Arthashastra · Chapter 14.4

sva.pakṣe para.prayuktānāṃ dūṣī.viṣa.garāṇāṃ pratīkāraḥ //

śleṣmātaka.kapittha.danti.danta.śaṭha.goji.śirīṣa.pāṭalī.balāsyonāga.punar.navā.śveta.vāraṇa.kvātha.yuktam(?) candana.sālā.vṛkī.lohita.yuktaṃ nejana.udakaṃ rāja.upabhogyānāṃ guhya.prakṣālanaṃ strīṇām, senāyāś ca viṣa.pratīkāraḥ //

pṛṣata.nakula.nīla.kaṇṭha.godhā.pitta.yuktaṃ mahī.rājī.cūrṇaṃ sindu.vārita.varaṇa.vāruṇī.taṇḍulīyaka.śata.parva.agra.piṇḍītaka.yogo madana.doṣa.haraḥ //

sṛgāla.vinnā.madana.sindu.vārita.varaṇa.vāraṇa.valī.mūla.kaṣāyāṇām anyatamasya samastānāṃ vā kṣīra.yuktaṃ pānaṃ madana.doṣa.haram //

kaiḍarya.pūti.tila.tailam unmāda.haraṃ nastaḥ.karma //

priyaṅgu.nakta.māla.yogaḥ kuṣṭha.haraḥ //

kuṣṭha.lodhra.yogaḥ pāka.śoṣaghnaḥ //

kaṭa.phala.dravantī.vilaṅga.cūrṇaṃ nastaḥ.karma śiro.roga.haram //

priyaṅgu.mañjiṣṭhāta.garalā.kṣāra.samadhuka.haridrā.kṣaudra.yogo rajju.udaka.viṣa.prahāra.patana.nihsaṃjñānāṃ punaḥ.pratyānayanāya //

manuṣyāṇām akṣa.mātram, gava.aśvānāṃ dvi.guṇam, catur.guṇaṃ hasty.uṣṭrāṇām //

rukma.garbhaś ca^eṣāṃ maṇiḥ sarva.viṣa.haraḥ //

jīvantī.śvetā.muṣkaka.puṣpa.vandākānām akṣīve jātasya^aśvatthasya maṇiḥ sarva.viṣa.haraḥ //
KAZ14.4.13ab/ tūryāṇāṃ taiḥ praliptānāṃ śabdo viṣa.vināśanaḥ /
KAZ14.4.13cd/ lipta.dhvajaṃ patākāṃ vā dṛṣṭvā bhavati nirviṣaḥ //
KAZ14.4.14ab/ etaiḥ kṛtvā pratīkāraṃ sva.sainyānām atha^ātmanaḥ /
KAZ14.4.14cd/ amitreṣu prayuñjīta viṣa.dhūma.ambu.dūṣaṇān //E
(tantra.yuktayah)