Aniruddha Samhita · Chapter 27

atha saptaviṃśo'dhyāyaḥ
bhagavān--
āgrayaṇavidhiṃ vakṣye avadhāraya sāṃpratam/
puṣyamāse site pakṣe puṇyavāradine mune

puṇya nakṣatreke vāpi pūrvaṃ caivāṅkurārpaṇam/
tṛtīye pañcame vāpi dine lavana mācaret

sarvaiḥ parikarai ssārdhaṃ kṣetradeśaṃ samācaret/
mārutiṃ vā vainateyaṃ viṣvak‌sena mathāpi vā

āropya śibikāṃ brahman yajamānena deśikaḥ/
kṣetradeśaṃ samāsādya puṇyāhaṃ vācayetsudhīḥ

kṣetraṃ dharaṇimantreṇa gandhādyaiḥ paripūjayet/
śaṅkulāṃ prokṣayitvā tu baliṃ dadyātsamantataḥ

pāyāsānnena viprendra lavanaṃ samyagācaret/
khalaṃ purātanaṃ kṛtvā praharettu kṛṣīvalaiḥ

kautukaṃ bandhayet dhīmān karṣakaissaha deśikaḥ/
karṣiṇīṃ śirasi sthāpya gaccheyurdevatālayam

phalai rnānāvidhai ryuktaṃ śaṅkhavādyādisaṃyutam/
devasya sannidhau sthāpya punaḥ pūjāṃ samācaret

devasya dakṣiṇe haste dhānyaṃ kiñcit pradarśayet/
vṛkṣapādena viprendra mānayitvā vicakṣaṇaḥ

dāpayet sarvavarṇānāṃ devadevasya sannidhau/
śodhayettu viśeṣeṇa dhānyarāśiṃ vinikṣipet

ātape śoṣayet sarvānavaghātaṃ samācaret/
tatsthānaṃ lepanaṃ kṛtvā sudhācūrṇaiśca maṇḍayet

ulūkhalaṃ musalañcaiva kṣālayitvā tu deśikaḥ/
abhyarcya gandhapuṣpairulūkhale dhānyakaṃ kṣipet

avaghātaṃdvijavarai stathā maṅgalagāyakaiḥ/
devadāsīgaṇairvāpi vividhai rbrāhmaṇai stu vā

tuṣānapohya śūrpeṇa kṣālayet śuddhavāriṇā/
śodhayitvā punaḥ sarvān gulapākena miśritān

marīcijīrakai ryuktān pūrayet devasannidhau/
maṇḍape devamāropya śrībhūmisahitaṃ dvija

catussthānayutaṃ vāpi kevalaṃ bimbameva vā/
nivedayitvā deveśaṃ mūlabimbe tu pūjayet

balihomaṃ tataḥ kṛtvā viṣvak‌senaṃ nivedayet/
dāpayet sarvavarṇānāṃ viprādīnāṃ viśeṣataḥ

muhūrte śobhane prāpte paramānnaṃ nivedayet/
āgrayaṇaviśeṣeṇa aśvamedhaphalaṃ bhavet

tasmāt sarvaprayatnena tasminkarmaṇi yojayet/
lopayedyadi sammohāt dhānyanāśo bhaved‌dhruvam

viṣuvadvitaye vipra tathā caivāyanadvaye/
snapanaṃ kārayeddhīmān aṅkurārpaṇapūrvakam

pūrvedyuḥ kautukaṃ kuryāt catussthānārcanaṃ tathā/
śayanādhivāsanaṃ kṛtvā prātaḥ kāle samuddharet

nityakarma tataḥ kṛtvā dvārādiyajanaṃ caret/
kumbhamaṇḍale saṃpūjya bimbe snapanamācaret

ekaberaśilācettu tatraiva snapanaṃ caret/
bahubere viśeṣeṇa snapanaṃ kautukaṃ caret

tadabhāve tu viprendra utsave snapanaṃ caret/
aṣṭottaraśatai rvāpi ekāśītighaṭaistu vā

ekonārdhaśatai rvāpi ṣaṭ‌triṃśatkalaśaistu vā/
paप़ñcaviṃśaghaṭai rvāpi yadvā saptadaśairghaṭaiḥ

ekadravyayutaṃ vāpi bahudravyayutaṃ tu vā/
kalaśādhivāsanaṃ caiva pūrvarātre tu vā bhavet

rātrau cetsnapanaṃ vipra tatkāle vā'dhivāsayet/
pūrvoktena bahudravya mekadravyaṃ ghṛtaṃ bhavet

kṣīraṃ vā kevalaṃ vipra nālikerajalaṃ tu vā/
pañcadravyayutaṃ vāpi pañcagavyayutaṃ tu vā

patraṃ puṣpaṃ phalañcaiva dravyatrayamudāhṛtam/
pañcadravyairviśeṣeṇa paप़ñcagavyaṃ praśasyate

cūrṇasnānaṃ tataḥ kṛtvā śuddhavāriṣvanantaram/
nīrājanaṃ tataḥ kṛryāt maṇḍanāsanamānayet

alaṃkṛtya yathānyāyaṃ nivedyāntaṃ samarcayet/
pūrṇāhutiṃ tataḥ kṛtvā garbhagehe niveśayet

utsavaṃbimbamādāya yātrāṃ samyak samācaret/
gaje vā syandane vāpi śibikāyāṃ samācaret

yātrānte devamādāya maṇḍape sanniveśayet/
darśayitvā ca nṛttādīn havirantaṃ prapūjayet/ 33 //
garbhagehe niveśyātha dakṣiṇāṃ dāpayedbudhaḥ/
varṇānāṃ brāhmaṇādīnāṃ kalaśaṃ pratidāpayet

ye pibanti harestīrthaṃ gaṅgātoyasamaṃ pibet/
ye vahanti śirobhissvairgaṅgāsnānasamaṃ bhavet

iti saṃkṣepataḥ prokto vatsarotsavavidhiḥ param//
iti śrī pāñcarātre mahopaniṣadi aniruddhasaṃhitāyāṃ
saṃvatsarotsavavidhirnāma saptaviṃśo'dhyāyaḥ
------------------**************---------------