आयुर्वेदमहोदधौ अन्नपानविधि · अध्याय 7

इत्य् आयुर्वेदमहोदधौ सुखेन(षेण)कृते दधिवर्गः ॥
॥ अथ मस्तुगुणाः कथ्यन्ते ॥
[स्रो] श्रोतः शुद्दिं विधत्ते प्रकटयति रुचिं दीपयत्य् आशु वह्निं
कृत्वा शुद्धिं मलानां जरयति च हठाद् भुक्तम् अन्नं विचित्रम्
उष्णं चाम्लं कषायं लघु सुरभिरसं शूलविष्टम्भहारि
श्रेष्ठं मस्तु प्रशस्तं कफपवनरुजादुष्टमूत्रग्रहेषु

लघ्व् अन्ने रुचिपक्तिदं क्लमहरं बल्यं कषायं सरं
भक्तच्छन्दकरं तृषोदरहरं प्लीहार्शशोफापहम् ।
वान्तौ शुद्धिकरं कफानिलहरं विष्टम्भशूलापहं
पाण्डौ मूत्रविकारगुल्मशमनं मस्तु प्रशस्तं लघु

लघुत्वाद् दीपननत्वाच् च विष्टम्भाध्माननाशनात् ।
[स्रो] श्रोतःशुद्धिकरत्वाच् च ताक्राद् दधि (?) विकाश्यते