Aniruddha Samhita · Chapter 24

atha caturviṃśo'dhyāyaḥ
śrībhagavān--
pavitrāropaṇaṃ vakṣye vistareṇa tavānagha
cāturmāsasya madhye vā ādāvante ca vā bhavet

cāturmāsyaṃ tridhā proktaṃ saurañcāndramāsaṃ tathā
vaiṣṇavaṃ ca viśeṣeṇa trividhaṃ saṃprakīrtitam

saṃkrāntyādikaṃ sauraṃ syāt cāndrañca prathamādikam/
dvādaśyādi trikaṃ caiva vaiṣṇavaṃ parikīrtitam

vaiṣṇavaṃ cottamaṃ proktaṃ madhyamaṃ sauramucyate/
cāndramapyadhamaṃ proktaṃ uttame tu samācaret

tasmātsarvaprayatnena dvādaśyāntu samācaret/
pavitrakarmahīne tu nityapūjā vinaśyati

nityapūjāvināśe tu rāṣṭraṃ kṣayamavāpnuyāt/
tadgrāmonidhanaṃ? yāti tatsthānaṃ nāśanaṃ bhavet

tasmātsarvaprayatnena pavitrāropaṇaṃ caret/
patanāt‌trāyate tasmātpavitraṃ parikīrtitam

ātmārthe vā parārthe vā pavitrāropaṇaṃ bhavet/
ekabere tu vā vipra bahubere tu vā bhavet

lepabhittipaṭasthe tu karmārcāyāṃ samācaret/
maṇḍapaṃ kārayeddhīmān agrataḥ parito'pi vā

bahustambhasamāyuktaṃ śilayeṣṭakayāpi vā/
kevalaṃ dārumātraṃ vā prapāmātramṛthāpi vā

bhittiyuktamayuktaṃ vā koṇabhittiyutaṃ tu vā/
adhiṣṭhānānvitaṃ vāpi upapīṭhānvitaṃ tu vā

pādabandhayutaṃ vāpi prastarādiyutaṃ tu vā/
jvālātoraṇasaṃyuktaṃ patākābhiralaṃkṛtam

kūṭākārayutaṃ vāpi garuḍenāpiśobhitam/
siṃhayukta mayuktaṃ vā bahuddhārayutaṃ tu vā

bhittitrayayutaṃ vāpi paप़ñca sapta navātmakamū/
evaṃ kṛtvā vidhānena sudhayā ṣarilepayet

citraṃ kuryā dviśeṣeṇa avatārairanekaśaḥ/
toraṇāni caturdikṣu kārayedvijasattamaḥ

aśvatthaṃ vā vaṭaṃ vāpi plakṣaṃ vā bilva mevavā/
tālaṃ veṇuṃ tathaivāpi kārayedvidhicoditam

dvārāyāmasamaṃ vāpi stambhāyāmasamantu vā/
āyāmardhena vistīrṇaṃ hastamāna mathāpi vā

kṣudraprāsādakaṃ vipra hastamānena kārayet/
śūlatrayasamāyuktaṃ garuḍena samanvitam

toraṇe toraṇe kuryāt garuḍañcordhvasaṃsthitam/
gomayālepanaṃ kuryāt maṇḍapābhyantarasthalam

tanmadhye vedikāṃ kuryāt vidhirevaṃ prakīrtitaḥ/
maṇḍalaṃ madhyabhāge tu dakṣiṇe kumbhasaṃsthitam

uttare cāgnikuṇḍaṃ syātsaumyeśānāntarepi vā/
ekaikaṃ pañjahastaṃ vā caturhastaṃ trihastakam

tatpīṭha hastamānaṃ vā tālamānamathāpi vā/
vedikocchrāyamānaṃ vā caturaṅgulakaṃ bhavet

maṇḍapasya tu vedī tu darpaṇodaravadbhavet/
kumbhavedīṃ samāṃ kṛtvā kuṇḍaṃ vā paṅkajākṛti

caturaśra mathovāpi cakrākāramathāpi vā/
mekhalātrayasaṃyuktaṃ yoninābhisamanvitam

tadbahiścāṣṭadeśe tu kuṇḍaṃ kuryā dvicakṣaṇaḥ/
aśraṃ yoniṃ tathā cāpaṃ tryaśraṃ vṛtti ṣaḍaśrakam

padmaṃ vasvaśrakañcaiva pūrvādīnāṃ diśāṃ kramāt/
yadvā cakrādikaṃ vāpi aṣṭakuṇḍaṃ prakalpayet

catuṣkuṇḍamatho vāpi etannyūnannakārayet/
aśraṃ cāpaṃ tathā vṛttaṃ padmaṃ pūrvāditaḥ kramāt

vedyāḥ paścima bhūbhāge utsavaṃ sanniveśayet/
siṃhāsane tu viprendra kalpadrumasumaṇḍite

niścalaprabhayā yuktaṃ puṣpamālyaiḥ pariṣkṛtam/
śrībhūmisahitaṃ deva māsane sanniveśayet

garuḍaṃ pūrvadigbhāge dakṣiṇe cakrameva ca/
paścime vāyuputrantu viṣvak‌senaṃ tathottare

dhvajatoraṇakumbhādyai rdvāre'pi ca niveśayet/
vitānādyai ralaṃkṛtya kṣaumaiḥ kārpāsakaistathā

stambhānāṃ veṣṭanaṃ kuryāt rambhāpūgairalaṃkṛtam/
phalai rnānāvidhai ścaiva dīpakumbhairalaṃkṛtam

darpaṇai ścāmaraiścaiva ātapatrai rmanoharaiḥ/
ghaṇṭābhirardhacandrādyai rdarbhamālyairalaṃkṛtam

evaṃkṛtvā vidhānena pavitraṃ vātha kārayet/
kṣaumaṃ kārpāsakaṃ vāṣi svarṇasūtramathāpi vā

brāhmaṇyā nirmitaṃ vātha krītaṃ caivāpaṇasthale/
ayugmaṃ yugmaṃ vāpi ayugme navakaṃ bhavet

yugme rdvādaśakaṃ prokta maṣṭau vāpi catuṣṭayam/
prakṣālya śuddhatoyena śoṣayetpraṇavena tu

nirmāṇamaṇḍape vipra gomayālepanaṃ bhavet/
śaṅkhañca nikhanedbhūmau ācāryo vāyusūtrakaiḥ

prathamaṃ mukhamānaṃ tu dvitīyaṃ dviguṇaṃ bhavet/
tṛtīyaṃ triguṇaṃ proktaṃ caturthantu caturguṇam

aṣṭottaraśatañcādyaṃ dvitayaṃ dviguṇantu vā/
tṛtīyaṃ triguṇaṃ proktaṃ caturthantu caturguṇaṃ

yadvā sahasramarakaṃ tadardhañca tadardhakam/
tadardhañcādyakaṃ caiva granthayedvidhinā tataḥ

antarāntarakañcaiva dvijāṇḍasadṛśaṃ bhavet/
dhātrīphala samākāraṃ sthūlamuktāsamaṃ bhavet

antarāntarayogena granthanīyañca dūrataḥ/
kumbhamaṇḍalakuṇḍeṣu dvandvamānaṃ prakīrtitam

pañcakaṃ vedimānaṃ syāt upakumbheṣu ceṣyate/
tritayaṃ dvitayaṃ vāpi samāsaṃ vā samācaret

prathamaṃ nālamānantu dvitīyaṃ dviguṇaṃ bhavet/
tṛtīyaṃ triguṇaṃ jñeyaṃ parikumbhe tathaiva ca

parikumbheṣu viprendra ekamevāpyalaṃ bhavet/
karake cāstrake vipra ekaṃ vāpi trayaṃ bhavet

adhivāse pavitraṃ hi ādyamānaṃ praśasyate/
maṇḍale karṇikāmānaṃ kesareṣu tathaiva ca

dale dale biśeṣeṇa dalamānaṃ praśasyate/
akṣareṣvaramānaṃ syādarakṣetre tu tatsamam

nābhikṣeve tathā prokta mārakṣetre tu tatsamam//
nemikṣetri samaṃ proktaṃ tṛtīye tritayaṃ bhavet

dvitīye tritayaṃ vidyāt eke caiva paraṃ bhavet/
cakrābjamaṇḍale sthitvā pavitrāropaṇaṃ bhavet

bahucakreṣu viprendra ekaikaṃ vā trayaṃ trayam/
kuṇḍeṣu mekhalāmānaṃ ekaikaṃ ca pṛthak pṛthak

etatpavitrakaṃ vipra yathecchāgranthitantubhiḥ/
anyeṣu sarvakāryeṣu tālamānaṃ praśasyate

bimbapratisarāṇāṃ tu mānaṃ tasya pracakṣate/
śiraḥ pramāṇenārcāyā bhūṣaṇaṃ prathamaṃ smṛtam

dvitīyaṃ jānumānaṃ tu tṛtīyaṃ pādamānakam/
caturthaṃ pīṭhamānantu mūlabere tadeva hi

devībhyāntu viśeṣeṇa tritayaṃ dvitayantu vā/
nābhijānupadaṃ vipra tṛtīye parikīrtitam

dvitīyaṃ.....pādantu ekaṃ vā jānupādakam/
bhūṣaṇānāmāyudhānāṃ tālamānaṃ praśasyate

caṇḍādi parivārāṇāṃ mukhamānaṃ prakīrtitam/
bimbapramāṇakaṃ pīṭhe prabhāmānaṃ tu tadbhavet

bahiḥ kṛṇḍeṣu viprendra tṛtīyaṃ tritayaṃ bhavet/
dvitayaṃ vā muniśreṣṭha ekaikaṃ vāpi kārayet

ācāryā bahavaḥ proktā ṛtvijaśca tathaiva ca/
paricārakāśca bahavaḥ pavitrāropaṇe varam

ṛtvijo dīkṣitāścaiva sarve ca guṇavattarāḥ/
upariṣṭātsuvarṇādyaiḥ kṣaumasūtraiśca sanyaset

pūritaṃ mṛdvilepena kuṅkumenānurañjayet/
pṛthak pātre vinikṣipya puṣpagandhaiśca sādhayet

kumbhayogyāni caikasmin maṇḍale cāgnināpare?
kuṇḍayogyāni caikasmin bimbayogyāni cāpare

anyāni sarvayogyāni ekapātre vinikṣipet/
vividhena sugandhena vāsitaṃ gandhupuṣpakaiḥ

tatkramaṃ te pravakṣyāmi avadhāraya sāṃpratam/
karmāraṃbhadinātpūrvaṃ saptame pañcame'hani

tato'ṅkurārpaṇaṃ kuryādutsavoktavidhānataḥ/
trivargapālikāyāṃ vai aṅkurānarpayetsūdhīḥ

maṇḍapaṃ samalaṃkṛtya toraṇādyairaśeṣataḥ/
mṛdgrahaṃ pūrvavatkṛtvā pālikāḥ paripūrayet

aṣṭottaraśataṃ caiva uttamaṃ parikīrtitam/
tadardhaṃ madhyamaṃ caiva tadardhamadhamaṃ bhavet

ṣoḍaśaṃ dvādaśaṃ vāpi aṣṭakaṃ vā samācaret/
pālikāsyānurūpeṇa sūtrapātaṃ samācaret

vrīhipīṭhe pratiṣṭhāpya somakumbhantu vinyaset/
bījapātraṃ tathā pūrvaṃ dvārapūjāṃ samācaret

catuḥ sthānārcanaṃ kuryātpuṇyāhamapi vācayet/
pavitrāṇāmarcanaṃ syātsomakumbhasya pūjanam

saṃpātājyena viprendra ghṛtāropaṇamācaret/
bījāvāpaṃ tataḥ kuryāt baliṃ dadyādvicakṣaṇaḥ

guhyasthāne niveśyātha apare vāsare yajet/
ekādaśyāntu prāptāyāṃ dhāmaprakṣālanaṃ caret

udvṛtodakakumbhaiśca kṣālaye ddhūpavarjanam?
lepayeccandanādyaiśca bahirantaśca sādhakaḥ

citraveśmani viprendra maṇḍapaṃ cātulepayet/
alaṃkṛtya yathāpūrvaṃ dhvajatoraṇakumbhakaiḥ

vicitrapuṣpamālyaiśca muktādāmaiśca darpaṇaiḥ/
phalai rnānāvidhaiścaiva rambhāpūgagaṇaistu vā

bahudīpagaṇai ryuktaṃ phalapuṣpādibhistathā/
madhye vediṃ viśeṣeṇa maṇḍalaṃ kārayedbudhaḥ

pauṣkaroktaprakāreṇa yantraṃ viṣṇu mathāpi vā/
vāsudevākhyayantraṃ vā sātvatokta mathāpi vā

cakrābjaṃ svastikaṃ vāpi iṣṭasiddhi mathāpi vā/
vāsudevākhyayantraṃ vā viṣṇuyantraṃ mathāpi vā

tasya dakṣiṇapārśve tu kumbhaṃ saṃsthāpayedbudhaḥ/
mahākumbhaṃ copakumbhaṃ parikumbhañca vardhanīm

pālikāṃ paritaḥ sthāpya aṣṭamaṅgalakaṃ nyaset/
sūtravastrasamāyuktaṃ vidhānaṃ kūrcasaṃyutam

kumbhe kumbhe viśeṣeṇa nārikelaphalaṃ nyaset/
kramukaṃ stambakaṃ vāpi nārikelasya mañcarīm

nānāvidhaphalaiścaiva vedikordhvantu vinyaset/
maṇḍapasyottare pārśve kuṇḍaṃ vai vedikopari

parikumbhaṃ nyaseddhīmān aṣṭadhānyāni nikṣepet/
kadalīphalavṛndaiśca nālikerakadambakaiḥ

kramukaistambakai ścaiva panasāmraphalai stathā/
kumbhe kuṇḍe viśeṣeṇa tathaiva paripūjayet

vedipaścimabhāge tu utsavaṃ sanniveśayet/
siṃhāsane samāroṣya ṣariṣkāre pariṣkṛte

evaṃ kṛtvā vidhānena dvārapūjāṃ samācaret/
puṇyāhaṃ kārayeddhīmān snapanaṃ samyagācaret

ekāśītighaṭairvāpi ṣaṭ‌triṃśatkalaśaistu vā/
gokṣīraṃ kevalaṃ vāpi nārikelarasaṃ tu vā

snapanānte viśeṣeṇa cūrṇasnānaṃ samācaret/
suddhasnānaṃ tataḥ kṛtvā nṛsūktenābhiṣecayet

nīrājanaṃ tataḥ kṛtvā alaṃkārāsane nyaset/
kumbheṣu maṇḍale caiva kumbhapūjāṃ samācaret

anaikai rupacāraiśca pūjayeddevabimbavat/
upakumbheṣu sarveṣu ṣoḍaśaiḥ paripūjayet

astrakumbhe tathā proktaṃ parikumbhetvidaṃ? bhavet/
kumbhamaṇḍalakuṇḍeṣu prokṣaṇasnāna mācaret

aṣṭākṣareṇa mantreṇa mahākumbhe tu pūjayet/
dvādaśākṣaramantreṇa maṇḍale tu samarcayet

viṣṇumantreṇa viprenda agnisthaṃ harimarcayet/
utsave tu viśeṣeṇa gāyatryā saṃprapūjayet

upakumbhe vāsudevāmindrādīn parikumbhake/
maṇḍalārādhanaṃ kuryāt upacārai ranekaśaḥ

pañcavarṇasamāyogāt pañcatatvamayaṃ smṛtam/
pañcatatvamayo viṣṇuḥ pañcatatvamayaśśivaḥ

pañcatatvamayo brahmā pañcatatvamayaṃ jagat/
pañcatatvamayaṃ sarvaṃ jagaddṛṣṭaṃ carācaram

tasmātsarvaprayatnena muṇḍalārādhanaṃ param/
maṇḍale pūjayeddevaṃ vāsudevamanāmayam

pātrārcanaṃ purā kutvā ātmārcanamanantaram/
pīṭhārcanaṃ tataḥ paścāt parivārārcanaṃ tataḥ

āsanādinivedyāntaṃ maṇḍalārādhanaṃ param/
bimbe saṃpūjayeddevaṃ upacārai ranekaśaḥ

mūlabere tathā kuryāt pradhānakuṇṅe homayet?/
viṣṇumantreṇa mantrajñaḥ samidājyacarūn kramāt

dikkuṇḍe tu viśeṣeṇa ṛtvijai rhomamācaret/
ṛtvijāmapyabhāve tu ācāryassvayamācaret

pālāśaṃ khādirañcaiva bilvamaudumbara ntathā/
plakṣanyagrodhāpāmārgamaśvatthaṃsamidaṣṭakam?

pūrvādīśānaparyantaṃ samidhaḥ parikīrtitāḥ/
pāyasaṃ kṛsarañcaiva haridrānnañca maudgikam

māṣānnaṃ tilaśuddhānnaṃ dadhyanna mathacāṣṭakam/
lājanīvārakau caiva tilassarṣapa eva ca

vrīhimāṣayavāścaiva godhūmaścāṣṭamaṃ bhavet/
aṣṭakuṇḍeṣu hotavyaṃ tad‌dravyai stu pṛthak pṛthak

pavitrādhivāsanaṃ kuryāt devasya purataḥ sthale/
mārgatrayaṃ tataḥ kṛtvā dhānyarāśiṃ vinikṣipet

tadardhaṃ taṇḍulaल़ñcaiva tadardhaṃ tilameva ca/
tasyopari nyasetpātraṃ pīṭhavatparipūjayet

tato bhūṣaṇapātrāṇi vinyasenmantravittamaḥ/
prokṣaṇādikriyāssarvāḥ kārayenmantravittamaḥ

prokṣaṇaṃ tāḍanaṃ dāhamutpāṭāpūraṇaṃ tathā?
lohakāramṛttikābhi rbhogikālañca pūjanam?

sāṃsparśañceti daśadhā sarvabhogeṣu saṃskṛtiḥ/?
saṃpātājyeti mantrajñaḥ secayecchāstravittamaḥ

gandhānulepanaṃ kuryāt dhūpadravyaiśca dhūpayet/
gandhapuṣpeṣu nikṣipya sthāpayedambareṇa tu

punaḥ pūjāṃ tataḥ kṛtvā kautukaṃ bandhayetsudhīḥ/
mūlabimbe tathā badhvā ācāryasya ca bandhayet

pūrvoktena tu mārgeṇa śayane sanniveśayet/
gītanṛttapurāṇādyaiḥ rātriśeṣaṃ nayed‌dvijaḥ

tataḥ prabhāve vimale nityakarma samācaret/
snānavedyāṃ samāropya snapanaṃ samyagācaret

aṣṭottaraśataiḥ kumbhairekā3śītighaṭaistu vā/
yuktadravyayutai rvāpi kevalaṃ kṣīrameva vā

sarvaṃ ghṛtamayaṃ vāpi nālikerajalaṃ tu vā/
pūrvavatsnapanaṃ kṛtvā nīrajanāvasānakam

alaṅkārāsane nītvā alaṅkārai ralaṃkṛtaiḥ/
siṃhāsane niveśyātha śrībhūmisahitaṃ vibhum

dvārādiyajanaṃ kṛtvā kummamaṇḍalapūjanam/
homakarma tataḥ kṛtvā mūrtihomaṃ samācaret

nivedanabaliṃ dadyādbhūṣaṇāni samarcayet/
bhūṣaṇaṃ pātramādāya kumbhapārśve samānayet

pavitra yojanakāle prokṣaṇādidiśaṃ caret/
pavitraṃ nītvā pāṇibhyāṃ gandhālepanamācaret

dhṛpayitvā viśeṣeṇa agnisandhāna mācaret/
avyaktaṃ sātvikaṃ caiva mantraṃ vigrahameva ca

yogacintyamanavyaktaṃ? tātvikaṃ tatvacintanam/
kirīṭādīn samāvāhya bhūṣaṇe bhūṣaṇe prati

arghyapādyai ssamabhyarcya yojayetkumbhamūrdhani/
saṃhitādyaiścaturbhistu kumbhe saṃpujayeddharim

śākhādyai rmaṇḍalaiḥ proktamāraṇādyaistu bimbakaiḥ/
anuvākatrayeṇaiva viṣṇusūktena kuṇḍakaiḥ

kumbhe cāṣṭākṣareṇaiva maṇḍayed dvādaśākṣaraṇ/
bimbe ca viṣṇugāyatryā kuṇḍe caiva ṣaḍakṣaram

bhūṣaṇai rbhūṣaṇaiścaiva arghyādyai ssaṃprapūjayet/
arghyaṃ pādyaṃ tathācāmaṃ gandhaṃ puṣpaṃ ca dhūpakam

tāmbūlaṃ tatkramāddadyāt bhojanāntai stu taiḥ kramāt?
dīpaṃ nīrājanañcaiva vedaṃ ślokaṃ tathaiva ca

gītaṃ nṛttaṃ ca vādyaṃ ca dānaṃ vai svarṇavastragaiḥ/
stotrañcaiva namaskāraṃ bimbamaṇḍalake tathā

upakumbheṣu sarveṣu vāsudevādimantrataḥ/
vārūṇādinirṛtyantaṃ yojayenmantravittamaḥ

tritayaṃ dvitayaṃ vāpi ekaikaṃ vā yathecchayā/
rakṣāṃ kumbheṣu sarveṣu pūrvādikramayogataḥ

ekamevāpyalaṃ proktaṃ vastrakumbhe trayaṃ dvayam/
aṣṭamaṇḍalake paścātpālikāyāmanantaram

pāyasānnaṃ nivedyātha sūktenaiva baliṃ kṣipet/
maṇḍale ca tathā kuryāt viśeṣamadhunocyate

padmakṣetre are vipra paścimādi samāyajet/
paścime dvāradeśe tu yojayedbhūṣāṇādi vai

anyāni sarvakarmāṇi pūrvavattu samācaret/
bimbe saṃpūjayet paścāt kamalaṃ pūrvavadbhūvet

catuṣṭayaṃ pradadyāttu aṅgādīnāñca yojayet‌/
aṅgānāmapyupāṅgānāṃ lāñchanānāmapi dvija

bhūṣaṇānāṃ ca śaktīnāṃ tathaiva vihageśituḥ/
pīṭhapādukapātrāṇāṃ dhūpadīpādikaṃ tataḥ

ācāryasādhakānāṃ ca vāhanānāṃ tathaiva ca/
gītavāditrapātrāṇāṃ śaṅkhādīnāṃ tathaiva ca

vedaṃ gītaṃ ca vādyañca dīpaṃ nīrājanaṃ param/
pāyasādinivedyāntaṃ tāmbūlañca nivedayet

mūrtibimbe tathā kuryāddhomakuṇḍe tathaiva ca/
upacārādi sarveṣā mājyenāhutiṃ huvet

ūrdhvādimekhalānāṃ ca tatpātrāṇāṃ tathaiva ca/
parikuṇḍeṣu sarveṣu pūrvādikramayogataḥ

tritayaṃ dvitayaṃ vāpi ekaṃ vāpi niyojayet/
pūrvoktadravyanicaye homaṃ kuryādvi cakṣaṇaḥ

devīnāṃ karmabimbānāṃ ttatpātre niyojayet/
stotraiḥ stutvā muniśreṣṭha vikiretpuṣpajālakaiḥ

yātrotsavaṃ tathā kuryāt aparāhṇe tu deśikaḥ/
naikaiḥ parikarai ryuktaṃ bahudīpasamanvitam

navāhañcaiva saptāhaṃ pañcāhaṃ tritayaṃ tathā/
ekāhaṃ vāpi viprendra pūrvaṃ saṃkalpamācaret

yathācotsavavatkuryāt vāhanārohaṇaṃ vibho-/
samāptidivase rātrau tatassannyāsamācaret

pūjanaṃ pūrvavatkuryāt prāyaścittāhutiṃ huvet/
śuddhasnānaṃ tataḥ kṛtvā ālayaṃ saṃpraveśayet

āropitapavitrāpi ācārya ssvayamācaret/
dvijādi sarvavarṇānāṃ bhaktānāṃ bhāvitānmanām

pavitrakagaṇaṃ tadvat dāpayec pṛthak pṛthak/
pavitradhāraṇādvipra sarvapāpaharaṃ bhavet

sarvayajñaphalaṃ caiva sarvatīrthaphalaṃ bhavet/
apare'hani saṃprāpte tīrthapārśvaṃ samānayet

tīrthadeśaṃ samāsādya tīrthasnānaṃ samācaret/
yathā avabhṛtaṃ kuryādutsavena sahaiva hi

gobhūhiraṇyavastrādyai rācārya ssaṃpradāpayet/
ālayaṃ saṃpraviśyātha maṇḍape sanniveśayet

viṣvak‌senaṃ samabhyarcya garbhagehe niveśayet/
ācāryaṃ pūjayetpaścāt ratnahemāṅgulīyakaiḥ

gobhūhiraṇyavastrādyai rācāryaṃ saṃprapūjayet/
tadardhamṛtvijāñcaiva yathācotsavavadbhavet

sarvaśaktikaraṃ sarvaṃ mukhyaṃ sādhanamuttamam/
rājño rāṣṭrasya sukhadamāyurārogyavardhanam

prajānāṃ vāsudevasya pavitrārādhanaṃ param/
pavitrārādhanaṃ viṣṇoḥ śaaraddhayā ca karoti yaḥ

sa yāti brahmaṇaḥ sthānaṃ viṣṇusāyujyamuttamam/
sarvapāpavinirmukta ssarvaduḥ khavivarjitaḥ

viśeṣavacanaṃ vakṣye śṛṇu guhyaṃ mahāmune
yathāśvamedhaṃ viprāṇāṃ rājasūyañca bhūbhujām

yathāsvadhā pitṝṇāṃ ca surāṇāmamṛtaṃ yathā/
narāṇāṃ jāhnavītoyaṃ devānāmacyuto yathā

tathā hi devadevasya pavitrārādhanaṃ param/
adhivāsanakāle tu prāsādapariveṣṭanam

pañcaraṃgeṇa sūtreṇa uktasūtreṇa? vā bhavet/
maṇ‍ḍapañca tathāveṣṭya tathā bhūṣaṇapātrakam

iti śrīpāñcarātre mahopaniṣadi aniruddhasaṃhitāyāṃ
pavitrārohaṇaṃ nāma caturviṃśo'dhyāyaḥ
---------------*****************---------------