Bhagavata Purana · Chapter 10.47

BhP_10.47.001/0 śrī-śuka uvāca
taṃ vīkṣya kṛṣānucaraṃ vraja-striyaḥ $ pralamba-bāhuṃ nava-kañja-locanam &
taṃ vīkṣya kṛṣānucaraṃ vraja-striyaḥ $ pralamba-bāhuṃ nava-kañja-locanam &
pītāmbaraṃ puṣkara-mālinaṃ lasan- % mukhāravindaṃ parimṛṣṭa-kuṇḍalam // BhP_10.47.001* //
su-vismitāḥ ko 'yam apīvya-darśanaḥ $ kutaś ca kasyācyuta-veṣa-bhūṣaṇaḥ &
su-vismitāḥ ko 'yam apīvya-darśanaḥ $ kutaś ca kasyācyuta-veṣa-bhūṣaṇaḥ &
iti sma sarvāḥ parivavrur utsukās % tam uttamaḥ-śloka-padāmbujāśrayam // BhP_10.47.002* //
taṃ praśrayeṇāvanatāḥ su-sat-kṛtaṃ sa-vrīḍa-hāsekṣaṇa-sūnṛtādibhiḥ /
rahasy apṛcchann upaviṣṭam āsane vijñāya sandeśa-haraṃ ramā-pateḥ

jānīmas tvāṃ yadu-pateḥ pārṣadaṃ samupāgatam /
bhartreha preṣitaḥ pitror bhavān priya-cikīrṣayā

anyathā go-vraje tasya smaraṇīyaṃ na cakṣmahe /
snehānubandho bandhūnāṃ muner api su-dustyajaḥ

anyeṣv artha-kṛtā maitrī yāvad-artha-viḍambanam /
pumbhiḥ strīṣu kṛtā yadvat sumanaḥsv iva ṣaṭpadaiḥ

niḥsvaṃ tyajanti gaṇikā akalpaṃ nṛpatiṃ prajāḥ /
adhīta-vidyā ācāryam ṛtvijo datta-dakṣiṇam

khagā vīta-phalaṃ vṛkṣaṃ bhuktvā cātithayo gṛham /
dagdhaṃ mṛgās tathāraṇyaṃ jārā bhuktvā ratāṃ striyam

iti gopyo hi govinde gata-vāk-kāya-mānasāḥ /
kṛṣṇa-dūte samāyāte uddhave tyakta-laukikāḥ

gāyantyaḥ prīya-karmāṇi rudantyaś ca gata-hriyaḥ /
tasya saṃsmṛtya saṃsmṛtya yāni kaiśora-bālyayoḥ

kācin madhukaraṃ dṛṣṭvā dhyāyantī kṛṣṇa-saṅgamam /
priya-prasthāpitaṃ dūtaṃ kalpayitvedam abravīt

BhP_10.47.012/0 gopy uvāca
madhupa kitava-bandho mā spṛśaṅghriṃ sapatnyāḥ $ kuca-vilulita-mālā-kuṅkuma-śmaśrubhir naḥ &
madhupa kitava-bandho mā spṛśaṅghriṃ sapatnyāḥ $ kuca-vilulita-mālā-kuṅkuma-śmaśrubhir naḥ &
vahatu madhu-patis tan-māninīnāṃ prasādaṃ % yadu-sadasi viḍambyaṃ yasya dūtas tvam īdṛk // BhP_10.47.012* //
sakṛd adhara-sudhāṃ svāṃ mohinīṃ pāyayitvā $ sumanasa iva sadyas tatyaje 'smān bhavādṛk &
sakṛd adhara-sudhāṃ svāṃ mohinīṃ pāyayitvā $ sumanasa iva sadyas tatyaje 'smān bhavādṛk &
paricarati kathaṃ tat-pāda-padmaṃ nu padmā % hy api bata hṛta-cetā hy uttamaḥ-śloka-jalpaiḥ // BhP_10.47.013* //
kim iha bahu ṣaḍ-aṅghre gāyasi tvaṃ yadūnām $ adhipatim agṛhāṇām agrato naḥ purāṇam &
kim iha bahu ṣaḍ-aṅghre gāyasi tvaṃ yadūnām $ adhipatim agṛhāṇām agrato naḥ purāṇam &
vijaya-sakha-sakhīnāṃ gīyatāṃ tat-prasaṅgaḥ % kṣapita-kuca-rujas te kalpayantīṣṭam iṣṭāḥ // BhP_10.47.014* //
divi bhuvi ca rasāyāṃ kāḥ striyas tad-durāpāḥ $ kapaṭa-rucira-hāsa-bhrū-vijṛmbhasya yāḥ syuḥ &
divi bhuvi ca rasāyāṃ kāḥ striyas tad-durāpāḥ $ kapaṭa-rucira-hāsa-bhrū-vijṛmbhasya yāḥ syuḥ &
caraṇa-raja upāste yasya bhūtir vayaṃ kā % api ca kṛpaṇa-pakṣe hy uttamaḥ-śloka-śabdaḥ // BhP_10.47.015* //
visṛja śirasi pādaṃ vedmy ahaṃ cātu-kārair $ anunaya-viduṣas te 'bhyetya dautyair mukundāt &
visṛja śirasi pādaṃ vedmy ahaṃ cātu-kārair $ anunaya-viduṣas te 'bhyetya dautyair mukundāt &
sva-kṛta iha viṣṛṣṭāpatya-paty-anya-lokā % vyasṛjad akṛta-cetāḥ kiṃ nu sandheyam asmin // BhP_10.47.016* //
mṛgayur iva kapīndraṃ vivyadhe lubdha-dharmā $ striyam akṛta virūpāṃ strī-jitaḥ kāma-yānām &
mṛgayur iva kapīndraṃ vivyadhe lubdha-dharmā $ striyam akṛta virūpāṃ strī-jitaḥ kāma-yānām &
balim api balim attvāveṣṭayad dhvāṅkṣa-vad yas % tad alam asita-sakhyair dustyajas tat-kathārthaḥ // BhP_10.47.017* //
yad-anucarita-līlā-karṇa-pīyūṣa-vipruṭ- $ sakṛd-adana-vidhūta-dvandva-dharmā vinaṣṭāḥ &
yad-anucarita-līlā-karṇa-pīyūṣa-vipruṭ- $ sakṛd-adana-vidhūta-dvandva-dharmā vinaṣṭāḥ &
sapadi gṛha-kuṭumbaṃ dīnam utsṛjya dīnā % bahava iha vihaṅgā bhikṣu-caryāṃ caranti // BhP_10.47.018* //
vayam ṛtam iva jihma-vyāhṛtaṃ śraddadhānāḥ $ kulika-rutam ivājñāḥ kṛṣṇa-vadhvo hariṇyaḥ &
vayam ṛtam iva jihma-vyāhṛtaṃ śraddadhānāḥ $ kulika-rutam ivājñāḥ kṛṣṇa-vadhvo hariṇyaḥ &
dadṛśur asakṛd etat tan-nakha-sparśa-tīvra % smara-ruja upamantrin bhaṇyatām anya-vārtā // BhP_10.47.019* //
priya-sakha punar āgāḥ preyasā preṣitaḥ kiṃ $ varaya kim anurundhe mānanīyo 'si me 'ṅga &
priya-sakha punar āgāḥ preyasā preṣitaḥ kiṃ $ varaya kim anurundhe mānanīyo 'si me 'ṅga &
nayasi katham ihāsmān dustyaja-dvandva-pārśvaṃ % satatam urasi saumya śrīr vadhūḥ sākam āste // BhP_10.47.020* //
api bata madhu-puryām ārya-putro 'dhunāste $ smarati sa pitṛ-gehān saumya bandhūṃś ca gopān &
api bata madhu-puryām ārya-putro 'dhunāste $ smarati sa pitṛ-gehān saumya bandhūṃś ca gopān &
kvacid api sa kathā naḥ kiṅkarīṇāṃ gṛṇīte % bhujam aguru-sugandhaṃ mūrdhny adhāsyat kadā nu // BhP_10.47.021*
0 śrī-śuka uvāca
athoddhavo niśamyaivaṃ kṛṣṇa-darśana-lālasāḥ /
sāntvayan priya-sandeśair gopīr idam abhāṣata

BhP_10.47.023/0 śrī-uddhava uvāca
aho yūyaṃ sma pūrṇārthā bhavatyo loka-pūjitāḥ /
vāsudeve bhagavati yāsām ity arpitaṃ manaḥ

dāna-vrata-tapo-homa japa-svādhyāya-saṃyamaiḥ /
śreyobhir vividhaiś cānyaiḥ kṛṣṇe bhaktir hi sādhyate

bhagavaty uttamaḥ-śloke bhavatībhir anuttamā /
bhaktiḥ pravartitā diṣṭyā munīnām api durlabhā

diṣṭyā putrān patīn dehān sva-janān bhavanāni ca /
hitvāvṛnīta yūyaṃ yat kṛṣṇākhyaṃ puruṣaṃ param

sarvātma-bhāvo 'dhikṛto bhavatīnām adhokṣaje /
viraheṇa mahā-bhāgā mahān me 'nugrahaḥ kṛtaḥ

śrūyatāṃ priya-sandeśo bhavatīnāṃ sukhāvahaḥ /
yam ādāyāgato bhadrā ahaṃ bhartū rahas-karaḥ

BhP_10.47.029/0 śrī-bhagavān uvāca
bhavatīnāṃ viyogo me na hi sarvātmanā kvacit /
yathā bhūtāni bhūteṣu khaṃ vāyv-agnir jalaṃ mahī /
tathāhaṃ ca manaḥ-prāṇa- bhūtendriya-guṇāśrayaḥ

ātmany evātmanātmānaṃ sṛje hanmy anupālaye /
ātma-māyānubhāvena bhūtendriya-guṇātmanā

ātmā jñāna-mayaḥ śuddho vyatirikto 'guṇānvayaḥ /
suṣupti-svapna-jāgradbhir māyā-vṛttibhir īyate

yenendriyārthān dhyāyeta mṛṣā svapna-vad utthitaḥ /
tan nirundhyād indriyāṇi vinidraḥ pratyapadyata

etad-antaḥ samāmnāyo yogaḥ sāṅkhyaṃ manīṣiṇām /
tyāgas tapo damaḥ satyaṃ samudrāntā ivāpagāḥ

yat tv ahaṃ bhavatīnāṃ vai dūre varte priyo dṛśām /
manasaḥ sannikarṣārthaṃ mad-anudhyāna-kāmyayā

yathā dūra-care preṣṭhe mana āviśya vartate /
strīṇāṃ ca na tathā cetaḥ sannikṛṣṭe 'kṣi-gocare

mayy āveśya manaḥ kṛtsnaṃ vimuktāśeṣa-vṛtti yat /
anusmarantyo māṃ nityam acirān mām upaiṣyatha

yā mayā krīḍatā rātryāṃ vane 'smin vraja āsthitāḥ /
alabdha-rāsāḥ kalyāṇyo māpur mad-vīrya-cintayā

BhP_10.47.038/0 śrī-śuka uvāca
evaṃ priyatamādiṣṭam ākarṇya vraja-yoṣitaḥ /
tā ūcur uddhavaṃ prītās tat-sandeśāgata-smṛtīḥ

BhP_10.47.039/0 gopya ūcuḥ
diṣṭyāhito hataḥ kaṃso yadūnāṃ sānugo 'gha-kṛt /
diṣṭyāptair labdha-sarvārthaiḥ kuśaly āste 'cyuto 'dhunā

kaccid gadāgrajaḥ saumya karoti pura-yoṣitām /
prītiṃ naḥ snigdha-savrīḍa- hāsodārekṣaṇārcitaḥ

kathaṃ rati-viśeṣa-jñaḥ priyaś ca pura-yoṣitām /
nānubadhyeta tad-vākyair vibhramaiś cānubhājitaḥ

api smarati naḥ sādho govindaḥ prastute kvacit /
goṣṭhi-madhye pura-strīṇām grāmyāḥ svaira-kathāntare

tāḥ kiṃ niśāḥ smarati yāsu tadā priyābhir $ vṛndāvane kumuda-kunda-śaśāṅka-ramye &
reme kvaṇac-caraṇa-nūpura-rāsa-goṣṭhyām % asmābhir īḍita-manojña-kathaḥ kadācit // BhP_10.47.043* //
apy eṣyatīha dāśārhas taptāḥ sva-kṛtayā śucā /
sañjīvayan nu no gātrair yathendro vanam ambudaiḥ

kasmāt kṛṣṇa ihāyāti prāpta-rājyo hatāhitaḥ /
narendra-kanyā udvāhya prītaḥ sarva-suhṛd-vṛtaḥ

kim asmābhir vanaukobhir anyābhir vā mahātmanaḥ /
śrī-pater āpta-kāmasya kriyetārthaḥ kṛtātmanaḥ

paraṃ saukhyaṃ hi nairāśyaṃ svairiṇy apy āha piṅgalā /
taj jānatīnāṃ naḥ kṛṣṇe tathāpy āśā duratyayā

ka utsaheta santyaktum uttamaḥśloka-saṃvidam /
anicchato 'pi yasya śrīr aṅgān na cyavate kvacit

saric-chaila-vanoddeśā gāvo veṇu-ravā ime /
saṅkarṣaṇa-sahāyena kṛṣṇenācaritāḥ prabho

punaḥ punaḥ smārayanti nanda-gopa-sutaṃ bata /
śrī-niketais tat-padakair vismartuṃ naiva śaknumaḥ

gatyā lalitayodāra- hāsa-līlāvalokanaiḥ /
mādhvyā girā hṛta-dhiyaḥ kathaṃ taṃ vismarāma he

he nātha he ramā-nātha vraja-nāthārti-nāśana /
magnam uddhara govinda gokulaṃ vṛjinārṇavāt

BhP_10.47.053/0 śrī-śuka uvāca
tatas tāḥ kṛṣṇa-sandeśair vyapeta-viraha-jvarāḥ /
uddhavaṃ pūjayāṃ cakrur jñātvātmānam adhokṣajam

uvāsa katicin māsān gopīnāṃ vinudan śucaḥ /
kṛṣṇa-līlā-kathāṃ gāyan ramayām āsa gokulam

yāvanty ahāni nandasya vraje 'vātsīt sa uddhavaḥ /
vrajaukasāṃ kṣaṇa-prāyāṇy āsan kṛṣṇasya vārtayā

sarid-vana-giri-droṇīr vīkṣan kusumitān drumān /
kṛṣṇaṃ saṃsmārayan reme hari-dāso vrajaukasām

dṛṣṭvaivam-ādi gopīnāṃ kṛṣṇāveśātma-viklavam /
uddhavaḥ parama-prītas tā namasyann idaṃ jagau

etāḥ paraṃ tanu-bhṛto bhuvi gopa-vadhvo $ govinda eva nikhilātmani rūḍha-bhāvāḥ &
vāñchanti yad bhava-bhiyo munayo vayaṃ ca % kiṃ brahma-janmabhir ananta-kathā-rasasya // BhP_10.47.058* //
kvemāḥ striyo vana-carīr vyabhicāra-duṣṭāḥ $ kṛṣṇe kva caiṣa paramātmani rūḍha-bhāvaḥ &
kvemāḥ striyo vana-carīr vyabhicāra-duṣṭāḥ $ kṛṣṇe kva caiṣa paramātmani rūḍha-bhāvaḥ &
nanv īśvaro 'nubhajato 'viduṣo 'pi sākṣāc % chreyas tanoty agada-rāja ivopayuktaḥ // BhP_10.47.059* //
nāyaṃ śriyo 'ṅga u nitānta-rateḥ prasādaḥ $ svar-yoṣitāṃ nalina-gandha-rucāṃ kuto 'nyāḥ &
nāyaṃ śriyo 'ṅga u nitānta-rateḥ prasādaḥ $ svar-yoṣitāṃ nalina-gandha-rucāṃ kuto 'nyāḥ &
rāsotsave 'sya bhuja-daṇḍa-gṛhīta-kaṇṭha- % labdhāśiṣāṃ ya udagād vraja-vallabhīnām // BhP_10.47.060* //
āsām aho caraṇa-reṇu-juṣām ahaṃ syāṃ $ vṛndāvane kim api gulma-latauṣadhīnām &
āsām aho caraṇa-reṇu-juṣām ahaṃ syāṃ $ vṛndāvane kim api gulma-latauṣadhīnām &
yā dustyajaṃ sva-janam ārya-pathaṃ ca hitvā % bhejur mukunda-padavīṃ śrutibhir vimṛgyām // BhP_10.47.061* //
yā vai śriyārcitam ajādibhir āpta-kāmair $ yogeśvarair api yad ātmani rāsa-goṣṭhyām &
yā vai śriyārcitam ajādibhir āpta-kāmair $ yogeśvarair api yad ātmani rāsa-goṣṭhyām &
kṛṣṇasya tad bhagavataḥ caraṇāravindaṃ % nyastaṃ staneṣu vijahuḥ parirabhya tāpam // BhP_10.47.062* //
vande nanda-vraja-strīṇāṃ pāda-reṇum abhīkṣṇaśaḥ /
yāsāṃ hari-kathodgītaṃ punāti bhuvana-trayam

BhP_10.47.064/0 śrī-śuka uvāca
atha gopīr anujñāpya yaśodāṃ nandam eva ca /
gopān āmantrya dāśārho yāsyann āruruhe ratham

taṃ nirgataṃ samāsādya nānopāyana-pāṇayaḥ /
nandādayo 'nurāgeṇa prāvocann aśru-locanāḥ

manaso vṛttayo naḥ syuḥ kṛṣṇa pādāmbujāśrayāḥ /
vāco 'bhidhāyinīr nāmnāṃ kāyas tat-prahvaṇādiṣu

karmabhir bhrāmyamāṇānāṃ yatra kvāpīśvarecchayā /
maṅgalācaritair dānai ratir naḥ kṛṣṇa īśvare

evaṃ sabhājito gopaiḥ kṛṣṇa-bhaktyā narādhipa /
uddhavaḥ punar āgacchan mathurāṃ kṛṣṇa-pālitām

kṛṣṇāya praṇipatyāha bhakty-udrekaṃ vrajaukasām /
vasudevāya rāmāya rājñe copāyanāny adāt