Arthashastra · Chapter 02.36

samāhartṛvan nāgariko nagaraṃ cintayet //

daśa.kulīṃ gopo viṃśati.kulīṃ catvāriṃśat.kulīṃ vā //

sa tasyāṃ strī.puruṣāṇāṃ jāti.gotra.nāma.karmabhiḥ jaṅgha.agram āya.vyayau ca vidyāt //

evaṃ durga.catur.bhāgaṃ sthānikaś cintayet //

dharma.āvasathinaḥ pāṣaṇḍi.pathikān āvedya vāsayeyuḥ, sva.pratyayāś ca tapasvinaḥ śrotriyāṃś ca //

kāru.śilpinaḥ sva.karma.sthāneṣu sva.janaṃ vāsayeyuḥ, vaidehakāś ca^anyonyaṃ sva.karma.sthāneṣu //

paṇyānām adeśa.kāla.vikretāram asvakaraṇaṃ ca nivedayeyuḥ //

śauṇḍika.pākva.māṃsika.audanika.rūpa.ājīvāḥ parijñātam āvāsayeyuḥ //

ativyaya.kartāram atyāhita.karmāṇaṃ ca nivedayeyuḥ //

cikitsakaḥ pracchanna.vraṇa.pratīkāra.kārayitāram apathya.kāriṇaṃ ca gṛha.svāmī ca nivedya gopa.sthānikayor mucyeta, anyathā tulya.doṣaḥ syāt //

prasthita.āgatau ca nivedayet, anyathā rātri.doṣaṃ bhajeta //

kṣema.rātriṣu tri.paṇaṃ dadyāt //

pathika.utpathikāś ca bahir.antaś ca nagarasya deva.gṛha.puṇya.sthāna.vana.śmaśāneṣu sa-vraṇam aniṣṭa.upakaraṇam udbhāṇḍī.kṛtam āvignam atisvapnam adhva.klāntam apūrvaṃ vā gṛhṇīyuḥ //

evam abhyantare śūnya.niveśa.āveśana.śauṇḍika.audanika.pākva.māṃsika.dyūta.pāṣaṇḍa.āvāseṣu vicayaṃ kuryuḥ //

agni.pratīkāraṃ ca grīṣme //

madhyamayor ahnaś catur.bhāgayor aṣṭa.bhāgo^agni.daṇḍaḥ //

bahir.adhiśrayaṇaṃ vā kuryuḥ //

pādaḥ pañca.ghaṭīnāṃ kumbha.droṇi.nihśreṇī.paraśu.śūrpa.aṅkuśa.kaca.grahaṇī.dṛtīnāṃ ca^akaraṇe //

tṛṇa.kaṭac.channāny apanayet //

agni.jīvina ekasthān vāsayet //

sva.gṛha.pradvāreṣu gṛha.svāmino vaseyuḥ asampātino rātrau //

rathyāsu kuṭa.vrajāḥ sahasraṃ tiṣṭheyuḥ, catuṣpatha.dvāra.rāja.parigraheṣu ca //

pradīptam anabhidhāvato gṛha.svāmino dvādaśa.paṇo daṇḍaḥ, ṣaṭ.paṇo^avakrayiṇaḥ //

pramādād dīpteṣu catuṣ.pañcāśat.paṇo daṇḍaḥ //

pradīpiko^agninā vadhyaḥ //

pāṃsu.nyāse rathyāyām aṣṭa.bhāgo daṇḍaḥ, paṅka.udaka.samnirodhe pādaḥ //

rāja.mārge dvi.guṇaḥ //

paṇya.sthāna.udaka.sthāna.deva.gṛha.rāja.parigraheṣu paṇa.uttarā viṣṭā.daṇḍāḥ, mūtreṣv ardha.daṇḍāḥ //

bhaiṣajya.vyādhi.bhaya.nimittam adaṇḍyāḥ //

mārjāra.śva.nakula.sarpa.pretānāṃ nagarasya.antar.utsarge tri.paṇo daṇḍaḥ, khara.uṣṭra.aśvatara.aśva.pretānāṃ ṣaṭ.paṇaḥ, manuṣya.pretānāṃ pañcāśat.paṇaḥ //

mārga.viparyāse śava.dvārād anyataś ca śava.nirṇayane pūrvaḥ sāhasa.daṇḍaḥ //

dvāḥ.sthānāṃ dviśatam //

śmaśānād anyatra nyāse dahane ca dvādaśa.paṇo daṇḍaḥ //

viṣaṇṇa.alikam ubhayator ātraṃ yāma.tūryam //

tūrya.śabde rājño gṛha.abhyāśe sa.pāda.paṇaṃ.akṣaṇa.tāḍanaṃ prathama.paścima.yāmikam, madhyama.yāmikaṃ dvi.guṇam, antaś.catur.guṇam //

śaṅkanīye deśe liṅge pūrva.apadāne ca gṛhītam anuyuñjīta //

rāja.parigraha.upagamane nagara.rakṣā.ārohaṇe ca madhyamaḥ sāhasa.daṇḍaḥ //

sūtikā.cikitsaka.preta.pradīpa.yāna.nāgarika.tūrya.prekṣā.agni.nimittaṃ mudrābhiś ca^agrāhyāḥ //

cāra.rātriṣu pracchanna.viparīta.veṣāḥ pravrajitā daṇḍa.śastra.hastāś ca manuṣyā doṣato daṇḍyāḥ //

rakṣiṇām avāryaṃ vārayatāṃ vāryaṃ ca^āvārayatāṃ kṣaṇa.dvi.guṇo daṇḍaḥ //

striyaṃ dāsīm adhimehayatāṃ pūrvaḥ sāhasa.daṇḍaḥ, adāsīṃ madhyamaḥ, kṛta.avarodhām uttamaḥ, kula.striyaṃ vadhaḥ //

cetana.acetanikaṃ rātri.doṣam aśaṃsato nāgarikasya doṣa.anurūpo daṇḍaḥ, pramāda.sthāne ca //

nityam udaka.sthāna.mārga.bhramac.channa.patha.vapra.prākāra.rakṣā.avekṣaṇaṃ naṣṭa.prasmṛta.apasṛtānāṃ ca rakṣaṇam //

bandhana.agāre ca bāla.vṛddha.vyādhita.anāthānāṃ jāta.nakṣatra.paurṇamāsīṣu visargaḥ //

paṇya.śīlāḥ samaya.anubaddhā vā doṣa.niṣkrayaṃ dadyuḥ //
KAZ02.36.46ab/ divase pañca.rātre vā bandhanasthān viśodhayet /
KAZ02.36.46cd/ karmaṇā kāya.daṇḍena hiraṇya.anugraheṇa vā //
KAZ02.36.47ab/ apūrva.deśa.adhigame yuva.rāja.abhiṣecane /
KAZ02.36.47cd/ putra.janmani vā mokṣo bandhanasya vidhīyate //E
(ḍetermination of (valid and invalid) transactions)
(Filing of law-suits)