Aniruddha Samhita · Chapter 2

atha dvitīyo'dhyāyāḥ
bhṛguḥ--
pañcarātraṃ samādāya dīkṣā tenaiva mārgataḥ/
aniruddhapraśastena pañcarātreṇa mīyate

ṛṣayaḥ---
pañcarātramidaṃ kīdṛk tadvadasva mahāmune/
bhṛguḥ--
pañcarātraṃ mahājñānaṃ nārāyaṇasamīritam

pañcarātrātparaṃ śāstraṃ na bhūtaṃ na bhabiṣyati/
brāhmaṇaḥ sarvavarṇeṣu yatiścāśramiṣūttamaḥ

yadvadgaṅgā ca tīrtheṣu devateṣvapi cācyutaḥ/
aśvatthaḥ sarvavṛkṣeṣu nakṣatreṣu ca candramāḥ

ādityānāṃ yathā viṣṇū rudrāṇāṃ śaṃkaro yathā
vedānāṃ sāmavedastu narāṇāṃ ca narādhipaḥ

śāstreṣvapi ca sarveṣu pañcarātraṃ tathā bhavet/
yathā hi sarvadevānāṃ variṣṭho viṣṇuravyayaḥ

tathā sarveṣu śāstreṣu pañcarātraṃ variṣṭhakam/
śrutimūlamidaṃ tantraṃ pramāṇaṃ kalpasūtravat

pañcarātraṃ viśeṣeṇa viṣṇunā bhāṣitaṃ yathā/
ataḥ pramāṇaṃ loke'smin dharmaśāstreṣu sarvaśaḥ

dharmaśāstreṣu sarveṣu āgameṣu viśeṣataḥ/
purāṇeṣvapi sarveṣu pañcarātraṃ pramāṇakaṃ

pañcarātrasya kṛtsnasya vaktā nārāyaṇaḥ svayam/
śrotāro mūrtibhedāśca ṛṣayaśca pitāmahāḥ

vaiṣṇavaṃ śāsanaṃ śubhramacchindraṃ pāpanāśanam/
hitārthaṃ sarvabhūtānāmādidevena coditam

catuṃṣpādasamāyuktaṃ caturvargaphalapradam/
pañcamaṃ vedamākhyātaṃ pañcārātraṃ tu pāvanam

puṇyānāṃ hi mahatpuṇyaṃ pāvanānāṃ hi pāvanam/
purāṇānāṃ purāṇaṃ hi dharmāṇāmapi dharmakam

bhagavadbhaktajaiścaiva bhagavacchāstramucyate/
purāṇapuruṣeṇoktaṃ purāṇaṃ pañcarātrakam

purāṇaṃ vaiṣṇavaṃ proktaṃ pañcarātraṃ ca pāvanam/
nārāyaṇamukhodbhūtaṃ brāhmaṇenaiva sevitam

brāhmaṇaṃ pañcarātraṃ ca vedaṃ viṣṇumukhodgatam/
pañcarātravidaṃ vipraṃ devavatpratibhāvayet

praṇameddaṇ‍ḍavadbhūmau ddaṣṭamātraṃ tu vaiṣṇavam/
anādṛtya tu saṃmohāddūrayātrā bhavedyadi

narakāya bhavantyete nātra kāryā vicāraṇā/
pañcarātramidaṃ vipra nārāyaṇamukhodgatam

nindedyadi tu saṃmohānnarakāya bhavet‌dhruvam/
paप़ñcarātravido dānaṃ koṭigodānajaṃ phalam

kanyādānaśatācchreṣṭhaṃ svarṇaniṣkaśatādapi/
iti śrīpāñcarātre mahopaniṣadi aniruddhasaṃhitāyāṃ
śāstrapraśaṃsā nāma dvitīyo'dhyāyaḥ
-----------***********-------------