Arthashastra · Chapter 02.35

samāhartā caturdhā jana.apdaṃ vibhajya jyeṣṭha.madhyama.kaniṣṭha.vibhāgena grāma.agraṃ parihārakam āyudhīyaṃ dhānya.paśu.hiraṇya.kupya.viṣṭi.pratikaram idam etāvad iti nibandhayet //

tat.pradiṣṭaḥ pañca.grāmīṃ daśa.grāmīṃ vā gopaś cintayet //

sīma.avarodhena grāma.agram, kṛṣṭa.akṛṣṭa.sthala.kedāra.ārāma.ṣaṇḍa.vāṭa.vana.vāstu.caitya.deva.gṛha.setu.bandha.śmaśāna.sattra.prapā.puṇya.sthāna.vivīta.pathi.saṅkhyānena kṣetra.agram, tena sīmnāṃ kṣetrāṇāṃ ca karada.akarada.saṅkhyānena //

teṣu ca^etāvac^cātur.vārṇyam, etāvantaḥ karṣaka.go.rakṣaka.vaidehaka.kāru.karma.kara.dāsāś ca, etāvac ca dvi.pada.catuṣ.padam, idaṃ ca^eṣu hiraṇyalviṣṭi.śulka.daṇḍaṃ samuttiṣṭhati^iti //

kulānāṃ ca strī.puruṣāṇāṃ bāla.vṛddha.karma.caritra.ājīva.vyaya.parimāṇaṃ vidyāt //

evaṃ ca jana.pada.catur.bhāgaṃ sthānikaś cintayet //

gopa.sthānika.sthāneṣu pradeṣṭāraḥ kārya.karaṇaṃ bali.pragrahaṃ ca kuryuḥ //

samāhartṛ.pradiṣṭāś ca gṛha.patika.vyañjanā yeṣu grāmeṣu praṇihitās teṣāṃ grāmāṇāṃ kṣetra.gṛha.kula.agraṃ vidyuḥ, māna.saṃjātābhyāṃ kṣetrāṇi bhoga.parihārābhyāṃ gṛhāṇi varṇa.karmabhyāṃ kulāni ca //

teṣāṃ jaṅgha.agram āya.vyayau ca vidyuḥ //

prasthita.āgatānāṃ ca pravāsa.āvāsa.kāraṇam, anarthyānāṃ ca strī.puruṣāṇāṃ cāra.pracāraṃ ca vidyuḥ //

evaṃ vaidehaka.vyañjanāḥ sva.bhūmijānāṃ rāja.paṇyānāṃ khani.setu.vana.karma.anta.kṣetrajānāṃ pramāṇam arghaṃ ca vidyuḥ //

para.bhūmi.jātānāṃ vāri.sthala.patha.upayātānāṃ sāra.phalgu.puṇyānāṃ karmasu ca śulka.vartany.ātivāhika.gulma.tara.deya.bhāga.bhakta.paṇya.agāra.pramāṇaṃ vidyuḥ //

evaṃ samāhartṛ.pradiṣṭās tāpasa.vyañjanāḥ karṣaka.go.rakṣaka.vaidehakānām adhyakṣāṇāṃ ca śauca.āśaucaṃ vidyuḥ //

purāṇa cora.vyañjanāś ca^antevāsinaś caitya.catuṣpatha.śūnya.pada.uda.pāna.nadī.nipāna.tīrtha.āyatana.āśrama.araṇya.śaila.vana.gahaneṣu stena.amitra.pravīra.puruṣāṇāṃ ca praveśana.sthāna.gamana.prayojanāny upalabheran //
KAZ02.35.15ab/ samāhartā jana.padaṃ cintayed evam utthitaḥ /
KAZ02.35.15cd/ cintayeyuś ca saṃsthās tāḥ saṃsthāś ca^anyāḥ sva.yonayaḥ //E
(ṛules for the city-superintendent)