Scripture Library

Bhargava Tantra · Chapter 2

2.2.1

// dvitīyo'dhyāyaḥ //
[tantravivaraṇapūrvakavāsudevārādhanaphalādinirūpaṇādhyāyaḥ]
[tantravivaraṇam]
śrīrāmaḥ
akṣayyasaṃkhyaṃ tantraṃ tat parasmin brahmaṇi sthitam/
sārdhakoṭipramāṇena jagrāha bhagavān vidhiḥ

2.2.2

nārado'pi ca jagrāha koṭyardhaṃ brahmaṇo muniḥ/
kapilo'pi muniḥ pañca lakṣamātramupāharat

2.2.3

vainateyo'pi jagrāha pādalakṣaṃ janārdanāt/
viṃśatsahasraṃ jagrāha pūjātantraṃ hareḥ phaṇī

2.2.4

catvāriṃśatsahasrāṇi vikhanā muniragrahīta/
lakṣmīḥ ṣaṣṭisahasrāṇi lakṣamekaṃ vasundarā

2.2.5

(M. om. b: c:)
śukaḥ pañca sahasrāṇi sahasraṃ saptaterharaḥ/
caturdaśa sahasrāṇi bhagavān sa parāśaraḥ

2.2.6

viṣvakseno'pi jagrāha granthaṃ lakṣadvayaṃ hareḥ/
anye ca bahavaḥ kāmaṃ jagṛhurmunipuṅgavāḥ

2.2.7

[śāstravidhinā hareḥ ārādhanaphalam]
asaṃkhyātamidaṃ śāstraṃ harerjaṭharapūritam/
saṃgraheṇādya te vacmi tena pūto bhaviṣyasi

2.2.8

tena śāstravidhānena pūjayasva ramāpatim/
tena sarvaṃ layaṃ yāti kaluṣaṃ kalaśodbhava

2.2.9

smaraṇaṃ kīrtanaṃ viṣṇoḥ pūjanaṃ pādavandanam/
pradakṣiṇaṃ darśanaṃ ca sarvāghaughavināśanam

2.2.10

ekaikamapi paryāptaṃ sarvapāpāpanodane/
kiṃ punarbahavo yasya saḥ pumān harireva hi

2.2.11

yadyadicchan dhiyā viṣṇuṃ sevate bhaktisaṃyutaḥ/
tasya tattatkaratale nātra kāryā vicāraṇā

2.2.12

[devālayādikalpanasya tattadārādhanādeścaphalakīrtanam]
yastu viṣṇugṛhaṃ kuryāt vaikuṇṭhaṃ tasya mandiram/
yastu bimbaṃ hareḥ kuryāt sa tu viṣṇau layaṃ vrajet

2.2.13

yena pīṭhāni kalpyante sa yāne carate divi/
yacchatraṃ cāmaraṃ pīṭhaṃ pādapīṭhaṃ tathāmbaram

2.2.14

anyānyupacārāṇi karoti kamalāpateḥ/
sa tu taistaistathākāśe nirmale'mmarasevite

2.2.15

devaiḥ paryupacaryante sa nāghena vilipyate/
kāsāravāpikākūpataṭākādi karoti yaḥ

2.2.16

sa bhūyāt satataṃ śā taḥ sa na tāpena lipyate/
kavacāyudhabhūṣāsrak kirīṭādi karoti yaḥ

2.2.17

udyānāni ca ramyāṇi dharaṇīṃ sasyamālinīm/
sabhāṃ ca maṇḍapaṃ ramyaṃ sarvaṃ tasya pare'mbare

2.2.18

naivedyaṃ vividhaṃ bhakṣyaṃ bhojyaṃ lehyaṃ ca pānakam/
utpādayati paścāt sa sudhāśī bhavati dhruvam

2.2.19

anicchannakhilaṃ bhogaṃ yaḥ prītyā kurute kriyāḥ/
sa bhavedamale dhāmni parasminneva līyate

2.2.20

yaḥ sadā devasadane dhyāyannāste mudā harim/
punarna māturjaṭhare nivasetkalasodbhava

2.2.21

pānīyaṃ devadevāya yo dadāti gataspṛhaḥ/
mātuḥ stanyaṃ na pibati punaḥ kalasasaṃbhava

2.2.22

tālavṛntena deveśaṃ yo vījayati bhaktimān/
sa na tāpatrayairlipyeteti śāstravinirṇayaḥ

2.2.23

gandhaṃ dadāti yo bhaktyā narake sa na majjati/
āmodayati yaḥ sadma sa svarge matuhīyate

2.2.24

dadyācca yo ambaraṃ viṣṇoḥ nagnatvaṃ tasya nocyate/
ālokya hṛṣṭo viṣṇuṃ yaḥ sa sālokyaṃ samaśnute

2.2.25

dīpān pradīpayedyastu taddhyānaviṣayo hariḥ/
mārjanālepanairyānti pāpāni vilayaṃ dhruvam

2.2.26

toraṇairaṅgavalyādyaiḥ maṇḍayan devamandiram/
sarvadā maṇḍito bhūyādvaikuṇṭhe davamandire

2.2.27

vedairaṅgaistathā stotraistoṣayedyadi śārṅgiṇam/
sarvadā toṣitaḥ sarvaiḥ bhavedvaikuṇṭhasadmani

2.2.28

gītaṃ nṛtyaṃ tathā vādyaṃ kārayedyo hareḥ priyam/
sa tena tena bhavati parituṣṭaḥ pare pade

2.2.29

anantaśayane deve paramānandavigrahe/
acalā paramā bhaktiryasya sa brahmabhājanam

2.2.30

bhagavadbhaktiyukteṣu bhaktimān yo bhavennaraḥ/
sa bhavedbhagavatprāṇastasya sthānaṃ bhaveddhariḥ

2.2.31

[vāsudevadhyānasya siddhipradātṝtvam]
tatastvaṃ śārṅgadhanvānaṃ vāsudevaṃ sanātanam/
dhyāyasva satataṃ citte tena te siddhiravyayā

Original text: bhārgavatantram · Sanskrit Wikisource contributors · Sanskrit Wikisource · CC BY-SA 4.0