Arthashastra · Chapter 01.12

ye ca^apy asmabandhino avaśya.bhartavyās te lakṣaṇam aṅga.vidyāṃ jambhaka.vidyāṃ māyā.gatam āśrama.dharmaṃ nimittam antara.cakram ity adhīyānāḥ sattriṇaḥ, saṃsarga.vidyāṃ ca //

ye janapade śūrās tyakta.ātmāno hastinaṃ vyālaṃ vā dravya.hetoḥ pratiyodhayeyus te tīkṣṇāḥ //

ye bandhuṣu nihsnehāḥ krūrā alasāś ca te rasadāḥ //

parivrājikā vṛtti.kāmā daridrā vidhavā pragalbhā brāhmaṇy antaḥpure kṛta.satkārā mahā.mātra.kulāny abhigacchet //

etayā muṇḍā vṛṣalyo vyākhyātāḥ // iti saṃcārāḥ /

tān rājā sva.viṣaye mantri.purohita.senā.pati.yuva.rāja.dauvārika.antarvaṃśika.praśāstṛ.samāhartṛ.samnidhātṛ.pradeṣṭṛ.nāyaka.paura.vyāvahārika.kārmāntika.mantri.pariṣad.adhyakṣa.daṇḍa.durga.antapāla.āṭavikeṣu śraddheya.deśa.veṣa.śilpa.bhāṣā.abhijana.apadeśān bhaktitaḥ sāmarthya.yogāc ca^apasarpayet //

teṣāṃ bāhyaṃ cāraṃ chatra.bhṛṅgāra.vyajana.pāduka.āsana.yāna.vāhana.upagrāhiṇas tīkṣṇā vidyuḥ //

taṃ sattriṇaḥ saṃsthāsv arpayeyuḥ //

sūda.ārālika.snāpaka.saṃvāhaka.āstaraka.kalpaka.prasādhaka.udaka.paricārakā rasadāḥ kubja.vāmana.kirāta.mūka.badhira.jaḍa.andhac.chadmāno naṭa.nartaka.gāyana.vādaka.vāg.jīvana.kuśīlavāḥ striyaś ca^ābhyantaraṃ cāraṃ vidyuḥ //

taṃ bhikṣkyaḥ saṃsthāsv aprayeyuḥ //

saṃsthānām antevāsinaḥ saṃjñā.lipibhiś cāra.saṃcāraṃ kuryuḥ //

na ca^anyonyaṃ saṃsthās te vā vidyuḥ //

bhikṣukī.pratiṣedhe dvāhstha.paramparā mātā.pitṛ.vyañjanāḥ śilpa.kārikāḥ kuśīlavā dāsyo vā gīta.pāṭhya.vādya.bhāṇḍa.gūḍha.lekhya.saṃjñābhir vā cāraṃ nirhareyuḥ.//

dīrgha.roga.unmāda.agni.rasa.visargeṇa vā gūḍha.nirgamanam //

trayāṇām eka.vākye sampratyayaḥ //

teṣām abhīkṣṇa.vinipāte tūṣṇīṃ.daṇḍaḥ pratiṣedhaḥ //

kaṇṭaka.śodhana.uktāś ca^apasarpāḥ pareṣu kṛta.vetanā vaseyur asampātinaś cāra.artham //

ta ubhaya.vetanāḥ //
KAZ01.12.19ab/ gṛhīta.putra.dārāṃś ca kuryād ubhaya.vetanān /
KAZ01.12.19cd/ tāṃś ca^ari.prahitān vidyāt teṣāṃ śaucaṃ ca tadvidhaiḥ //
KAZ01.12.20ab/ evaṃ śatrau ca mitre ca madhyame ca^āvapec carān /
KAZ01.12.20cd/ udāsīne ca teṣāṃ ca tīrtheṣv aṣṭādaśasv api //
KAZ01.12.21ab/ antar.gṛha.carās teṣāṃ kubja.vāmana.paṇḍakāḥ /
KAZ01.12.21cd/ śilpavatyaḥ striyo mūkāś citrāś ca mleccha.jātayaḥ //
KAZ01.12.22ab/ durgeṣu vaṇijaḥ saṃsthā durga.ante siddha.tāpasāḥ /
KAZ01.12.22cd/ karṣaka.udāsthitā rāṣṭre rāṣṭra.ante vraja.vāsinaḥ //
KAZ01.12.23ab/ vane vana.carāḥ kāryāḥ śramaṇa.āṭavika.ādayaḥ /
KAZ01.12.23cd/ para.pravṛtti.jñāna.arthāḥ śīghrāś.cāra.paramparāḥ //
KAZ01.12.24ab/ parasya ca^ete boddhavyās tādṛśair eva tādṛśāḥ /
KAZ01.12.24cd/ cāra.saṃcāriṇaḥ saṃsthā gūḍhāś ca^agūḍha.saṃjñitāḥ //
KAZ01.12.25ab/ akṛtyān kṛtya.pakṣīyair darśitān kārya.hetubhiḥ /
KAZ01.12.25cd/ para.apasarpa.jñāna.arthaṃ mukhyān anteṣu vāsayet //E
(Keeping a watch over the seducible and non-seducible parties in one's own territory)