Bhagavata Purana · Chapter 11.30

bhava-bhayam apahantuṃ jñāna-vijñāna-sāraṃ $ nigama-kṛd upajahre bhṛṅga-vad veda-sāram &
amṛtam udadhitaś cāpāyayad bhṛtya-vargān % puruṣam ṛṣabham ādyaṃ kṛṣṇa-saṃjñaṃ nato 'smi // BhP_11.29.049*
0 śrī-rājovāca
tato mahā-bhāgavata uddhave nirgate vanam /
dvāravatyāṃ kim akarod bhagavān bhūta-bhāvanaḥ

brahma-śāpopasaṃsṛṣṭe sva-kule yādavarṣabhaḥ /
preyasīṃ sarva-netrāṇāṃ tanuṃ sa katham atyajat

pratyākraṣṭuṃ nayanam abalā yatra lagnaṃ na śekuḥ $ karṇāviṣṭaṃ na sarati tato yat satām ātma-lagnam &
yac-chrīr vācāṃ janayati ratiṃ kiṃ nu mānaṃ kavīnāṃ % dṛṣṭvā jiṣṇor yudhi ratha-gataṃ yac ca tat-sāmyam īyuḥ // BhP_11.30.003*
0 śrī ṛṣir uvāca
divi bhuvy antarikṣe ca mahotpātān samutthitān /
dṛṣṭvāsīnān su-dharmāyāṃ kṛṣṇaḥ prāha yadūn idam

BhP_11.30.005/0 śrī-bhagavān uvāca
ete ghorā mahotpātā dvārvatyāṃ yama-ketavaḥ /
muhūrtam api na stheyam atra no yadu-puṅgavāḥ

striyo bālāś ca vṛddhāś ca śaṅkhoddhāraṃ vrajantv itaḥ /
vayaṃ prabhāsaṃ yāsyāmo yatra pratyak sarasvatī

tatrābhiṣicya śucaya upoṣya su-samāhitāḥ /
devatāḥ pūjayiṣyāmaḥ snapanālepanārhaṇaiḥ

brāhmaṇāṃs tu mahā-bhāgān kṛta-svastyayanā vayam /
go-bhū-hiraṇya-vāsobhir gajāśva-ratha-veśmabhiḥ

vidhir eṣa hy ariṣṭa-ghno maṅgalāyanam uttamam /
deva-dvija-gavāṃ pūjā bhūteṣu paramo bhavaḥ

iti sarve samākarṇya yadu-vṛddhā madhu-dviṣaḥ /
tatheti naubhir uttīrya prabhāsaṃ prayayū rathaiḥ

tasmin bhagavatādiṣṭaṃ yadu-devena yādavāḥ /
cakruḥ paramayā bhaktyā sarva-śreyopabṛṃhitam

tatas tasmin mahā-pānaṃ papur maireyakaṃ madhu /
diṣṭa-vibhraṃśita-dhiyo yad-dravair bhraśyate matiḥ

mahā-pānābhimattānāṃ vīrāṇāṃ dṛpta-cetasām /
kṛṣṇa-māyā-vimūḍhānāṃ saṅgharṣaḥ su-mahān abhūt

yuyudhuḥ krodha-saṃrabdhā velāyām ātatāyinaḥ /
dhanurbhir asibhir bhallair gadābhis tomararṣṭibhiḥ

patat-patākai ratha-kuñjarādibhiḥ kharoṣṭra-gobhir mahiṣair narair api /
mithaḥ sametyāśvataraiḥ su-durmadā nyahan śarair dadbhir iva dvipā vane

pradyumna-sāmbau yudhi rūḍha-matsarāv $ akrūra-bhojāv aniruddha-sātyakī &
subhadra-saṅgrāmajitau su-dāruṇau % gadau sumitrā-surathau samīyatuḥ // BhP_11.30.016* //
anye ca ye vai niśaṭholmukādayaḥ sahasrajic-chatajid-bhānu-mukhyāḥ /
anyonyam āsādya madāndha-kāritā jaghnur mukundena vimohitā bhṛśam

dāśārha-vṛṣṇy-andhaka-bhoja-sātvatā $ madhv-arbudā māthura-śūrasenāḥ &
visarjanāḥ kukurāḥ kuntayaś ca % mithas tu jaghnuḥ su-visṛjya sauhṛdam // BhP_11.30.018* //
putrā ayudhyan pitṛbhir bhrātṛbhiś ca $ svasrīya-dauhitra-pitṛvya-mātulaiḥ &
putrā ayudhyan pitṛbhir bhrātṛbhiś ca $ svasrīya-dauhitra-pitṛvya-mātulaiḥ &
mitrāṇi mitraiḥ suhṛdaḥ suhṛdbhir % jñātīṃs tv ahan jñātaya eva mūḍhāḥ // BhP_11.30.019* //
śareṣu hīyamāeṣu bhajyamānesu dhanvasu /
śastreṣu kṣīyamāneṣu muṣṭibhir jahrur erakāḥ

tā vajra-kalpā hy abhavan parighā muṣṭinā bhṛtāḥ /
jaghnur dviṣas taiḥ kṛṣṇena vāryamāṇās tu taṃ ca te

pratyanīkaṃ manyamānā balabhadraṃ ca mohitāḥ /
hantuṃ kṛta-dhiyo rājann āpannā ātatāyinaḥ

atha tāv api saṅkruddhāv udyamya kuru-nandana /
erakā-muṣṭi-parighau carantau jaghnatur yudhi

brahma-śāpopasṛṣṭānāṃ kṛṣṇa-māyāvṛtātmanām /
spardhā-krodhaḥ kṣayaṃ ninye vaiṇavo 'gnir yathā vanam

evaṃ naṣṭeṣu sarveṣu kuleṣu sveṣu keśavaḥ /
avatārito bhuvo bhāra iti mene 'vaśeṣitaḥ

rāmaḥ samudra-velāyāṃ yogam āsthāya pauruṣam /
tatyāja lokaṃ mānuṣyaṃ saṃyojyātmānam ātmani

rāma-niryāṇam ālokya bhagavān devakī-sutaḥ /
niṣasāda dharopasthe tuṣṇīm āsādya pippalam

bibhrac catur-bhujaṃ rūpaṃ bhrāyiṣṇu prabhayā svayā /
diśo vitimirāḥ kurvan vidhūma iva pāvakaḥ

śrīvatsāṅkaṃ ghana-śyāmaṃ tapta-hāṭaka-varcasam /
kauśeyāmbara-yugmena parivītaṃ su-maṅgalam

sundara-smita-vaktrābjaṃ nīla-kuntala-maṇḍitam /
puṇḍarīkābhirāmākṣaṃ sphuran makara-kuṇḍalam

kaṭi-sūtra-brahma-sūtra- kirīṭa-kaṭakāṅgadaiḥ /
hāra-nūpura-mudrābhiḥ kaustubhena virājitam

vana-mālā-parītāṅgaṃ mūrtimadbhir nijāyudhaiḥ /
kṛtvorau dakṣiṇe pādam āsīnaṃ paṅkajāruṇam

muṣalāvaśeṣāyaḥ-khaṇḍa- kṛteṣur lubdhako jarā /
mṛgāsyākāraṃ tac-caraṇaṃ vivyādha mṛga-śaṅkayā

catur-bhujaṃ taṃ puruṣaṃ dṛṣṭvā sa kṛta-kilbiṣaḥ /
bhītaḥ papāta śirasā pādayor asura-dviṣaḥ

ajānatā kṛtam idaṃ pāpena madhusūdana /
kṣantum arhasi pāpasya uttamaḥśloka me 'nagha

yasyānusmaraṇaṃ nṛṇām ajñāna-dhvānta-nāśanam /
vadanti tasya te viṣṇo mayāsādhu kṛtaṃ prabho

tan māśu jahi vaikuṇṭha pāpmānaṃ mṛga-lubdhakam /
yathā punar ahaṃ tv evaṃ na kuryāṃ sad-atikramam

yasyātma-yoga-racitaṃ na vidur viriñco $ rudrādayo 'sya tanayāḥ patayo girāṃ ye &
tvan-māyayā pihita-dṛṣṭaya etad añjaḥ % kiṃ tasya te vayam asad-gatayo gṛṇīmaḥ // BhP_11.30.038*
0 śrī-bhagavān uvāca
mā bhair jare tvam uttiṣṭha kāma eṣa kṛto hi me /
yāhi tvaṃ mad-anujñātaḥ svargaṃ su-kṛtināṃ padam

ity ādiṣṭo bhagavatā kṛṣṇenecchā-śarīriṇā /
triḥ parikramya taṃ natvā vimānena divaṃ yayau

dārukaḥ kṛṣṇa-padavīm anvicchann adhigamya tām /
vāyuṃ tulasikāmodam āghrāyābhimukhaṃ yayau

taṃ tatra tigma-dyubhir āyudhair vṛtaṃ $ hy aśvattha-mūle kṛta-ketanaṃ patim &
sneha-plutātmā nipapāta pādayo % rathād avaplutya sa-bāṣpa-locanaḥ // BhP_11.30.042* //
apaśyatas tvac-caraṇāmbujaṃ prabho dṛṣṭiḥ praṇaṣṭā tamasi praviṣṭā /
diśo na jāne na labhe ca śāntiṃ yathā niśāyām uḍupe praṇaṣṭe

iti bruvati sūte vai ratho garuḍa-lāñchanaḥ /
kham utpapāta rājendra sāśva-dhvaja udīkṣataḥ

tam anvagacchan divyāni viṣṇu-praharaṇāni ca /
tenāti-vismitātmānaṃ sūtam āha janārdanaḥ

gaccha dvāravatīṃ sūta jñātīnāṃ nidhanaṃ mithaḥ /
saṅkarṣaṇasya niryāṇaṃ bandhubhyo brūhi mad-daśām

dvārakāyāṃ ca na stheyaṃ bhavadbhiś ca sva-bandhubhiḥ /
mayā tyaktāṃ yadu-purīṃ samudraḥ plāvayiṣyati

svaṃ svaṃ parigrahaṃ sarve ādāya pitarau ca naḥ /
arjunenāvitāḥ sarva indraprasthaṃ gamiṣyatha

tvaṃ tu mad-dharmam āsthāya jñāna-niṣṭha upekṣakaḥ /
man-māyā-racitām etāṃ vijñayopaśamaṃ vraja

ity uktas taṃ parikramya namaskṛtya punaḥ punaḥ /
tat-pādau śīrṣṇy upādhāya durmanāḥ prayayau purīm