Arthashastra · Chapter 14.2

śirīṣa.udumbara.śamī.cūrṇaṃ sarpiṣā saṃhṛtya^ardha.māsikaḥ kṣud.yogaḥ //

kaśeruka.utpala.kandekṣu.mūla.bisa.dūrvā.kṣīra.ghṛta.maṇḍa.siddho māsikaḥ //

māṣa.yava.kulattha.darbha.mūla.cūrṇaṃ vā kṣīra.ghṛtābhyām, vallī.kṣīra.ghṛtaṃ vā sama.siddham, sāla.pṛśni.parṇī.mūla.kalkaṃ payasā pītvā, payo vā tat.siddhaṃ madhu.ghṛtābhyām aśitvā māsam upavasati //

śveta.basta.mūtre sapta.rātra.uṣitaiḥ siddha.arthakaiḥ siddhaṃ tailaṃ kaṭuka.ālābau māsa.ardha.māsa.sthitaṃ catuṣ.pada.dvi.padānāṃ virūpa.karaṇam //

takra.yava.bhakṣasya sapta.rātrād ūrdhvaṃ śveta.gardabhasya leṇḍa.yavaiḥ siddhaṃ gaura.sarṣapa.tailaṃ virūpa.karaṇam //

etayor anyatarasya mūtra.leṇda.rasa.siddhaṃ siddha.arthaka.tailam arka.tūla.pataṅga.cūrṇa.pratīvāpaṃ śvetī.karaṇam //

śveta.kukkuṭa.ajagara.leṇḍa.yogaḥ śvetī.karaṇam //

śveta.basta.mūtre śveta.sarṣapāḥ sapta.rātra.uṣita.astakra(?).marka..kṣīra.lavaṇaṃ dhānyaṃ ca pakṣa.sthito yogaḥ śvetī.karaṇam //

kaṭuka.alābau valī.gate gataṃ.ardha.māsa.sthitaṃ gaura.sarṣapa.piṣṭaṃ romṇāṃ śvetī.karaṇam //
KAZ14.2.10ab/ alojuneti yaḥ kīṭaḥ śvetā ca gṛha.golikā /
KAZ14.2.10cd/ etena piṣtena^abhyaktāḥ keśāḥ syuḥ śaṅkha.pāṇḍarāḥ //

gomayena tinduka.ariṣṭa.kalkena vā mardita.aṅgasya bhallātaka.rasa.anuliptasya māsikaḥ kuṣṭha.yogaḥ //

kṛṣṇa.sarpa.mukhe gṛha.golikā.mukhe vā sapta.rātra.uṣitā gujjāḥ kuṣṭha.yogaḥ //

śuka.pitta.aṇḍa.rasa.abhyaṅgaḥ kuṣṭha.yogaḥ //

kuṣṭhasya.priyāla.kalka.kaṣāyaḥ pratīkāraḥ //

kukkuṭa.kośa.atakī(?).śatāvarī.mūla.yuktam āhārayamāṇo māsena gauro bhavati //

vaṭa.kaṣāya.snātaḥ saha.cara.kalka.digdhaḥ kṛṣṇo bhavati //

śakuna.kaṇgu.taila.yuktā hari.tāla.manaḥ.śilāḥ śyāmī.karaṇam //

kha.dyota.cūrṇaṃ sarṣapa.taila.yuktaṃ rātrau jvalati //

kha.dyota.gaṇḍū.pada.cūrṇaṃ samudra.jantūnāṃ bhṛṅga.kapālānāṃ khadira.karṇikārāṇāṃ puṣpa.cūrṇaṃ vā śakuna.kaṅgu.taila.yuktaṃ tejana.cūrṇam //

pāribhadraka.tvan.maṣī maṇḍūka.vasayā yuktā gātra.prajvālanam agninā //

paribhadraka.tvak.tila.kalka.pradigdhaṃ śarīram agninā jvalati //

pīlu.tvan.maṣīmayaḥ piṇḍo haste jvalati //

maṇḍūka.vasā.digdho^agninā jvalati //

tena pradigdham aṅgaṃ kuśa.āmra.phala.taila.siktaṃ samudra.maṇḍūkī.phenaka.sarja.rasa.cūrṇa.yuktaṃ vā jvalati //

maṇḍūka.kulīra.ādīnāṃ vasayā sama.bhāgaṃ tailaṃ siddham abhyaṅgaṃ gātrāṇām agni.prajvālanam //

veṇu.mūla.śaivala.liptam aṅgaṃ maṇḍūka.vasā.digdham agninā jvalati //

pāribhadraka.ppatibalā.vañjula.vajra.kadalī.mūla.kalkena maṇḍūka.vasā.siddhena tailena^abhyakta.pādo^aṅgāreṣu gacchati //
KAZ14.2.28ab/ upa.udakā pratibalā vañjulaḥ pāribhadrakaḥ /
KAZ14.2.28cd/ eteṣāṃ mūla.kalkena maṇḍūka.vasayā saha //
KAZ14.2.29ab/ sādhayet tailam etena pādāv abhyajya nirmalau /
KAZ14.2.29cd/ aṅgāra.rāśau vicared yathā kusuma.saṃcaye //

haṃsa.krauñca.mayūrāṇām anyeṣāṃ vā mahā.śakunīnām udaka.plavānāṃ puccheṣu baddhā nala.dīpikā rātrāv ulkā.darśanam //

vaidyutaṃ bhasma.aṅgi.śamanam //

strī.puṣpa.pāyitā māṣā vrajakulī.mūlaṃ maṇḍūka.vasā.miśraṃ culluyāṃ dīptāyām apācanam //

cullī.śodhanaṃ pratīkāraḥ //

pīlumayo maṇir agni.garbhaḥ suvarcalā.mūla.granthiḥ sūtra.granthir vā picu.pariveṣṭito mukhyād agni.dhūma.utsargaḥ //E

kuśa.āmra.phala.taila.sikto^agnir varṣa.pravāteṣu jvalati //

samudra.phenakas taila.yukto^ambhasi plavamāno jvalati //

plavamānānām asthiṣu kalmāṣa.veṇunā nirmathito^agnir na^udakena śāmyati, udakena jvalati //

śastra.hatasya śūla.protasya vā puruṣasya vāma.pārśva.parśuka.asthiṣu kalmāṣa.veṇunā nirmathito^agniḥ striyāḥ puruṣasya vā^asthiṣu manuṣya.parśukayā nirmathito^agnir yatra trir apasavyaṃ gacchati na ca^atra^anyo^agnir jvalati //
KAZ14.2.39ab/ cuccundarī khañjarīṭaḥ khāra.kīṭaś ca piṣyate /
KAZ14.2.39cd/ aśva.mūtreṇa saṃsṛṣṭā nigalānāṃ tu bhañjanam //

ayas.kānto vā pāṣāṇaḥ kulīra.dardura.khāra.kīṭa.vasā.pradehena dvi.guṇaḥ //

nāraka.garbhaḥ kaṅka.bhāsa.pārśva.utpala.udaka.piṣṭaś catuṣ.pada.dvi.padānāṃ pāda.lepaḥ //

ulūka.gṛdhra.vasābhyām uṣṭra.carma.upānahāv abhyajya vaṭapattraiḥ praticchādya pañcāśad.yojanāny aśrānto gacchati //

śyena.kaṅka.kāka.gṛdhra.haṃsa.krauñca.vīcī.rallānāṃ majjāno retāṃsi vā yojana.śatāya, siṃha.vyāghra.dvīpa.kāka.ulūkānāṃ majjāno retāṃsi vā //

sārvavarṇikāni garbha.patanāny uṣṭrikāyām abhiṣūya śmaśāne preta.śiśūn vā tat.samutthitaṃ medo yojana.śatāya //

aniṣṭair adbhuta.utpātaiḥ parasya^udvegam ācaret /

ārājyāya^iti nirvādaḥ samānaḥ kopa ucyate //E
(pralambhanam, tatra bhaiṣajya.mantra.yogah)