Arthashastra · Chapter 02.27

gaṇikā.adhyakṣo gaṇikā.anvayām agaṇikā.anvayāṃ vā rūpa.yauvana.śilpa.sampannāṃ sahasreṇa gaṇikāṃ kārayet, kuṭumba.ardhena pratigaṇikām //

niṣpatitā.pretayor duhitā bhaginī vā kuṭumbaṃ bhareta, mātā vā pratigaṇikāṃ sthāpayet //

tāsām abhāve rājā haret //

saubhāgya.alaṃkāra.vṛddhyā sahasreṇa vāraṃ kaniṣṭhaṃ madhyamam uttamaṃ vā^āropayet chatra.bhṛṅgāra.vyajana.śibikā.pīṭhikā.ratheṣu ca viśeṣa.artham //

saubhāgya.bhaṅge mātṛkāṃ kuryāt //

niṣkrayaś catur.viṃśati.sāhasro gaṇikāyāḥ, dvādaśa.sāhasro gaṇikā.putrasya //

aṣṭa.varṣāt prabhṛti rājñaḥ kuśīlava.karma kuryāt //

gaṇikā.dāsī bhagna.bhogā koṣṭha.agāre mahānase vā karma kuryāt //

aviśantī sapāda.paṇam avaruddhā māsa.vetanaṃ dadyāt //

bhogaṃ dāyamāyaṃ vyayam āyatiṃ ca gaṇikāyā nibandhayet, ati.vyaya.karma ca vārayet //

mātṛ.hastād anyatra abharaṇa.nyāse sa.pāda.catuṣ.paṇo daṇḍaḥ //

svāpateyaṃ vikrayam ādhānaṃ vā nayantyāḥ sa.pāda.pañcāśat.paṇaḥ paṇo^ardha.paṇa.cchedane //

akāmāyāḥ kumāryā vā sāhase uttamo daṇḍaḥ, sa.kāmāyāḥ pūrvaḥ sāhasa.daṇḍaḥ //

gaṇikām akāmāṃ rundhato niṣpātayato vā vraṇa.vidāraṇena vā rūpaṃ.upaghnataḥ sahasraṃ daṇḍaḥ //

sthān.viśeṣeṇa vā daṇḍa.vṛddhiḥ ā.niṣkraya.dvi.guṇāt //

prāpta.adhikāraṃ gaṇikāṃ ghatayato niṣkraya.tri.guṇo daṇḍaḥ //

mātṛkā.duhitṛkā.rūpa.dāsīnāṃ ghāte uttamaḥ sāhasa.daṇḍaḥ //

sarvatra prathame^aparādhe prathamaḥ, dvitīye dvi.guṇaḥ, tṛtīye tri.guṇaḥ, caturthe yathā.kāmī syāt //

rāja.ājñayā puruṣam anabhigacchantī gaṇikā śiphā.sahasraṃ labheeta, pañca.sahasraṃ vā daṇḍaḥ //

bhogaṃ gṛhītvā dviṣatyā bhoga.dvi.guṇo daṇḍaḥ //

vasati.bhoga.apahāre bhogam aṣṭa.guṇaṃ dadyād anyatra vyādhi.puruṣa.doṣebhyaḥ //

puruṣaṃ ghnatyāś citā.pratāpe^apsu praveśanaṃ vā //

gaṇikā.bharaṇam arthaṃ bhogaṃ vā^apaharato^aṣṭa.guṇo daṇḍaḥ //

gaṇikā bhogam āyatiṃ puruṣaṃ ca nivedayet //

etena naṭa.nartaka.gāyana.vādaka.vāg.jīvana.kuśīlava.plavaka.saubhika.cāraṇānāṃ strī.vyavahāriṇāṃ striyo gūḍha.ājīvāś ca vyākhyātāḥ //

teṣāṃ tūryam āgantukaṃ pañca.paṇaṃ prekṣā.vetanaṃ dadyāt //

rūpa.ājīvā bhoga.dvaya.guṇaṃ māsaṃ dadyuḥ //

gīta.vādya.pāṭhya.nṛtya.nāṭya.akṣara.citra.vīṇā.veṇu.mṛdaṅga.para.citta.jñāna.gandha.mālya.samyūhana.saṃvādana.saṃvāhana.vaiśika.kalā.jñānāni gaṇikā dāsī raṅga.upajīvinīś ca grāhayato rāja.maṇḍalād ājīvaṃ kuryāt //

gaṇikā.putrān raṅga.upajīvināṃ ca mukhyān niṣpādayeyuḥ, sarva.tāla.avacarāṇāṃ ca //
KAZ02.27.30ab/ saṃjñā.bhāṣā.antarajñāś ca striyas teṣām anātmasu /
KAZ02.27.30cd/ cāra.ghāta.pramāda.arthaṃ prayojyā bandhu.vāhanāḥ //E
(Controller of shipping)