અનિરુદ્ધસંહિતા · અધ્યાય 29

અથ ઊનત્રિશોઽધ્યાયઃ
શ્રીભગવાન્---
વિશેષયજનં વક્ષ્યે સમાસાદવધારય
દુર્નિમિત્તે તુ સઞ્જાતે તથા દુઃ સ્વપ્નદર્શને

અનાવૃષ્ટિભવે ચૈવ અતિવૃષ્ટિભવે તથા।
ગ્રહયુદ્ધે ચ સઞ્જાતે કુહૂદોષસમાયુતે

ગ્રહદોષે સમુત્પન્ને તથા રાજભયે બુધઃ।
પરચક્રપ્રવેશે તુ વ્યાધીનાં પીડને તથા

એવં દોષસ્ય શાન્ત્યર્થં કેશવારાધનં ચરેત્।
સંકલ્પં પૂર્વવત્કૃત્વા કૌતુકં બન્ધયેદ્બુધઃ

શુક્રવારે સુભદિને સ્નપનં સમ્યગાચરેત્।
ઘટૈસ્સપ્તદશૈર્વાપિ દ્વાદશૈર્વા તતા નવૈઃ

એકાઙ્ગં વા ત્ર્યઙ્ગં વાથ પપ઼ઞ્ચાઙ્ગં વાપિ કારયેત્।
એકાઙ્ગઞ્ચૈવ ક્ષીરં સ્યાદ્ધૃતં વા ગન્ધમેવ વા

પત્રં પુષ્પં ફલઞ્ચૈવ ત્ર્યઙ્ગં તત્પરિકીર્તિતમ્।
પઞ્ચાઙ્ગં પઞ્ચગવ્યં ચ પઞ્ચામૃત મથાપિ વા

દધિક્ષીરં મધુચૈવ શર્કરાસર્પિરેવ ચ?
પઞ્ચામૃતમિતિ પ્રોક્તં તન્ત્રેઽસ્મિન્ પરમેષ્ઠિના

એતૈસ્સ્નાનં તતઃ કુર્યાત્ પૂજાયાં સંપુટીભવેત્।
ચૂર્ણસ્નાનં તતઃ કૃત્વા મન્ત્રસ્નાનં સમાચરેત્

અનુવાકત્રયંચૈવ ભૂસૂક્ત્યા સૂક્તમેવ ચ।
દ્વાદશં વારમાવૃત્ય સ્નપનં સમ્યગાચરેત્

એકં ત્રયં તથાવાપિ પઞ્ચસપ્તનવાથવા।
યથાવિધિ સમભ્યર્ચ્ય મહાહવિર્નિવેદયેત્

શ્રીભગવાન્---
સંપ્રોક્ષણવિર્ધિ વક્ષ્યે તથાચૈવાવધારય
અદીક્ષિતસ્પર્શને ચ અસ્પૃશ્યસ્પર્શને તથા

જનને મરણે ચૈવ ઉદક્યા ચૈવ દૂષિતે।
ચણ્ડાલાદ્યૈશ્ચ વિપ્રેન્દ્ર શ્વસૃગાલખરાદિભિઃ

સ્પર્શને મન્દિરે ચૈવ દેવબિમ્બે તથા ભવેત્।
પૂજને ચિરલુપ્તે ચ ખનનેચાગ્નિદાહને

અન્તસ્સ્રવે વિશેષેણ ગર્ભગેહે સમન્તતઃ।
દૂષિતે ચૈવ જનિતે યુદ્ધે ચ જનસંકુલે?

ચોરાદિભિ સ્સમાયુક્તે ચલને પતનેઽપિ વા।
તન્ત્રાણાં સંકરે ચૈવ તથા શાસ્ત્રસ્ય સંકરે

અમન્ત્રપૂજને ચૈવ તથા ત્વસ્થાનપૂજને।
અનાચારાર્ચને ચૈવ તથા વિધુરપૂજને

કાણાર્ચને વિશેષેણ કુષ્ઠાપસ્મરગર્હિતૈઃ।
સ્પર્શને દેવબિમ્બે તુ મન્દિરે દૂષિતે તથા

સંપ્રોક્ષણનિમિત્તે તુ પ્રોક્ષણં સમ્યગાચરેત્।
અઙ્કુરં કૌતુકં ચૈવ સ્નપનં કુમ્ભપૂજનમ્

ચતુસ્સ્થાનાર્ચનઞ્ચૈવ તથાવૈ શયનક્રિયા।
નિવેદનં બલિઞ્ચૈવ કુમ્ભપ્રોક્ષણમેવ ચ

સદ્યશ્ચ સકલં કુર્યાત શાસ્ત્રદૃષ્ટેન વર્ત્મના।
દિને બબુવિશેષેણ પૂર્વેદ્યુશ્ચાઙ્કુરં ભવેત્

કૌતુકં ચ તથા પ્રોક્તં તથા વૈ શયનક્રિયા
દક્ષિણાસંપ્રદાનં ચ ઉત્સવં તદનન્તરમ્

દ્વિજાનાં ભોજનં ચૈવ ધાન્યદાનં તથૈવ ચ।
ઇતિ સઙ્ક્ષેપતઃ પ્રોક્તઃ સંપ્રોક્ષણવિધિઃ પરમ્

ઇતિ શ્રિપાઞ્ચારાત્રે મહોપનિષદિ અનિરુદ્ધસંહિતાયાં
સંપ્રોક્ષણવિધિર્નામ ઊનત્રિંશોઽધ્યાયઃ
--------------*************---------------