Aniruddha Samhita · Chapter 5

atha pañcamo'dhyāyaḥ
bhagavān--
viṣṇuyantramatho vakṣye śṛṇuṣva munipuṅgava/
puṇyakṣetre biśeṣeṇa devatāyataneṣu ca

parvatāgre nadītīre goṣṭhe śuddhagṛhepi vā/
maṇḍapaṃ kārayeddhīmān ṣoḍaśastambhasaṃyutam

lṛptamaṇ‍ḍapamadhye vā vediṃ kṛtvā pramāṇataḥ/
gomayālepanaṃ kṛtvā tanmadhye yantramālikhet

tālamānapramāṇena praṇavaṃ pūrvamālikhet/
ṣaṭkoṇaṃ tadvahiḥ kalpya brahirvṛttasamanvitam

ardhāṅgulapramāṇena vṛttamālikhya pūrvavat/
caturaṅgulamānena vṛttamullikhya sādhakaḥ

tasminneva viśeṣeṇa aṣṭapatraṃ samālikhet/
tanmānena bahiḥ kuryādaṣṭakoṇaṃ samālikhet

antaḥ koṇeṣu ṣaḍvarṇaṃ bahiḥ koṇeṣṭavarṇakam/
tadvahiḥ kesaraṃ proktaṃ tadbahiṣṣoḍaśacchadam

dvādaśāśraṃ bahiḥ kuryāt dvādaśākṣaramālikhet/
kesaraṃ ca tathā kuryādvātriṃśacchadamālikhet

patrācchataguṇaṃ vipra kesaraṃ saṃprakīrtitam/
cakraṃ tu tadbahiḥ kuryānnābhyaraṃnemi saṃyutam

ekāṅgulapramāṇena nābhinemiṃ samālikhet/
caturaṅgulamānena arakṣetraṃ parikīrtitam

caturviṃśatyaraṃ kuryāttadekāṅgulamānataḥ/
bahiḥ ṣīṭhādikān kalpya kevalāśra mathāpi vā

ṣoḍaśābjo svarān likhya varṇaṃ vakṣye samāsataḥ/
nṛsiṃhānuṣṭhubhañcaiva dvātriṃśatpatrakaṃ likhet

rekhāssarvāḥ sitāḥ proktāḥ ṣītavarṇenacāntaram/
ṣaṭ‌koṇaṃ raktavarṇena varṇakaṃ sitakaṃbhavet

koṇāntarālamasitaṃ kesaraṃ pāṇḍuraktakam/
aṣṭapatraṃ sitaṃ kuryāt kṛṣṇaṃ caivāntarālakam

bahiḥ koṇāṣṭakaṃ pītaṃ madhyamaṃ śyāmalaṃ bhavet/
tadbahiḥ kesaraṃ vidyāt raktavarṇena pūritam

pāṇḍuraktanibhenaiva ṣoḍaśābjaṃ prapūrayet/
antaraṃ nīlavarṇena bahiḥ koṇaṃ tu pītakam

antaraṃ śyāmavarṇena bahiḥ kesarakaṃ sitam/
asitaṃ cāntaraṃ kuryāt tatpatraṃ raktasannibham

hemābhaṃ nābhibhūbhāgamaraṃ vai kṛṣṇavarṇakam/
antarālaṃ tu pītaṃ syāt tannemitvasitaṃ bhavet

pīṭhāntarantu raktaṃ syātpīṭhādityuttaraṃ śrṛṇu/
yantrabāhye viśeṣeṇa triṃśadviṃśatireva vā

saptakaṃ pañcakaṃ vāpi vistāraṃ saṃprakīrtitam/
pīṭhaṃ vīthīṃ ca dvārañca kramād‌budhyā vilepayet

sitaraktādipītena nikṣipe dvyatyayena tu/
parabhāgavibhāgena yathāśobhānurūpataḥ

pīṭhādirahitaṃ vāpi pañcarekhāṃ bahirlikhet/
pañcavarṇakramādvipra rekhāyāḥ tritrivarṇakam

praṇāvādvi viśeṣeṇa viṣṇumabhyarcayetsudhīḥ/
akṣarāṇi ca sarvāṇi svasthāne tu samarcayet

pāśāṅkuśena saṃyuktaṃ nemimabyarcayetsudhīḥ/
pīṭhagātrakakoṇe tu dharmādīn paripūjayet

anantaṃ vīthibhāge tu dvāre caṇ‍ḍādikān nyaset/
iti samyak samākhyātaṃ viṣṇuyantraṃ mahāmune

bhṛguḥ--
nārāyaṇākhyayantrasya vidhiṃ brūhi jagatprabho//
śrībhagavān--
praṇavaṃ pūrvavatkṛtvā likhyamaṣṭadalāntaram/
pūrvādi sarvakoṇeṣu aṣṭākṣarakamālikhet

tadbahiḥ kesaraṃ vṛttaṃ bahirvṛttaṃ tu paṅkajam/
aṣṭapatraṃ likhetsamyak bahiścakraṃ prakalpayet

aṣṭapatrasya madhye tu nṛsiṃhāṣṭākṣaraṃ likhet/
nābhi nemisamāyuktaṃ pūrvavaccakramālikhet

aṣṭākṣaraṃ pūrvavaccakraṃ bahirdvādaśakoṇakam/
dvādaśāśraṃ ca tatkoṇe bahiḥ kesarapaṅkajam

tatpatraṃ dvādaśaṃ proktaṃ dvādaśākṣarakaṃ nyaset/
tadvahiṣṣoḍasāśraṃ syādbahiścakraṃ prakalpayet

araiṣṣoḍaśabhiryuktaṃ neminābhisamanvitam/
pūrvavatpaṅkajaṃ kuryāt caturviṃśaddalairyutam

caturviṃśadarairyuktaṃ bahiścakraṃ samālikhet/
dvātriṃśajjvālayā yuktaṃ caturaśraṃ bahirbhavet

pīṭhādi pūrvavatkalpya marakṣetraṃ samācaret/
sarvāntarālamasitaṃ sarvārekhāsitā bhavet

karṇikāpītavarṇena antarālaṃ sitprabhama/
kesaraṃ pītavarṇena padmaṃ vai pāṇḍarāruṇam

nābhinemidvayaṃ pītamarakṣetraṃ tu raktakam/
padmapatrasamākāraṃ kṛṣṇavarṇena śobhitam

kesaraṃ kṣetramakhilaṃ pāṇḍuraktena pūritam/
pāṇḍuraktena tatpatraṃ bahiḥ koṇaṃ tu pītalam

bahiśca mātulaṅgābhaṃ pīta kuṅkumasannibham/
tadbrahiḥ patrasaṃghaṃtu pītaraktena miśritam

patrāntarālaṃ śyāmaṃ ca bahiścakraṃ tu pūrvavat/
indīvaradalākāraṃ nīlavarṇena rañjitam

a tarālaṃ tu raktaṃ syāccakraṃ pūrvavadālikhet/
jvālāmālāṃ viśeṣeṇa raktavarṇena bhūṣayet

bahiḥ pīṭhādikāḥ sarvāḥ pūrvamaṇḍalavadbhavet
nārāyaṇaṃ yajenmadhye svasthāne maṇḍalaṃ nyaset

araike tu viśeṣeṇa mūrtinabhyarcayet budhaḥ/
nārāyaṇākhyakaṃ yantraṃ dīkṣākāle vinikṣipet

vyādhīnāmudbhave vipra prāyaścittādike punaḥ/
paracakrapraveśe ca kuhūdoṣasamudbhave

......................
.....................

grahadoṣe ca saṃpanne rakṣākārye viśeṣataḥ/
anāvṛṣṭividhau vipra tathā snapanakarmaṇi

śrībhagavān--
vāsudevākhyakaṃ yantraṃ pravakṣyāmi mahāmune/
praṇavaṃ pūrvavat kṛtvā dvādaśāśraṃ bahiḥ kṣipet

kesarābjaṃ tathālikhya koṇe mantrākṣaraṃ likhet/
patre dvādaśamūrtiṃ ca bahiścakraṃ samālikhet

nābhyaraṃnemisaṃyuktaṃ caturvāraṃ samālikhet/
caturviṃśāśrakaṃ bāhye gāyatrīṃ ca samālikhet

pūrvavatpaṅkajaṃ kuryāccaturviṃśaddalaṃ likhet/
cakrantu pūrvavatkuryāt caturviṃśārakairyutam

dvātriṃśatkoṇakaṃ bāhye nṛsiṃhānuṣṭhubhaṃ likhet/
tadbādye paṅkajaṃ kuryāt dvātriṃśatpatrasaṃyutam

bahiścakraṃ tathā kuryādvyātriṃśadarakairyutam/
pāśāṅkuśau nemibhāge bahirjvālāṃ samālikhet

catuṣṣaṣṭikrameṇaiva tadardhaṃ vāpi kalpayet/
caturaśraṃ tu tadbāhye pīṭhādīn pūrvavallikhet

padmapatrārakaṃ pūrve madhyame mātuluṅgavat/
apare tu viśeṣeṇa paraścāraścasaṃparam?/

rekhāgaṇaṃ tathā pūrvamantarālaṃ tathā bhavet/
karṇikā pītavarṇena koṇaṃ vai śukravarṇakam

nābhinemidvayaṃ śyāmamarakṣetraṃ sitaṃ bhavet/
araṃ vai pītavarṇena bahiḥ koṇaṃ tu raktakam

kesarakṣetrakaṃ sarvaṃ raktapītena pūritam/
patraṃtu pāṇḍuraktena nemi nābhi sitaṃ bhavet

araṃtu kṛṣṇavarṇaṃ syādantarālaṃ tu pītakam/
bahiḥ koṇaṃ tu pītaṃ syādantarālaṃ tu kṛṣṇakam

bahiḥ patraṃ tathāraktaṃ nābhi nemi sitaṃ bhavet/
araṃtu karburaṃ vidyāt jvālāsaṃghaṃtu raktakam

pīṭhādi pūrvavatproktamakṣaraṃtu sitaṃ bhavet/
iti samyak samākhyātaṃ mahāyantraṃ mahāmune

yaḥ pūjaye mahāyantraṃ sa yāti paramaṃ padam/
so'tulāṃ śriyamāpnoti koṭiyajñaphalaṃ bhavet

sarvapāpavinirmuktaḥ sarvadānaphalaṃ labhet//
iti śrīpāñcarātre mahopaniṣadi aniruddhasaṃhitāyāṃ
yantravidhānāṃ nāma pañcamo'dhyāyaḥ
-------------*************--------------