Agni Purana · Chapter 80

:e ity ādimahāpurāṇe āgneye pavitrārohaṇaṃ nāma ekonāśītitamo
'dhyāyaḥ ||
% Chapter {80}
:ś atha aśītitamo 'dhyāyaḥ
damanakārohaṇavidhiḥ
īśvara uvāca
vakṣye damanakārohavidhiṃ pūrvavadācaret /AP_80.001ab/
harakopāt purā jāto bhairavo damitāḥ surāḥ

:p 242
tenātha śapto viṭapo bhaveti tripurāriṇā /AP_80.002ab/
prasanneneritaṃ cedaṃ pūjayiṣyanti ye narāḥ

paripūrṇaphalaṃ teṣāṃ nānyathā te bhaviṣyati /AP_80.003ab/
saptamyāṃ vā trayodaśyāṃ damanaṃ saṃhitātmabhiḥ

sampūjya bodhayedvṛkṣaṃ bhavavākyena mantravit /AP_80.004ab/
haraprasādasaṃbhūta tvamatra sannidhībhava

śivakāryaṃ samuddiśya netavyo 'si śivājñayā /AP_80.005ab/
gṛhe 'pyāmantraṇaṃ kuryāt sāyāhne cādhivāsanaṃ

yathāvidhi samabhyarcya sūryaśaṅkarapāvakān /AP_80.006ab/
devasya paścime mūlaṃ dadyāttasya mṛdā yutaṃ

vāmena śirasā vātha nālaṃ dhātrīṃ tathottare /AP_80.007ab/
dakṣiṇe bhagnapatrañca prācyāṃ puṣpañca dhāraṇaṃ

puṭikāsthaṃ phalaṃ mūlamathaiśānyāṃ yajecchivaṃ /AP_80.008ab/
pañcāṅgamañjalau kṛtvā āmantrya śirasi nyaset

āmantrito 'si deveśa prātaḥkāle(1) mayā prabho /AP_80.009ab/
kartavyastapaso lābhaḥ pūrṇaṃ sarvaṃ tavājñayā

mūlena śeṣaṃ pātrasthaṃ pidhāyātha pavitrakaṃ /AP_80.010ab/
prātaḥ snātvā jagannāthaṃ gandhapuṣpādibhiryajet(2)

nityaṃ naimittikaṃ kṛtvā damanaiḥ pūjayettataḥ /AP_80.011ab/
śeṣamañjalimādāya ātmavidyāśivātmabhiḥ

mūlādyair īśvarāntaiś ca caturthāñjalinā tataḥ /AP_80.012ab/
oṃ hauṃ makheśvarāya makhaṃ pūraya śūlapāṇaye namaḥ
:n
1 deveśa pūjākāle iti ga, cihnitapustakapāṭhaḥ
2 gandhapuṣpādinārcayediti kha, cihnitapustakapāṭhaḥ
:p 243
śivaṃ vahniṃ ca sampūjya guruṃ prārcyātha bodhayet

bhagavannatiriktaṃ vā hīnaṃ vā yanmayā kṛtaṃ /AP_80.013ab/
sarvaṃ tadastu sampūrṇaṃ yacca dāmanakaṃ mama /AP_80.013cd/
sakalaṃ caitramāsotthaṃ phalaṃ prāpya divaṃ vrajet