Bhagavata Purana · Chapter 10.90

BhP_10.90.001/0 śrī-śuka uvāca
sukhaṃ sva-puryāṃ nivasan dvārakāyāṃ śriyaḥ patiḥ /
sarva-sampat-samṛddhāyāṃ juṣṭāyāṃ vṛṣṇi-puṅgavaiḥ

strībhiś cottama-veṣābhir nava-yauvana-kāntibhiḥ /
kandukādibhir harmyeṣu krīḍantībhis taḍid-dyubhiḥ

nityaṃ saṅkula-mārgāyāṃ mada-cyudbhir mataṅ-gajaiḥ /
sv-alaṅkṛtair bhaṭair aśvai rathaiś ca kanakojjvalaiḥ

udyānopavanāḍhyāyāṃ puṣpita-druma-rājiṣu /
nirviśad-bhṛṅga-vihagair nāditāyāṃ samantataḥ

reme ṣoḍaśa-sāhasra- patnīnāṃ eka-vallabhaḥ /
tāvad vicitra-rūpo 'sau tad-geheṣu maharddhiṣu

protphullotpala-kahlāra- kumudāmbhoja-reṇubhiḥ /
vāsitāmala-toyeṣu kūjad-dvija-kuleṣu ca

vijahāra vigāhyāmbho hradinīṣu mahodayaḥ /
kuca-kuṅkuma-liptāṅgaḥ parirabdhaś ca yoṣitām

upagīyamāno gandharvair mṛdaṅga-paṇavānakān /
vādayadbhir mudā vīṇāṃ sūta-māgadha-vandibhiḥ

sicyamāno 'cyutas tābhir hasantībhiḥ sma recakaiḥ /
pratiṣiñcan vicikrīḍe yakṣībhir yakṣa-rāḍ iva

tāḥ klinna-vastra-vivṛtoru-kuca-pradeśāḥ $ siñcantya uddhṛta-bṛhat-kavara-prasūnāḥ &
kāntaṃ sma recaka-jihīrṣayayopaguhya % jāta-smarotsmaya-lasad-vadanā virejuḥ // BhP_10.90.010* //
kṛṣṇas tu tat-stana-viṣajjita-kuṅkuma-srak $ krīḍābhiṣaṅga-dhuta-kuntala-vṛnda-bandhaḥ &
kṛṣṇas tu tat-stana-viṣajjita-kuṅkuma-srak $ krīḍābhiṣaṅga-dhuta-kuntala-vṛnda-bandhaḥ &
siñcan muhur yuvatibhiḥ pratiṣicyamāno % reme kareṇubhir ivebha-patiḥ parītaḥ // BhP_10.90.011* //
naṭānāṃ nartakīnāṃ ca gīta-vādyopajīvinām /
krīḍālaṅkāra-vāsāṃsi kṛṣṇo 'dāt tasya ca striyaḥ

kṛṣṇasyaivaṃ viharato gaty-ālāpekṣita-smitaiḥ /
narma-kṣveli-pariṣvaṅgaiḥ strīṇāṃ kila hṛtā dhiyaḥ

ūcur mukundaika-dhiyo gira unmatta-vaj jaḍam /
cintayantyo 'ravindākṣaṃ tāni me gadataḥ śṛṇu

BhP_10.90.015/0 mahiṣya ūcuḥ
kurari vilapasi tvaṃ vīta-nidrā na śeṣe $ svapiti jagati rātryām īśvaro gupta-bodhaḥ &
kurari vilapasi tvaṃ vīta-nidrā na śeṣe $ svapiti jagati rātryām īśvaro gupta-bodhaḥ &
vayam iva sakhi kaccid gāḍha-nirviddha-cetā % nalina-nayana-hāsodāra-līlekṣitena // BhP_10.90.015* //
netre nimīlayasi naktam adṛṣṭa-bandhus $ tvaṃ roravīṣi karuṇaṃ bata cakravāki &
netre nimīlayasi naktam adṛṣṭa-bandhus $ tvaṃ roravīṣi karuṇaṃ bata cakravāki &
dāsyaṃ gata vayam ivācyuta-pāda-juṣṭāṃ % kiṃ vā srajaṃ spṛhayase kavareṇa voḍhum // BhP_10.90.016* //
bho bhoḥ sadā niṣṭanase udanvann alabdha-nidro 'dhigata-prajāgaraḥ /
kim vā mukundāpahṛtātma-lāñchanaḥ prāptāṃ daśāṃ tvaṃ ca gato duratyayām

tvaṃ yakṣmaṇā balavatāsi gṛhīta indo $ kṣīṇas tamo na nija-dīdhitibhiḥ kṣiṇoṣi &
kaccin mukunda-gaditāni yathā vayaṃ tvaṃ % vismṛtya bhoḥ sthagita-gīr upalakṣyase naḥ // BhP_10.90.018* //
kiṃ nv ācaritam asmābhir malayānila te 'priyam /
govindāpāṅga-nirbhinne hṛdīrayasi naḥ smaram

megha śrīmaṃs tvam asi dayito yādavendrasya nūnaṃ $ śrīvatsāṅkaṃ vayam iva bhavān dhyāyati prema-baddhaḥ &
aty-utkaṇṭhaḥ śavala-hṛdayo 'smad-vidho bāṣpa-dhārāḥ % smṛtvā smṛtvā visṛjasi muhur duḥkha-das tat-prasaṅgaḥ // BhP_10.90.020* //
priya-rāva-padāni bhāṣase mṛta-sañjīvikayānayā girā /
karavāṇi kim adya te priyaṃ vada me valgita-kaṇṭha kokila

na calasi na vadasy udāra-buddhe kṣiti-dhara cintayase mahāntam artham /
api bata vasudeva-nandanāṅghriṃ vayam iva kāmayase stanair vidhartum

śuṣyad-dhradāḥ karaśitā bata sindhu-patnyaḥ $ sampraty apāsta-kamala-śriya iṣṭa-bhartuḥ &
yadvad vayaṃ madhu-pateḥ praṇayāvalokam % aprāpya muṣṭa-hṛdayāḥ puru-karśitāḥ sma // BhP_10.90.023* //
haṃsa svāgatam āsyatāṃ piba payo brūhy aṅga śaureḥ kathāṃ $ dūtaṃ tvāṃ nu vidāma kaccid ajitaḥ svasty āsta uktaṃ purā &
haṃsa svāgatam āsyatāṃ piba payo brūhy aṅga śaureḥ kathāṃ $ dūtaṃ tvāṃ nu vidāma kaccid ajitaḥ svasty āsta uktaṃ purā &
kiṃ vā naś cala-sauhṛdaḥ smarati taṃ kasmād bhajāmo vayaṃ % kṣaudrālāpaya kāma-daṃ śriyam ṛte saivaika-niṣṭhā striyām // BhP_10.90.024*
0 śrī-śuka uvāca
itīdṛśena bhāvena kṛṣṇe yogeśvareśvare /
kriyamāṇena mādhavyo lebhire paramāṃ gatim

śruta-mātro 'pi yaḥ strīṇāṃ prasahyākarṣate manaḥ /
uru-gāyoru-gīto vā paśyantīnāṃ ca kiṃ punaḥ

yāḥ samparyacaran premṇā pāda-saṃvāhanādibhiḥ /
jagad-guruṃ bhartṛ-buddhyā tāsāṃ kim varṇyate tapaḥ

evaṃ vedoditaṃ dharmam anutiṣṭhan satāṃ gatiḥ /
gṛhaṃ dharmārtha-kāmānāṃ muhuś cādarśayat padam

āsthitasya paraṃ dharmaṃ kṛṣṇasya gṛha-medhinām /
āsan ṣoḍaśa-sāhasraṃ mahiṣyaś ca śatādhikam

tāsāṃ strī-ratna-bhūtānām aṣṭau yāḥ prāg udāhṛtāḥ /
rukmiṇī-pramukhā rājaṃs tat-putrāś cānupūrvaśaḥ

ekaikasyāṃ daśa daśa kṛṣṇo 'jījanad ātmajān /
yāvatya ātmano bhāryā amogha-gatir īśvaraḥ

teṣām uddāma-vīryāṇām aṣṭā-daśa mahā-rathāḥ /
āsann udāra-yaśasas teṣāṃ nāmāni me śṛṇu

pradyumnaś cāniruddhaś ca dīptimān bhānur eva ca /
sāmbo madhur bṛhadbhānuś citrabhānur vṛko 'ruṇaḥ

puṣkaro vedabāhuś ca śrutadevaḥ sunandanaḥ /
citrabāhur virūpaś ca kavir nyagrodha eva ca

eteṣām api rājendra tanu-jānāṃ madhu-dviṣaḥ /
pradyumna āsīt prathamaḥ pitṛ-vad rukmiṇī-sutaḥ

sa rukmiṇo duhitaram upayeme mahā-rathaḥ /
tasyāṃ tato 'niruddho 'bhūt nāgāyata-balānvitaḥ

sa cāpi rukmiṇaḥ pautrīṃ dauhitro jagṛhe tataḥ /
vajras tasyābhavad yas tu mauṣalād avaśeṣitaḥ

pratibāhur abhūt tasmāt subāhus tasya cātmajaḥ /
subāhoḥ śāntaseno 'bhūc chatasenas tu tat-sutaḥ

na hy etasmin kule jātā adhanā abahu-prajāḥ /
alpāyuṣo 'lpa-vīryāś ca abrahmaṇyāś ca jajñire

yadu-vaṃśa-prasūtānāṃ puṃsāṃ vikhyāta-karmaṇām /
saṅkhyā na śakyate kartum api varṣāyutair nṛpa

tisraḥ koṭyaḥ sahasrāṇām aṣṭāśīti-śatāni ca /
āsan yadu-kulācāryāḥ kumārāṇām iti śrutam

saṅkhyānaṃ yādavānāṃ kaḥ kariṣyati mahātmanām /
yatrāyutānām ayuta- lakṣeṇāste sa āhukaḥ

devāsurāhava-hatā daiteyā ye su-dāruṇāḥ /
te cotpannā manuṣyeṣu prajā dṛptā babādhire

tan-nigrahāya hariṇā proktā devā yadoḥ kule /
avatīrṇāḥ kula-śataṃ teṣām ekādhikaṃ nṛpa

teṣāṃ pramāṇaṃ bhagavān prabhutvenābhavad dhariḥ /
ye cānuvartinas tasya vavṛdhuḥ sarva-yādavāḥ

śayyāsanāṭanālāpa- krīḍā-snānādi-karmasu /
na viduḥ santam ātmānaṃ vṛṣṇayaḥ kṛṣṇa-cetasaḥ