Agni Purana · Chapter 77

:e ity ādimahāpurāṇe āgneye caṇḍapūjākathanaṃ nāma
ṣaṭsaptatitamo 'dhyāyaḥ ||
% Chapter {77}
:ś atha saptasaptatitamo 'dhyāyaḥ
kapilādipūjāvidhanaṃ
īśvara uvāca
kapilāpūjanaṃ vakṣye ebhirmantrair yajecca gāṃ /AP_77.001ab/
oṃ kapile nande namaḥ oṃ kapile bhadrike namaḥ

oṃ kapile suśīle namaḥ kapile surabhiprabhe /AP_77.002ab/
oṃ kapile sumanase namaḥ oṃ bhuktimuktiprade namaḥ

saurabheyi jaganmātardevānāmamṛtaprade /AP_77.003ab/
gṛhāṇa varade grāsamīpsitārthañca dehi me

:p 228
vanditāsi vasiṣṭhena viśvāmitreṇa dhīmatā /AP_77.004ab/
kapile hara me pāpaṃ yanmayā duṣkṛtaṃ kṛtaṃ

gāvo mamāgrato nityaṃ gāvaḥ pṛṣṭhata eva ca /AP_77.005ab/
gāvo me hṛdaye cāpi gavāṃ madhye vasāmyahaṃ

dattaṃ gṛhṇantu(1) me grāsaṃ japtvā syāṃ nirmalaḥ śivaḥ /AP_77.006ab/
prārcya vidyāpustakāni gurupādau namennaraḥ

yajet snātvā tu madhyāhne aṣṭapuṣpikayā śivaṃ /AP_77.007ab/
pīṭhamūrtiśivāṅgānāṃ pūjā syādaṣṭapuṣpikā

madhyāhne bhojanāgāre sulipte pākamānayet /AP_77.008ab/
tato mṛtyuñjayenaiva vauṣaḍantena saptadhā

japtaiḥ sadarbhaśaṅkhasthaiḥ siñcettaṃ vārivindubhiḥ /AP_77.009ab/
sarvapākāgramuddhṛtya śivāya vinivedayet

athārdhaṃ(2) cullikāhome vidhānāyopakalpayet(3) /AP_77.010ab/
viśodhya vidhinā cullīṃ tadvahniṃ pūrakāhutiṃ

hutvā nābhyagninā caikaṃ tato recakavāyunā /AP_77.011ab/
vahnivījaṃ samādāya kādisthānagatikramāt(4)

śivāgnistvamiti dhyātvā cullikāgnau niveśayet /AP_77.012ab/
oṃ hāṃ agnaye namo vai hāṃ somāya vai namaḥ

sūryāya vṛhaspataye prajānāṃ pataye namaḥ /AP_77.013ab/
sarvebhyaś caiva devebhyaḥ sarvaviśvebhya eva ca

:n
1 dattaṃ gṛhāṇeti ga, gha, cihnitapustakadvayapāṭhaḥ
2 anyārdhamiti kha, cihnitapustakapāṭhaḥ / antyārdhamiti ṅa,
cihnitapustakapāṭhaḥ
3 nidhānāyopakalpayediti ca, ṅa, cihnitapustakadvayapāṭhaḥ
4 hṛdi sthānamatikramediti ga, cihnitapustakapāṭhaḥ /
kādisthānamatikramāditi kha, cihnitapustakapāṭhaḥ
:p 229
hāmagnaye khiṣṭikṛte pūrvādāvarcayedimān /AP_77.014ab/
svāhāntāmāhutiṃ datvā kṣamayitvā visarjayet

cullyā dakṣiṇabāhau ca yajeddharmāya vai namaḥ /AP_77.015ab/
vāmabāhāvadharmāya kāñjikādikabhāṇḍake

rasaparivartamānāya varuṇāya jalāgnaye(1) /AP_77.016ab/
vighnarājo gṛhadvāre peṣaṇyāṃ subhage namaḥ

oṃ raudrike namo girike(2) namaś caolūkhale yajet /AP_77.017ab/
balapriyāyāyudhāya namaste muṣale yajet

sammārjanyāṃ devatokte kāmāya śayanīyake /AP_77.018ab/
madhyastambhe ca skandāya datvā vāstubaliṃ tataḥ

bhuñjīta pātre sauvarṇe padminyādidalādike /AP_77.019ab/
ācāryaḥ sādhakaḥputra samayī maunamāsthitaḥ

vaṭāśvatthārkavātāvisarjabhallātakāṃstyajet /AP_77.020ab/
apośānaṃ purādāya prāṇādyaiḥ praṇavānvitaiḥ

svāhāntenāhutīḥ pañca datvādīpyodarānalaṃ /AP_77.021ab/
nāgaḥ kūrmo 'tha kṛkaro devadatto dhanañjayaḥ

etebhya upavāyubhyaḥ svāhāpoṣānavāriṇā /AP_77.022ab/
bhaktādikaṃ nivedyāya piveccheṣodakaṃ naraḥ

amṛtopastaraṇamasi prāṇāhutīstato dadet /AP_77.023ab/
prāṇāya svāhāpānāya samānāya tatas tathā

udānāya ca vyānāya bhuktvā cullakamācaret /AP_77.024ab/
:n
1 jalāśaye iti ṅa, cihnitapustakapāṭhaḥ
2 oṃ raudrakoṭigirike iti kha, ga, gha, ṅa,
cihnitapustakacatuṣṭayapāṭhaḥ
:p 230
amṛtāpiścānamasīti śarīre 'nnādivāyavaḥ(1)