Arthashastra · Chapter 04.7

taila.abhyaktam āśu.mṛtakaṃ parīkṣeta //

niṣkīrṇa.mūtra.purīṣaṃ vāta.pūrṇa.koṣṭha.tvakkaṃ śūna.pāda.pāṇimān mīlita.akṣaṃ savyañjana.kaṇṭhaṃ pīṭana.niruddha.ucchvāsa.hataṃ vidyāt //

tam eva saṃkucita.bāhu.sakthim udbandha.hataṃ vidyāt //

śūna.pāṇi.pāda.udaram apagata.akṣam udvṛtta.nābhim avaropitaṃ vidyāt //

nistabdha.guda.akṣaṃ saṃdaṣṭa.jihvam ādhmāta.udaram udaka.hataṃ vidyāt //

śoṇita.anusiktaṃ bhagna.bhinna.gātraṃ kāṣṭhair aśmabhir vā hataṃ vidyāt //

sambhagna.sphuṭita.gātram avakṣiptaṃ vidyāt //

śyāva.pāṇi.pāda.danta.nakhaṃ śithila.māṃsa.roma.carmāṇaṃ phena.upadigdha.mukhaṃ viṣa.hataṃ vidyāt //

tam eva sa-śoṇita.daṃśaṃ sarpa.kīṭa.hataṃ vidyāt /

vikṣipta.vastra.gātram ativanta.viriktaṃ madana.yoga.hataṃ vidyāt //

ato^anyatamena kāraṇena hataṃ hatvā vā daṇḍa.bhayād udbaddha.nikṛtta.kaṇṭhaṃ vidyāt //

viṣa.hatasya bhojana.śeṣaṃ vayobhiḥ parīkṣeta //

hṛdayād uddhṛtya^agnau prakṣiptaṃ ciṭiciṭāyad.indra.dhanur.varṇaṃ vā viṣa.yuktaṃ vidyāt, dagdhasya hṛdayam adagdhaṃ dṛṣṭvā vā //

tasya paricāraka.janaṃ vāg.daṇḍa.pāruṣya.atilabdhaṃ mārgeta, duḥkha.upahatam anya.prasaktaṃ vā strī.janaṃ, dāya.vṛtti.strī.jana.abhimantāraṃ vā bandhum //

tad eva hata.udbaddhasya parīkṣeta //

svayam udbaddhasya vā viprakāram ayuktaṃ mārgeta //

sarveṣāṃ vā strī.dāyādya.doṣaḥ karma.spardhā pratipakṣa.dveṣaḥ paṇya.saṃsthā.samavāyo vā vivāda.padānām anyatamad vā roṣa.sthānam //

roṣa.nimitto ghātaḥ //

svayaṃ.ādiṣṭa.puruṣair vā, corair artha.nimittaṃ, sādṛśyād anya.vairibhir vā hatasya ghātam āsannebhyaḥ parīkṣeta //

yena^āhūtaḥ saha sthitaḥ prasthito hata.bhūmim ānīto vā tam anuyuñjīta //

ye ca^asya hata.bhūmāv āsanna.carās tān eka.ekaśaḥ pṛcchet "kena^ayam iha^ānīto hato vā, kaḥ sa.śastraḥ saṃgūhamāna udvigno vā yuṣmābhir dṛṣṭaḥ" iti //

te yathā brūyus tathā^anuyuñjīta //
KAZ04.7.23ab/ anāthasya śarīra.stham upabhogaṃ paricchadam /
KAZ04.7.23cd/ vastraṃ veṣaṃ vibhūṣāṃ vā dṛṣṭvā tad.vyavahāriṇaḥ //
KAZ04.7.24ab/ anuyuñjīta saṃyogaṃ nivāsaṃ vāsa.kāraṇam /
KAZ04.7.24cd/ karma ca vyavahāraṃ ca tato mārgaṇam ācaret //
KAZ04.7.25ab/ rajju.śastra.viṣair vā^api kāma.krodha.vaśena yaḥ /
KAZ04.7.25cd/ ghātayet svayam ātmānaṃ strī vā pāpena mohitā //
KAZ04.7.26ab/ rajjunā rāja.mārge tāṃś caṇḍālena^apakarṣayet /
KAZ04.7.26cd/ na śmaśāna.vidhis teṣāṃ na sambandhi.kriyās tathā //
KAZ04.7.27ab/ bandhus teṣāṃ tu yaḥ kuryāt preta.kārya.kriyā.vidhim /
KAZ04.7.27cd/ tad.gatiṃ sa caret paścāt sva.janād vā pramucyate //
KAZ04.7.28ab/ saṃvatsareṇa patati patitena samācaran /
KAZ04.7.28cd/ yājana.adhyāpanād yaunāt taiś ca^anyo^api samācaran //E
(Investigation through interrogation and through torture)