Arthashastra · Chapter 02.23

sūtra.adhyakṣaḥ sūtra.varma.vastra.rajju.vyavahāraṃ taj.jāta.puruṣaiḥ kārayet //

ūrṇā.valka.kārpāsa.tūla.śaṇa.kṣaumāṇi ca vidhavā.nyaṅgā.kanyā.pravrajitā.daṇḍa.pratikāriṇībhī rūpa.ājīvā.mātṛkābhir vṛddha.rāja.dāsībhir vyuparata.upasthāna.deva.dāsībhiś ca kartayet //

ślakṣṇa.sthūla.madhyatāṃ ca sūtrasya viditvā vetanaṃ kalpayet, bahv.alpatāṃ ca //

sūtra.pramāṇa jñātvā taila.āmalaka.udvartanair etā anugṛhṇīyāt //

tithiṣu pratimāna.dānaiś ca karma kārayitavyāḥ //

sūtra.hrāse vetana.hrāso dravya.sārāt //

kṛta.karma.pramāṇa.kāla.vetana.phala.niṣpattibhiḥ kārubhiś ca karma kārayet, pratisaṃsargaṃ ca gacchet //

kṣauma.dukūla.krimi.tāna.rāṅkava.kārpāsa.sūtra.vāna.karma.antāṃś ca prayuñjāno gandha.mālya.dānair anyaiś ca^aupagrāhikair ārādhayet //

vastra.āstaraṇa.prāvaraṇa.vikalpān utthāpayet //

kaṅkaṭa.karma.antāṃś ca taj.jāta.kāru.śilpibhiḥ kārayet //

yāś ca^aniṣkāsinyaḥ proṣitā vidhavā nyaṅgāḥ kanyakā vā^ātmānaṃ bibhṛyuḥ tāḥ sva.dāsībhir anusārya sa-upagrahaṃ karma kārayitavyāḥ //

svayam āgacchantīnāṃ vā sūtra.śālāṃ pratyuṣasi bhāṇḍa.vetana.vinimayaṃ kārayet //

sūtra.parīkṣā.artha.mātraḥ pradīpaḥ //

striyā mukha.saṃdarśane^anya.kārya.sambhāṣāyāṃ vā pūrvaḥ sāhasa.daṇḍaḥ, vetana.kāla.atipātane madhyamaḥ, akṛta.karma.vetana.pradāne ca //

gṛhītvā vetanaṃ karma.akurvatyā aṅguṣṭha.saṃdaṃśaṃ dāpayet, bhakṣita.apahṛta.avaskanditānāṃ ca //

vetaneṣu ca karma.karāṇām aparādhato daṇḍaḥ //

rajju.vartakair varma.kāraiś ca svayaṃ saṃsṛjyeta //

bhāṇḍāni ca varatra.ādīni vartayet //
KAZ02.23.19ab/ sūtra.valkamayī rajjur varatrā vaitra.vaiṇavīḥ /
KAZ02.23.19cd/ sāmnāhyā bandha.nīyāś ca yāna.yugyasya karayet //E
(ḍirector of agriculture)