Aniruddha Samhita · Chapter 29

atha ūnatriśo'dhyāyaḥ
śrībhagavān---
viśeṣayajanaṃ vakṣye samāsādavadhāraya
durnimitte tu sañjāte tathā duḥ svapnadarśane

anāvṛṣṭibhave caiva ativṛṣṭibhave tathā/
grahayuddhe ca sañjāte kuhūdoṣasamāyute

grahadoṣe samutpanne tathā rājabhaye budhaḥ/
paracakrapraveśe tu vyādhīnāṃ pīḍane tathā

evaṃ doṣasya śāntyarthaṃ keśavārādhanaṃ caret/
saṃkalpaṃ pūrvavatkṛtvā kautukaṃ bandhayedbudhaḥ

śukravāre subhadine snapanaṃ samyagācaret/
ghaṭaissaptadaśairvāpi dvādaśairvā tatā navaiḥ

ekāṅgaṃ vā tryaṅgaṃ vātha paप़ñcāṅgaṃ vāpi kārayet/
ekāṅgañcaiva kṣīraṃ syāddhṛtaṃ vā gandhameva vā

patraṃ puṣpaṃ phalañcaiva tryaṅgaṃ tatparikīrtitam/
pañcāṅgaṃ pañcagavyaṃ ca pañcāmṛta mathāpi vā

dadhikṣīraṃ madhucaiva śarkarāsarpireva ca?
pañcāmṛtamiti proktaṃ tantre'smin parameṣṭhinā

etaissnānaṃ tataḥ kuryāt pūjāyāṃ saṃpuṭībhavet/
cūrṇasnānaṃ tataḥ kṛtvā mantrasnānaṃ samācaret

anuvākatrayaṃcaiva bhūsūktyā sūktameva ca/
dvādaśaṃ vāramāvṛtya snapanaṃ samyagācaret

ekaṃ trayaṃ tathāvāpi pañcasaptanavāthavā/
yathāvidhi samabhyarcya mahāhavirnivedayet

śrībhagavān---
saṃprokṣaṇavirdhi vakṣye tathācaivāvadhāraya
adīkṣitasparśane ca aspṛśyasparśane tathā

janane maraṇe caiva udakyā caiva dūṣite/
caṇḍālādyaiśca viprendra śvasṛgālakharādibhiḥ

sparśane mandire caiva devabimbe tathā bhavet/
pūjane ciralupte ca khananecāgnidāhane

antassrave viśeṣeṇa garbhagehe samantataḥ/
dūṣite caiva janite yuddhe ca janasaṃkule?

corādibhi ssamāyukte calane patane'pi vā/
tantrāṇāṃ saṃkare caiva tathā śāstrasya saṃkare

amantrapūjane caiva tathā tvasthānapūjane/
anācārārcane caiva tathā vidhurapūjane

kāṇārcane viśeṣeṇa kuṣṭhāpasmaragarhitaiḥ/
sparśane devabimbe tu mandire dūṣite tathā

saṃprokṣaṇanimitte tu prokṣaṇaṃ samyagācaret/
aṅkuraṃ kautukaṃ caiva snapanaṃ kumbhapūjanam

catussthānārcanañcaiva tathāvai śayanakriyā/
nivedanaṃ baliñcaiva kumbhaprokṣaṇameva ca

sadyaśca sakalaṃ kuryāta śāstradṛṣṭena vartmanā/
dine babuviśeṣeṇa pūrvedyuścāṅkuraṃ bhavet

kautukaṃ ca tathā proktaṃ tathā vai śayanakriyā
dakṣiṇāsaṃpradānaṃ ca utsavaṃ tadanantaram

dvijānāṃ bhojanaṃ caiva dhānyadānaṃ tathaiva ca/
iti saṅkṣepataḥ proktaḥ saṃprokṣaṇavidhiḥ param

iti śripāñcārātre mahopaniṣadi aniruddhasaṃhitāyāṃ
saṃprokṣaṇavidhirnāma ūnatriṃśo'dhyāyaḥ
--------------*************---------------