolakam /
yathā vṛkṣaistathā kuryātpañcavarṇairmṛdā tadhā

evaṃ lakṣaṇamuddiṣṭaṃ śeṣaṃ yuktyā samācaret /
pradakṣiṇakrameṇaiva caindrādīśāntamarcayet

dikṣvaṣṭasu mahādikṣu tattaddvārasya dakṣiṇe /
"śaṃ sā niyaccha'tvityuktvāmaṅgalānyatra vinyaset

maṅgalānāmupasnānamendrādyecaikamevahi /
evaṃ prakaraṇaṃ proktaṃ kalaśānāṃ............

dvādaśa pradhānadravyāṇi
pañcagavyakramaṃ vakṣye devasya snapanaṃ prati /
kapilāyā varaṃ kṣīraṃ śvetāyā dadhi cocyate

raktavarṇāghṛtaṃ grāhyaṃ kṛṣṇāyā gośśakṛdbhavet /
mūtraṃ tu nīlavarṇāyāḥ pañcagavyamiti smṛtam

prasthapādaṃ ghṛtaṃ caiva dviguṇaṃ dadhi saṃyutam /
gṛhītvā triguṇaṃ kṣīraṃ gomayantu caturguṇam

ṣaḍguṇaṃ caiva gomūtraṃ pañcagavyayutaṃ kramāt /
apātitaṃ tu gomūtraṃ patitaṃ gomayaṃ bhavet

dhāroṣṇaṃ kṣīramādāya sadyastsaptaṃ ghṛtaṃ bhavet /
aśuktaṃ dadhi gṛhṇīyādetatsarvatra lakṣaṇam

"gāṅgeyaṃ' mantramuccārya gomūtraṃ pūrvamāharet /
tatparaṃ tu śakṛdgrāhya "mīśāna'miti mantrataḥ

"hiraṇyapāṇi'mityuktvā paya ādāya nikṣipet /
"iṣe tve'ti dadhi yañjyādghṛtaṃ "cāyanta' ityapi

ityevaṃ pañcabhirmantraiḥ pañcagavyaṃ samāharet /
etadāḍhakapūrmantu kalaśedṛśyate pṛthak

sauvarṇaṃ rājataṃ tāmraṃ kāṃsyaṃ mṛṇmayameva vā /
dvādaśāṃgulavistāraṃ ṣoḍaśāṃgulanāhakam

dvyaṅgulaṃ saṃbharetkaṇṭhaṃ mukhaṃ pañcāṅgula bhavet /
pakvabiṃba phalākāraṃ khaṇḍasbhuṭītavarjitam

evaṃ kalaśamādāya pañcagavyaiḥprapūrya ca /
"rudramasya'miti procya nyasedīśānagocare

āḍhakārdhaghṛtenaiva saṃpūrṇaṃ kalaśaṃ tathā /
"ghṛtapratīka' ityuktvā i dreśānāntarenyaset

kalaśaṃ madhusaṃyuktaṃ sukuśaiḥ pūritaṃ tathā /
"madhu vā'teti mantreṇa indrāgnyorantare nyaset

na śuktaṃ dadhi gavyaṃ ca? saṃpūrṇakalaśaṃ tathā /
"dadhi krāv ṇna' ityukvā āgneyyāṃ dadhi vinyaset

sadyo dugdhaṃ payogrāhya makṣataiḥ pūritantathā /
"aṇoraṇīyā' nityuktvā yamāgnyormadhyame nyaset

uśīrāgaruparṇairvā saṃyuktaṃ candanena vā /
śuddhokena saṃgṛhya kalaśaṃ paripūritam

yamanīlāntare tatra "apsara'ssviti vinyaset /
vrīhimāṣayavairyuktaṃ sarṣapañcākṣataṃ viduḥ

tūryaghoṣasamāyuktaṃ miśritaṃ cākṣatodakam /
tatrākṣatodakenaiva saṃpūrṇaṃ kalaśaṃ tataḥ

"imā oṣadhaya' ityuktvā nyasennī le 'kṣatodakam /
kadalīmātuluṅgāmra panasernālikerakaiḥ

ārdrādibhiḥ phalaiścānyairyathālābhaṃ samāhṛtaiḥ /
phalair ardhāṃśasaṃyuktaṃ śeṣaṃ toyena pūritam

phalodakamiti proktaṃ kalaśaṃ saṃprasāthitam /
nīlavāruṇayormadhye "somaṃ rā'jeti vinyaset,

kuśāgrairatha vā dūrvairakṣataiśca samanvitam /
kuśodakamiti proktaṃ kalaśaṃ tena pūritam

varuṇodānayormadhye "yatassva'miti vinyaset /
vajraṃ nīlaṃ pravālaṃ ca śaṅkhajaṃ śuktijaṃ tathā

etāni pañcaratnāni tato maratakaṃ tathā /
vaiḍūryaṃ puṣyarāgaṃ ca gomedhikamiti kramāt

ratnodakamiti proktaṃ kalaśaṃ tena pūritam /
vāyavye sannyasedvidvā"nato devādi'muccaran

yathālābhaṃ tathā ratnasuvarṇasahitaṃ kramāt /
vaiṣṇavaṃ viṣṇusūktaṃ ca puruṣasūktayutaṃ japet

tathābhimantritaṃ toyaṃ japyodakamiti smṛtam /
kuberodānayormadhye "brahmā devānā'miti nyaset

phalānte tu vitunnāssyuroṣadhyassamudāhṛtāḥ /
sarvauṣadhisamāyuktaṃ sarvauṣadhyudakaṃ bhavet

taryāṃśeṣu gṛhītaṃ ca kalaśaṃ pūrṇamaṃbhasā /
someśānāstarecaiva "citraṃ devānā'miti nyaset

eṣāṃ pratyekamekaṃ tu kalaśaṃ śuddhavāriṇā /
gṛhītvā tadupasnānaṃ vāmapārśvetu vinyaset

upasnāne tu kalaśā"nato devā'dinā nyaset /
evaṃ pradhānakalaśāścaturviṃśatirīritāḥ

anudravyāṇi
nandyāvartaṃ ca padmaṃ ca tulasī viṣṇuparṇikā /
bilvaṃ ca karavīraṃ ca padmaṃ kumudameva ca

aṣṭavai puṇyapuṣpāṇi grāhyāṇi tu yathākramam /
divāśuddhaṃ tu bilvaṃ ca kapidthaṃ bilvavanniśi

karavīraṃ divā śuddhaṃ niśi sitaṃ? tathā śuci /
śarāveṣu samāhṛtya puṣpāṇi tu pṛthak pṛthak

"imāssumanasa' iti mantreṇa yamanīlāntare nyaset /
tasyopasnānamekantu tatpārśve kalaśaṃ nyaset

śrīveṣṭakaṃ yavaṃ mudgamuśīraṃ caiva ratnakam /
tathā masūraṃ damanaṃ jātīphalayutaṃ tathā

lavaṅgaṃ ca samāhṛtya cūrṇayitvākrameṇa vai /
samārādhyaiva taccūrṇaṃ śarāveṣu ca pūrayet

paṅktīśāddakṣiṇe cūrṇaṃ "vandyo na'iti vinyaset /
eṣāmalābhe cūrṇānāṃ grāhyamailādicūrṇakam

upasnānaṃ tu tatpārśve tvekaṃ vai kalaśaṃ nyaset /
aśvadthasya madhūkasya khadirasya vaṭasya ca

vañjulāsanayoścāpi citravṛkṣasya ca tvacaḥ /
hṛtvolūkhalamadhye ca "udutya'miti vinyaset

ukta carmaṇyalābhe tu aśvadthasya vidhīyate /
kaṣāyaṃ parikalpyaiva "ye te śata'miti bruvan

varuṇodānayormadhye kaṣāyakalaśaṃ nyaset /
upasnānaṃ tu tatpārśve ekaṃ vai kalaśaṃ nyaset

siṃhī ca nakulavyāghranandādityaṃ ca puṣkaram /
dūrvā ca sahadevī ca pāṭhā sāhvayameva ca

evaṃ vanauṣadhīrgṛhya somavāyvontu madhyame /
upasnānaṃ tu tatpārśve ekaṃ vai kalaśaṃ nyaset

nadītaṭākakūpānāṃ palvalasya ca vāribhiḥ /
pṛthaksaṃpūrya kalaśāṃścaturastu samāharet

tasyaikaṃ kalaśaṃ pārśve upasnānaṃ tu vinyaset /
hareṇukaṃ ca sthauṇeyaṃ patraṃ vyāghranakhaṃ tathā

parṇāgaruṃ ca dyāmākaṃ kacoraṃ ceruvālakam /
māñcī jātiphalailāṃśca lavaṅgaṃ candanaṃ tathā

karpūraṃ ca balośīrasthiranāradameva ca? /
kastuṃburuṃ tathānyāni sugandhīni śucīni ca

prāṇyaṅgaṃ ca purīṣaṃ ca varjayitvā samāharet /
eteṣāmapi yaccūrṇaṃ sūkṣmamutpīḍya kalpitam

sarvagandhamiti proktaṃ śarāveṣu prapūrayet /
nyase"ttrātāra'mityeva yakṣarājeśamadhyame

tattatpārśvenyasetteṣāmupasnānaṃ tathaiva ca /
navasya snigdhavarṇasya hāridrasya prakalpayet,

cūrṇaṃ tu kalaśe kṣiptvā saṃpūrṇaṃ kalaśaṃ caret /
paṅktīśasyaiva pārśvetu "sinī vā'līti vinyaset

tasya pārśve nyasedekamupasnānantu pūrvavat /
pālāśadūrvāpāmārganandyāvartadalāni ca

karavīrasya patrāṇi kuśapatrāṇi caiva hi /
mūlagandhārthamāhṛtya tasya pārśve nyasedbudhaḥ

śuddhodakalaśaṃ sthāpyedupasnānaṃ ca pūrvavat /
vastrayugmaṃ navaṃ sūkṣmaṃ kṛtaṃ kārpāsatantunā

plotārthantu samāhṛtya śuddhapātre tu nikṣipet /
viṣṇugāyatriyā sthāpya yakṣarājeśamadhyame

plotapārśvenyasettāni "brahmajajñāna'mityapi /
jātiṃ hiṅgulikaṃ caiva añjanaṃ ca manaśśilām

gorocanaṃ ca girikamiti dhātūntsamāharet /
etāni cūrṇayitvātu śarāveṣu pṛthak pṛthak

prakṣipya "jātave'deti nyasettatraiva pūrvavat /
ekādaśānukaraṇe kalaśāṃścaiva pūrayet

ahataṃ ca sumākṣmaṃ ca vastrayugmamakhaṇḍitam /
vastraṃ yajñopavītaṃ ca pavitraṃ bhūṣaṇādikam

evamādīni saṃgṛhya someśānāntare nyaset /
vinyasya kalaśāṃścaiva tathā cūrṇān pṛthak pṛthak

vastrairāveṣṭya tāntsarvān punaḥkūrcāni nikṣipet /
utkūrcaṃ vāpyadhaḥkūrcaṃ prāgagraṃ vodagagrakam

vinyasya teṣu kūrcāni śarāve rapidhāya ca /
praṇamya devadeveśaṃ dravyārcasamathārabhet

tataścaryāpadānteṣu jayādyapsarasor'cayet /
jayāṃ ca vijayāṃ vindāṃnandakāṃ puṣṭikāmapi

kumudvatīmutpalakāṃ viśokāṃ ca samarcayet /
prāgādivedyāḥ paritaḥ paṅktau paṅktīśamarcayet

viṣvaksenaṃ tataḥ paścādindrādīṃśca samarcayet /
dravyadevārcanam
mṛddevatā tu bhūdevī parvateśastu pāvakaḥ

vāyurvaidhānyadevassyādgaruḍā oṃkuradevatā /
maṅgalādhipatiśśakraḥpañcagavyādhipaśśivaḥ

tathaiva viśvedevāśca upasnānādhidevatāḥ /
sāmavedo ghṛteśassyādupasnāne tu vatsarāḥ

ṛgvedo madhudevassyādupasnāne tu vāyavaḥ /
yajurvedo dadhīśo 'bhūdupasnā kapardinaḥ

kṣīre tvadharvavedaśca upasnāne 'śvinau tathā /
gandhodake ṣaḍṛtavo marutastadanantare

akṣatode viśvamūrtirupasnāne bṛhaspatiḥ /
somaḥ phalodakeśassyādanantastadanantare

kuśodake ca munaya upasnāne tu takṣakaḥ /
viṣṇūratnodakeśassyādgandharvāstanadantare

mantroratnodakeśassyādupasnānetu puṣpajāḥ /
sarvauṣadhyudake bhānurupasnāne 'psarogaṇāḥ

puṇyapuṣpeṣu dhātāraṃ cūrṇeṣvapyanapāyinam /
varuṇaḥ
kaṣāyadevassyāttīrthe caiva jagadbhuvaḥ

vanauṣadhīśo rudro 'bhūcchinīvālī haridrake /
upasnāni tu rākā syātsarvagandhe śatakratuḥ

brahmāṇaṃ mūlagandhetu plotavastre purandaram /
dhātuṣvapi ca durgāṃ ca tattaddravyadharaṃ smaran

trayodaśopacāraiśca mūrtimantrairathār'cayet /
upasnāneṣu cānyeṣu varuṇaṃ ca tathār'cayet

ācārya pūjayitvātu vastrairābharaṇais tathā /
śiṣyaṃ ca pūjayetpaścādyajamānassvaśaktitaḥ

tato guruḥprasannātmā deveśaṃ saṃpraṇamya ca /
aṣṭopacārairabhyarcya snapanāvasaraṃ tataḥ

vijñāpya haraye samyak paścātkāryaṃ samācaret /
"rakṣasva tva'miti procya dravyadevaṃ praṇamya ca

śiṣyastunamrakāyassannācāryājñāṃ pratīkṣate /
ājñāpayedguruśśiṣyaṃ "harasveda'miti bruvan

tattaddravyaṃ samādāya śiṣyastasmai nivedayet /
adbhiḥprokṣya samādāya taddravyaṃ gururatvaraḥ

pvaṇavaṃ tu samuccārya tatra kāryaṃ samācaret /
lalāṭāntaṃ samuddhṛtya devadevaṃ praṇamya ca

taddravyeṇa sakṛttrirvā deveśasya pradakṣiṇam /
taddravyanāma saṃyojya tanmantrānte tu kārayet

"ato devā'ditimantreṇa devadevaṃ praṇamya ca /
viṣṇuṃ ca puruṣaṃ satyamacyutaṃ cāniruddhakam

evaṃ mantraṃ samuccārya tatra kāryaṃ samācaret /
kriyānte pātramādāya pūrvasthāne niveśayet

snapanaprayogaḥ "ekākṣareṇa' mantreṇa prokṣyaṃ gṛhya pradakṣiṇam /
kūrcenādāya saṃsrāvya mūrdhnivai snāpayenmṛdā

"viśve nimagna'ityuktvāparvatena pradakṣiṇam /
dhānyena snāpayeccaiva "prāṇaprasūti'muccaran

"vitatya bāṇa'mityuktvā aṅkuraireva cār'cayet /
"tvaṃ ya'jñeti ca mantreṇa maṅgalaiśca pradakṣiṇam

"vasoḥ pavitra'mityuktvā pañcagavyābhiṣecanam /
"vārīścatasra'ityuktvā sarvopasnānamācaret

"agna āyāhi' mantreṇa ghṛtenaivābhiṣe cayet /
"agnimīleti mantreṇa madhunaivābhiṣecayet

dadhmābhiṣecayetpaścā"diṣe tve'ti samuccaran /
"śanno devīra'bhītyuktvā kṣīreṇaivābhiṣecayet

"abhi tvā śūra'ityuktvā snāpayedgandhavāriṇā /
"imā oṣadhaya'ityuktvā snāpayedakṣatodakaiḥ

"japan da'tveti cocchārya phalodaiścābhiṣecayet /
"catvā'rīti ca mantreṇa kuśodaiścābhiṣecayet

"tatpuruṣā'yeti mantreṇa ratnodaiścābhiṣecayet /
"pūta sta'nyeti mantreṇa japyodairabhiṣecayet

"catvāri śruṃgetyuccārya saryauṣadhyudakaiścaret /
"dhātā vidhā'tetyuccārya puṇyapuṣpairathārcayet

"ṛco yajūṃṣi' mantreṇa cūrṇena snāpayedguruḥ /
"sa eṣa deva' uccārya udvarteta kaṣāyakaiḥ

"sa sarvavettā'mantreṇa tīrthodeścābhiṣecayet /
"sāmaiśca sāṃga'mityuktvā mārjayecca vanauṣadhīḥ

hāridracūrṇaissaṃsnāpya "ato devā' iti bruvan /
"tvaṃ strīpumā'nityuccārya lepayetsarvagandhakaiḥ

snāpayeduṣṇatoyena "āpo hi'ṣṭheti coccaran /
nityasnānoktamārgeṇa śuddhodairabhiṣecayet

tattaddravyābhiṣekānte snānavastraṃ visṛjya ca /
dhautaṃ samarpayeccaiva pūjayedaṣṭavigrahaiḥ

"mitrassuvarṇa'ityuktvā plotena parimṛjya ca /
vastrādyaissamalaṅkṛtya pūrvoktenaiva kārayet

"tvaṃ bhūrbhuvastvaṃ'mantreṇa mūlagandhena mārjayet /
"buddhimatā'mityuccārya cālaṅkuryācca dhātubhiḥ

pādyamācamanaṃ dadyādālayasya pradakṣiṇam /
svastisūktādisūktaṃ ca japtvācaivātha kārayet

arcāsthāne tu saṃsthāpya pūjayitvoktamārgataḥ /
mahāhāviḥ prabhūtaṃ vā yathāśakti nivedayet

niṣkādhikaṃ suvarṇaṃ ca savatsāmapi gāṃ tathā /
gurave dakṣiṇāṃ dadyātsnāpakānāṃ tathaiva ca

tatrānyakarmakartṝṇāṃ yathāśaktyāca dakṣiṇām /
dadyātkarmaphalaṃ prāpya yajamāno 'tha bhaktimān

snapanāyattamuddiṣṭadhānyadravyāṃbarāṇi ca /
pātrāṇi ca tathānyāni snapanānte dhṛtāni ca

nivedayitvā gurave praṇamecca muhurmuhuḥ /
dhruvārcanā yadi syāttu pramukhe snapanaṃ caret

vitānastaṃbhaveṣṭādipūrvavatkārayettataḥ /
pañcahastābhedeṣu paṅktiṃ kuryādvidhānataḥ

madhye kubhaṃ ca snyasya arcayitvā ca pūrvavat /
dhruvapīṭhasya paritaḥ kūrcayuktaṃ caturdiśam

jayādīrarcayitvātu mṛdādīn pūrvavatkramāt /
tatpātraṃ saṃpragṛhyaiva pāṇibhyāṃ kṣālanaṃ caret

atha vā pātramādāya pūrayitvātu sannyaset /
dravyaṃ prati viśeṣeṇa pūrayitvār'cayetkramāt

pādyaṃ cācamanaṃ puṣpaṃ gandhaṃ dhūpaṃ tathaiva ca /
dīpamarghyaṃ tathācāmamarcayitvāṣṭavigrahaiḥ

devadevaṃ namaskṛtya pradakṣiṇamathācaret /
devasya puratastiṣṭheddravyamādāya pāṇinā

gauśṛṅgāgraṃ samuddhṛtya pūrvoktavidhinā kramāt /
punaḥ pradakṣiṇaṃ kṛtvā pūrvasthāne tu vinyaset

dhruveṇābhyastare caiva biṃbairanyaissahaivatu /
pūrvamuktaṃ dhruvārcā cetsnapanaṃ samyagācaret

yathoktenaiva mārgeṇa yathāvidhi samarcayet catvāriṃśat

gavyaṃ śrutaṃ dadhi madhu kṣīre syādratna toyakam

japyaṃ dvādaśaitān samāhṛtya

ntu upasnānamekaṃ hāridra madhyamottamam

upasnānavi mādhamaṃ caiva snapanaṃ tu vidhīyate

stathā kuryātkalaśaistu caturdaśaiḥ

madhyame madhyamaṃ caiva madhyamādhama vidhīyate

saptabhiḥ kalaśaiḥ madhyamaṃ teṣāṃ ṣaḍbhiḥ kala

dhamamucyate caturdaśaiḥ

gavyaṃ ghṛtaṃ kṣīramakṣa pasnānaṃ tathaiva ca

etai daśaitān kalasyācetkra? ta

pūrvoktenaiva kalaśasyacet

dikṣaṣṭa gavyaistu aindre ghṛtami

myegandhodakaṃ tathā payo tyāṃ vāruṇyāmakṣatodakam

saumye japyodakaṃ kramāt vyastusaptabhiḥ kalaśaiḥ

catriṣaṭyoṇasthalaṃ saptabhiḥ kalaśoktavat

navakoṣṭhantu tatra vai ma bhaśca kuśāṃbhasā

japyā vinyaset evamevaṃ yet

dakṣiṇāyanakāletu uttarāyaṇakāletu paścāt

ye tu saṃprāpte tatsūryeṃdūparāgeṣu snapanaṃ devadevasya kṛtvā ta