Arthashastra · Chapter 02.2

akṛṣyāyāṃ bhūmau paśubhyo vivītāni prayacchet //

pradiṣṭa.abhaya.sthāvara.jaṅgamāni ca brahma.soma.araṇyāni tapasvibhyo go.ruta.parāṇi prayacchet //

tāvan.mātram eka.dvāraṃ khāta.guptaṃ svādu.phala.gulma.guccham akaṇṭaki.drumam uttāna.toya.āśayaṃ dānta.mṛga.catuṣpadaṃ bhagna.nakha.daṃṣṭra.vyālaṃ mārgayuka.hasti.hastinīka.labhaṃ mṛga.vanaṃ vihāra.arthaṃ rājñaḥ kārayet //

sarva.atithi.mṛgaṃ pratyante ca^anyan.mṛga.vanaṃ bhūmi.vaśena vā niveśayet //

kupya.pradiṣṭānāṃ ca dravyāṇām eka.ekaśo vanāni niveśayet, dravya.vana.karma.antān aṭavīś ca dravya.vana.apāśrayāḥ //

pratyante hasti.vanam aṭavy.ārakṣaṃ niveśayet //

nāga.vana.adhyakṣaḥ pārvataṃ na^ādeyaṃ sāra.sama.anūpaṃ ca nāga.vanaṃ vidita.paryanta.praveśa.niṣkāsaṃ nāga.vana.pālaiḥ pālayet //

hasti.ghātinaṃ hanyuḥ //

danta.yugaṃ svayaṃ.mṛtasya^āharataḥ sapāda.catuṣpaṇo lābhaḥ //

nāga.vana.pālā hastipaka.pāda.pāśika.saimika.vana.caraka.pārikarmika.sakhā hasti.mūtra.purīṣac.channa.gandhā bhallātakī.śākhā.pracchannāḥ pañcabhiḥ saptabhir vā hasti.bandhakībhiḥ saha carantaḥ śayyā.sthāna.padyā.leṇḍa.kūla.ghāta.uddeśena hasti.kula.paryagraṃ vidyuḥ //

yūtha.caram eka.caraṃ niryūthaṃ yūtha.patiṃ hastinaṃ vyālaṃ mattaṃ potaṃ bandha.muktaṃ ca nibandhena vidyuḥ //

anīkastha.pramāṇaiḥ praśasta.vyañjana.ācārān hastino gṛhṇīyuḥ //

hasti.pradhānaṃ vijayo rājñaḥ //

para.anīka.vyūha.durga.skandha.āvāra.pramardanā hy atipramāṇa.śarīrāḥ prāṇa.hara.karmāṇo hastinaḥ //
KAZ02.2.15ab/ kāliṅga.aṅgarajāḥ śreṣṭhāḥ prācyāś cedi.karūṣajāḥ /[ś]
KAZ02.2.15cd/ dāśārṇāś ca^apara.antāś ca dvipānāṃ madhyamā matāḥ //[ś]
KAZ02.2.16ab/ saurāṣṭrikāḥ pāñcanadās teṣāṃ pratyavarāḥ smṛtāḥ /[ś]
KAZ02.2.16cd/ sarveṣāṃ karmaṇā vīryaṃ javas tejaś ca vardhate //[ś] E
(Construction of forts)