Aniruddha Samhita · Chapter 7

atha saptamo'dhyāyaḥ
bhṛguḥ---
cakrābjamaṇḍala kīddak vadasva paramaśvara
bhagavān--
cakrābjamaṇḍalaṃ vakṣye vistareṇāvadhāraya

sūtrapātavidhiṃ caiva mānavṛddhiṃ tathaiva ca/
rajasā pūraṇaṃ caiva cakrapūjāphalaṃ tathā

maṇḍapaṃ pūrvavatkṛtvā alaṃkṛtya vidhānataḥ/
tanmadhye vedikaṃ kṛtvā pañcahastapramāṇataḥ

dṛḍhāsamaṃtathākāraṃ prāguttarata............/
..............darpaṇasannimam

caturaṅgulakāṃ kṛtvā ādhāradvyaṅgulaṃ mavet/
kumbhavediṃ viśeṣeṇa hastamānasamucchritām

vistāraṃ tu viśeṣeṇa caturhastaṃ trihastakam/
pañcahastamathaivāpi ādhāraṃ tu triyaṃgulaṃ/
vistārāyāmasadṛśā homavedistathā bhavet/
athavā tālavistāra munnataṃ tu triyaṅgulam

vedimadhye likhedvidvān maṇḍalaṃ cakrasaṃjñakam/
cakraṃ trividhamuddiṣṭamuttamādhamamadhyamam

vakṣyāmi cottamaṃ proktaṃ samāsādavadhāraya
akṣakṣetre likhet padmaṃ pūrvavattālamānataḥ

vṛttātsaṃjāyate sarvaṃ vṛttamadhyātprajāyate/
padmabāhye nābhinemi ekadhā vā dvidhā tridhā

arakṣetraṃ tu tadvāhye bahirnemistu pūrvavat/
caturaṅgulamānena nābhinemiḥ prakīrtitaḥ

ṣaḍaṅgulapramāṇena arakṣetraṃ prakīrtitam/
aratribhāgakaṃ sūtraṃ sthāpayet dvayapārśvayoḥ

dvyaṃśamānena sūtreṇa bhrāmayenmantravittamaḥ/
apare tu tathādhaḥ kuryānmātuluṅgākṛtirbhavet

nemikṣetrādbahirvīthyāṃ patravallīṃ likhedbudhaḥ/
tryaṅgulaṃ vallimānaṃ syāt bāhyanemi triyaṅgulam

arakṣetraṃ bahiḥ kāryaṃ ṣoḍaśāṅgulamānataḥ/
arasthāne likhet cakraṃ dvādaśaṃ ṣoḍaśaṃ tu vā

caturdaśāṅgulaṃ cakraṃ caturaṅgena bhūṣitam/
akṣaṃ nābhiraraṃ nemiścaturaṅgamiti smṛtam

akṣamaṅgulakaṃ proktaṃ nābhinomī tathaiva ca/
caturaṅgulamānaṃ tu arakṣetraṃ prajāyate

tadaraṃ vṛttasaṃkāśamaśrākāramathāpi vā/
abjapatrasamākāramindīvaradalacchadam

ardhacandrasamākāraṃ dvijāṇḍasadṛśaṃ tu vā/
evaṃ dvādaśacakrasya arakṣetre viśeṣataḥ

tadbahirnemibhūbhāgaṃ vallikṣetraṃtu pūrvavat/
bahirnābhi tathā kuryāt arakṣetraṃ tathā bhavet

tadaraṃ pūrvavatkuryānmānaṃ pūrvavadiṣyate/
nemikṣetraṃ bahiḥ kuryāt pradhayaścabahistathā

dvidhāvṛttaṃ bīthisaṃghaṃ vyomavṛttaṃ bahirbhavet/
caturaśraṃ tataḥ kuryāt pīṭhādīn pūrvavallikhet

rajasā pūrayet paścāt dvividhenojbalena ca/
padmaṃtu pūrvavadvipra nābhi nemi tu pītalam

arakṣetraṃ tu raktaṃ syādaraṃ vai kṛṣṇasannibham/
patravallīṃtu śuklena nābhinemi tu śyāmalam

ekadvārakṛtaṃcaiva arāṃte ca prakalpayet/
indīvaramātuluṅga padmapatra yavodaram

pippalodarakañcaiva paraśuṃ vajrasannibham/
caturaśraṃ ca vṛttaṃ ca ardhacandraṃ ca kūrparam

śaṃṅkha cakraṃ dvādaśaite pūrvādīnantu deśikaḥ/
akṣaṃtu pītalaṃ proktaṃ sarvacakreṣu saṃmatam

nābhinemirarakṣetraṃ varṇabhedaiḥ prapūrayet/
yathāśobhānurūpeṇa pūrayecca yathāruci

pūrvavatpatravallīṃtu nābhinemisitaṃ bhavet/
arasaṃghaṃ tu kṛṣṇena antarālaṃ tu pītalam

pradhisaṃghaṃ viśeṣeṇa nānāvarṇaiḥ prapūrayet/
vyomavṛttaṃ tathā kṛṣṇaṃ pīṭhādīn pūrvavaccaret

rekhātrayaṃ viśeṣeṇa sitaṃ raktaṃ ca kṛṣṇakam/
antaḥ pīṭhaṃ viśeṣeṇa pāṇḍuraktena pūrayet

cakratrayasamāyukta muttamaṃ parikīrtitam/
cakradvayasamāyuktaṃ madhyamaṃ paricakṣate

ekamapyadhamaṃ proktamityetat trividhaṃ bhavet/
cakramadhye yajeddevaṃ nārāyaṇamanāmayam

daleṣu vāsudevādīn somaṃ vyomni prapūjayet/
nābhikṣetre yajecchrīñca nemikṣetre sarasvatīm

arakṣetre jayāñcaiva are mūrtiṃ samāyajet/
arakṣetre tathāṅgeṣu dvādasādityākān yajet

bāhyāre tu viśeṣeṇa keśavādīnprapūjayet/
pradhikṣetre viśeṣeṇa samudrādīṃśca pūjayet

pīṭhādike yathāpūrvaṃ pūjayedindrapāvakau/
anekopacārakairvāpi dvātriṃśadbhirathāpi vā

ṣoḍaśai rvā viśeṣeṇa prokṣaṇaṃ snānamācaret/
yaścakre pūjayedvidvān so'pi tatpadamāpnuyāt

arthārthī cārthamāpnoti jayārthī jayamāpnayāt/
kāmārthī kāmamāpnoti putrārthī putramāpnayāt

aśvamedhāṣṭakaṃ puṇyaṃ prāpnayāccakrapūjanāt/
prājāpatyaśataṃ caiva gosahasraphalaṃ tathā

pavitrāropaṇe caiva tathā snapana karmaṇi/
prāyaścitteṣu sarveṣu durnimittādikeṣu ca

nṛparogādige prāpte śatrubhiḥ paripīḍane/
anāvṛṣṭyādike prāpte cakrābje saṃyajedvibhum

iti śrīpāñcarātre mahopaniṣadi aniruddhasaṃhitāyāṃ
cakrābjamaṇḍalaṃ nāma saptamo'dhyāyaḥ
-------------------*******************--------------