Āyurvedamahodadhau annapānavidhi · Chapter 7
ity āyurvedamahodadhau sukhena(ṣeṇa)kṛte dadhivargaḥ //
// atha mastuguṇāḥ kathyante //
[sro] śrotaḥ śuddiṃ vidhatte prakaṭayati ruciṃ dīpayaty āśu vahniṃ
kṛtvā śuddhiṃ malānāṃ jarayati ca haṭhād bhuktam annaṃ vicitram
uṣṇaṃ cāmlaṃ kaṣāyaṃ laghu surabhirasaṃ śūlaviṣṭambhahāri
śreṣṭhaṃ mastu praśastaṃ kaphapavanarujāduṣṭamūtragraheṣu
laghv anne rucipaktidaṃ klamaharaṃ balyaṃ kaṣāyaṃ saraṃ
bhaktacchandakaraṃ tṛṣodaraharaṃ plīhārśaśophāpaham /
vāntau śuddhikaraṃ kaphānilaharaṃ viṣṭambhaśūlāpahaṃ
pāṇḍau mūtravikāragulmaśamanaṃ mastu praśastaṃ laghu
laghutvād dīpananatvāc ca viṣṭambhādhmānanāśanāt /
[sro] śrotaḥśuddhikaratvāc ca tākrād dadhi (?) vikāśyate
Original text: Āyurvedamahodadhau annapānavidhi · Edition: S. Venkatasubrahmanya Sastri: Sushena's Ayurveda Mahodadhi-annapanavidhi, Madras 1950 (Madras Government Oriental Series, 60). · Data entry Klaus Wille · GRETIL (Göttingen) · CC BY-NC-SA 4.0