Aniruddha Samhita · Chapter 15

atha pañcadaśo'dhyāyaḥ
śrībhagavān--
śayanaṃ saṃpravakṣyāmi sthāpanaṃ tadanantaram/
kalpayenmaṇḍapaṃ pūrvaṃ dhvajatoraṇakumbhakaiḥ

vitānaiḥ pūrvoktakumbhai ściraṃ bhāgai rmanoramaiḥ/
phalai rnānāvidhaiścaiva puṣpamālyaiśca śobhitam

darbhamālyaiḥ parikṣiptaṃ muktādāmairalaṃkṛtam/
tasminmaṇḍapamadhye tu vediṃ kuryādadvicakṣaṇaḥ

vedikātālabhūmau tu śayanaṃ parikalpayet/
pañcabhārapramāṇena vrīhiṇā paripūrayet

tadardhaṃ taṇḍulañcaiva tadardhaṃ tilameva ca/
prativastraṃ tathāstīrya tadūrdhve kambalaṃ nyaset

tadūrdhve tūlikāṃ nyasya vyāghracarma tathopari/
citravastraṃ tadūrdhve tu pracchādanapaṭaṃ tathā

mṛdvāstaraṇasaṃyukta mupadhānatrayānvitam/
evaṃ śayanakaṃ kṛtvā śāstradṛṣṭena vartmanā

tasya dakṣiṇāpārśve tu maṇḍalaṃ parikalpayet/
cakrābjaṃ bahupadmaṃ vā iṣṭasiddhimathāpi vā

śayanasyottare pārśve kumbhavediṃ prakalpayet/
kumbhantu pūrvavatkṛtvā kuṇḍāṣṭau saṃprakalpayet

śaṅkhaṃ cakraṃ gadāṃ caiva padmavediṃ catuṣṭaye/
aśraṃkoṇaṃ ṣaḍaśraṃ vā pañcāśraṃ vidiśaḥ kramāt

mūlaberapratiṣṭhāyāmeṣa eva vidhirbhavet/
nārasiṃhapratiṣṭhāyāṃ vārāhasya viśeṣataḥ

aṣṭabahnau vinā vipra anyathā doṣakṛdbhavet/
caturdikṣu viśeṣeṇa vedān saṃsthāpayenmukham

ṛgvedaṃ pūrvadigbhāge yajurvedaṃ tu dakṣiṇe/
paścime sāmavedantu atharvañcottare tathā

evaṃ guruvidhānena puṇyāhaṃ vācayedbudhaḥ/
śayanantu samabhyarcya śayane sanniveśayet

dvārādi yajanaṃ kuryāt kumbhe saṃpūjayeddharim/
maṇḍale vāsudevantu bimbe tanmūrtimarcayet

śayane śāyayeddevaṃ kṣaumairācchādayetparam/
homakarma tataḥ kuryāt pratyekamṛtvijairbhavet

dvyamevahyalaṃkuryāt caturbhirvāpi kārayet/
ṛtvijānāmapyabhāve tu ācāryādyupakārayet

aṣṭottaraśataṃ homaṃ tadardhaṃ madhyamaṃ bhavet/
aśvatthoduṃbaraścaiva nyagrodhaḥ plakṣa eva ca

palāśaḥ khadiraścaiva śamyapāmārga eva ca/
eteṣāmapyalābhe yu pālāśasamidhaṃ huvet

samidājyena caruṇā tilairājyaiśca homayet/
homānte tu viśeṣeṇa caturannaṃ nivedayet

pāyasaṃ caiva mudgānnaṃ kṛsaraṃ guḻameva ca/
śuddhānnañcaiva māṣānnaṃ haridrānnaṃ tathaiva ca

śimbānnañca viśeṣeṇa homaṃ syādaṣṭakuṇḍake/
nyāsahomaṃ tataḥ kṛtvā saṃhṛtinyāsamācaret

śoṣaṇāditrayaṃ kṛtvā sṛṣṭinyāsaṃ samācaret/
pañcopaniṣadai rmantraiḥ sṛṣṭisaṃhārakaṃ caret

mantranyāsaṃ tataḥ kṛtvā tattvanyāsaṃ samācaret/
tantranyāsaṃ tataḥ kṛtvā homaṃ kuryātpṛthak pṛthak

prāṇapratiṣṭhāṃ ca tatrai vācareddeśikottamaḥ/
punassaṃpūjayeddevaṃ baliṃ dadyātsamantataḥ

devālayaṃ samāsādya mārgatrayamathācaret/
sthāpanaṃ purvavatkṛtvā pratiṣṭhāṃ samyagācaret

anupūjāṃ tataḥ kṛtvā vāstuhomaṃ samācaret/
diśāṃ homaṃ tataḥ kuryāt tattaddiṅmūrtimantrataḥ

samidājyena caruṇā pratyekaṃ ṣoḍasāhutīḥ/
mahākumbhastha toyena prokṣayecchikharopari

ratnādinyasanaṃ kuryāt muktānyāsaṃ samācaret/
pīṭhanyāsaṃ tataḥ kṛtvā bahubere tu deśikaḥ

ekabere viśeṣeṇa brahmasthāne tu vinyaset/
vastreṇācchādayetpaścāt bahudīpasamanvitam

gandhalepaṃ tataḥ kṛtvā prāsādasya samantataḥ/
vāssudevān pratiṣṭhāpya parivārānanukramāt

tataḥ prabhāte vimale snānakarma samācaret/
yathā saṃpūjanaṃ kuryāt sthāpanaṃ kautukaṃ caret

muhūrte śobhane prāpte sthāpanaṃ samyagācaret/
lambasūtrantu saṃśodhya mārgatrayamathācaret

sthāpanaṃ pūrvavatkṛtvā pratiṣṭhāṃ samyagācaret/
anupūjāṃ tataḥ kṛtvā vāstupūjāṃ samācaret

diśo homaṃ tataḥ kuryāt nyāsamevaṃ samācaret/
pīṭhanyāsaṃ tataḥ kṛtvā bahubere tu deśikaḥ

ekabere biśeṣeṇa brahmasthāne tu binyaset/
vastrairācchādayetpaścāt bahudīpasamanvitam

devān tu pratiṣṭhāpya antaḥ parivāragaṇānkramāt/
tataḥ prabhāte vimale snānakarma samācaret

yathā saṃpūjanaṃ kuryāt sthāpanaṃ kautukañcaret/
muhūrte śobhane prāpte sthāpanaṃ samyagācaret

lambasūtraṃ tataḥ kṛtvā aṣṭabandhanamācaret/
punaḥ śuddhiṃ tataḥ kṛtvā pūjayitvā yathāvidhi

bālabimbagatāṃ śaktiṃ mūrtibimbe samarpayet/
tatsthānaṃ śodhayitvā tu karmārcādīnnyasedbudhaḥ

mūlaberasya purataḥ utsavaṃ sanniveśayet/
tatpūrve karmaberaṃ tu baliṃ dīpañca dakṣiṇe

tasya dakṣiṇapārśve tu snapanaṃ sanniveśayet/
utsavasya ca vāme tu tīrthaṃ śayanameva ca

evaṃ kṛtvā vidhānena kavāṭaṃ cāpi bandhayet/
trirātraṃ bandhayitvaivaṃ bahuberena bandhayet

caturthe'hani saṃprāpte catuḥ sthānārcanaṃ caret/
ācāryaṃ pūjayetpaścāt ratnahemāṅgulīyakaiḥ

gobhūhiraṇyavastrādyaiḥ knaydānairviśeṣataḥ/
tataḥ prabhṛti viprendra nityapūjāṃ samācaret

utsavaṃ kārayedeva mante pūjāṃ samācaret//
iti śrīpañcārātraṃ mahopaniṣadi aniruddhasaṃhitāyāṃ
pratiṣṭhāvidhānaṃ nāma pañcadaśo'dhyāyaḥ/
------------*************------------